Biblia Todo Logo
Bìoball air-loidhne

- Sanasan -




Wɛ̀lɛ̀vèlésɔ̃̀ 2:5 - Wè-dɔ-wè Dɛɛ

5 I zò è vùò lɛ̀ lɛ́ i gó yi lɛ́ i pèlèa ká. Ì i sɔ̃̀ɔ̃ mɛ́ vɔ̀ɔ, í wɔ̃́ lɛ́ i kɛ à kɛpìà líéa kɛ. Í gɔ̃̀á i sɔ̃̀ɔ̃ mɛ́ vɔ̀ɔɔ̀ɔ, ḿm̀ lo nuù i píé, tó m ɓà nábò yàà-là-pɛ̀ɛ ɓo e dɔ̀lɔ̀ mɔ̀.

Faic an caibideil Dèan lethbhreac




Wɛ̀lɛ̀vèlésɔ̃̀ 2:5
34 Iomraidhean Croise  

“Ka lɛ́ kà lɛ̀ fɔ̀nɔ kpóṹ là zèe mìà bàa. Pɛ́lɛ lɛ́ ò à dɔ tɔ̃̀ũ̀ tùluùa, à bĩ̀ĩ̀ lɛ̀ɛ́ ɓo.


Mi gbɛɛ lɛ̀ɛ́ nábò dɔ kɛɛ é páni gbini à là. Kɛɛ lɛ́ɛ̀ à yà nábò yàà‐là‐pɛ̀ là, tó áà lɛ̀ fɔ̀nɔ̀ mia séĩ́ lɛ́ o kɛ́ìa bà.


“Nyɛ́nɛ̀ĩ̀ e kília dàa-mì lɛ́ɛ̀ lo gbaa à kɛɛ̀ kpɛ? Lɛ́ɛ̀ lo nuù, tó e mia lɛ́ o kília o zɛ, tó e nyɛ́nɛ̀ĩ̀a sí, a dɔ̀ kɛ mia gbɛɛ kɛ̀lɛ̀ ó o nyìɛ kɛ à mɔ̀.


Lɛ́ɛ̀ lo dɔɔ̀ à mɔ̀ líé. À zò wà à zì yíkɛ̀ gáàa mɛ́ lɛ́ɛ̀ lo kɛɛ̀ gágà, lɛ̀ zí Ìláyà zì e kɛá mɔ́ɔ lɛ́ ɓe. Lɛ́ɛ̀ lo à kɛɛ̀ tó nɛ́ wà o dàa nì o kɛ doó zeĩ́. Lɛ́ɛ̀ lo mia lɛ́ òó Wálà wéè kɛɛ nìɛ̀, kɛ wà mia yé lɛ́ o kpeĩa nì o zì gíkã́ é kɛ doó. Lɛ́ɛ̀ lo ko Dàa‐mì là mia pɛ̀ kɛɛ̀ à lɛ̀ɛ.”


Lɛ́ɛ̀ lo nuù, tó e mia lɛ́ o kília o zɛ, tó e nyɛ́nɛ̀ĩ̀a sí, a dɔ̀ kɛ mia gbɛɛ kɛ̀lɛ̀ ó o nyìɛ kɛ à mɔ̀.” Lɛ̀ míáa o wɔ̃́ e kília maa, wa gèe kélɛ̀, “Lɛ̀ɛ́ bɛ̀i kɛɛ̀ kíli.”


Mia lɛ́ kà à kɛ-zì nàà kɛ ká kɛ kpeĩ Wálà lɛ̀ɛ Lɔ́ɔ̀ɔ kɛɛ̀ káa, kaà ka dìè kã́ gbaa Kɛ́lɛ̀ì mɔ̀. Ka ɓoò lɛ gbaa Wálà zì zò-kɛ̀-sɛ̀ wì.


Kà kɛ kíli kɛ ká kɛ mia lɛ́ wɔ̃́ tóò wá o wĩĩ́, e bɛ̀i, mia lɛ́ kɛɛ wá o mɔ̀ɔ ká. Yé aà kɛ kília, káà lo kɛɛ̀ Wálà là nɔ́ɔ̀ lɛ́ o kpeĩ, lɛ́ o ɓe mia kɛ-pɛ̀ yɔɔ zɛ̀ lɛ́ o wá kpeĩa bàa ká. Káà lo lɛ̀ fɔ̀nɔɔ̀ o fĩ̀ã̀ lɛ̀ zí sĩ̀ã́ã̀ŋèlè è lɛ̀-fɔ̀nɔɔ̀ɔ nɔ à ká kpóṹ là zèe lɛ̀ɛ lɛ́ ɓe,


Zi lɛ́ ka wɔ̃̀ e kɛá lúó lɛ́ aà diea píéa, ka zò è vùòá. Lúó e kília ká kɛɛ Wálà là lɛ̀-fɔ̀nɔ-kɔ̀ aà lɛ̀ fɔ̀nɔ ka bàa, ka wàa búnùzɛ̀ ɓèlè. Kɛɛ é kɛ bɛ̃̀ɛ̃ kília, kàá gbaa tó à gbɛ̀ɛ́ɛ̀ wì.


Kɛɛ míá ka m̀ lɔ̀-kɛ̀á-mìà káa, káà wɔ̃́ e kéa yí dɔ gbaa. À mɔ́ɔ̀ wɔ̃̀ mɔ̀ɔ, kà ka yɛ́lɛ́ kɛ ka dìè píé, yékɛ̀ lɔ́ɔ̀ sìè-mìà zì wɔ̃́ niìa á kɛ ká gó zi lèe mɔ̀, áà kɛ̀ káà gò ka dɔ̀lɔ̀ yièa mɔ̀.


Mi lɛ́ yíkɛ̀ gáàa lɛ à kɛ̀lɛ̀ kɛ é ka tèá pèleè mɔ̀, ɛ̃́ɛ̃́ lɛ́ è bɛ̀i à kɛɛ̀ kɛ kɛɛ áà nyɛ̀ ka mɔ̀, tó áà nù ka ká e wɛlɛ mɔ̀, kɛɛ géli é kɛ ka là à zì lɛ̀-fɔ̀nɔ-kɔ̀ wɛlɛ mɔ̀ɔ, è tɔ́-ɓɔ sɔ̀lɔ̀ ɓo.


Sĩ̀ã́ã̀ŋèlè sálápèèlɛ lɛ́ ɓà gɛ̃̀ m kɔ̀ yiè kɛ̀lɛ̀ɛ, ɛ̃́ɛ̃́ nábò yàà-là-pɛ̀ sálápèèlɛ lɛ́ o kɛɛ̀ lɛ góò káa, tó ḿ wɔ̃́ lɛ́ à gbɛ̃̀ɛ̃̀ lɛ o mɔ̀, lɛ́ mia òó gbaa kɛ à dɔpìàa, ḿ gèe i lɛ̀ɛ. Sĩ̀ã́ã̀ŋèlè sálápèèlɛɛ o lɛ́ o Wálà-mìà kpolà sálápèèlɛɛ wà vɔ-mìà káa. E bɛ̀i, nábò yàà-là-pɛ̀ sálápèèlɛɛ lɛ́ o Wálà-mìà kpolà sálápèèlɛɛ káa.


Mia o gélé lɛ̀-tíèe sùu e kília ká. Yé e kɛ kília, o Wálà lɛ́ yíkɛ̀ gáàa lɛ à kɛ̀lɛ̀ mia sã̀-dɔ-pɛ̀ séĩ́ lɛ́ e kília làa wa tɔ́ sí. Kɛɛ òó gbaa o sɔ̃̀ɔ̃ yɔɔ mɛ́ vɔ̀ɔ kɛ ó à tɔ́ ɓɔ.


À mɔ́ɔ̀ wɔ̃̀ mɔ̀ɔ, ì i sɔ̃̀ɔ̃ mɛ́ vɔ̀ɔ. Í gɔ̃̀á kɛɛ̀ kília, kɛɛ maà nu i píé dɛɛ ká, máà gèlè gɔ̃̀ míá o kília ká gèlè-gɔ̃-làà lɛ́ à dɔɔ̀ lɛ m léa ká.


Ḿm̀ i kɛ-wɔ̃̀ dɔ. I zì lɔ̀-kɛ̀à-mɔ̀, e bɛ̀i i zì zò-dɔ̀à-mɔ̀, ɛ̃́ɛ̃́ i zì yɛɓo ɛ̃́ɛ̃́ i zì zò-kũ̀-tã́ã̀a, ḿm̀ à dɔ. Ḿm̀ à yí dɔ i wɔ̃́ kɛpìà gbùò gbaa é diá wɔ̃́ ɓa kɛ bèĩzɛ̀ɛ là.


Ḿm̀ i kɛ-wɔ̃̀ dɔ. Zi lɛ́ ɓaà yɛɓo kɛá gágà, ɛ̃́ɛ̃́ zi lɛ́ ɓaà i zò kṹ à ká tã́ã̀a, ḿm̀ à dɔ. Ḿm̀ yí dɔ kélɛ̀ zò-kũ̀-gé wá i kɛ̀lɛ̀ wɔ̃́ yɔɔ kɛ-mìà mɔ́ɔ̀ wɔ̃̀ mɔ̀. Ḿm̀ yí dɔ kélɛ̀ ɓaà mia lɛ́ ò o dìè si àpɔ́sɔ̀lɔ̀ vɔ̀ lɛ́ o wá mɔṹ àpɔ́sɔ̀lɔ̀ vɔ̀ káa, ɓaà o yí dã́. Ƃaà à yí dɔ gbaa kélɛ̀ o nɛ̀-mìà ká.


Mia lɛ́ o lɔ̀ kpɔ́ɔ̀ lɛ m mɔ̀ɔ, ḿm̀ wèè o lɛ̀ɛ máà o kũ̀ gágà. À mɔ́ɔ̀ wɔ̃̀ mɔ̀ɔ, fã̀ã́-wàà è kɛ i yí ɓáà i sɔ̃̀ɔ̃ mɛ́ vɔ̀ɔ̀.


Lean sinn:

Sanasan


Sanasan