Ɛfɛso 2:10 - Mɨkan wu Fi

¹⁰ Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Ɛfɛso 2:10 Iomraidhean Croise

Matyo 5:16

Ndəŋndəŋ, nkaʼ ɨgho tsi nɨ ɨ zagɨ baŋ a ɨshi ɨbɛn, taŋ á bɨ ndzě ɨfaʼ ɨtso tsə shiʼnɨ, ntíʼə mbóntə́ a Ta ɨgho wa a tsinɨ a fɔməbvurə ghe.”

Yoane 3:21

Lá ɨbɛn ba bɨ ghɨnɨ ɨnu nkənu yiŋə a mu nkaʼ, taŋ á nkaʼ diʼ ngə́ za bo ghɨ́nɨ́ lá, bo ghɨ́ a zɛrə a ndzúʼnɨ́ Ŋwi ə.

Ɨfaʼ 9:31

Ma lan, ndáŋwi a mu Yudiya, Galili abɔʼnɨ Samaria tsum tíʼ ntsí nɨ mbɔnɨ ə. A ntsǎ a ndzum akwatɨ Azhwi zə Fɛmnɨ, bo tíʼə nchyɛ̌ a mu aghuʼsɨ a mbó Maʼmbyí, adzaŋ məwen, ndáŋwi ɨ tɛm ntən nkə́ nkwiə a nye ndvuŋ ɨyi ɛ.

Ɨfaʼ 9:36

A Joba, mangye tse a tsí ɨwu ɨkum ɨyi be Tabɨta, wa a nɨ́ŋnɨ́ ntəm ɨyi a nye Ŋwi ə. (Ɨkum ɨyi a nye nɨgham nɨ bə Grikɨ nɨ Dɔkasɨ, ndiʼ lá ngə́, “chwi ə”.) Wɛrə a kə́ ngɨ̌ ɨbɔŋ nkə́ nkwátɨ́ ɨfúm a nye nkfu ɨzhi tsum ə.

Roma 8:1

Tɨtsɔŋnɨ, ka ngvo ɨsáʼ tse ɨ be ayi ɨwu a mbó ŋwɔn wa a tsínə́ a mbúm bo Kristo Yeso ghe.

Roma 8:29

Ɨbɛn ba Ŋwi a kwɛ́nə ntsɔʼ lá, wɛrə a kɨ́ ntíntɨ́ awa ntɛgɨ táʼ bagɨ ngə́ á bo be tso Mɔn ɨyi, taŋ á Mɔn ɨyi məwen a tiʼ ntsi a mbó bo tso asándóm a mu ngwəgɨ zɨ ngwi ə.

1 Korɨnto 3:9

Mbɨ́ʼ ngə́ bɨgɨ bɨtsum nɨ ngaŋ afaʼ tsa tsɨ faʼnə a mbúm a mbó Ŋwi, nɨ be ɨshwom Ŋwi ə. Nɨ kɨ mbe ndá za Ŋwi a korɨnə.

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

2 Korɨnto 5:5

Zɨ wa a kyaŋtɨnɨ awɨgɨnə a mbó anu məzen a nɨ Ŋwi, zɨ wa a ghanɨ Azhwi zə Fɛmnɨ a mbó bɨgɨnə tso mɨntɨ ma wɛrə a bɛʼnɨ mbɨ́ʼ a za a ghɨnɨ yiŋə.

2 Korɨnto 9:8

Ŋwi a chi gha a mbó bən á ghɛn nɨ mbyi ntsa a za a kuʼnɨnɨ a mbó bən, taŋ á nɨ nchyɛ̌ nɨ atsum za a kuʼnɨnɨ a mbó ɨtumbəm ɨtsən nkfu tsum, ɨ kɨ gha á ghaʼ ntsa adzaŋ za a kuʼnɨnɨ a mbó bən a faʼ afaʼ zə shiʼnɨ atsum ə.

Galesha 6:15

Ka líʼ a tsi ayi ɨwu ngə́ ŋwɔn a tsəŋ alagɨ azhi kə nkeʼ tsəŋə; líʼ wa a tsinɨ ɨwu a nɨ ngə́ á ŋwɔn a be azúm zə kaʼnɨ zə fi ə.

Ɛfɛso 1:1

Aŋwaʼnɨ zen a lo a mbó me, Baolo wa ma benɨ ntom Yeso zɨ Kristo Yeso adzaŋ za Ŋwi a lɔnə ghe. Ma ŋwaʼnə a zɛrə a mbó bɨŋ ɨbɛn bɨ Ŋwi a Ɛfɛso ba bɨ faʼnɨ ɨfaʼ ɨwa a mbó Kristo Yeso nɨ táʼ ntəm lá.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Ɛfɛso 2:13

Lá tɨtsɔŋnɨ, mbɨ́ʼ ngə́ bɨgɨnə tsi a mbúm bɨgɨnə bɨ Kristo Yeso, bən wa aghagɨ azən a ságɨ́nɨ́ a Ŋwi lá, nɨ zhinə ayi mbɨ́ʼ alɛm a Yeso za bɨ chwirɨnɨ atɨ abaŋnɨ-baŋnɨ ə.

Ɛfɛso 2:15

Wɛrə a fɨ́gɨ́ a nyɔngɔŋ Mosě abɔʼnɨ ntɨgə nɨ mbɔm, taŋ ɨ ghɨ a táʼ ngwəgɨ ŋwɔn mɨsɔŋ a ntsu á tsi a mbúm bo zɨ a nye ngwəgɨ mətsen tsi bá, adzaŋ məwen ɨ ghɨ á mbɔnɨ tiʼ nchyɛ.

Ɛfɛso 2:2

ma nɨ tsínɨ́ wə mu, ndzɔ̌ŋ ɨtɔmnɨ ɨnu tsɨ atuəshe wen, ndzɔ̌ŋ a zɨ wa a sáʼnɨ́ ɨzhwi ɨtsum a mu ɨfɛgɨ; azhwi za, tɨtsɔŋnɨ a tíʼnə́ ntsɨ́ŋnɨ́ ɨbɛn ba bɨ tənə atú a mbó Ŋwi lá.

Ɛfɛso 2:6

Wɛrə a zhwémnɨ́ awɨgɨnə, bɨgɨnə bɨ Kristo Yeso, ntiʼ ngɨ bɨgɨnə bo tsi a fɔməbvurə ghe.

Ɛfɛso 4:1

Me wa ma nɨ ngaŋ atsáŋ mbɨ́ʼ ngə́ ma faʼə a mbó Maʼmbyí, ma tiʼə mbúʼtɨ́ mbó a mbó bən ngə́ á ntsi mbyi ɨzɨŋ tsi a nye ɨfɨʼ za ɨ diʼnɨ ngə́ nɨ lá ɨbɛn ba Ŋwi a tsɔʼnə.

Ɛfɛso 4:24

ɨ kɨ be ɨbɛn bə fi ba bɨ káʼnɨ́ awa a nye ɨfi Ŋwi ə. Ɨbɛn bə fi məben, bɨ zě awa lá a nye ntsi mbyi ɨza za ɨ tɛmnɨnɨ nkɨ fɛmə.

Filibi 1:6

Ma lan, ma zhi ɨ shiʼnɨ ngə́ Ŋwi, zɨ wa a bíʼnɨ́nɨ́ afaʼ zə shiʼnɨ zen a mu ɨnye bən, a mɨ ghěn nɨ mbyi nɨ zɛrə ɨ kɔʼ kuʼ mbáʼ a mɨ lwitɨ a Njwi za Kristo Yeso lo bə yiŋə.

Filibi 2:13

Mbɨ́ʼ ngə́ Ŋwi a faʼə nkfu tsum a nye bən a ngɨə ngə́ á nɨ ndǒ nkɨ chi zuʼnɨ ayi, ɨ kə́ zɔŋnə mɨndóm ɨmyi mə shiʼnɨ ə.

Kolose 1:10

Nɨ mɨ chi tiʼə tsinə adzaŋ za Maʼmbyí a lɔnə ɨ kə́ gháʼə ghɨnɨ ɨnu tsa tsɨ ghɨnə ɨnye wɛrə bɔŋənə ghe. Ntsi mbyi ɨtsɨŋ mɨ fɨgɨ ɨbə́ŋ ngɨnɨ mɨnu mə shiʼnɨ mɨtsum ə. Nɨ mɨ kɨ kwi a mu azhyɛ a Ŋwi azɨŋ ə.

Kolose 3:10

ntiʼ ngwəgɨ mbəmnye zɨ fi za. Nə nɨ mbəmnye zɨ fi za Ŋwi, zɨ wa a káʼnɨ́ a zɛrə, a kwébtɨ́nɨ́ nkfu tsum á ɨ tiʼ zɨ fi a nye afi azhi, taŋ ɨ ghɨ á nɨ tsi nɨ azhyɛ mbɨ́ʼ ayi a nɨ́lónɨ́ ə.

2 Tesalonaika 2:17

á bo wɔŋtɨ nkɨ shintɨ awən a ngɨə ɨ kɨ soŋ a za a bɔŋnɨ nkfu tsum ə.

1 Timotyo 2:10

lá á ngɨnɨ mɨnu ɨma bɔŋ, tsɛʼ adzaŋ za a kuʼnɨnɨ a mbó bəngye ba bo sóŋnə́ ngə́ bo zhi anu a Ŋwi lá.

1 Timotyo 5:10

bɨ kɨ nji ayi ngə́ a ghɨ̌ ɨnu tsɨ shiʼnɨ tso: mangye wa a kúgɨ́nɨ́ ɨbɔ ɨbyi ɨ shiʼnɨ, nkwárə́ bɨghən a ndá zɨ, ngɨ̌ ɨnu a mbó ɨbɛn ba bo bo zɔŋnə a Kristo tsa tsɨ díʼnɨ́ ngə́ a shíʼtɨ́ nɨ ɨnye ɨzhi a ɨshe, nkwatɨ ɨbɛn ba bɨ tsínɨ́ a ngɨ́ʼ nkɨ ntɛgɨ atú azhi a ngɨ ɨbɔŋ ə.

1 Timotyo 5:25

Ndəŋndəŋ ngɨnɨ mɨnu mə shiʼnɨ bɨ zě asaŋəsaŋ, tsɛʼ ma bɨ se asaŋəsaŋ a ngɨə lá, mɨ chi keʼ lyɛmtə.

1 Timotyo 6:18

Soŋ a mbó bo ngə́ á bo ngɨ̌ ɨbɔŋ, ngɨ̌ ɨnu tsɨ shiʼnɨ tsɛʼ a nkan, ngǎ abó, nkɨ ntsi nɨ ntəm ngyɛbtɨ ɨdzúm ɨtsa bo bɨ ɨbɛn bə mɔʼɔ ghe.

2 Timotyo 2:21

Be ŋwɔn tse a ghɨ atuəmbəm azhi a lán a mbó ɨnu tsɨ tɔmnɨnɨ tsa ɨtsum, muŋ bɨ mɨ faʼnə nɨ bo a ngɨ ɨnu tsɨ dɨtɨnɨ, mbɨ́ʼ ngə́ a tɛgɨ atú azhi tsɛʼ a mbó tafaʼ ɨyi, tafaʼ a kə ndǒ tsɛʼ ɨdzaŋ ɨbɛn tso mətsen a faʼə nɨ bo mbɨ́ʼ ngə́ bo kyaŋtɨ ɨtuəmbəm ɨtsa tsɨ tsi a ngɨ ɨbə́ŋ ɨnu tsɨ shiʼnɨ ɨtsum ə.

2 Timotyo 3:17

taŋ á ngaŋ afaʼ Ŋwi chi tiʼ tsi nɨ atsum za wɛrə a tsinɨ nɨ nchyɛ nɨ zɛrə a ngɨ ɨbə́ŋ ngɨnɨ mɨnu mə shiʼnɨ mɨtsum ə.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

Tɨ́tósɨ 2:7

A nye ɨnu ɨtsum, gho mboŋ, o tsi nɨ mbe alisɨ a mbɔm zɨ shiʼnɨ ə. A sǒŋ nkənu ɨzo nkɨ nɨŋ atú a nye anu a Ŋwi za o diʼnə ghe.

Tɨ́tósɨ 3:1

Kwemtɨ a mbó ɨbɛn ɨbo ngə́ á bo ndzúʼnɨ́ bɨta bɨ ɨlaʼ abɔʼnɨ bɨsáʼ bɨ ɨlaʼ ə. A bo ndzúʼnə́ awa, nkɨ nkyaŋtɨ ɨnye ɨtsa a ngɨ ɨbɔŋ a nye mɨndóm mɨtsum ə.

Tɨ́tósɨ 3:14

Ɨbɛn ɨbɨgɨnə tsi nɨ ɨ zagɨ yɛʼ a ngɨ ɨbɔŋ, taŋ ɨ chi ghanə akwatɨ za bɨ fárɨ́sɨ́nə́ ndǒ, ɨ kɨ tsi nɨ ntsi mbyi za ɨ tsinɨ nɨ ɨlɨŋ ə.

Tɨ́tósɨ 3:8

Zen za bɨ sóŋnə́ lá a nɨ nkənu ə. Ma lǒ ngə́ o nyəmtɨ ɨnu tsenə tsɛʼ nkan, taŋ á ɨbɛn ba bɨ nɨŋnɨ mɨntəm ɨma a nye Ŋwi chi tɛgɨ ɨtú ɨtsa a ngɨ ɨnu tsɨ shiʼnɨ, ɨnu tsɨ shiʼnɨ tsa tsɨ bɔŋnɨ nkɨ ntsi nɨ afaʼ a mbó ŋwɔn tsum lá.

Ɛbal 10:24

A bɨgɨnə ndǒ mɨndómɨnji mɨtsum a ngɨə á ŋwɔn tsum a nsáŋnə́ a ndiʼ akɔŋnɨ ɨ kə́ ghɨənɨ ɨnu tsɨ shiʼnɨ ə.

Ɛbal 13:21

á Ŋwi a gha awən nɨ azúm atsum zə shiʼnɨ za a kuʼnɨnɨ a ngɨ za wɛrə a lɔnə ghe. A wɛrə, a ntsǎ a ndzum Yeso Kristo a ghɨ a nye bɨgɨnə a za a bɔŋnə ayi; á nɨfáŋ tsi a mbó Kristo nɨnkoŋ ə. A be lá.

1 Bita 2:12

Mbɔm ɨzən a tɨtərɨ ba a se bə Yuda be tsi nɨ mbɔŋə be tɨ́sə́n a nye ndóm wa a nkfu za bɨ kaŋnɨ awən ngə́ nɨ nɨ ngaŋ ngɨ ɨnu tsɨ tɔmnɨnɨ, bɨ mɨ ze ngɨnɨ mɨnu ɨmən mə shiʼnɨ, ma lan, ɨ bontɨ a Ŋwi a Njwi wa wɛrə a lo bə yen lá.

1 Yoane 1:7

Lá be bɨgɨnə nchyɛ̌ a mu nkaʼ — tsɛʼ tso mbáʼ wɛrə a tsinɨ a mu nkaʼ lá — lá be ngə́ bɨgɨnə ndzɨ́nə́ bɨgɨnə bɨ ŋwɔn nɨ ŋwɔn, alɛm a Mɔn ɨyi Yeso, a sugɨnə ɨfənu ɨtsɨgɨnə ɨtsum a tɨtərɨ bɨgɨnə ghe.

1 Yoane 2:6

ɨbɛn ba bɨ soŋnɨ ngə́ bo ghɔŋ a mbúm bo bɨ Ŋwi, tsi nɨ ntsi ntsi mbyi ɨza tsɛʼ adzaŋ za Kristo a tsínɨ́ ɨzhi lá.