Wɛ̀lɛ̀vèlésɔ̃̀ 8:3 - Wè-dɔ-wè Dɛɛ

³ E bɛ̀i Wálà là vɔ-mì doó e nu zeĩ́, e dɔ sálà-ɓòà-là-pɛ̀ɛ sɔ́nɔ́. Kɔ́pò lɛ́ à kɛɛ̀ e kɛá góò ká pɛ gĩĩ yiè zɛ̀ kàà yí wɛ̃́ĩ̀a, e kɛ à kɛ̀lɛ̀. O pɛ gĩĩ yiè zɛ̀ nɔ à lɛ̀ɛ gbùò kɛ á dà Wálà-mìà séĩ́ wà sɛ̀nɛ ò ɓoa bà, kɛ é à nɔ Wálà lɛ̀ɛ sálà-ɓòà-là-pɛ̀ lɛ́ à kɛɛ̀ lɛ góò ká, lɛ́ lɛ dɔ̀á dɔ-táŋánáa wɛlɛ mɔ̀ɔ là.

Wɛ̀lɛ̀vèlésɔ̃̀ 8:3 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 1:10

Lɛ̀ e kɛ pɛ gĩĩ yiè zɛ̀ɛ gélépìàa, mia kù gbùò zɛ̀ o kɛ dɔ̀á pɛ́lɛ̀ zèí, wáà sɛ̀nɛ ɓò.

Wólómà 8:34

Lɛ̀ lɛ́ lɛ kília, deĩ̀ lɛ́ è bɛ̀i à mɔ̀ é wɔ̃́ káá o wĩĩ́? Kɛ́lɛ̀ì Zízɛ̀ lɛ́ e gaa. E bɛ̀i, e wɛ̀lɛ̀ ga kɛ̀lɛ̀, ɛ̃́ɛ̃́ lɛ Wálà kɔ̀ yiè yí zàá, áà mɛ́ĩ́ ɓò Wálà lɛ̀ɛ ko lɛ̀ɛ.

Hííbúlù 7:25

À mɔ́ɔ̀ wɔ̃̀ mɔ̀ɔ, bɛ̀i lɛ à mɔ̀ gbaa, ɛ̃́ɛ̃́ lɛ́ɛ̀ lo kɛɛ̀ à mɔ̀ teele, tó áà mia lɛ́ ò nu Wálà píé à kolo làa là, ɓii lɛ ɓe tòá kíli ká, tó áà mɛ́ĩ́ ɓò Wálà lɛ̀ɛ o mɔ́ɔ̀ wɔ̃̀ mɔ̀.

Hííbúlù 9:4

Sálà-ɓòà-là-pɛ̀ lɛ́ à kɛɛ̀ e kɛá góò ká, lɛ́ o kɛ pɛ gĩĩ yiè zɛ̀ɛ gélépìà yia, e kɛ à lɛ̀ mɔ̀. Ɛ́ɛ̃́ wè-dɔ-wèa mɔ́ɔ̀ gbɔ̀lɔ̀, lɛ́ à mɛ́ lúù e kɛá góò káa, e kɛ yí nɔ́ kíli. Pɔɔ̀ nì e kéa o kɛ gbɔ̀lɔ̀ e kília yí. O lɛ́ o kélɛ̀, kpòò lɛ́ à kɛɛ̀ e kɛá góò ká, lɛ́ belè lɛ́ ò si mánàa e kɛ à yía, e bɛ̀i, Ɛ́ɛ́lɔ̀ũ̀ là yílí lɛ́ à píní e ɓɔ à mɔ̀ɔ, ɛ̃́ɛ̃́ gɛ̀lɛ̀-pɛ̃́ɛ̃́ pèèlɛ lɛ́ wè-dɔ-wèa bɛ̃̀ɛ̃ɛ̃̀ e kɛá o làa káa.

Wɛ̀lɛ̀vèlésɔ̃̀ 10:1

M bɛ̀i m Wálà là vɔ-mì mɛ́ gágà zɛ̀ dò gɛ̃̀ zeĩ́ áà gò lɛ̀í. À mɔ̀-sɔ̀ e kɛ lúé-lúé ká. Gbèĩ́-ɓɛ̀lɛ̀ nìɛɛ̀ e kɛá à wũ-kèlè mɔ̀. À wɛlɛ e kɛ lɛ̀ nyɛ́nɛ́ lɛ́ ɓe. Ɛ́ɛ̃́ à gã̀ e kɛ lɛ̀ tíé kṹã̀a zɛ̀ kpo lɛ́ ɓe.

Wɛ̀lɛ̀vèlésɔ̃̀ 14:18

Yé e kɛ kília, Wálà là vɔ-mì yé yíkɛ̀ gáàa e kɛ à kɛ̀lɛ̀ tíéa làa, e kɛ gópìà sálà-ɓòà-là-pɛ̀ɛ píé. E gbɛ́ɛ́ gbóó ká áà gèè vɔ-mì yé làà líé zɛ̀ e kɛ à kɛ̀lɛ̀ɛ lɛ̀ɛ, “Ƃà lààa sí í wã́ã́ĩ̀-kɛ-ɓɛ̀lɛ̀-wɛ́lɛ́ ɓɛɛ yé lɛ́ o tã́ã̀a kã́ à ká, ɓii o tãã̀ lɛɛ mɔ́ɔ̀ wɔ̃̀ mɔ̀.”

Wɛ̀lɛ̀vèlésɔ̃̀ 5:8

Lɛ̀ a kɛ kília, pɛ ɓéèe yììsɛɛ wà mia dìè-dìè vũ̀ pèèlɛ wɛ́lɛ́ yììsɛɛ, o pèlè gbaa Ƃáá nyɔ̀nɔ́ɔ wɛlɛ mɔ̀. Kɔ̃̀níì e kɛ o kɛ̀lɛ̀ o tɔ̀ là doò do. Ɛ́ɛ̃́ kɔ́ɓà lɛ́ à kɛɛ̀ lɛ góò káa, e kɛ o kɛ̀lɛ̀. O paà e kɛá pɛ gĩĩ yiè zɛ̀ lɛ́ e Wálà là mia nì zì sɛ̀nɛ ò ɓoa káa ká.

Wɛ̀lɛ̀vèlésɔ̃̀ 6:9

Ƃáá nyɔ̀nɔ́ɔ e bɛ̀i e pɛ lé-taa-pɛ̀ sɔ́ɔ́li-mìa lé ɓo. M mia lɛ́ waà o zɛɛ gɛ̀ɛ̀ gɛ̃̀ sálà-ɓòà-là-pɛ̀ɛ wì. O o zɛ, ɓii o Wálà lé-wè gèe lòũ̀ ká, ɛ̃́ɛ̃́ o kélá-wè ɓoa mɔ́ɔ̀ wɔ̃̀ mɔ̀.

Wɛ̀lɛ̀vèlésɔ̃̀ 7:2

E bɛ̀i, m Wálà là vɔ-mì doó gɛ̃̀ zeĩ́ áà gò nyɛ́nɛ́ wɛ̀lɛ̀pìà. Wálà lɛ́ lɛ ɓea, là pɛ dɔ̀á-kɛ̀-à-mɔ̀ pɛ̀ e kɛ à kɛ̀lɛ̀. E e wè wɛ̀lɛ̀ lɛ̀í, áà gèè Wálà là vɔ-mìà yììsɛ lɛ́ yíkɛ̀ gáàa nɔɔ̀ e kɛá o lɛ̀ɛ kɛɛ ó tã́ã̀ zèe wà mɛ̀ĩ́ o sìèa o lɛ̀ɛ

Wɛ̀lɛ̀vèlésɔ̃̀ 8:4

Pɛ gĩĩ yiè zɛ̀ lɛ́ o kɛ à gélépìàa zì gbɛ̃́ĩ́, e bɛ̀i Wálà-mìà zì sɛ̀nɛ o kɛ à ɓopìàa e gó Wálà là vɔ-mì lɛ́ e kɛ dɔ̀á à wɛlɛ mɔ̀ɔ kɛ̀lɛ̀, áà lò lɛ̀í.

Wɛ̀lɛ̀vèlésɔ̃̀ 8:5

Yé e kɛ kília, Wálà là vɔ-mìa e kɔ́pòa sí a pa tíé lɛ́ a sí sálà-ɓòà-là-pɛ̀ɛ làa ká, a dùòá tã́ã̀ zèe. Lɛ̀í e kɛ wéépìà. Pɛ wéè áà dɔ̀. Lɛ̀í-kɛ-gɛ́lɛ́ áà kɛ̀. Ɛ́ɛ̃́ sɛ́lɛ́ áà kã̀ áà lò gìè.

Wɛ̀lɛ̀vèlésɔ̃̀ 9:13

Wálà là vɔ-mì sáláádo zɛ̀ɛ e là túlúa pìè. M wéé dò ma áà gò sálà-ɓòà-là-pɛ̀ lɛ́ à kɛɛ̀ lɛ góò ká, lɛ́ lɛ dɔ̀á Wálà wɛlɛ mɔ̀ɔ à góó yììsɛɛ mɔ̀.