Wɛ̀lɛ̀vèlésɔ̃̀ 4:1 - Wè-dɔ-wè Dɛɛ

¹ Lɛ̀ e kɛ kília, m pɛ dò gɛ̃̀ zeĩ́. M ká lé ɓoòa zɛ̀ gɛ̃̀ lɛ̀í. Ɛ́ɛ̃́ wéé lɛ́ maà ma do, lɛ́ e kɛ kélɛ̀ túlú wéè lɛ́ ɓea, ma ma zeĩ́ áà gèè kélɛ̀, “Ì nu lɛ̀í zèe ḿ pɛ lɛ́ laa mɔ̀ é kɛ wɔ̃́ yé e kéa mɛ̀ĩ́a zɔ̃̀ɔ̃̀ i lɛ̀ɛ.”

Wɛ̀lɛ̀vèlésɔ̃̀ 4:1 Iomraidhean Croise

Máfìù 3:16

Lɛ̀ lɛ́ o nyɛ Zízɛ̀ bàtáì kɛɛ̀ mɔ̀ɔ, Zízɛ̀ e gó yíía bà. Ɛ́ɛ̃́ lɛ̀í lé ɓoò e kɛá à là. Ɛ́ɛ̃́ Zízɛ̀ e Wálà Gɛ̀ɛ̀ gɛ̃̀, áà nù tã́ã̀ kélɛ̀ tèŋè lɛ́ ɓe, áà yà à là.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 1:10

Lɛ̀ Zízɛ̀ e gó nɔ́ yíía bàa, e lɛ̀í gɛ̃̀ à lé áà ɓò e kíe mɔ̀, ɛ̃́ɛ̃́ Gɛ̀ɛ̀ Púlú áà nù à là kélɛ̀ tèŋè lɛ́ ɓe.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 3:21

Lɛ̀ lɛ́ o nyɛ míáa séĩ́ bàtáì kɛɛ̀ mɔ̀ɔ, o Zízɛ̀ bɛ̃̀ɛ̃ bàtáì kɛ nɔ́ kíli. Lɛ̀ e kɛ sɛ̀nɛ ɓopìàa, lɛ̀í lé e ɓo.

Zɔ̃̀ɔ̃́ 16:13

Kɛɛ yé Gɛ̀ɛ̀ Púlú wánà zɛ̀ɛ aà nua, lɛ́ɛ̀ ló líé síì ka ká wɔ̃́ wánà zɛ̀ séĩ́ yí. Lɛ̀ɛ́ ló mɛ́ĩ́ ɓoò e dìè zì yíkɛ̀ gáàa ká. Kɛɛ lɛ́ɛ̀ lo wɔ̃́ lɛ́ aà maa gèeè, ɛ̃́ɛ̃́ tó áà wɔ̃́ lɛ́ lɛ nupìà kɛɛ̀ɛ gèè ka lɛ̀ɛ.

Àpɔ́sɔ̀lɔ̀ 10:11

E lɛ̀í lé ɓoòa zɛ̀ gɛ̃̀. Ɛ́ɛ̃́ e pɛ dò gɛ̃̀, áà nù tã́ã̀. Pɛ́ e kília ɓɔɔ̀ e kɛá sɔ pɛ̃́ɛ̃́ gbùò dò bà. E kɛ lɛ̀ pɛ lɛ́ mia kɔ̀ e kɛ à tóó yììsɛɛ mɔ̀, wáà nùá tã́ã̀.

Àpɔ́sɔ̀lɔ̀ 7:56

A gèe, “Lɛ̀ gɛ̃̀. M lɛ̀í gɛ̃̀ e lé ɓoòa zɛ̀ ká, ɛ̃́ɛ̃́ m Mi Gbe gɛ̃̀ dɔ̀á Wálà kɔ̀ yiè yí.”

Wɛ̀lɛ̀vèlésɔ̃̀ 1:10

Ko Dàa-mì zì lúó káa, à zì Gɛ̀ɛ̀ e kɛ m là. M wéé gágà dò ma m mɛ̀ĩ́. Wéé e kília, e kɛ lɛ̀ túlú wéè lɛ́ ɓe.

Wɛ̀lɛ̀vèlésɔ̃̀ 1:12

M nìɛ̀ kɛ ḿ mi lɛ́ e kɛ wéépìà m lɛ̀ɛ gɛ̃̀. Lɛ̀ m nìɛ̀ɛ, m nábò yàà-là-pɛ̀ sálápèèlɛ lɛ́ à kɛɛ̀ e kɛá góò káa gɛ̃̀.

Wɛ̀lɛ̀vèlésɔ̃̀ 1:19

Ì pɛ lɛ́ ì à gɛ̃̀ɛ bɛ̃̀ɛ̃. Wɔ̃́ lɛ́ lɛ ɓe dɛɛ káa, ɛ̃́ɛ̃́ wà à yé è lo kɛɛ̀ líéa o bɛ̃̀ɛ̃.

Wɛ̀lɛ̀vèlésɔ̃̀ 11:12

Dɔ̀-Wálà-lé-là-mìà pèèlɛ o kília o wéé gágà dò ma áà gò lɛ̀í áà mɛ́ĩ́ ɓò o lɛ̀ɛ weeá kélɛ̀, “Kà nu lɛ̀í zèe.” O wɛ̀lɛ̀ gbaa o dàa-gbe vɔ̀ nyìɛ́ wáà wàà lúé-lúé yí, wáà lò lɛ̀í.

Wɛ̀lɛ̀vèlésɔ̃̀ 11:19

Wálà-kà lɛ́ e lɛ̀ía, lé ɓoò e kɛá. Gbɔ̀lɔ̀ lɛ́ Wálà là wè-dɔ-wè e kɛ à yía, wa gɛ̃̀ à zì káa wì. Lɛ̀í-kɛ-gɛ́lɛ́, wà pɛ wéè, e bɛ̀i gbánà wéè nì e dɔ yí. Sɛ́lɛ́ e kã́ áà lò gìè. Laa-wɛ́lɛ́ káà e kɛá yi yí gbùò zɛ̀.

Wɛ̀lɛ̀vèlésɔ̃̀ 16:17

Wálà là vɔ-mì sálápèèlɛ-mìa e e zì kɔ́ɓàa gĩ́ ɓo lɛ̀í. Wéé gágà dò e gó dɔ-táŋáná lɛ́ e kɛ Wálà là káa wìa píé weeá kélɛ̀, “À kɛɛ̀ lɛ gbaa.”

Wɛ̀lɛ̀vèlésɔ̃̀ 19:11

Yé e kɛ kília, m lɛ̀í lé ɓoòa zɛ̀ gɛ̃̀. Sòo púlú doó e kɛ yí. Mi lɛ́ è à tààa óò si Mi Zò-dɔ̀à-mɔ̀ zɛ̀ ɛ̃́ɛ̃́ Mi Wánà zɛ̀. Yé aà mɛ̀ĩ́-sà ɓo, ɛ̃́ɛ̃́ lɛ́ aà gèlè gɔ̃ɔ, láà kɛ̀ kpeĩ wɔ̃́ kɛ-zì ká.

Wɛ̀lɛ̀vèlésɔ̃̀ 22:6

Yé e kɛ kília, Wálà là vɔ-mìa a gèe m lɛ̀ɛ, “Wéé e kéa lɛ wánà zɛ̀, ɛ̃́ɛ̃́ mi íì bɛ̀i à mɔ̀ í i zò dɔ à mɔ̀. Ko Dàa-mì Wálà lɛ́ è e Gɛ̀ɛ̀ nɔ dɔ̀à-lé-là-mìà lɛ̀ɛ, e là vɔ-mì vɔ kɛ é pɛ lɛ́ laa mɔ̀ é kɛ dɛɛ káa zɔ̃̀ɔ̃̀ là yɛɓo-kɛ-mìà lɛ̀ɛ.”