Wɛ̀lɛ̀vèlésɔ̃̀ 15:3 - Wè-dɔ-wè Dɛɛ

³ O kɛ Móózè lɛ́ e kɛ Wálà là yɛɓo-kɛ-mì káa là tã́a ɓopìà. Ɛ́ɛ̃́ zeĩ́ wáà Ƃáá nyɔ̀nɔ́ɔ là tã́a ɓò. Ye lɛ́ e kélɛ̀, “Ko Dàa-mì Wálà lɛ́ yíkɛ̀ gáàa séĩ́ lɛ i kɛ̀lɛ̀ ɓɛ, zi sùu kpɛɛ̀ lɛ́ i zì kɛ-wɔ̃̀ lɛ à ká kpàlé-kpàlézɛ̀ ké. Ɛ́ɛ̃́ zeĩ́ sɛ́lɛ́ séĩ́ Líé-sí-mì, zi sùu kpɛɛ̀ lɛ́ i zì kɛ-kɔ̀ lɛ à ká kpeĩ ɛ̃́ɛ̃́ wánà zɛ̀ ké.

Wɛ̀lɛ̀vèlésɔ̃̀ 15:3 Iomraidhean Croise

Zɔ̃̀ɔ̃́ 1:17

Wálà e Lɔ́ɔ̀ɔ kpɔ́ Móózè kɔ̀ yí lɛ́ a nɔ ko lɛ̀ɛ. Kɛɛ zò-kɛ̀-sɛ̀ wà wánà-wɔ̃̀ɔ kpɔ́ɔ̀ e kɛá Zízɛ̀ Kɛ́lɛ̀ì yí zàá, lɛ́ e kɛ ɓea.

1 Témɔ́tè 1:17

Mia Líé-sí-mì lɛ́ lɛ ɓe tòá kíli ká, lɛ́ ga là wɔ̃́ wá à mɔ̀, ɛ̃́ɛ̃́ lɛ́ òó gɛ̃̀, lɛ́ à ye lɛ́ nɔ́ lɛ Wálà káa, ò à ɓɛ̀lɛ yà, wáà à tɔ́ ɓɔ̀ tòá kíli wɔ́lɔ́-wɔ́lɔ́ ká. É kɛ kíli.

Hííbúlù 3:5

Móózè e kɛ zò-dɔ̀à-mɔ̀ zɛ̀ Wálà píé-kɛ́ì-mìà séĩ́ fĩ̀ã̀. E kɛ Wálà là yɛɓo-kɛ-mì ká, ɛ̃́ɛ̃́ e kɛ wɔ̃́ lɛ́ Wálà e kɛ lópìà à gèeè líéa gèepìà.

Wɛ̀lɛ̀vèlésɔ̃̀ 1:8

“Ma lɛ́ m Áfà wà Òmégà káa.” Zi lɛ́ ko Dàa-mì Wálà lɛ́ yíkɛ̀ gáàa séĩ́ laa kɛ̀lɛ̀, lɛ́ lɛ ɓe, ɛ̃́ɛ̃́ lɛ́ e kɛ ɓe, e bɛ̀i, lɛ́ lɛ ɓe é nua, à gèe à káa lɛ́ ɓɛ.

Wɛ̀lɛ̀vèlésɔ̃̀ 11:17

weeá kélɛ̀, “Ko Dàa-mì Wálà lɛ́ yíkɛ̀ gáàa séĩ́ lɛ i kɛ̀lɛ̀ ɓɛ, lɛ́ i ɓe, ɛ̃́ɛ̃́ lɛ́ i kɛ ɓea, kóò i zúo ɓo lɛ́ ɓaà i kɔ̀ wàà ɓà yíkɛ̀ gáàa kpànazɛ̀ɛ wì kɛ í dɔ à ká, ɛ̃́ɛ̃́ lɛ́ ɓaà gbɛ̃̀ ɓà tò-mia-làa káa.

Wɛ̀lɛ̀vèlésɔ̃̀ 14:3

O dɔ o o wɛlɛ vɔ dɔ-táŋáná, ɛ̃́ɛ̃́ pɛ ɓéèe yììsɛ, ɛ̃́ɛ̃́ zeĩ́ mia dìè-dìè vɔ̀ɔ o píé zàá. O tã́ dɛɛ dò lɛ́ mi gbɛɛ lɛ̀ɛ́ bɛ̀i à dã́ã̀, é kã́ mia wáá wũ doó là vũ̀ yììsɛ wɛ́lɛ́ yììsɛ, lɛ́ o lɔ́ɔ̀ lɛ Wálà lɛ̀ɛ, lɛ́ ò go tã́ã̀ zèea mɔ̀ɔ káa ɓo.

Wɛ̀lɛ̀vèlésɔ̃̀ 14:8

Wálà là vɔ-mì doó e bɛ̀i e tó à yé e kɛ líéa píé, áà gèè weeá kélɛ̀, “Aà pèlè. Bábɛ́lɔ́ũ̀ sɛ̀lɛ̀ gbùò ɓɛ aà pèlè. Aà à kɛ sɛ́lɛ́ gbɛɛ̀ gbɛɛ yí-mìà séĩ́ waà là wã́ã́ĩ̀ gágàa mi. Wã́ã́ĩ̀a lɛ́ e sɔ̃̀ɔ̃ yɔɔ à kɛ̀ɛ káa.”

Wɛ̀lɛ̀vèlésɔ̃̀ 17:14

Óò lo gèlè gbinì Ƃáá nyɔ̀nɔ́ɔ mɔ̀. Kɛɛ Ƃáá nyɔ̀nɔ́ɔ kɔ̀ lɛ́ɛ̀ lo diè o là. Ƃii à ye lɛ́ e mia dàa-mìà bɛ̃̀ɛ̃ zì Dàa-mì káa. Ɛ́ɛ̃́ à ye lɛ́ e sɛ́lɛ́ líé-sí-mìà séĩ́ Líé-sí-mì káa. Mia lɛ́ wà ye nì o yía, lɛ́ o kélɛ̀ mia lɛ́ aà o súo kɛ, ɛ̃́ɛ̃́ lɛ́ aà o sí, e bɛ̀i lɛ́ o zò-dɔ̀à-mɔ̀ zɛ̀ɛ káa.”

Wɛ̀lɛ̀vèlésɔ̃̀ 19:16

Tɔ́ dò bɛ̃̀ɛ̃ɛ̃̀ e kɛá à gbã́ã́ wà là sɔ́ɔ mɔ̀. Tɔ́ e kília lɛ́ e kélɛ̀, “Sɛ́lɛ́ líé-sí-mìà bɛ̃̀ɛ̃ zì Líé-sí-mì, ɛ̃́ɛ̃́ mia dàa-mìà séĩ́ bɛ̃̀ɛ̃ zì Dàa-mì.”

Wɛ̀lɛ̀vèlésɔ̃̀ 19:2

Mɛ̀ĩ́-sà lɛ́ à ɓoa lɛ kpeĩ ɛ̃́ɛ̃́ wánà zɛ̀ kpó-kpó ɓo. Aà mɛ̀ĩ́-sà káá lee lɛ́ è e dìè lɔ̀ɔ̀ dɔ nɔ́ teele, lɛ́ e kɛ kpóṹ là zèe sìèpìà à zì sɔ̃̀ɔ̃ yɔɔ e kɛ à kɛpìàa káa wĩĩ́. Wálà aà wɔ̃́ nyɔ́ɔ̀ɔ kpɔ́ à mɔ̀ là yɛɓo-kɛ-mìà léà a kááa mɔ́ɔ̀ wɔ̃̀ mɔ̀.”

Wɛ̀lɛ̀vèlésɔ̃̀ 4:8

Pɛ ɓéèe yììsɛ e kília, o gbã e kɛ o mɔ̀ sáláádo sáláádo. O mɛ́ ɓaà e kɛá o gbĩ-kpàla wà o yí zàá mɔ̀ o nyìɛ-wɛ̀lɛ̀ ká fèkpè-fèkpè le. O kɛ tã́ ɓopìà bĩ́ ká wáà ɓò nyɛ́nɛ́ĩ́. Wà tã́a lɛ́ e kéa, “Mi púlú, mi púlú, mi púlú, ye lɛ́ e ko Dàa-mì Wálà lɛ́ yíkɛ̀ gáàa séĩ́ lɛ à kɛ̀lɛ̀ɛ káa. E kɛ ɓe, lɛ́ lɛ ɓe, ɛ̃́ɛ̃́ lɛ́ lɛ ɓe é nua.”