Wɛ̀lɛ̀vèlésɔ̃̀ 2:12 - Wè-dɔ-wè Dɛɛ

¹² “Wɔ̃́ e kéa bɛ̃̀ɛ̃ Wálà-mìà lɛ́ o Pógómàa wà vɔ-mì píé. À bɛ̃̀ɛ̃ weeá kélɛ̀, “Mi lɛ́ gèlè-gɔ̃-làà lé pèèlɛ líé zɛ̀ lɛ à kɛ̀lɛ̀ɛ, wɔ̃́ lɛ́ à gèea gɛ̃̀ e ké.

Wɛ̀lɛ̀vèlésɔ̃̀ 2:12 Iomraidhean Croise

Hííbúlù 4:12

Wálà lé-wè lɛ ɓéèe, ɛ̃́ɛ̃́ wésá-wèsà. Lɛ líé-líé zɛ̀ é diá gèlè-gɔ̃-làà lé pèèlɛ zɛ̀ nɔ́ɔ fé là. Lɛ́ɛ̀ mia kã, áà lò mi yí, tó áà mi zò wà mi gɛ̀ɛ̀ o ɓò e kíe mɔ̀, ɛ̃́ɛ̃́ zeĩ́, lɛ́ɛ̀ lɛ̀ lɛ́ mi wɛ́lɛ́ è gbɛ̃̀ e kíe mɔ̀ yi, ɛ̃́ɛ̃́ lɛ̀ lɛ́ mi wɛ́lɛ́ yí-nyɔ́nɔ́ lɛ yía, lɛ́ɛ̀ o ɓo o kíe mɔ̀. E bɛ̀i, lɛ́ɛ̀ i zò-píé-wɔ̃̀, ɛ̃́ɛ̃́ i zò nàà-ká-wɔ̃̀ yí gɛ̃̀.

Wɛ̀lɛ̀vèlésɔ̃̀ 1:11

A gèe kélɛ̀, “Pɛ́ ɓà gɛ̃̀ɛ à bɛ̃̀ɛ̃ kii yí, ɓá vɔ Wálà-mìà kpolà sálápèèlɛ zɛ̀ o kéa píé. Wálà-mìà kpolà sálápèèlɛ zɛ̀ o kília, o lɛ́ o kélɛ̀, Ɛ́fɔ́sɔ̀, Sámánà, Pógómà, ɛ̃́ɛ̃́ Táyàtélà, Sádà, ɛ̃́ɛ̃́ zeĩ́ Felèdáfìà wà Leodòsíà.”

Wɛ̀lɛ̀vèlésɔ̃̀ 1:16

Sĩ̀ã́ã̀ŋèlè sálápèèlɛ e kɛ à kɔ̀ yiè kɛ̀lɛ̀. Gèlè-gɔ̃-làà lé pèèlɛ líé zɛ̀ dɔɔ̀ e kɛá à lé. À wɛlɛ mɛ́ e kɛ ɓɔpìà lɛ̀ zí nyɛ́nɛ́ è ɓɔá nyɛ́nɛ́ sósóa lɛ́ ɓe.

Wɛ̀lɛ̀vèlésɔ̃̀ 19:15

Gèlè-gɔ̃-làà líé zɛ̀ dò lɛ́ à kɔ̀ è lo dìè à ká sɛ́lɛ́ gbɛɛ̀ gbɛɛ yí-mìà làa, e kɛ dɔ̀á à lé. Lɛ́ɛ̀ lo o líé síì kpó-kpó ɓo lɛ̀ mi lɛ́ pɛ-kúlú kpuú laa kɛ̀lɛ̀ɛ lɛ́ ɓe. Ɛ́ɛ̃́ lɛ́ɛ̀ lo ɓɛ̀lɛ̀-wɛ́lɛ́ ɓɛɛ ɓolò à yíí-ɓòà-yí-pɛ̀ lɛ́ e Wálà lɛ́ yíkɛ̀ gáàa séĩ́ lɛ à kɛ̀lɛ̀ɛ, là wɔ̃́à-wàa-kɔ̀ gágà ɓɛ káa yí.

Wɛ̀lɛ̀vèlésɔ̃̀ 19:21

Mia yé o tóa o o zɛ gèlè-gɔ̃-làà lɛ́ à dɔɔ̀ lɛ mi lɛ́ è sòoa tààa léa ká. Mɔ̀ɔ̀ vɔ̀ɔ séĩ́-séĩ́ o míáa nɔ̀ɛ ɓèlè o fĩ́ĩ́ e nyɛ.

Wɛ̀lɛ̀vèlésɔ̃̀ 2:1

“Wɔ̃́ e kéa bɛ̃̀ɛ̃ Wálà-mìà lɛ́ o Ɛ́fɔ́sɔ̀ɔ wà vɔ-mì píé. À bɛ̃̀ɛ̃ weeá kélɛ̀, “Mi lɛ́ è sĩ̀ã́ã̀ŋèlè sálápèèlɛɛ kũ e kɔ̀ yiè kɛ̀lɛ̀, lɛ́ è tàà nábò yàà-là-pɛ̀ sálápèèlɛ lɛ́ à kɛɛ̀ lɛ góò káa fĩ̀ã̀a, wɔ̃́ lɛ́ à gèea gɛ̃̀ e ké.

Wɛ̀lɛ̀vèlésɔ̃̀ 2:16

À mɔ́ɔ̀ wɔ̃̀ mɔ̀ɔ, ì i sɔ̃̀ɔ̃ mɛ́ vɔ̀ɔ. Í gɔ̃̀á kɛɛ̀ kília, kɛɛ maà nu i píé dɛɛ ká, máà gèlè gɔ̃̀ míá o kília ká gèlè-gɔ̃-làà lɛ́ à dɔɔ̀ lɛ m léa ká.