Wɛ̀lɛ̀vèlésɔ̃̀ 3:2 - Wè-dɔ-wè Dɛɛ

² À mɔ́ɔ̀ wɔ̃̀ mɔ̀ɔ, vùò í pɛ lɛ́ lɛ tĩã́ i kɛ̀lɛ̀ɛ wɛ́lɛ́ dà à yí, yékɛ̀ é ga kpó-kpó ɓo. Ƃii wɔ̃́ lɛ́ ɓaà à kɛɛ, maà à gɛ̃̀ kélɛ̀ ye wá nɛ́ kpeĩ m̀ Wálà wɛlɛ mɔ̀.

Wɛ̀lɛ̀vèlésɔ̃̀ 3:2 Iomraidhean Croise

Máfìù 23:5

Óò pɛ séĩ́ kɛ̀ mia wà o gɛ̃̀ɛ̃ɛ̃̀ wɛ̃́ĩ̀. Pɛ lɛ́ Wálà kiia lɛ à yí, lɛ́ ò à yà o pelà, wáà dò dũ̀ o póó mɔ̀ɔ, óò à kɛ̀ gbùò gbùò. Ɛ́ɛ̃́ o zì sɔ́ɔ à vìà‐víá lɛ́ lɛ à mɔ̀ɔ, óò o kɛ̀ gbèĩ gbèĩ.

Máfìù 25:13

“À mɔ́ɔ̀ wɔ̃̀ mɔ̀ɔ, kà ka yɛ́lɛ́ kɛ ka dìè píé, ɓii kàá lúó wà lɛ̀‐kpɛ̀iì ɓɛ dɔ.

Máfìù 25:7

Loà nɛ̀ĩ́ vũ̀ doóa, o vùò. O wà nábòa pɛ̀ kɛ.

Àpɔ́sɔ̀lɔ̀ 18:23

Lɛ̀ e kɛ yí lúó dò píéa, e gó gbaa yí. E die gbaa sɛ́lɛ́ lɛ́ ò si Gɛ̀lésìà wà Fílízìàa o lɛ̀ séĩ́ mɔ̀, áà lò tò-Zízɛ̀-píé-mìàa mɛ́ kɛ̀á sí gágà.

1 Pílɛ̀ 4:7

Pɛ séĩ́ líé-nyɛ-lùò aà tó kɔ̀ɛ́. Laa mɔ̀ ká kɛ dìè-kũ̀-tã́ã̀ zɛ̀, ɛ̃́ɛ̃́ ká yà ka nyìɛ́, kɛ bɛ̀i é kɛ ka mɔ̀ káà sɛ̀nɛ ɓò.

1 Pílɛ̀ 5:8

Kà yà ka nyìɛ́, káà ka yɛ́lɛ́ kɛ̀ zuú. Mi lɛ́ è gèlè gɔ̃ ka ká, lɛ́ e kélɛ̀ Dɛ́ɓòa, lɛ lópìà tàá sí lɛ̀ wɔ̀ɔ́ù lɛ́ è lo gũ̀mɛá sí, áà mi nàà á ɓèlèa lɛ́ ɓe.

Wɛ̀lɛ̀vèlésɔ̃̀ 16:15

“Kà ka tóó dɔ. M nupìà lɛ̀ kã̀ã-mì lɛ́ è nu. Mi lɛ́ è yà e nyìɛ́, ɛ̃́ɛ̃́ lɛ́ è e zò kɛ̀ e mɔ̀-sɔ̀ píé, yékɛ̀ é die píé e kpã́ã́ ká, ɛ̃́ɛ̃́ yékɛ̀ yɛ́lɛ̀ é kpɔ́ à là mia gbũ fĩ̀ã̀a, zò géli lɛ à kɛ̀lɛ̀.”

Wɛ̀lɛ̀vèlésɔ̃̀ 2:4

Kɛɛ wɔ̃́ lɛ́ m̀ḿ naa à ká i mɔ̀ɔ gɛ̃̀ e ké. M lɔ̀ wá i mɔ̀ gbaa lɛ̀ zí e kɛá i mɔ̀ bèĩzɛ̀ɛ lɛ́ ɓe.

Wɛ̀lɛ̀vèlésɔ̃̀ 3:1

“Wɔ̃́ e kéa bɛ̃̀ɛ̃ Wálà-mìà lɛ́ o Sádàa wà vɔ-mì píé. À bɛ̃̀ɛ̃ weeá kélɛ̀, “Mi lɛ́ pɛ sálápèèlɛ lɛ́ è go Wálà kɛ̀lɛ̀, ɛ̃́ɛ̃́ sĩ̀ã́ã̀ŋèlè sálápèèlɛ lɛ à kɛ̀lɛ̀ɛ, wɔ̃́ lɛ́ à gèea, gɛ̃̀ e ké. Ḿm̀ i kɛ-wɔ̃̀ dɔ. Ḿm̀ à yí dɔ óò à gèe kélɛ̀ i ɓéèe yé bɛ̃̀ɛ̃ i gaà lɛɛ ká.

Wɛ̀lɛ̀vèlésɔ̃̀ 3:3

À mɔ́ɔ̀ wɔ̃̀ mɔ̀ɔ, i zò è vùò pɛ lɛ́ wa zɔ̃̀ɔ̃̀ i lɛ̀ɛ, ɛ̃́ɛ̃́ zi lɛ́ i à ma à káa ká. Ì à kɛ, ɛ̃́ɛ̃́ í i sɔ̃̀ɔ̃ mɛ́ vɔ̀ɔ. Í gɔ̃̀á vùòa, ḿm̀ lo nuù i là lɛ̀ kã̀ã-mì lɛ́ ɓe. Ɛ́ɛ̃́ ìí ló bɛ̃̀ɛ̃ lúó lɛ́ m̀ lo nuù à káa dɔɔ̀.