Wɛ̀lɛ̀vèlésɔ̃̀ 7:9 - Wè-dɔ-wè Dɛɛ

⁹ Lɛ̀ e kɛ kília m lɛ̀ gɛ̃̀. Lɛ̀ ma gɛ̃̀ɛ, m mia gbààlà gbùò zɛ̀ gɛ̃̀. Bɛ̀i lɛ̀ɛ́ gbaa kɛ mi dò mɔ̀ kɛ é o lóní. O gó mia kpóló kɛ-kɔ̀ gbɛɛ̀ gbɛɛ zɛ̀ séĩ́, e bɛ̀i síí séĩ́, ɛ̃́ɛ̃́ sɛ́lɛ́ gbɛɛ̀ gbɛɛ yí-mìà séĩ́, ɛ̃́ɛ̃́ zeĩ́ wè gbɛɛ̀ gbɛɛ gèe-mìà séĩ́ bà. O dɔ dɔ-táŋánáa wà Ƃáá nyɔ̀nɔ́ɔ wɛlɛ mɔ̀. Sɔ púlú dàaà e kɛá o mɔ̀. Tóṹ-lɛ́ɛ́ e kɛ o kɔ̀ lé píé,

Wɛ̀lɛ̀vèlésɔ̃̀ 7:9 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:1

Mia wáá búnù‐búnùzɛ̀ o nuù e kɛá o kíe là, wáà o kíe nì dìli‐dìlì. Lɛ̀ e kɛ kília, Zízɛ̀ a gèe là tòà‐píé‐mìà lɛ̀ɛ bèĩzɛ̀ kélɛ̀, “Kà ka yɛ́lɛ́ kɛ ka dìè píé Fálásíì‐mìà zì belè‐fɔ̀ɔ‐pɛ̀ɛ mɔ́ɔ̀ wɔ̃̀ mɔ̀. Ye lɛ́ e o dìè wɛlɛ ò lia káa.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 21:36

Kà yà ka nyìɛ́ lúó séĩ́ ká, ká sɛ̀nɛ ɓo, kɛ yíkɛ̀ gáàa é kɛ ka kɛ̀lɛ̀, kɛ ká die wɔ̃́ nì è lo kɛɛ̀ɛ séĩ́ yí, kɛ ká dɔ Mi Gbe wɛlɛ mɔ̀.”

Zɔ̃̀ɔ̃́ 12:13

Wa mɔ́ɔ̀ tóṹ lɛ́ɛ́ sí ɓo, wáà lò dɔ̀á sí à gɛ̀nɛ̀. O kɛ gbɛ́ɛ́pìà weeá kélɛ̀, “I sɛ́nɛ́ò. Lúà é kpɔ́ mi lɛ́ è nu ko Dàa-mì tɔ́ yía mɔ̀. Lúà é kpɔ́ Éézɛ̀lɛ̀-mìà Líé-sí-mì mɔ̀.”

Wólómà 11:25

M lèe-gé vɔ̀, ḿm̀ nàà ká wɔ̃́ e kéa yí ma, ɓii yékɛ̀ ká ka dìè sí gbùò. Lɛ pɛ́ à bĩ̀ĩĩ̀ e kɛáa ká. Ye lɛ́ e ké ɓɛ. Kɛ̀ dímá-dìmà kɔ̀ lɛ́ Éézɛ̀lɛ̀-mìà waa káa, lɛ̀ɛ́ ló tóò nɔ́ kíli teele. Lɛ́ɛ̀ lo tóò nɛ́ kíli sɛ́lɛ́ gbɛɛ yí-mìà nyáá pà-kíe-mɔ̀ zɛ̀ ó nu Wálà píé.

Ìfísɔ̃̀ 6:13

À mɔ́ɔ̀ wɔ̃̀ mɔ̀ɔ, kà Wálà là gèlè-gɔ̃-pɔ̀ɔ̀ sí. Yé aà kɛ kília, yé lúó yɔɔ aà nua, bɛ̀i lɛ́ɛ̀ lo kɛɛ̀ ka mɔ̀ kɛ ká dɔ ka dɔ̀lɔ̀ mɔ̀ gɛ̃ĩ le, káà gèlè gɔ̃̀. Ɛ́ɛ̃́ yé gèlè e kília kaà nyɛ à gɔ̃ɔ̃̀ mɔ̀ɔ, káà lo kɛɛ̀ tĩã́ dɔ̀á ka dɔ̀lɔ̀ mɔ̀.

Hííbúlù 11:12

Yé bɛ̃̀ɛ̃ Éɓɔ́lɔ́hã́ã̀ e kɛ ga gùlù làa, gɔ̃ doó e kília kolo là zàáa, à sùu-là-mìà o kɛ kù gbùò zɛ̀ lɛ̀ sĩ̀ã́ã̀ŋèlè lɛ́ ɓe lɛ̀í. Ɛ́ɛ̃́ o kù e kɛ gbùò lɛ̀ nyìɛ́-sɛ́lɛ́ lɛ́ e mɛ̀ĩ́ kpóṹ là, lɛ́ mia òó bɛ̀i à lóníìa lɛ́ ɓe.

Hííbúlù 12:22

Kɛɛ ka yee, ka nuù lɛ gbaa Záyɔ̃̀ tɔ̃̀ũ̀, wà Wálà ɓéèe ɓɛ pà, lɛ́ e Zùlúsàlɛ̀ yé lɛ lɛ̀ía káa mɔ̀. Wálà là vɔ-mìà lɛ́ òó bɛ̀i o lóníìa o lɛ̀ e kília mɔ̀.

Wɛ̀lɛ̀vèlésɔ̃̀ 11:15

Wálà là vɔ-mì sálápèèlɛ zɛ̀ɛ e là túlúa pìè. Mia wéè gágà e dɔ lɛ̀í weeá kélɛ̀, “Tò-kpóṹ-là-mìà-là aà kɛ gbaa ko Dàa-mì wà là Kɛ́lɛ̀ì wà pɛ ká. Ɛ́ɛ̃́ lɛ́ɛ̀ lo tóò mia là tòá kíli wɔ́lɔ́-wɔ́lɔ́ ká.”

Wɛ̀lɛ̀vèlésɔ̃̀ 22:3

Pɛ séĩ́ lɛ́ náá tóò laa mɔ̀ɔ, lɛ̀ɛ́ ló kɛɛ̀ sɛ́lɛ́ e kília yí. Wálà ɛ̃́ɛ̃́ Ƃáá nyɔ̀nɔ́ɔ wà dɔ-táŋánáa lɛ́ɛ̀ lo kɛɛ̀ yi ɛ̃́ɛ̃́ à zì yɛɓo-kɛ-mìà óò lo gbinì à lɛ̀ɛ.

Wɛ̀lɛ̀vèlésɔ̃̀ 3:18

À mɔ́ɔ̀ wɔ̃̀ mɔ̀ɔ, ḿm̀ lìè-wè dɔ i lɛ̀ɛ kɛ í góò lɛ́ à bà ɓoò lɛ tíé káa lɔ́ m kɛ̀lɛ̀, kɛɛ é i kɛ kpànazɛ̀. Ɛ́ɛ̃́ zeĩ́a, ì sɔ púlú lɔ́, kɛ í i mɛ́ sí à ká, kɛɛ i kpã́ã́ yɛ́lɛ̀ yɛ́lɛ̀ zɛ̀ ɓɛ là é kpaa. Ɛ́ɛ̃́ zeĩ́, ì nyìɛ̀-yíí dò lɔ́ ɓá káá i nyìɛ, kɛ í lɛ̀ gɛ̃̀.

Wɛ̀lɛ̀vèlésɔ̃̀ 4:4

Dɔ-táŋáná vũ̀ pèèlɛ wɛ́lɛ́ yììsɛ nìɛɛ̀ e kɛá táŋáná doó e kília mɔ̀ déĩ́ le. Ɛ́ɛ̃́ zeĩ́, mia dìè-dìè vũ̀ pèèlɛ wɛ́lɛ́ yììsɛ o kɛ yàá táŋáná vɔ̀ o kília là. O mɔ̀-sɔ̀ɔ e kɛ púlú, ɛ̃́ɛ̃́ zòlò lɛ́ à kɛɛ̀ lɛ góò káa, e kɛ o wĩĩ́.

Wɛ̀lɛ̀vèlésɔ̃̀ 5:11

M bɛ̀i, m lɛ̀ gɛ̃̀. M Wálà là vɔ-mìà wáá búnù-búnùzɛ̀ lɛ́ òó bɛ̀i à mɔ̀ ó o lónía wéè ma. O nìɛɛ̀ e kɛá táŋánáa wà pɛ ɓéèe yììsɛò, e bɛ̀i mia dìè-dìè vɔ̀ɔ o ká.

Wɛ̀lɛ̀vèlésɔ̃̀ 5:9

O tã́ dɛɛ ɓo weeá kélɛ̀, “I dóo kpeĩ kɛ í kii lɛ́ɛ́ kpíní kṹã̀a zɛ̀ɛ sí kɛ í à lé-taa-pɛ̀ɛ wí. Ƃii i zɛɛ̀ e kɛ à ká. I mia lɛ́ ò go síí-sɛ̀lɛ̀ séĩ́ là, ɛ̃́ɛ̃́ wè gbɛɛ̀ gbɛɛ gèe-mìà séĩ́ bà, e bɛ̀i, sɛ́lɛ́ gbɛɛ̀ gbɛɛ yí-mìà séĩ́, e bɛ̀i mia kpóló kɛ-kɔ̀ gbɛɛ̀ gbɛɛ zɛ̀ séĩ́ lɔ́ i léà ká Wálà lɛ̀ɛ.

Wɛ̀lɛ̀vèlésɔ̃̀ 6:11

O sɔ púlú nɔ o lɛ̀ɛ o tɔ̀ là doó doó. Wa gèe ó o fĩ́ĩ́ ɓéĩ́ dɔ ɓɛ̀lɛ̀-píé gbèĩ zɛ̀, é tóá kíli o ɓɛ́ĩ̀ yɛɓo-kɛ-mìà wà o lèe-gé vɔ̀ lɛ́ ò lo o zɛɛ̀ lɛ̀ zí o o zɛ à káa lɛ́ ɓea, o nyáá é pá nɛ́ e kíe mɔ̀.

Wɛ̀lɛ̀vèlésɔ̃̀ 7:8

Ɛ́ɛ̃́ zeĩ́, mia wáá vũ̀ doó wɛ́lɛ́ pèèlɛ o gó Zɛ́ɓílɔ̀ũ̀ sùu là. E bɛ̀i, mia wáá vũ̀ doó wɛ́lɛ́ pèèlɛ o gó Zósɛ̀ sùu là. Ɛ́ɛ̃́ mia wáá vũ̀ doó wɛ́lɛ́ pèèlɛ o gó Bɛ̃́zímà sùu là nɔ́ kíli.