Ɛfɛso 1:3 - Mɨkan wu Fi

³ A bɨgɨnə gha a mɨya a mbó Ŋwi, zɨ wa a kɨnɨ nkɨ mbe Ta bɨ Maʼmbyí ɨwɨgɨnə Yeso Kristo lá. Ŋwi a fɔ́gə́ awɨgɨnə nɨ abə́ŋ a ɨfɔgə azhwi atsum za a lonɨ a fɔməbvurə ntsǎ a ndzum Yeso Kristo,

Ɛfɛso 1:3 Iomraidhean Croise

Alukasɨ 2:28

Simiɔn a kwárɨ́ a mɔn wa nkwɛʼ nga a mɨya a mbó Ŋwi ngə́:

Yoane 14:20

Njwi za ghɨ nkúʼ, nɨ mɨ zhi ngə́ ma tsi a mu ɨnye Ta ɨghan, ɨ kɨ zhi ngə́ nɨ tsi a mu ɨnye me, tsɛʼ tso mbáʼ ma tsinɨ a mu ɨnye bən lá.

Yoane 17:21

Ma tsaʼtə a Ŋwi ngə́ á bo tsi a mbúm ə. Tarɨ! Ma tsaʼtə a Ŋwi ngə́ á bo tsi a mbúm bɔgə, tsɛʼ tso mbáʼ tɨ tsinɨ a mbúm lá. Ma tsaʼtə Ŋwi ngə́ á bo tsi a mbúm, taŋ á atuəshe a nɨŋ ntəm ɨyi ɨwu ngə́ o tságɨ́ aghə.

Yoane 20:17

Yeso a sóŋ wəmbo ngə́, “Njimbɨʼ o mɔmtɨ aghə, mbɨ́ʼ ngə́ ma bvurɨ tɨ bə nkɔʼ ngɛn nkon a mbó Tarɨ ə. Lá ghɛn soŋ a mbó ɨbɔmbɨma ɨban ngə́ ma tiʼnə mbɨŋə ngěn a mbó zɨ wa a nɨ Ta ɨghan nkɨ mbe Ta ɨwa, Ŋwi ɨghan nkɨ mbe Ŋwi ɨwa lá.”

Roma 12:5

Ndəŋndəŋ, bɨgɨnə baʼtɨ ngháʼ ɨ ghaʼnɨ lá, mbe táʼ mbəmnye za ɨ tsinɨ a mbúm bɨgɨnə bɨ Kristo, bɨgɨnə bɨtsum chwuʼnɨ a nye ŋwɔn nɨ ŋwɔn tso mbáʼ ɨlam ɨnye táʼ mbəmnye chwuʼnɨnɨ awa lá.

Roma 15:6

Taŋ á bən bɨtsum a mbúm chi bontɨ a Ŋwi, zɨ wa a nɨ Ta bɨ Maʼmbyí Yeso Kristo ɨwɨgɨnə nɨ táʼ nji ɛ.

1 Korɨnto 1:30

Lá Ŋwi a chintɨ awən a mbúm bɨŋ bɨ Kristo Yeso, ntiʼ ngɨ a Yeso a nye zóŋ ɨwɨgɨnə ghe. Bɨgɨnə tiʼ nchinɨ ntsa a ndzum wɛrə; ntiʼ ɨbɛn bɨ Ŋwi bə fɛmnɨ ba mɨnkɨ mɨ abuʼ se awa bə nkorə.

1 Korɨnto 12:12

Kristo a tsi lá tso táʼ mbəmnye za ɨ tsinɨ nɨ ɨlam ɨnye tsə ghaʼnə; bɨ baʼtɨ nkumnkɨ mbəmnye məzen nɨ ɨlam ɨnye atú atú lá, a kɨ mbvurɨ mbe tsɛʼ táʼ mbəmnye.

2 Korɨnto 1:3

A bɨgɨnə bontɨ a Ŋwi Ta bɨ Maʼmbyí Yeso Kristo ɨwɨgɨnə, Tarɨ wa a lonɨ nɨ mɨlɨŋnɨ nkɨ mbe Ŋwi wa alɛtɨ atsum a lonə wəmbo,

2 Korɨnto 11:31

Ŋwi Ta bɨ Maʼmbyí Yeso a zhi ngə́ ka ma nchwě aghə ɨnu ə. A bɨgɨnə bontɨ ɨkum ɨyi nɨnkoŋ ə.

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

2 Korɨnto 5:21

Kristo a sé nɨ ɨbvu tse a nye zɨ chyɛ, lá mbɨ́ʼ atú azɨgɨnə Ŋwi a ghɨ́ wɛrə a kɨ ntsi nɨ ɨbvu ɨwɨgɨnə, taŋ a nchyɛ̌ a mbúm bɨgɨnə bɨ wɛrə, bɨgɨnə chi kɨ be adzaŋ za Ŋwi a chinɨnɨ lá.

Galesha 3:9

Abraʼm a tsí nɨ abeməntəm, Ŋwi a tiʼ fɔgɨ ayi; ma lan, ŋwɔn tsum wa a tsinɨ nɨ abeməntəm, Ŋwi mɨ fɔgɨ ayi tsɛʼ adzaŋ za wɛrə fɔ́gɨ́nɨ́ a Abraʼm lá.

Ɛfɛso 1:10

Akyaŋtɨ zen za Ŋwi a ghɨ ghɨ á ghɛn fu a ndwitə a nye nkfu za ɨ ghɨnɨ kuʼ lá, a be lá mbosɨ ɨdzúm ɨtsum tsa zɨə a káʼnɨ́ táʼ adiʼ; ɨdzúm fɔməbvurə abɔʼnɨ ɨdzúm atuəshe, á Kristo a tsi a mbyi tsɛrə ɨtsum ə.

Ɛfɛso 1:17

ngə́ Ŋwi wu Maʼmbyí Yeso Kristo ɨwɨgɨnə, Ta bɨ nɨfáŋ, a chi gha Azhwi a zóŋ a mbó bən ɨ kɨ ghɨ á nɨ zhi a Ŋwi ɨ shiʼnɨ ə.

Ɛfɛso 1:20

wɛrə a fáʼnɨ́ nɨ mɛrə a nkfu za wɛrə a zhwémnɨ́nɨ́ a Kristo a mbó nɨvwo, ntiʼ ngɨ a shiʼtɨ ntsi abó zə maʼə, a fɔməbvurə lá.

Ɛfɛso 2:6

Wɛrə a zhwémnɨ́ awɨgɨnə, bɨgɨnə bɨ Kristo Yeso, ntiʼ ngɨ bɨgɨnə bo tsi a fɔməbvurə ghe.

Ɛfɛso 3:10

taŋ a nkfu tɨtsɔŋnɨ, ntsa a ndzum ndáŋwi, bɨtsen bɨ ndá bɨ Ŋwi ba bɨ sáʼnə́ abɔʼnɨ ɨzhwi tsɨ tən tsa tsɨ sáʼnə́ a fɔməbvurə chi zhi mɨndóm mɨtsum ma zóŋ Ŋwi a tsinɨ nɨ mɛrə ghe.

Ɛfɛso 6:12

Mbɨ́ʼ ngə́ ka bɨgɨnə ntǒ awɨgɨnə lá ɨbɛn bɨ mɨsɔŋ a ntsu, bɨgɨnə tǒ be ɨzhwi tsɨ tən tsa tsɨ sáʼnə́ a fɔməbvurə mbe tsə abɨgəntəm lá.

Filibi 2:11

ɨbɛn bɨtsum fɨgɨ a ntsu bo ɨ soŋ ngə́ Yeso Kristo a nɨ Maʼmbyí, a ngá nɨfáŋ a mbó Ŋwi, zɨ wa a nɨ Tarɨ ə.

Ɛbal 8:5

Afaʼ za bo faʼnə, a lanɨ mbe lá afi a za a tsinɨ a fɔməbvurə ghe. A be ndəŋndəŋ a mbó Mǒse ghe. A nkfu za wɛrə a tsínɨ́ nɨ ngvwu ntaŋ wa lá, Ŋwi a tɨ́gɨ́tɨ́ ayi adzaŋ za wɛrə a tsínɨ́ nɨ ngvwu wɛrə ɨ soŋ ngə́, “Zɛn ngə́ o ghɨ ɨnu ɨtsum tsɛʼ adzaŋ za ma fɨ́ʼtɨ́nɨ́ a mbó gho atú mbám za lá.”

Ɛbal 9:23

Ma lan, a kúʼnɨ́ ngə́ á bɨ sugɨ ɨfi ɨdzúm fɔməbvurə tsen á tsɨ fɛm a nye mbɔm məziŋ ə, lá ɨdzúm fɔməbvurə mətsen tsɨ lǒ mɨtsuʼnɨ mɨ atú ma mɨ tsanɨ ɨdzúm tsiŋ ə.

1 Bita 1:3

A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,