Ɛfɛso 2:12 - Mɨkan wu Fi

¹² á nɨ waʼtɨ ngə́ a bé a nkfu məwa lá, nɨ sé a Kristo zhyɛ. Nɨ sé tsi a mu akan za a tsínɨ́ nɨ ɨkaʼ tsa Ŋwi a káʼnɨ́ ɨbɛn ɨbyi ɨwu lá. Nɨ kə́ nchyɛ̌ atuəshe tɨ ntsiŋə nɨ ntəm tsum, nkeʼ a Ŋwi kɨ njiɛ.

Ɛfɛso 2:12 Iomraidhean Croise

Alukasɨ 1:72

Ɨ kɨ diʼ a mbó bɨgɨnə abɔŋəntəm za wɛrə a káʼnɨ́ bɨta ɨbɨgɨnə bə kɔ́ʼɔ́nguʼ, ɨ kɨ lɛn akan azhi zə fɛmnɨ ə.

Yoane 10:16

Ma kɨ ntsi nɨ mbyindzɨ tsɨ mɔʼɔ tsa mbáʼ ka tsɨ tsi awa a mu ndá mbyi ziŋ ə. Ma tsi nɨ ɨ kɨ zagɨ yen nɨ tsɛrə; tsɨ mɨ zuʼ nji ntsu ɨzan, tsɨ mɨ tiʼ be táʼ akarɨ ntsi nɨ táʼ ntsiŋ mɨnyam ə.

Yoane 15:5

“Ma nɨ atɨ a mɨntam ma bɨ nyɛtɨnɨ mɨluʼ ɨwu, nɨ be mbó ɨmyi ɛ. Ɨbɛn ba bɨ ghɔŋnɨ a mu ɨnye me, ma kɨ nghɔŋ a mu ɨnye bo, ghɨ kónɨ́ mɨntam á mɨ gháʼ ngɛn nɨ mbyi; mbɨ́ʼ ngə́ o chi koʼ anu zə tsɛrə ghɨ tɨ me ghe.

Yoane 4:22

Bɨŋ bə Samaria ka nɨ lanɨ nji awɨŋ a ŋwɔn wa nɨ ghúʼsɨ́nə́ ghe; lá bɨgɨ bə Yuda zhi a ŋwɔn wa bɨgɨ ghúʼsɨ́nə́ mbɨ́ʼ ngə́ ɨloŋ ɨ lǒ lá a mbó bə Yuda ghe.

Ɨfaʼ 2:39

Ŋwi a kaʼ nga Azhwi zə Fɛmnɨ azhi lá a mbó bən abɔʼnɨ ɨbɔ ɨbən nɨ ŋwɔn tsum wa aghagɨ azhi a sagɨnɨ tsɛʼ nkə, ŋwɔn tsum wa Maʼmbyí Ŋwi ɨwɨgɨnə a tɔ́ŋnə́ ngə́ á yen a mbó zɨə.”

Ɨfaʼ 28:20

Nə nɨ anu za ma lonə ndǒ ndze bən, á bɨgɨnə ghamnə. Tsɛʼ a nkənu, ma tsi a mɨnkɨ mɨ atɨŋə ɨ lánə́ lá, mbɨ́ʼ a ŋwɔn wa bə Izrai tsinɨ nɨ ntsiŋə nɨ ntəm tsum wə ɨnye ə.”

Ɨfaʼ 3:25

Ɨkaʼ tsa Ŋwi a káʼnɨ́ ntsa a ndzum ntóm Ŋwi tsi lá a mbó bɨŋ ə, nɨ kɨ ntsi a mu akan za bɨta ɨbən bə kɔ́ʼɔ́nguʼ kónɨ́ bo bɨ Ŋwi ə. Wɛrə a sóŋ a mbó Abraʼm ngə́, ‹Ntsa a ndzum ɨlə̌ ɨgho, ma mɨ fɔgɨ ɨbɛn bɨtsum atuəshe.›

Roma 9:8

A diʼ lá ngə́, ka a be ayi ɨbɔ bɨtsum ba Abraʼm a jwínɨ́ ba a nɨ ɨbɔ bɨ Ŋwi, lá a nɨ ɨbɔ ba Abraʼm a jwínɨ́ ntsa a ndzum akaʼ za Ŋwi a ghánɨ́ wəmbo mbáʼ nɨ ngótɨ́ ɨbɔ bɨ ɨlə̌ Abraʼm ə.

Galesha 4:8

A bé a mbyi lá nɨ keʼ a Ŋwi zhyɛ, ma lan, nɨ tíʼ mbé ɨbuʼ a mbó ɨdzúm tsɨ kaʼnɨ tsa tsɨ se bɨŋwi be.

Ɛfɛso 2:19

Ma lan, bɨŋ ɨbɛn ba nɨ se bə Yuda be, ka nɨ bə nkwiʼ mbvurɨ awən bɨngyen-yenɨ kə bɨghən; nɨ tiʼ nkɨ mbe ndəŋndəŋ bɨŋ bɨ ɨbɛn bɨ Ŋwi nkɨ ntiʼ mbe ɨbɛn bɨ ngwəgɨ Ŋwi ə.

Ɛfɛso 4:18

mɨntəm ɨma kɨ ntsi a mu ndzumnɨ lá. Ka bo kɨ ntsi awa a mu ntsi mbyi za Ŋwi a ghánə́ mbɨ́ʼ ngə́ bo tsi a mu tɨzhi be tɨ́sə́n nkə́ ntɨ́ŋə́ atú ə.

Kolose 1:21

A bé a nkfu tse, mbáʼ nɨ bvúrɨ́nɨ́ tɨ nɨŋ mɨntəm ɨmən a nye Kristo lá, aghagɨ azən a ságɨ́ tɨ́sə́n a nye Ŋwi, nɨ kɨ mbe ngaŋ kɨban ɨchi, mbɨ́ʼ mɨbvu ma nɨ kɨ́nə́ nkwaʼtə nkə́ ngɨə ghe.

Kolose 1:27

Akyaŋtɨ a Ŋwi a nɨ ngə́ á wɛrə a kyɛʼ anu a nkubə azhi a mbó ɨbɛn ɨbyi, anu a nkubə za a dɨrɨnɨ nkɨ ndon nɨ nɨfáŋ na wɛrə a lɛnɨ a mbó ɨbɛn bɨtsum lá. Anu a nkubə məzen a nɨ ngə́ Kristo a tsi a mu ɨnye bən, mbáʼ a diʼnɨ lá ngə́ nɨ ghɨ kɨ tsi nɨ nɨfáŋ nɨ Ŋwi ə.

Kolose 1:5

A nkfu za nkən wu nkənu wa, Nkən wu Shiʼnɨ wa bɨ fómnɨ́ sóŋ a mbó bən, nɨ zúʼ mbɨ́ʼ ntsiŋə nɨ ntəm tsum za ɨ ghánə́ ghe. Ma lan, abeməntəm azən abɔʼnɨ akɔŋnɨ azən a tɛm lá atú anu za nɨ tsenə nɨ mɨntəm ɨmən mɨtsum, mbáʼ Ŋwi a lɛnɨ ɨ shiʼnɨ a mbó bən a fɔməbvurə lá.

1 Tesalonaika 4:13

Ɨbɔmbɨma ɨbɨgɨ, bɨgɨ lǒ ngə́ á nɨ zhi nkənu za ɨ tsinɨ ɨwu mbɨ́ʼ ɨbɛn ba bɨ kfonə, taŋ á adzə́ŋnɨ a keʼ a mu mɨntəm ɨmən tsi, tso mbáʼ ɨbɛn ba bɨ se nɨ ntsiŋə nɨ ntəm tsum tse tsi a bɨ dzə́ŋnɨ́nə́ lá.

1 Tesalonaika 4:5

A ŋwɔn tse a keʼ mbɛ́bə́ a nɔŋə nɨ mangye tso mbáʼ Bɨtɨbeməŋwi, bo ba bɨ se a Ŋwi nɨ azúm zə tsɛrə a ntɔ́ŋə́ a bɨ ghɨnə lá.

2 Tesalonaika 2:16

A Maʼmbyí ɨwɨgɨnə, Yeso Kristo zɨmboŋ bo Ŋwingɔŋ Ta ɨwɨgɨnə, zɨ wa a kɔ́ŋnɨ́ awɨgɨnə nga awɨgɨnə nɨ nkotɨ mbáŋnɨ́ za ka ɨ nkyɛ́ntə́ ayi abɔʼnɨ ntsiŋə nɨ ntəm tsum za ka ɨ nchíʼnə́ ayi a mu abɔŋəntəm azhi,

1 Timotyo 1:1

Aŋwaʼnɨ zen a lo a mbó me Baolo ghe. Ma nɨ ntom Yeso zɨ Kristo Yeso za a tsagɨnɨ Ŋwi ndoŋ ɨwɨgɨnə bo Kristo Yeso, zɨ wa ntsiŋə nɨ ntəm ɨwɨgɨnə ɨtsum tsinɨ wə ɨnye ə.

Ɛbal 11:34

mbyɛtɨ ndwa ɨmugɨ, ndɛʼ bɨ keʼ awa nɨ lumban zhwitɨ, mbəŋ a nye bə bɔrɨkɨnɨ ntiʼ mbe ɨdzɔŋ, ntiʼ mbe ɨdzɔŋ a ntso nkɨ nghaʼ bɨgwe bɨ ɨtóm tsədaŋ bɨ kɨəkə.

Ɛbal 6:18

Ɨnu tsenə tsi bá tiʼ ntsi ɨwu tsa tsɨ chinɨ keʼ kwebtɨ, Ŋwi a chi keʼ kɨ chwe ɨnu mbɨ́ʼ a tsɛrə ghe. Ma lan, bɨgɨnə ba bɨ kɨənɨ ngɛn a shwúrɨ́ Ŋwi taŋ á wɛrə a kɨnkɨ awɨgɨnə lá, bɨ wɔŋtə awɨgɨnə be tɨ́sə́n ngə́ á bɨgɨnə chwa ntsiŋə nɨ ntəm tsum ngə́ za wɛrə a káʼnɨ́ lá a ghɨ fuə.

Ɛbal 8:6

Lá tɨtsɔŋnɨ, bɨ ghanə a mbó Yeso afaʼ a ntumshe za a tsinɨ nɨ ɨlɨŋ ntsa afaʼ a bɨntumshe zə lvuŋ za, tsɛʼ tso mbáʼ akan za wɛrə a kyáŋtɨ́nɨ́ a tɨtərɨ Ŋwi abɔʼnɨ ɨbɛn ɨbyi a bɔŋnɨ ngɛntɨ nɨ mbyi, mbɨ́ʼ ngə́ a tɛm atú akaʼ zə ɨdzúm tsa tsɨ bɔŋnɨ ngɛn nɨ mbyi lá.

1 Bita 1:21

A ntsǎ a ndzum wɛrə, nɨ tsi nɨ abeməntəm a nye Ŋwi, zɨ wa a zhwémnɨ́nɨ́ a wɛrə a mbó nɨvwo nkɨ nga nɨfáŋ wəmbo; ma lan, abeməntəm azən abɔʼnɨ ntsiŋə nɨ ntəm tsum ɨzɨŋ tiʼ ntsi lá a nye Ŋwi ə.

1 Bita 1:3

A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,

1 Bita 3:15

Lá á nɨ nkɔ́ʼsə́ a Kristo atɨ́ a mu mɨntəm ɨmən tso Maʼmbyí ntsi mbyi ɨtsɨŋ ə. A nɨ kyaŋtɨ ɨnye ɨtsən a nchwɨ́gɨ́ ŋwɔn tsum nkfu tsum mbáʼ be a soŋ ngə́ á nɨ fɨʼtɨ ntsiŋə nɨ ntəm tsum za ɨ tsinɨ a mu ɨnye ɨtsɨŋ ə,

1 Yoane 3:3

Ŋwɔn tsum ɨ mɔ́ʼɔ́ mɔ́ʼɔ́ wa a tsinɨ nɨ ntsiŋə nɨ ntəm tsum məzen a nye Kristo, a lěn atuəmbəm azhi a lán, tso mbáʼ Kristo a kɨnɨ nkɨ ndán lá.