Ɛfɛso 2:11 - Mɨkan wu Fi

¹¹ A nɨ waʼtɨ ngə́ a nkfu tse, bən wa nɨ nɨ ɨbɛn ba a se bə Yuda be a mbəmnye, ba bə Yuda tɔ́ŋnə́ ngə́ bɨtɨtsəŋ alagɨ, ntɔŋ ɨtumbəm ɨtsa ngə́ ba bɨ tsəŋnɨ ɨlagɨ ɨtsa; anu zə tse za bɨ ghɨnə a nye mbəmnye nɨ mbó —

Ɛfɛso 2:11 Iomraidhean Croise

Matyo 20:7

Bo sóŋ a mbó zɨ ngə́, ‹Mbɨ́ʼ ngə́ ka ŋwɔn tsɛrə a lɔgɨ ayi awɨgɨ afaʼ ə.› Mboŋ njwuʼ wa a tíʼ sóŋ a mbó bo ngə́, ‹Nɨ kɨ ngɛn ɨ faʼ a mu ako atɨ a mɨntam mɨ nyɛtɨ mɨluʼ za.›

Roma 11:17

Bɨ chwántɨ́ mbó mɨ atɨ a olif za bɨ binɨ mə mɔʼɔ, ntiʼ nchwuʼsɨ abó atɨ a olif wu ɨmu mɨbaʼ ɨwu ə. Bɨŋ ba a se bə Yuda be fi abó atɨ a olif zə ɨmu mɨbaʼ za, tɨtsɔŋnɨ nɨ tiʼə nchyɛ̌ nɨ nkyi a nye mɨngaŋ mɨ atɨ a olif za bɨ bínɨ́ lá.

Roma 2:26

Be wa a se ŋwɔn bə Yuda be, zɨ wa bɨ se alagɨ azhi tsəŋ a ndě ɨnu tsa Nyɔngɔŋ a diʼnə, Ŋwi a mɨ keʼ ayi lɔgɨ tso ŋwɔn wa bɨ tsəŋnɨ alagɨ azhi le?

Roma 2:27

Ma lan, ba a se bə Yuda be lo sáʼ awɨŋ bə Yuda mbɨ́ʼ ngə́ ka nɨ ndě awɨŋ a Nyɔngɔŋ, lá mbáʼ bɨ ŋwaʼnɨnɨ a wɛrə nga a mbó bən nkɨ ntsəŋ ɨlagɨ ɨtsən; lá bo baŋnə ndě a Nyɔngɔŋ mbáʼ bɨ baŋnɨnɨ nkeʼ ɨlagɨ ɨtsa tsəŋə.

1 Korɨnto 12:2

Nɨ zhi ngə́ a nkfu za nɨ bvúrɨ́nɨ́ mbé bɨtɨbeməŋwi lá, bɨ tíntɨ́ awən a nye mɨndóm mə ghaʼnɨ ntsagɨ a mu ɨfənu a ngúʼsɨ́ ɨbɔ bɨ abe, ɨdzúm tsa ka tsɨ ngamə awa ghe.

1 Korɨnto 6:11

Nə nɨ adzaŋ za bən bə mɔʼɔ benə. Lá bɨ súgɨ́ awən a mbó ɨbvu, ntiʼ ndɛn awən a mbó Ŋwi, ngɨ Ŋwi a bemtɨ ngə́ nɨ chinɨ a ɨshi ɨmɨgɨ zɨ nɨ ɨkum Maʼmbyí Yeso Kristo abɔʼnɨ Azhwi a Ŋwi ɨwɨgɨnə ghe.

Galesha 2:15

Tsɛʼ a nkənu, bɨgɨnə nɨ bə Yuda adzaŋ za bɨ jwínɨ́ awɨgɨnə, nkeʼ “Ba a se bə Yuda be bə mɨbvu” be, adzaŋ za bɨ tɔ́ŋnə́ awa lá.

Galesha 6:12

Ɨbɛn ba bɨ zhwə́ŋtɨ́nə́ a nyəm bən ngə́ á bɨ tsəŋ ɨlagɨ ɨtsɨŋ lá ɨbɛn ba bɨ lɔnɨ ŋuʼ ɨnye ɨ kɨ tɛrɨ mbɨ́ʼ ɨnu abyɛn abyɛn ə. Lá bo ghɨə mə lan lá tsɛʼ taŋ á bɨ chi keʼ awa dɨgɨ mbɨ́ʼ ngə́ bo sǒŋ nkən wu shiʼnɨ mbɨ́ʼ nɨvwo nɨ Kristo atɨ abaŋnɨ-baŋnɨ ə.

Ɛfɛso 2:2

ma nɨ tsínɨ́ wə mu, ndzɔ̌ŋ ɨtɔmnɨ ɨnu tsɨ atuəshe wen, ndzɔ̌ŋ a zɨ wa a sáʼnɨ́ ɨzhwi ɨtsum a mu ɨfɛgɨ; azhwi za, tɨtsɔŋnɨ a tíʼnə́ ntsɨ́ŋnɨ́ ɨbɛn ba bɨ tənə atú a mbó Ŋwi lá.

Ɛfɛso 5:8

Tsɛʼ bɨŋ mboŋ, a bé a nkfu tse lá nɨ tsi a ndzumnɨ ə, lá tɨtsɔŋnɨ mbáʼ nɨ tiʼnɨ mbe ɨbɛn bɨ Maʼmbyí lá, nɨ tiʼ ntsi a mu nkaʼ ə. Ma lan, nɨ tsi nɨ ɨ tiʼə chyɛnə tso ɨbɛn ba bɨ tsinɨ a mu nkaʼ,

Filibi 3:3

A nɨ bɨgɨnə, nkeʼ bo be ba bɨ kwarɨnə ngótɨ́ ntsəŋ alagɨ, mbɨ́ʼ ngə́ bɨgɨnə ghúʼsə́ a Ŋwi ntsǎ lá a ndzum Azhwi azhi nkə́ ndórɨ́kə́ a mu ntsi mbyi ɨzɨgɨnə a mbúm bɨgɨnə bɨ Kristo Yeso ghe. Ka bɨgɨnə nɨŋ awɨgɨnə mɨntəm ɨmɨgɨnə a nye ɨnu tsa bɨgɨnə ghɨnə a nye mbəmnye ɨtsɨgɨnə ghe.

Kolose 1:21

A bé a nkfu tse, mbáʼ nɨ bvúrɨ́nɨ́ tɨ nɨŋ mɨntəm ɨmən a nye Kristo lá, aghagɨ azən a ságɨ́ tɨ́sə́n a nye Ŋwi, nɨ kɨ mbe ngaŋ kɨban ɨchi, mbɨ́ʼ mɨbvu ma nɨ kɨ́nə́ nkwaʼtə nkə́ ngɨə ghe.

Kolose 2:11

A mbúm bɨŋ bɨ Kristo, bɨ tsə́ŋ ɨlagɨ ɨtsən, nkeʼ ntsəŋ alagɨ za a tsəŋnə ŋwɔn mɨsɔŋ a ntsu be, lá mbe be ntsəŋ alagɨ za a tsəŋnə Kristo mbáʼ lá nkyɛtɨ mɨnkɨ mɨ abuʼ ma mbəmnye zɨ ɨbvu zen ɨ korɨnɨ awən ɨwu ə.

Kolose 2:13

A nkfu tse nɨ bé tso nɨ kfókɨ́ mbɨ́ʼ mɨbvu ɨmən nkɨ mbe mbɨ́ʼ ngə́ nɨ bé ba a se bə Yuda be nkeʼ nɨ Nyɔngɔŋ wa chyɛ. Lá Ŋwi a lɔgɨnə awən ngyen nɨ bən a mu ntsi mbyi bɨŋ bɨ Kristo ghe. Ŋwi a lɨ́gɨ́nɨ́ mɨbvu ɨmɨgɨnə mɨtsum;

Kolose 3:11

Adzaŋ məwen, ka líʼ a be ayi ɨwu a tɨtərɨ ba a se bə Yuda be abɔʼnɨ bə Yuda, a tɨtərɨ ba bɨ tsəŋnɨ ɨlagɨ ɨtsa abɔʼnɨ ba bɨ se ɨlagɨ ɨtsa tsəŋ, bɨngyen-yenɨ, ɨbɛn ba bɨ finɨ ɨnyam mɨbaʼ, ɨbuʼ abɔʼnɨ ɨbɛn ba ka bo be awa ɨbuʼ, lá ka wu tse ŋwɔn a tsi ayi ɨwu wa a dɨtɨnɨ ntsatɨ a Kristo, Kristo a tsi a mu ɨnye ŋwɔn tsum ə.