Wɛ̀lɛ̀vèlésɔ̃̀ 2:9 - Wè-dɔ-wè Dɛɛ

⁹ Ḿm̀ wɔ̃́ nyɔ́ɔ̀ɔ nì lɛ́ ɓà gɛ̃̀ɛ dɔ. Ḿm̀ à yí dɔ kélɛ̀ pɛ wá i kɛ̀lɛ̀. Kɛɛ wánà kpó-kpó káa, i pɛ-mì ká. Ɛ́ɛ̃́ ḿm̀ wɔ̃́ yɔɔ̀ yɔɔ̀ lɛ́ míá ò o dìè si Zúù-mìàa ò gèe i gbĩ mɔ̀ɔ, ḿm̀ à dɔ. O wá Zúù-mìà ká. Mia kù o kília, o Sétɔ̃̀ là mia nì ká.

Wɛ̀lɛ̀vèlésɔ̃̀ 2:9 Iomraidhean Croise

Máfìù 4:10

Lɛ̀ e kɛ kília, Zízɛ̀ a gèe à lɛ̀ɛ, “Sétɔ̃̀, gó dɔ̀á m là. À bɛ̃̀ɛ̃ɛ̃̀ lɛ Wálà là kíía yí kélɛ̀, ‘Ì gbini i Dàa‐mì lɛ́ e ɓà Wálà káa lɛ̀ɛ. Ì kɛ à doó là yɛɓo‐kɛ‐mì ká.’ ”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:21

“Zi lɛ́ mia lɛ́ ò dɔ‐pɔ̀ɔ̀ pa e kíe mɔ̀ o dìè mɔ́ɔ̀ wɔ̃̀ mɔ̀, tó o wá kpànazɛ̀ Wálà nyìɛ mɔ̀ɔ, o à káa, lɛ́ ɓɛ.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 22:65

Ɛ́ɛ̃́ o o wè sí à mɔ̀ píé.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 4:18

“Ko Dàa‐mì là Gɛ̀ɛ̀ lɛ m là. Ƃii aà m sí, kɛ ḿ wɔ̃́ làṹ yièa gèe mia lɛ́ pɛ wá o kɛ̀lɛ̀ɛ lɛ̀ɛ. Aà m vɔ kɛ ḿ mi‐la‐wɔ̃̀ gèe bĩ́‐kɛ̀ì‐mìà lɛ̀ɛ lòũ̀ ká, ɛ̃́ɛ̃́ kɛ ḿ gèe mia lɛ́ o nyìɛ káà lɛɛ lɛ̀ɛ kélɛ̀ óò lo lɛ̀ gɛ̃̀ɛ̃̀ zeĩ́. Ɛ́ɛ̃́ zeĩ́, e m vɔ kɛ ḿ mia lɛ́ ò o lùò‐là kɛ̀ ɓoa, ɓo wɔ̃́ yí,

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 6:20

Zízɛ̀ e lɛ̀ gɛ̃̀ là tòà‐píé‐mìàa là, áà gèè, “Mia lɛ́ pɛ wá ka kɛ̀lɛ̀ɛ, zò géli lɛ ka kɛ̀lɛ̀. Ƃii ka lɛ́ ka mia lɛ́ Wálà tóò lɛ o làa káa.

Zɔ̃̀ɔ̃́ 16:33

Maà wɔ̃́ e kéa gèe ka lɛ̀ɛ, kɛɛ ká zò-yà-gé sɔ̀lɔ̀ ɓo kɔ̀à ɓi nì kɔa kɛ̀ doó kolo là. Kpóṹ là lɛ́ɛ̀ lo ka yéĩ̀-kɛ̀ ɓoò. Kɛɛ kà kɛ zò-kũ̀-gé zɛ̀. M kɔ̀ aà die kpóṹ là zèe là.”

Àpɔ́sɔ̀lɔ̀ 14:22

O tò-Zízɛ̀-píé-mìà lɛ́ o kɛ sɛ́lɛ́ e píé kília yía mɛ́ kɛ e kɛ gágà. O o fã̀ã́-wàà-wè gèe, kɛ ó kùnù zò-dɔ̀à-mɔ̀ ɓɛ mɔ̀ wáà lòá líé. O wɔ̃́ lɛ́ e kéa zɔ̃̀ɔ̃̀ o lɛ̀ɛ. Ye lɛ́ e kélɛ̀, lɛ à mɔ̀ wɔ̃́ nyɔ́ɔ̀ɔ nyɔ́ɔ̀ɔ é kɛ ko ká, kɛ kó tĩã́ ɓɔɔ̀ lɛ̀ lɛ́ Wálà tóò lɛ mia là yia mɔ̀.

Àpɔ́sɔ̀lɔ̀ 26:11

M wɔ̃́ nyɔ́ɔ̀ɔ kɛ o ká Zúù-mìà zì Wálà-kà wì píé lúó búnùzɛ̀ ká. M o kɛ-zì naa kɛ ó wɔ̃́ yɔɔ gèe Zízɛ̀ gbĩ mɔ̀. Wɔ̃́ e m wàa o píé, a kɛ tó máà lò o sã̀ dɔ̀á sí sɛ́lɛ́ doò do yí píé.

Wólómà 12:12

Pɛ lɛ́ ka zò laa mɔ̀ɔ, è ka kɛ géli zɛ̀. Kà ka zò kṹ tã́ã̀ ka zì wɔ̃́ nyɔ́ɔ̀ɔ gɛ̃̀ɛ̃ɛ̃̀ yí. Kà sɛ̀nɛ ɓo lúó séĩ́ ká.

Wólómà 2:17

Kɛɛ ɓí ɓi bɛ̃̀ɛ̃, ì i dìè si Zúù-mì ɓɛ. Íì i zò dɔ Lɔ́ɔ̀ɔ mɔ̀. Íì lé-gbùò-là kɛ̀ Wálà mɔ́ɔ̀ wɔ̃̀ mɔ̀.

Wólómà 5:3

Ye wá bɛ̃̀ɛ̃ à doó ká. Kɛɛ kóò géli kɛ̀ yé wɔ̃́ nyɔ́ɔ̀ɔ aà ɓɔ ko làa ká. Ƃii kóò yí dɔ kélɛ̀ wɔ̃́ nyɔ́ɔ̀ɔ gɛ̃̀ɛ̃ɛ̃̀ lɛ́ɛ̀ fã̀ã́-wàà nɔ mi lɛ̀ɛ.

Wólómà 8:35

Yé lɛ kília, dé è bɛ̀i à mɔ̀ é ko ɓo Kɛ́lɛ̀ì zì lɔ̀-kɛ̀à-mɔ̀ɔ píé? Wɔ̃́ nyɔ́ɔ̀ɔ, lúó gágà kṹũ̀, ɛ̃́ɛ̃́ sã̀-dɔ wà lɔ̀ɔ, e bɛ̀i pɛ nyɛ̀ mi kɛ̀lɛ̀, wɔ̃́ gbíníí zɛ̀, ɛ̃́ɛ̃́ ga, pɔɔ̀ o kéa, óò bɛ̀i à mɔ̀ ó à kɛ kɔ́á gó à píé?

Wólómà 9:6

Ma wáá gèepìà kélɛ̀ Wálà lé-wè aà kɔ̃́ à mɔ̀. Ƃii mia lɛ́ o Éézɛ̀lɛ̀-mìà káa, o séĩ́ wá Éézɛ̀lɛ̀-mìà kpó-kpó ká.

2 Kɔ̀léĩ́tĩ̀ã̀ 6:10

Yé bɛ̃̀ɛ̃ ko kɛɛ̀ lɛ yéĩ̀zɛ̀ɛ, ko gé liì lɛ teele. Óò ko gɛ̃̀ mia lɛ́ pɛ wá o kɛ̀lɛ̀ɛ ká. Kɛɛ kóò mia búnù-búnùzɛ̀ kɛ̀ kpànazɛ̀. Ko lɛ̀ pɛ lɛ́ pɛ wá ko kɛ̀lɛ̀, kɛɛ pɛ séĩ́ kɛɛ̀ lɛ kò pɛ ká.

2 Kɔ̀léĩ́tĩ̀ã̀ 8:2

Wɔ̃́ nyɔ́ɔ̀ɔ doò do lɛ́ o kɛ à gɛ̃̀pìàa, e kɛ dóo yí-dã́-wɔ̃̀ gágà ká o là. Kɛɛ o zì géli e kɛ dóo kpànazɛ̀, òó gbaa kɛ kpàapìà pɛ nɔ̀ mia lɛ̀ɛ pìà. Lɛ̀ zí bɛ̃̀ɛ̃ lɛ́ pɛ lɛ̀ɛ́ gbaa kɛá o kɛ̀lɛ̀ɛ, o kɛ gba-ɓo kɛpìà kpànazɛ̀.

2 Kɔ̀léĩ́tĩ̀ã̀ 8:9

Ƃii káà ko Dàa-mì Zízɛ̀ Kɛ́lɛ̀ì zì zò-kɛ̀-sɛ̀ɛ dɔ. E e dìè kɛ mi lɛ́ pɛ wá à kɛ̀lɛ̀ɛ ká ka mɔ́ɔ̀ wɔ̃̀ mɔ̀, yé bɛ̃̀ɛ̃ e kɛ kpànazɛ̀ɛ ká. E à kɛ kíli kɛɛ ká kɛ kpànazɛ̀ à zì pɛ nyɛ̀ à kɛ̀lɛ̀ kolo là zàá.

1 Tɛsàlónìà 3:4

Ƃii lɛ̀ ko kɛ tĩã́ ka píéa, kɔa gèe ka lɛ̀ɛ líé kélɛ̀ sã̀-dɔ nì lɛ́ɛ̀ lo ɓɔɔ̀ ko là. Ɛ́ɛ̃́ káà à yí dɔ kélɛ̀ wɔ̃́ kpó-kpó nɔ́ɔ lɛ́ è kɛ̀ɛ.

1 Témɔ́tè 1:13

A kɛ kíli, yé bɛ̃̀ɛ̃ m kɛ wɔ̃́ yɔɔ gèepìà à gbĩ mɔ̀ bèĩzɛ̀, ɛ̃́ɛ̃́ lɛ́ m à sã̀ dɔ máà lé-kã́ kɛ̀ à mɔ̀ɔ káa ká. Kɛɛ Wálà e m yéĩ̀ kṹ, ɓii zò-dɔ̀à-mɔ̀ lɛ̀ɛ́ gbaa kɛ m yí, ɛ̃́ɛ̃́ wɔ̃́ m kɛ à kɛpìàa, m̀ḿ gbaa kɛ à yí dɔpìàa ká.

1 Témɔ́tè 6:18

À gèe o lɛ̀ɛ ó wɔ̃́ yiè kɛ kɛ o zì dɔ-pɔ̀ɔ̀ é kɛ wɔ̃́ yiè kɛɛ̀ ká, ó kɛ pɛ nɔ̀-mia-lɛ̀ɛ mìà ká, ɛ̃́ɛ̃́ o pɛ̀ kɛɛ̀ é kɛá kɛ wà mia gbɛɛ nì ó dɔ o zì dɔ-pɔ̀ɔ̀ e kília yí.

Wɛ̀lɛ̀vèlésɔ̃̀ 1:9

Ma Zɔ̃̀ɔ̃́ lɛ́ m ka lèe-gé káa. Kò Zízɛ̀ ko kɛ̀ à yí doóa kolo là zàáa, kɔa nɔ́ à yí doó wɔ̃́ nyɔ́ɔ̀ɔ gɛ̃̀ɛ̃ɛ̃̀, e bɛ̀i, à zì tò-mia-là, ɛ̃́ɛ̃́ zeĩ́ zò-kũ̀-tã́ã̀ yí zàá. M kɛ sɛ́lɛ́ lɛ́ yíí nìɛ̀ lɛ à mɔ̀, lɛ́ ò si Pámɔ̀ɔ à lɛ̀ mɔ̀. O m yà yi, ɓii m Wálà lé-wè ɛ̃́ɛ̃́ kélá-wè lɛ́ Zízɛ̀ a ɓoa wɔ̃̀ gèea mɔ́ɔ̀ wɔ̃̀ mɔ̀.

Wɛ̀lɛ̀vèlésɔ̃̀ 2:13

Ḿm̀ i kɛpìà lɛ́ Sétɔ̃̀ zì dɔ-táŋáná gbɛ̃̀ɛ̃̀ lɛ yía dɔ. Íì m wɔ̃̀ kũ gágà. I zì zò-dɔ̀à-mɔ̀ lɛ́ lɛ i yí m mɔ́ɔ̀ wɔ̃̀ mɔ̀ɔ, ìí gbaa kã́ à mɔ̀, lúó lɛ́ bɛ̃̀ɛ̃ o Ã́típà zɛ à káa ká. O Ã́típà lɛ́ e kɛ m zì kélá zò-dɔ̀à-mɔ̀ zɛ̀ káa zɛ ka fĩ̀ã̀ yi, lɛ̀ lɛ́ Sétɔ̃̀ lɛ yía mɔ̀.

Wɛ̀lɛ̀vèlésɔ̃̀ 2:2

Ḿm̀ i kɛ-wɔ̃̀ dɔ. Zi lɛ́ ɓaà yɛɓo kɛá gágà, ɛ̃́ɛ̃́ zi lɛ́ ɓaà i zò kṹ à ká tã́ã̀a, ḿm̀ à dɔ. Ḿm̀ yí dɔ kélɛ̀ zò-kũ̀-gé wá i kɛ̀lɛ̀ wɔ̃́ yɔɔ kɛ-mìà mɔ́ɔ̀ wɔ̃̀ mɔ̀. Ḿm̀ yí dɔ kélɛ̀ ɓaà mia lɛ́ ò o dìè si àpɔ́sɔ̀lɔ̀ vɔ̀ lɛ́ o wá mɔṹ àpɔ́sɔ̀lɔ̀ vɔ̀ káa, ɓaà o yí dã́. Ƃaà à yí dɔ gbaa kélɛ̀ o nɛ̀-mìà ká.

Wɛ̀lɛ̀vèlésɔ̃̀ 2:24

“Kɛɛ mia yé ka tó lɛ́ ka Táyàtélàa, kàá tó do pɛ-zɔ̃̀ɔ̃̀-kɔ̀ e kília píé. Kàá wɔ̃́ lɛ́ mia yé o tóa ò si Sétɔ̃̀ zò-wì-wɔ̃̀ɔ dã́ nɛ́. Ḿm̀ gèe ka lɛ̀ɛ, m̀ḿ ló vũ gbɛɛ yàà ka wĩĩ́.

Wɛ̀lɛ̀vèlésɔ̃̀ 3:9

Ì i tóó dɔ. Ḿm̀ lo à kɛɛ̀ tó mia kù lɛ́ o Sétɔ̃̀ là mia nì ká, lɛ́ ò nɛ̀ kɛ̀ wáà gèè o Zúù-mìà ká, lɛ́ o wá mɔṹ à káa, ḿm̀ lo à kɛɛ̀ ó nu ka líé, wáà gbìnì ka gã̀ dṹɔ̃̀. Óò lo à yí dɔɔ̀ kélɛ̀ ka lɔ̀ kpɔ́ɔ̀ lɛ m mɔ̀.

Wɛ̀lɛ̀vèlésɔ̃̀ 7:14

Ma gèe à lɛ̀ɛ kélɛ̀, “M dàa, ɓi lɛ́ ɓà dɔɔ.” A gèe m lɛ̀ɛ kélɛ̀, “Míá o kéa, o lɛ́ waà la sã̀-dɔ yí gbùò zɛ̀ɛ kɛ̀lɛ̀ɛ. O wà sɔ́ɔ pɛ́lɛ́ Ƃáá nyɔ̀nɔ́ɔ léà ká, áà o kɛ̀ púlú.