Wɛ̀lɛ̀vèlésɔ̃̀ 4:4 - Wè-dɔ-wè Dɛɛ

⁴ Dɔ-táŋáná vũ̀ pèèlɛ wɛ́lɛ́ yììsɛ nìɛɛ̀ e kɛá táŋáná doó e kília mɔ̀ déĩ́ le. Ɛ́ɛ̃́ zeĩ́, mia dìè-dìè vũ̀ pèèlɛ wɛ́lɛ́ yììsɛ o kɛ yàá táŋáná vɔ̀ o kília là. O mɔ̀-sɔ̀ɔ e kɛ púlú, ɛ̃́ɛ̃́ zòlò lɛ́ à kɛɛ̀ lɛ góò káa, e kɛ o wĩĩ́.

Wɛ̀lɛ̀vèlésɔ̃̀ 4:4 Iomraidhean Croise

Máfìù 19:28

Zízɛ̀ a gèe o lɛ̀ɛ kélɛ̀, “Wánà‐wɔ̃̀ lɛ́ m̀ gèe ka lɛ̀ɛ ɓɛ. Yé Mi Gbe aà yà là dɔ‐táŋáná kpànazɛ̀ ɓɛ là pɛ dɛɛ kɛ‐lùò káa, mia lɛ́ ka tò‐m‐píé‐mìà káa, ka bɛ̃̀ɛ̃, káà lo yàà dɔ‐táŋáná vũ̀ doó wɛ́lɛ́ pèèlɛ là, káà mɛ̀ĩ́‐sà dɔ̀ mia sùu doò do vũ̀ doó wɛ́lɛ́ pèèlɛ lɛ́ o Éézɛ̀lɛ̀‐mìà káa mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 22:30

Káà lo pɛ ɓèlè, káà pɛ mì m̀ téɓò mɔ̀ lɛ̀ lɛ́ m tóò lɛ mia là yia mɔ̀. Ɛ́ɛ̃́ káà lo yàà dɔ‐táŋáná là, káà mɛ̀ĩ́‐sà dɔ̀ mia sùu doò do vũ̀ doó wɛ́lɛ́ pèèlɛ lɛ́ o Éézɛ̀lɛ̀‐mìà káa mɔ̀.

2 Témɔ́tè 4:8

Dɛɛ ká gbaa, pɛ́ m kɛ à mɔ́ɔ̀ bàlà sípìàa, lɛ yàá m gɛ̀nɛ̀. Ye lɛ́ e zòlò lɛ́ lɛ wɔ̃́ kpeĩ kɛɛ̀ mɔ́ɔ̀ zòlò ká, lɛ́ ko Dàa-mì lɛ́ e Mɛ̀ĩ́-sà ɓo-mì kpeĩ káa, è lo à nɔɔ̀ m lɛ̀ɛ Lúó e kília káa káa. Lɛ̀ɛ́ ló à nɔɔ̀ m doó m lɛ̀ɛ. Kɛɛ lɛ́ɛ̀ lo à nɔɔ̀ mia séĩ́ lɛ́ ko Dàa-mì zì ɓɔ̀-mia-là è o zò kũa lɛ̀ɛ.

Wɛ̀lɛ̀vèlésɔ̃̀ 11:16

Yé e kɛ kília, mia dìè-dìè vũ̀ pèèlɛ wɛ́lɛ́ yììsɛ lɛ́ o yàá o zì táŋáná là Wálà wɛlɛ mɔ̀ɔ, o pèlè o gí là wáà gbìnì Wálà lɛ̀ɛ

Wɛ̀lɛ̀vèlésɔ̃̀ 14:3

O dɔ o o wɛlɛ vɔ dɔ-táŋáná, ɛ̃́ɛ̃́ pɛ ɓéèe yììsɛ, ɛ̃́ɛ̃́ zeĩ́ mia dìè-dìè vɔ̀ɔ o píé zàá. O tã́ dɛɛ dò lɛ́ mi gbɛɛ lɛ̀ɛ́ bɛ̀i à dã́ã̀, é kã́ mia wáá wũ doó là vũ̀ yììsɛ wɛ́lɛ́ yììsɛ, lɛ́ o lɔ́ɔ̀ lɛ Wálà lɛ̀ɛ, lɛ́ ò go tã́ã̀ zèea mɔ̀ɔ káa ɓo.

Wɛ̀lɛ̀vèlésɔ̃̀ 19:14

Gèlè-gɔ̃-mìà lɛ́ o lɛ̀ía o tó à píé. Sɔ púlú sélé tété e kɛ o mɔ̀, o yàá ká sòo púlú púlú là, wáà lò.

Wɛ̀lɛ̀vèlésɔ̃̀ 19:4

Mia dìè-dìè vɔ̀ vũ̀ pèèlɛ wɛ́lɛ́ yììsɛɛ, ɛ̃́ɛ̃́ pɛ ɓéèe vɔ̀ yììsɛɛ, o pèlè wáà gbìnì Wálà lɛ́ e kɛ yàá dɔ-táŋáná làa lɛ̀ɛ weeá kélɛ̀, “É kɛ kíli. Hálélúyà.”

Wɛ̀lɛ̀vèlésɔ̃̀ 2:10

Yékɛ̀ í túó wɔ̃́ nyɔ́ɔ̀ɔ nɔ́ɔ fé lɛ́ ì lo à gɛ̃̀ɛ̃̀ dɛɛ káa lɛ̀ɛ. Ì i tóó dɔ. Dɛ́ɓò lɛ à kɛpìà kɛ é ka dò dùò bĩ́-kɛ̀ì, kɛ ká yí-dã́ sɔ̀lɔ̀ ɓo. Káà lo wɔ̃́ nyɔ́ɔ̀ɔ e kília gɛ̃̀ɛ̃̀ lúó vũ̀ doó píé. Ì kɛ zò-dɔ̀à-mɔ̀ zɛ̀ yé bɛ̃̀ɛ̃ í gaa ká. Ḿm̀ lo kɛ̀ɓe-zòlò yàà i wĩĩ́.

Wɛ̀lɛ̀vèlésɔ̃̀ 20:4

Yé e kɛ kília, m dɔ-táŋáná wà mia lɛ́ o kɛ yàá o làa gɛ̃̀. O yíkɛ̀ gáàa nɔ o lɛ̀ɛ kɛ ó mɛ̀ĩ́-sà ɓo à ká. Zéniía, m mia lɛ́ waà o wũ-kèlè kã́ o là o zì kélá-wè ɓoò Zízɛ̀ lɛ̀ɛ, ɛ̃́ɛ̃́ Wálà lé-wè mɔ́ɔ̀ wɔ̃̀ mɔ̀ɔ o gɛ̀ɛ̀ gɛ̃̀. Òó gbini do luú-wììa wà e bĩ́ o lɛ̀ɛ. Ɛ́ɛ̃́ òó luú-wììa là pɛ píéa sɔ̀lɔ̀ ɓo do o pelà, ɛ̃́ɛ̃́ o kɛ̀lɛ̀ɛ. O kɛ ɓe zeĩ́, wà Kɛ́lɛ̀ì nì wáà líé sì mia ká kɛ̀ɛ̀ wáá doó píé.

Wɛ̀lɛ̀vèlésɔ̃̀ 3:18

À mɔ́ɔ̀ wɔ̃̀ mɔ̀ɔ, ḿm̀ lìè-wè dɔ i lɛ̀ɛ kɛ í góò lɛ́ à bà ɓoò lɛ tíé káa lɔ́ m kɛ̀lɛ̀, kɛɛ é i kɛ kpànazɛ̀. Ɛ́ɛ̃́ zeĩ́a, ì sɔ púlú lɔ́, kɛ í i mɛ́ sí à ká, kɛɛ i kpã́ã́ yɛ́lɛ̀ yɛ́lɛ̀ zɛ̀ ɓɛ là é kpaa. Ɛ́ɛ̃́ zeĩ́, ì nyìɛ̀-yíí dò lɔ́ ɓá káá i nyìɛ, kɛ í lɛ̀ gɛ̃̀.

Wɛ̀lɛ̀vèlésɔ̃̀ 4:10

mia dìè-dìè vũ̀ pèèlɛ wɛ́lɛ́ yììsɛɛ, óò dà mi lɛ́ lɛ yàá táŋánáa yía wɛlɛ mɔ̀, wáà gbìnì à lɛ̀ɛ. À ye lɛ́ lɛ ɓe tòá kíli wɔ́lɔ́-wɔ́lɔ́ káa. Óò wà zòlò e kɛ o wĩĩ́a dùò táŋánáa dĩ́ mɔ̀, wáà gèè,

Wɛ̀lɛ̀vèlésɔ̃̀ 4:6

Táŋáná e kília wɛlɛ mɔ̀ɔ pɛ dò lɛ́ à ɓɔɔ̀ lɛ mɛ̀ĩ́ lɛ́ à kɛɛ̀ e kɛá gálásì káa bàa, e kɛ yí. E kɛ zéĩ́-zèĩ̀ lɛ̀ laa-wɛ́lɛ́ lɛ́ ɓe. Pɛ ɓéèe yììsɛ e kɛ táŋáná e kília sɛ̃́ĩ́ mɔ̀ doó doó. Pɛ ɓéèe e kília o nyìɛ-wɛ̀lɛ̀ nìɛɛ̀ e kɛá o líé wà o zízàá mɔ̀ fèkpè-fèkpè le.

Wɛ̀lɛ̀vèlésɔ̃̀ 5:11

M bɛ̀i, m lɛ̀ gɛ̃̀. M Wálà là vɔ-mìà wáá búnù-búnùzɛ̀ lɛ́ òó bɛ̀i à mɔ̀ ó o lónía wéè ma. O nìɛɛ̀ e kɛá táŋánáa wà pɛ ɓéèe yììsɛò, e bɛ̀i mia dìè-dìè vɔ̀ɔ o ká.

Wɛ̀lɛ̀vèlésɔ̃̀ 5:14

Pɛ ɓéèe yììsɛɛ wa gèe kélɛ̀, “É kɛ kíli.” Mia dìè-dìè vɔ̀ɔ o pèlè tã́ã̀ wáà gbìnì Wálà lɛ̀ɛ.

Wɛ̀lɛ̀vèlésɔ̃̀ 5:6

Lɛ̀ e kɛ kília, m Ƃáá nyɔ̀nɔ́ doó gɛ̃̀ dɔ̀á táŋáná zèí zɛ̀ɛ wà pɛ ɓéèe yììsɛɛ nì o zèí. Mia dìè-dìè vɔ̀ɔ o nìɛɛ̀ e kɛá o mɔ̀. Ƃáá nyɔ̀nɔ́ɔ kɛɛ̀ e kɛá lɛ̀ pɛ lɛ́ à zɛɛ̀ e kɛá. Ƃé sálápèèlɛ dɔɔ̀ e kɛá à mɔ̀. Ɛ́ɛ̃́ à nyìɛ-wɛ̀lɛ̀ e kɛ sálápèèlɛ. Nyìɛ-wɛ̀lɛ̀ e kília, lɛ́ e kɛ pɛ sálápèèlɛ lɛ́ è go Wálà kɛ̀lɛ̀, lɛ́ aà o vɔ kpóṹ là zèe lɛ̀ séĩ́ mɔ̀ɔ káa.

Wɛ̀lɛ̀vèlésɔ̃̀ 5:8

Lɛ̀ a kɛ kília, pɛ ɓéèe yììsɛɛ wà mia dìè-dìè vũ̀ pèèlɛ wɛ́lɛ́ yììsɛɛ, o pèlè gbaa Ƃáá nyɔ̀nɔ́ɔ wɛlɛ mɔ̀. Kɔ̃̀níì e kɛ o kɛ̀lɛ̀ o tɔ̀ là doò do. Ɛ́ɛ̃́ kɔ́ɓà lɛ́ à kɛɛ̀ lɛ góò káa, e kɛ o kɛ̀lɛ̀. O paà e kɛá pɛ gĩĩ yiè zɛ̀ lɛ́ e Wálà là mia nì zì sɛ̀nɛ ò ɓoa káa ká.

Wɛ̀lɛ̀vèlésɔ̃̀ 6:11

O sɔ púlú nɔ o lɛ̀ɛ o tɔ̀ là doó doó. Wa gèe ó o fĩ́ĩ́ ɓéĩ́ dɔ ɓɛ̀lɛ̀-píé gbèĩ zɛ̀, é tóá kíli o ɓɛ́ĩ̀ yɛɓo-kɛ-mìà wà o lèe-gé vɔ̀ lɛ́ ò lo o zɛɛ̀ lɛ̀ zí o o zɛ à káa lɛ́ ɓea, o nyáá é pá nɛ́ e kíe mɔ̀.

Wɛ̀lɛ̀vèlésɔ̃̀ 7:11

Wálà là vɔ-mìà séĩ́ o nìɛ̀ dɔ-táŋáná, e bɛ̀i, mia dìè-dìèa ɛ̃́ɛ̃́ pɛ ɓéèe yììsɛɛ o ká. O pèlè o gí là dɔ-táŋánáa wɛlɛ mɔ̀ wáà gbìnì Wálà lɛ̀ɛ

Wɛ̀lɛ̀vèlésɔ̃̀ 7:9

Lɛ̀ e kɛ kília m lɛ̀ gɛ̃̀. Lɛ̀ ma gɛ̃̀ɛ, m mia gbààlà gbùò zɛ̀ gɛ̃̀. Bɛ̀i lɛ̀ɛ́ gbaa kɛ mi dò mɔ̀ kɛ é o lóní. O gó mia kpóló kɛ-kɔ̀ gbɛɛ̀ gbɛɛ zɛ̀ séĩ́, e bɛ̀i síí séĩ́, ɛ̃́ɛ̃́ sɛ́lɛ́ gbɛɛ̀ gbɛɛ yí-mìà séĩ́, ɛ̃́ɛ̃́ zeĩ́ wè gbɛɛ̀ gbɛɛ gèe-mìà séĩ́ bà. O dɔ dɔ-táŋánáa wà Ƃáá nyɔ̀nɔ́ɔ wɛlɛ mɔ̀. Sɔ púlú dàaà e kɛá o mɔ̀. Tóṹ-lɛ́ɛ́ e kɛ o kɔ̀ lé píé,

Wɛ̀lɛ̀vèlésɔ̃̀ 9:7

Pélé-tòo-tòò vɔ̀ɔ o kélɛ̀ sòo vɔ̀ lɛ́ o pɛ̀ kɛɛ̀ lɛ kɛ ó ló gèlè píéa lɛ́ ɓe. Pɛ́ e kɛ o wĩĩ́a e kɛ lɛ̀ zòlò lɛ́ à kɛɛ̀ lɛ góò káa lɛ́ ɓe. O wɛlɛ ɓɔɔ̀ e kɛá mia wɛlɛ bà.