Wɛ̀lɛ̀vèlésɔ̃̀ 9:2 - Wè-dɔ-wè Dɛɛ

² Sĩ̀ã́ã̀ŋèlèa e gùlùa lé ɓo. Tíé-gbɛ̃́ĩ́ e gó à yí áà ɓɔ̀ lɛ̀ zí lɛ̀ gélé tíé-gbɛ̃́ĩ́ è ɓɔá pùtí-pùtí lea lɛ́ ɓe. Nyɛ́nɛ́ wà fã̀ã̀ lɛ́ è dìèa, à kɛɛ̀ e kɛá tii tíé-gbɛ̃́ĩ́ lɛ́ e gó gùlùa yía ká.

Wɛ̀lɛ̀vèlésɔ̃̀ 9:2 Iomraidhean Croise

Àpɔ́sɔ̀lɔ̀ 2:19

Ḿm̀ lo wɔ̃́ kpàlézɛ̀ kɛɛ̀ ka là lɛ̀í lɛ̀í-kii yí zàá, ɛ̃́ɛ̃́ tó máà à lé-pa-zɛ̀ kɛ̀ tã́ã̀ zèe. Léà wà tíé, ɛ̃́ɛ̃́ zeĩ́ tíé-gbɛ̃́ĩ́ gbítílí-gbìtìlì nì óò lo kɛɛ̀ ɓe.

Wɛ̀lɛ̀vèlésɔ̃̀ 14:11

Tíé lɛ́ è o sã̀ dɔ kília, à gbɛ̃́ĩ́ lɛ́ɛ̀ lo lɛ̀í tòá kíli wɔ́lɔ́-wɔ́lɔ́ ká. Mia lɛ́ ò gbìnì luú-wììa wà e bĩ́a lɛ̀ɛ, ɛ̃́ɛ̃́ lɛ́ waà pɛ píé lɛ́ lɛ à tɔ́ káa sɔ̀lɔ̀ ɓoa, fĩ́ĩ́-dɔ gbɛɛ wá o kɛ̀lɛ̀ bĩ́á ɛ̃́ɛ̃́ nyɛ́nɛ́ĩ́.”

Wɛ̀lɛ̀vèlésɔ̃̀ 16:10

Wálà là vɔ-mì sɔ́ɔ́li zɛ̀ɛ e e zì kɔ́ɓàa gĩ́ ɓo luú-wììa zì dɔ-táŋánáa là. Bĩ́ e mí gbaa luú-wììa zì sɛ́lɛ́ lɛ́ e kɛ à wũ làa yí. Mia ɓéèe o kɛ o nanà tùwè ɓèlèpìà wàa lɛ́ o kɛ à ɓèlèpìàa mɔ́ɔ̀ wɔ̃̀ mɔ̀.

Wɛ̀lɛ̀vèlésɔ̃̀ 8:12

Ɛ́ɛ̃́ zeĩ́a, vɔ-mì tò-ko-mɔ̀ yììsɛ zɛ̀ɛ e là túlúa pìè. Nyɛ́nɛ́ e bɛ̀i mɛnɛ, ɛ̃́ɛ̃́ zeĩ́ sĩ̀ã́ã̀ŋèlè vɔ̀ɔ o o yí gìnì. O pɛ̃́ɛ̃́ e kɛ yààka yààka. Pɛ e mɛ̀ o sɛ̃́ĩ́ mɔ̀ doó doó. O sɛ̃́ĩ́ yé pɛ e mɛ̀ yia bĩ́ e dà gbaa yí o zì lɛ̀-fɔ̀nɔ-kɔ̀ɔ là. Lɛ̀-kpɛ̀iì káa, lɛ̀ lɛ̀ɛ́ gbaa fɔ̀nɔ áwà yììsɛ píé. Pɛ nɔ́ doóa e kɛ bĩ́míà bɛ̃̀ɛ̃ mɔ̀.

Wɛ̀lɛ̀vèlésɔ̃̀ 9:1

Zéniía, Wálà là vɔ-mì tò-ko-mɔ̀ sɔ́ɔ́li zɛ̀ɛ e là túlúa pìè. Lɛ̀ a pìèa, m sĩ̀ã́ã̀ŋèlè lɛ́ e gó lɛ̀í lɛ́ e dà tã́ã̀a gɛ̃̀. O gùlù lɛ́ à tèá-pìà wá ɓea kíì nɔ à lɛ̀ɛ.

Wɛ̀lɛ̀vèlésɔ̃̀ 9:11

O líé-sí-mì e kɛ ɓe. Ye lɛ́ e Wálà là vɔ-mì lɛ́ gùlù gbùòa kíì lɛ à kɛ̀lɛ̀ɛ káa. À Hííbúlù-tɔ̀ lɛ́ Àbádɔ̀ũ̀. À Gílíì-tɔ̀ lɛ́ zeĩ́ Àpólìã̀. (Tɔ́ɔ yí lɛ́ e kélɛ̀ Pɛ Yí-sìè-mì.)

Wɛ̀lɛ̀vèlésɔ̃̀ 9:17

Pɛ lɛ́ wa zɔ̃̀ɔ̃̀ m lɛ̀ɛ lɛ́ ma gɛ̃̀ɛ, gɛ̃̀ɛ̃ɛ̃̀ yía, m sòo vɔ̀ wà e táá-mìà gɛ̃̀ yi. Pɛ-kúlú lɛ́ e kɛ o zò làa e kɛ zóló lɛ̀ tíé lɛ́ ɓe. Ɛ́ɛ̃́ e kɛ kélɛ̀ gàla-gɛ̀lɛ̀ lɛ́ ò si sáfàa lɛ́ ɓe. Ɛ́ɛ̃́ e kɛ weĩ̀ zɛ̀ lɛ̀ pɛ́ ò si sɔ́fàa lɛ́ ɓe. Sòo vɔ̀ɔ wũ-kèlè e kɛ lɛ̀ wɔ̀ɔ́ù wũ lɛ́ ɓe. Tíé wà e gbɛ̃́ĩ́, e bɛ̀i sɔ́fà e kɛ gópìà o lé.