Ɛfɛso 2:1 - Mɨkan wu Fi

¹ Bən, a ghɨ́ awən nɨ tsi ntən, a nkfu za nɨ kfónɨ́ mbɨ́ʼ atɨŋətú azən abɔʼnɨ mɨbvu ɨmən

Ɛfɛso 2:1 Iomraidhean Croise

Matyo 8:22

Lá Yeso a chwɨ́gɨ́ wəmbo ngə́, “Zɔŋ aghə, ɨ nyɛʼtɨ á bɨkfú twəŋ ɨkfú ɨbɛn ɨtsa ghe.”

Alukasɨ 15:24

Mbɨ́ʼ ngə́ mɔn ɨghan wu mbáŋnɨ́ wen a kfô, lá tɨtsɔŋnɨ a bə ntsi ntɨŋ ə; a byê, lá tɨtsɔŋnɨ bɨ bənə ndzɛn ayi ɛ.› Nɨdorɨ na tíʼ mbiʼnə.

Alukasɨ 15:32

Lá bɨgɨnə ló ndzágɨ́ ntsí nɨ ngɨ nɨdorɨ ɨ dorɨkɨ, mbɨ́ʼ ngə́ mɨma ɨgho wu mbáŋnɨ́ a kɨ kfô, lá tɨtsɔŋnɨ a tsi ntɨŋ ə; a kɨ byê, lá tɨtsɔŋnɨ bɨ bə ndzɛn ayi ɛ.›”

Yoane 10:10

Ndzɛrə a yiŋə tsɛʼ a ndzé, ɨ zhwitɨ ɨ kɨ tsənkə. Ma yen lá taŋ á nɨ chi tsi nɨ ntsi ntən, ɨ kɨ tsi nɨ zɛrə á ɨ lon ntiʼə ndzagɨnə ghe.

Yoane 14:6

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Yoane 5:21

Tso mbáʼ Tarɨ a zhwémnɨ́nə́ ɨbɛn ba bɨ kfokɨnɨ, ngǎ ntsi ntən a mbó bo lá, ndəŋndəŋ Mɔn Mbáŋnɨ́ a ghǎ ntsi ntən a mbó ɨbɛn ba zɨə lɔnɨ ngǎ a mbó bo ghe.

Yoane 5:25

Tsɛʼ a nkənu, tsɛʼ a nkənu, ma soŋə a mbó bɨŋ ə, nkfu ghɨ kuʼ, a kɨ mbe zɛrə tɨtsɔŋnɨ, mbáʼ ɨkfú ɨbɛn ghɨnɨ zuʼ nji Mɔn Ŋwi wu Mbáŋnɨ́, á ba bɨ zuʼnɨ bə ntsi ntɨŋ ə.

Roma 8:2

Mbɨ́ʼ ngə́ nyɔngɔŋ wa a tsinɨ a shwúrɨ́ mɨtən mɨ Azhwi wa a ghɨnə bɨgɨnə tsinə atú ntən bɨgɨnə bɨ Kristo, a kyɛtɨnə mɨnkɨ mɨ abuʼ ma nyɔngɔŋ ɨbvu abɔʼnɨ nɨvwo kórɨ́nə́ awɨgɨnə ɨwu ə.

1 Korɨnto 15:45

Mbɨ́ʼ ngə́ aŋwaʼnɨ a Ŋwi soŋ ngə́, “Ŋwi a káʼ ntsambyi ŋwɔn wa a bénɨ́ Adam lá tso ŋwɔn wa a tsinɨ nɨ ntsi ntɨŋ ə”; lá ntsɨrɨndzum Adam a nɨ Azhwi za a ghánɨ́ ntsi ntɨŋ ə.

2 Korɨnto 5:14

Mbɨ́ʼ ngə́ akɔŋnɨ a Kristo a tsɨŋnə awɨgɨ, mbɨ́ʼ ngə́ bɨgɨ zhi ɨ shiʼnɨ ngə́ táʼ ŋwɔn a kfó mbɨ́ʼ atú a ŋwɔn tsum; ntiʼə ndiʼə ngə́ ŋwɔn tsum a kfonə ghe.

Ɛfɛso 4:18

mɨntəm ɨma kɨ ntsi a mu ndzumnɨ lá. Ka bo kɨ ntsi awa a mu ntsi mbyi za Ŋwi a ghánə́ mbɨ́ʼ ngə́ bo tsi a mu tɨzhi be tɨ́sə́n nkə́ ntɨ́ŋə́ atú ə.

Ɛfɛso 5:14

mbɨ́ʼ ngə́ anu atsum za a fúnə́ a ɨshe asaŋəsaŋ, a nɨ nkaʼ ə. Nə nɨ anu za bɨ soŋnɨ ngə́: “O, gho wa o lyénə́, vwukɨ a fɨlye nkɨ nzhwemnɨ a mbó nɨvwo, á nkaʼ Kristo ɨ tá a nye gho ghe.”

Kolose 2:13

A nkfu tse nɨ bé tso nɨ kfókɨ́ mbɨ́ʼ mɨbvu ɨmən nkɨ mbe mbɨ́ʼ ngə́ nɨ bé ba a se bə Yuda be nkeʼ nɨ Nyɔngɔŋ wa chyɛ. Lá Ŋwi a lɔgɨnə awən ngyen nɨ bən a mu ntsi mbyi bɨŋ bɨ Kristo ghe. Ŋwi a lɨ́gɨ́nɨ́ mɨbvu ɨmɨgɨnə mɨtsum;

1 Timotyo 5:6

Lá nkfugɨ mangye wa a tsagɨnɨ nkfu ɨzhi a ndǒ ɨdzúm mbəmnye, a baʼtɨ ntsi ntən ɨ tsinɨ lá, a kfonə ghe.

1 Yoane 3:14

Bɨgɨnə zhi ngə́ bɨgɨnə funə a mu nɨvwo ntiʼ ntsa a bagɨ ntsi ntɨŋ ə; bɨgɨnə zhi a zɛrə mbɨ́ʼ ngə́ bɨgɨnə kɔŋ ɨbɔmbɨma ɨbɨgɨnə ghe. Ŋwɔn tsum wa ka a nkɔ́ŋə́ ayi, a bvurɨ ntsi a shwúrɨ́ mɨtən mɨ nɨvwo ə.

Nkyɛʼə 3:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Sadisɨ ngə́: Nə nɨ nkən wa ɨ lonɨ a mbó zɨ wa a sáʼnɨ́ ɨzhwi Ŋwi tsa tsi samba tsa tsɨ faʼnə a mbó Ŋwi nkɨ ntiʼtɨ mɨndzɔŋ ma mi samba lá. Ma zhi anu za nɨ ghɨnə ghe; nɨ ghɨ̌ ɨnu tsa tsɨ diʼnɨ ngə́ nɨ tsi ntən lá mbáʼ nɨ kfokɨnə ghe.