Wɛ̀lɛ̀vèlésɔ̃̀ 7:4 - Wè-dɔ-wè Dɛɛ

⁴ Yé e kɛ kília, m mia kù lɛ́ o dɔ̀á kɛɛ̀ e kɛá o mɔ̀ɔ, zi lɛ́ o kɛá gbùòa ma wɔ̃̀ ma. E kɛ mia wáá wũ doó là vũ̀ yììsɛ wɛ́lɛ́ yììsɛ ká. O gó mia sùu doò do lɛ́ e Éézɛ̀lɛ̀-mìà káa bà.

Wɛ̀lɛ̀vèlésɔ̃̀ 7:4 Iomraidhean Croise

Máfìù 19:28

Zízɛ̀ a gèe o lɛ̀ɛ kélɛ̀, “Wánà‐wɔ̃̀ lɛ́ m̀ gèe ka lɛ̀ɛ ɓɛ. Yé Mi Gbe aà yà là dɔ‐táŋáná kpànazɛ̀ ɓɛ là pɛ dɛɛ kɛ‐lùò káa, mia lɛ́ ka tò‐m‐píé‐mìà káa, ka bɛ̃̀ɛ̃, káà lo yàà dɔ‐táŋáná vũ̀ doó wɛ́lɛ́ pèèlɛ là, káà mɛ̀ĩ́‐sà dɔ̀ mia sùu doò do vũ̀ doó wɛ́lɛ́ pèèlɛ lɛ́ o Éézɛ̀lɛ̀‐mìà káa mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 14:22

Lɛ̀ e kɛ kília, yɛɓo‐kɛ‐mìa a gèe kélɛ̀, ‘M dàa‐mì, wɔ̃́ ɓa gèe ḿ kɛɛ, à kɛɛ̀ lɛ. Kɛɛ yà‐pìà lɛ tĩã́ zèe.’

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 22:30

Káà lo pɛ ɓèlè, káà pɛ mì m̀ téɓò mɔ̀ lɛ̀ lɛ́ m tóò lɛ mia là yia mɔ̀. Ɛ́ɛ̃́ káà lo yàà dɔ‐táŋáná là, káà mɛ̀ĩ́‐sà dɔ̀ mia sùu doò do vũ̀ doó wɛ́lɛ́ pèèlɛ lɛ́ o Éézɛ̀lɛ̀‐mìà káa mɔ̀.

Àpɔ́sɔ̀lɔ̀ 26:7

Wè-dɔ-wè e kília lɛ́ mia sùu doò do vũ̀ doó wɛ́lɛ́ pèèlɛ lɛ́ o ko sùu làa, o zò lɛ à mɔ̀ kɛ ó gɛ̃̀ lɛ̀ lɛ́ ò gbìnì Wálà lɛ̀ɛ bĩ́ã́ ɛ̃́ɛ̃́ nyɛ́nɛ́ĩ́a káa. Wɔ̃́ lɛ́ ko zò lɛ à mɔ̀ kília, lɛ́ Zúù-mìà ò mɔ́ɔ̀ m kɛ ɓoa ko dàa-mì.

Wólómà 9:27

E bɛ̀i, Ààzáyà e wɔ̃́ gèe dóo gágà é gbɛ̃̀á Éézɛ̀lɛ̀ mɔ̀, áà gèè kélɛ̀, “É kɛ bɛ̃̀ɛ̃ zi lɛ́ mia lɛ́ o Éézɛ̀lɛ̀-mìà káa, waa ká gbùò lɛ̀ zí nyìɛ́-sɛ́lɛ́ laa ká mɛ̀ĩ́ kpóṹ làa lɛ́ ɓea, o wɛ́lɛ́ ɓéĩ́ lɛ́ nɔ́ o laà è lo kɛɛ̀ à káa.

Zĩ́ĩ̀ 1:1

Óò m si Zĩ́ĩ̀. M yɛɓo-kɛ-mì ká Wálà ɛ̃́ɛ̃́ ko Dàa-mì Zízɛ̀ Kɛ́lɛ̀ì lɛ̀ɛ. Ḿm̀ wèè mia lɛ́ ka Éézɛ̀lɛ̀-mìà sùu kpolà vũ̀ doó wɛ́lɛ́ pèèlɛ, lɛ́ ka wɛ̃̀ĩĩ̀ lɛ sɛ́lɛ́ séĩ́ làa bà.

Wɛ̀lɛ̀vèlésɔ̃̀ 14:1

M bɛ̀i m lɛ̀ gɛ̃̀. Lɛ̀ ma gɛ̃̀ɛ m Ƃáá nyɔ̀nɔ́ɔ gɛ̃̀ dɔ̀á Záyɔ̃̀-tɔ̃̀ũ̀ wĩĩ́. Mia wáá wũ doó là vũ̀ yììsɛ wɛ́lɛ́ yììsɛ, lɛ́ Ƃáá nyɔ̀nɔ́ɔ wà e Dàa o tɔ́ bɛ̃̀ɛ̃ɛ̃̀ lɛ o pelàa, wà ye nì o kɛ yí.

Wɛ̀lɛ̀vèlésɔ̃̀ 14:3

O dɔ o o wɛlɛ vɔ dɔ-táŋáná, ɛ̃́ɛ̃́ pɛ ɓéèe yììsɛ, ɛ̃́ɛ̃́ zeĩ́ mia dìè-dìè vɔ̀ɔ o píé zàá. O tã́ dɛɛ dò lɛ́ mi gbɛɛ lɛ̀ɛ́ bɛ̀i à dã́ã̀, é kã́ mia wáá wũ doó là vũ̀ yììsɛ wɛ́lɛ́ yììsɛ, lɛ́ o lɔ́ɔ̀ lɛ Wálà lɛ̀ɛ, lɛ́ ò go tã́ã̀ zèea mɔ̀ɔ káa ɓo.

Wɛ̀lɛ̀vèlésɔ̃̀ 7:5

Mia lɛ́ o gó Zúdà sùu là lɛ́ o dɔ̀á kɛɛ̀ e kɛá o mɔ̀ɔ, o kɛ mia wáá vũ̀ doó wɛ́lɛ́ pèèlɛ ká. Ɛ́ɛ̃́ zeĩ́, mia wáá vũ̀ doó wɛ́lɛ́ pèèlɛ o gó zeĩ́ Wúlúbĩ̀ sùu là. E bɛ̀i zeĩ́ mia wáá vũ̀ doó wɛ́lɛ́ pèèlɛ o gó Gáà sùu là.

Wɛ̀lɛ̀vèlésɔ̃̀ 9:16

Sóyà vɔ̀ lɛ́ o kɛ sòo làa, o zí o kɛá gbùòa wɔ̃̀ gèe m lɛ̀ɛ. O kɛ méyɔ̃̀ wũ pèèlɛ ká.