Wɛ̀lɛ̀vèlésɔ̃̀ 2:2 - Wè-dɔ-wè Dɛɛ

² Ḿm̀ i kɛ-wɔ̃̀ dɔ. Zi lɛ́ ɓaà yɛɓo kɛá gágà, ɛ̃́ɛ̃́ zi lɛ́ ɓaà i zò kṹ à ká tã́ã̀a, ḿm̀ à dɔ. Ḿm̀ yí dɔ kélɛ̀ zò-kũ̀-gé wá i kɛ̀lɛ̀ wɔ̃́ yɔɔ kɛ-mìà mɔ́ɔ̀ wɔ̃̀ mɔ̀. Ḿm̀ yí dɔ kélɛ̀ ɓaà mia lɛ́ ò o dìè si àpɔ́sɔ̀lɔ̀ vɔ̀ lɛ́ o wá mɔṹ àpɔ́sɔ̀lɔ̀ vɔ̀ káa, ɓaà o yí dã́. Ƃaà à yí dɔ gbaa kélɛ̀ o nɛ̀-mìà ká.

Wɛ̀lɛ̀vèlésɔ̃̀ 2:2 Iomraidhean Croise

Máfìù 7:23

Yé aà kɛ kília, ḿm̀ lo à gèeè o lɛ̀ɛ, ‘M̀ḿ gbaa ka dɔ gbɛɛ ɓo. Kɛ‐pɛ̀ yɔɔ kɛ‐mìà ka ké ɓɛ. Kà gó dɔ̀á m là.’

Zɔ̃̀ɔ̃́ 6:6

Zízɛ̀ a gèe kíli, kɛ é Félè yí dã́, ɓii Zízɛ̀ e wɔ̃́ lɛ́ à dìè e kɛ nupìà à kɛɛ̀ɛ dɔ.

Gɛ̀lésìà 1:7

Kɛɛ wánà kpó-kpó káa, wɔ̃́ làṹ yiè wá ɓe zeĩ́ é kã́ à yé kɔ̀à dɔɔ mɔ̀ɔ ká. Kɛɛ mia lɛ́ ò ka yí gíni, lɛ́ ò à kɛ-zì nàà ó wɔ̃́ làṹ yiè lɛ́ à gbɛ̃̀ɛ̃̀ lɛ Kɛ́lɛ̀ì mɔ̀ɔ là nìàa, o ɓe.

Ìfísɔ̃̀ 4:14

Yé aà kɛ gbaa kília, kòó ló kɛɛ̀ nɔ́ɔ̀ɓé ká gbaa. Mɛ̀ĩ́ lɛ̀ɛ́ ló ko bìnì, ɛ̃́ɛ̃́ fã̀ã̀ lɛ́ è go zi gbɛɛ̀ gbɛɛ ká, lɛ́ e kélɛ̀ pɛ lɛ́ mia bèkɛ̀-ɓo-mìà ò zɔ̃̀ɔ̃̀ɔ, lɛ̀ɛ́ ló ko pìè kɛ é ko ɓo ko dɔ̀lɔ̀ mɔ̀. Míá o kília lɛ́ o mia lɛ́ ò mia líé si wáà lò o ká nɛ̀-wɔ̃̀ píé yɛ̀ì-yɛ́í lɛ́ wa nyáá pá e kíe mɔ̀ o dìè lɛ̀ɛ káa.

1 Tɛsàlónìà 1:3

Ƃii ko zò lɛ́ɛ̀ vùò kò Wálà lɛ́ e ko Dàa káa wɛlɛ mɔ̀ zi lɛ́ ka yɛɓo kɛá ka zì zò-dɔ̀à-mɔ̀ kolo là, ɛ̃́ɛ̃́ zi lɛ́ mia lɔ̀-kpɔ̀ ka mɔ̀ a kɛá, lɛ́ ka yɛɓo kɛ gáàa, e bɛ̀i, zi lɛ́ ka zò kɛɛ̀ lɛ à ká ko Dàa-mì Zízɛ̀ Kɛ́lɛ̀ì mɔ̀ kpɛ̃ĩ lea mɔ́ɔ̀ wɔ̃̀ mɔ̀.

1 Tɛsàlónìà 5:21

Kà pɛ séĩ́ yí dã́. Kà kùnù pɛ lɛ́ lɛ sɛ̀ɛ mɔ̀.

2 Témɔ́tè 2:19

Kɛɛ ká-gã̀ mɛ́ gágà zɛ̀ lɛ́ Wálà aà dɔɔ wí-pɛ̀ wá. Ɛ́ɛ̃́ wéé nì e kéa bɛ̃̀ɛ̃ɛ̃̀ laa mɔ̀. O lɛ́ o kélɛ̀, “Ko Dàa-mì lɛ́ɛ̀ mia lɛ́ o là mia káa dɔ.” Ɛ́ɛ̃́ zeĩ́, “Mi nɔ́ɔ fé lɛ́ à gèe lɛ ko Dàa-mì là mi káa, lɛ à mɔ̀ é gó kɛ-pɛ̀ yɔɔ kɛɛ̀ lɛ̀ɛ.”

Hííbúlù 6:10

Wálà lɛ kpeĩ. À zò lɛ̀ɛ́ ló niì yɛɓo lɛ́ ka kɛɛ mɔ́ɔ̀ wɔ̃̀ mɔ̀. Ɛ́ɛ̃́ kɛ bɛ̃̀ɛ̃ à zò é ni zi lɛ́ ka zɔ̃̀ɔ̃̀á kélɛ̀ à lɔ̀ kpɔ́ɔ̀ lɛ ka mɔ̀ gbũ̀-mɔ̀ lɛ́ ka nɔ, ɛ̃́ɛ̃́ lɛ́ ka tĩã́ nɔpìà ka ɓɛ́ĩ̀ Wálà-mìà lɛ̀ɛ mɔ́ɔ̀ wɔ̃̀ ká.

1 Zɔ̃̀ɔ̃́ 4:1

M̀ lɔ̀-kɛ̀á-mìà, yékɛ̀ ká mia séĩ́ lɛ́ ò gèe Gɛ̀ɛ̀ Púlú lɛ o píéa wéè gɛ̃̀ wánà ká. Kɛɛ kà o yí dã́ kɛɛ é kɛ̀á gɛ̀ɛ̀ lɛ́ e o yía lɛ́ɛ̀ go Wálà píéa ká yí dɔ. Ƃii mia lɛ́ ò gèe o dɔ̀-Wálà-lé-là-mìà ká, lɛ́ o wá mɔṹ à káa, o búnùzɛ̀ o lóò lɛ lɛ̀ séĩ́ mɔ̀.

Wɛ̀lɛ̀vèlésɔ̃̀ 2:5

I zò è vùò lɛ̀ lɛ́ i gó yi lɛ́ i pèlèa ká. Ì i sɔ̃̀ɔ̃ mɛ́ vɔ̀ɔ, í wɔ̃́ lɛ́ i kɛ à kɛpìà líéa kɛ. Í gɔ̃̀á i sɔ̃̀ɔ̃ mɛ́ vɔ̀ɔɔ̀ɔ, ḿm̀ lo nuù i píé, tó m ɓà nábò yàà-là-pɛ̀ɛ ɓo e dɔ̀lɔ̀ mɔ̀.

Wɛ̀lɛ̀vèlésɔ̃̀ 2:6

Kɛɛ i zì kɛ-wɔ̃̀ lɛ́ lɛ i mɔ̀, lɛ́ m̀ nàà à káa, ye gɛ̃̀ e ké. Wɔ̃́ lɛ́ Nikòlétà-mìà ò kɛ̀ɛ, wɔ̃́ ò kɛ̀ kília, à lɔ̀ wá i mɔ̀, lɛ̀ zí nɔ́ à lɔ̀ wá à ká m mɔ̀ɔ lɛ́ ɓe.

Wɛ̀lɛ̀vèlésɔ̃̀ 2:9

Ḿm̀ wɔ̃́ nyɔ́ɔ̀ɔ nì lɛ́ ɓà gɛ̃̀ɛ dɔ. Ḿm̀ à yí dɔ kélɛ̀ pɛ wá i kɛ̀lɛ̀. Kɛɛ wánà kpó-kpó káa, i pɛ-mì ká. Ɛ́ɛ̃́ ḿm̀ wɔ̃́ yɔɔ̀ yɔɔ̀ lɛ́ míá ò o dìè si Zúù-mìàa ò gèe i gbĩ mɔ̀ɔ, ḿm̀ à dɔ. O wá Zúù-mìà ká. Mia kù o kília, o Sétɔ̃̀ là mia nì ká.

Wɛ̀lɛ̀vèlésɔ̃̀ 3:1

“Wɔ̃́ e kéa bɛ̃̀ɛ̃ Wálà-mìà lɛ́ o Sádàa wà vɔ-mì píé. À bɛ̃̀ɛ̃ weeá kélɛ̀, “Mi lɛ́ pɛ sálápèèlɛ lɛ́ è go Wálà kɛ̀lɛ̀, ɛ̃́ɛ̃́ sĩ̀ã́ã̀ŋèlè sálápèèlɛ lɛ à kɛ̀lɛ̀ɛ, wɔ̃́ lɛ́ à gèea, gɛ̃̀ e ké. Ḿm̀ i kɛ-wɔ̃̀ dɔ. Ḿm̀ à yí dɔ óò à gèe kélɛ̀ i ɓéèe yé bɛ̃̀ɛ̃ i gaà lɛɛ ká.

Wɛ̀lɛ̀vèlésɔ̃̀ 3:15

Ḿm̀ i kɛ-wɔ̃̀ dɔ. Ƃi wá dɔ́ɔ́lɔ́ ɛ̃́ɛ̃́ ɓi wá mɔṹ tíèe. Zi sùu kpɛɛ̀ lɛ́ ì kɛ̀á dɔ́ɔ́lɔ́, ɛ̃́ɛ̃́ ì kɛ̀á tíèea, à lɔ̀ áá kɛɛ̀á m mɔ̀ ké.

Wɛ̀lɛ̀vèlésɔ̃̀ 3:8

Ḿm̀ i kɛ-wɔ̃̀ dɔ. Ì i tóó dɔ. Maà ká lé ɓo i wɛlɛ mɔ̀. Ɛ́ɛ̃́ mi gbɛɛ lɛ̀ɛ́ bɛ̀i ká e kília lé taà. Ḿm̀ à yí dɔ kélɛ̀ yíkɛ̀ gáàa ɓéĩ́ lɛ i kɛ̀lɛ̀. Ƃaà m wéè kɛ, ɛ̃́ɛ̃́ ìí m tɔ́ tèé ɓo do.