Wɛ̀lɛ̀vèlésɔ̃̀ 13:3 - Wè-dɔ-wè Dɛɛ

³ Luú-wìì e kília wũ-kèlè doó-mì e kɛ lɛ̀ pɛ lɛ́ waà zɛ do. Kɛɛ ɓa lɛ́ e à zɛɛ aà ga. Kpóṹ là zèe mìà séĩ́ o lé paà e kɛá, wáà tò à ká luú-wììa píé.

Wɛ̀lɛ̀vèlésɔ̃̀ 13:3 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 2:1

Lúó e kília káa, Sízà Àgásà e wè‐vɔ dɔ lɛ̀ séĩ́ mɔ̀ weeá kélɛ̀, mia séĩ́ lɛ́ o kɛ Wólómà‐mìà zì sɛ́lɛ́ séĩ́ yía, lɛ o mɔ̀ o tɔ́ bɛ̃̀ɛ̃ɛ̃̀ é kɛ à ká kii yí.

Zɔ̃̀ɔ̃́ 12:19

Lɛ̀ e kɛ kília, Fálásíì-mìàa wa gèe o kíe nì lɛ̀ɛ kélɛ̀, “Káà lɛ̀ gɛ̃̀, ko wá wɔ̃́ gbɛɛ kɛpìàɔ̀. Kà lɛ̀ gɛ̃̀, kpóṹ là mìà séĩ́ o tópìà à píé.”

Àpɔ́sɔ̀lɔ̀ 8:13

Sáímɔ̀ dìè-tĩ́ bɛ̃̀ɛ̃ a gɛ̃̀ wánà ká nɔ́ kíli. Lɛ̀ lɛ́ à bàtáì kɛɛ̀ e kɛáa, lɛ̀ɛ́ gbaa kɛ gópìà Félè sã́ã́-kɔ̀ yí. Lɛ̀ lɛ́ e wɔ̃́ kpàlézɛ̀ wà à lé-pa zɛ̀ nì lɛ́ Félè e kɛ à kɛpìàa gɛ̃̀ɛ, à lé kpó-kpó paà e kɛá.

Wɛ̀lɛ̀vèlésɔ̃̀ 13:12

E kɛ yɛɓo kɛpìà luú-wìì bèĩzɛ̀ɛ zì yíkɛ̀ gáàa séĩ́ ká à wɛlɛ mɔ̀. E kpóṹ là zèe wà mia séĩ́ lɛ́ o pà lɛ yía kṹ gágà kɛ ó gbini luú-wìì bèĩzɛ̀ lɛ́ ɓa a wũ-kèlè doó-mì zɛ, lɛ́ ɓá e kília aà gaa lɛ̀ɛ.

Wɛ̀lɛ̀vèlésɔ̃̀ 13:14

Wɔ̃́ kpàlézɛ̀ lɛ́ o wéé à mɔ̀ é à kɛ luú-wìì bèĩzɛ̀ɛ nyìɛ mɔ̀ɔ, e kɛ mia séĩ́ lɛ́ o pà e kɛá tã́ã̀ zèea bèkɛ̀ ɓopìà à ká. A gèe mia séĩ́ lɛ̀ɛ ó luú-wìì bèĩzɛ̀ɛ bĩ́ sí kɛ é kɛ ɓɛ̀lɛyà ká, wáà nɔ̀á luú-wìì lɛ́ à gĩ̀ĩĩ̀ e kɛá gèlè-gɔ̃-làà ká, ɛ̃́ɛ̃́ lɛ́ lɛ ɓe tĩã́a à lɛ̀ɛ.

Wɛ̀lɛ̀vèlésɔ̃̀ 17:10

Ɛ́ɛ̃́ zeĩ́ o sɛ́lɛ́ líé-sí-mìà sálápèèlɛ ká. O sɔ́ɔ́li waà pèlè. À doó-mì lɛ tĩã́ dɔpìà. À yé e tóa lɛ̀ɛ́ nu nɛ́. Yé aà nua, laa mɔ̀ é kɛ nɔ́ zèe lúó zààle píé.

Wɛ̀lɛ̀vèlésɔ̃̀ 17:11

Ɛ́ɛ̃́ luú-wìì lɛ́ e kɛ ɓéèe, lɛ́ ye wá gbaa ɓea, à ye lɛ́ e sɛ́lɛ́ líé-sí-mìà sálàka mì káa. É kɛ bɛ̃̀ɛ̃ kília, lɛ nɔ́ sɛ́lɛ́ líé-sí-mìà sálápèèlɛɛ o dò ká. Ɛ́ɛ̃́ lɛ lópìà lɛ̀ lɛ́ à yí è lo sìè yia mɔ̀.

Wɛ̀lɛ̀vèlésɔ̃̀ 17:13

Mia vũ̀ doó o kília, o séĩ́ o zì yɛ́lɛ́-táá lɛ doó. Óò o zì yíkɛ̀ gáàa wà o zì kɛ̀-mia-làa nɔ luú-wììa lɛ̀ɛ.

Wɛ̀lɛ̀vèlésɔ̃̀ 17:17

Ƃii Wálà e wɔ̃́ lɛ́ a yà e gé á kɛɛ dà o zò píé kɛ ó à kɛ. Óò lo à kɛɛ̀ o zì zò-kɛ̀-doó ká, wáà o zì yíkɛ̀ gáàa lɛ́ ò sɛ́lɛ́ líé sí à káa nɔ̀ luú-wììa lɛ̀ɛ ká, é tóá kíli wɔ̃́ nì lɛ́ Wálà a gèea é kɛ.

Wɛ̀lɛ̀vèlésɔ̃̀ 17:6

Ma yí dɔ gbaa kélɛ̀ lééa aà Wálà là mia nì, ɛ̃́ɛ̃́ mia lɛ́ waà o zɛ Zízɛ̀ mɔ́ɔ̀ wɔ̃̀ mɔ̀ɔ o léà mi. Ɛ́ɛ̃́ lɛ gbaa à kɛpìà. Lɛ̀ ma gɛ̃̀ɛ, m lé kpó-kpó paà e kɛá.

Wɛ̀lɛ̀vèlésɔ̃̀ 17:8

Luú-wìì lɛ́ ɓa gɛ̃̀ɛ e kɛ ɓéèe. Kɛɛ ye wá ɓe gbaa. Lɛ gbaa kɛpìà kɛ é gó gùlù lɛ́ à tèá-pìà wá ɓea yí, kɛ é ló e yí-sìèpìà. Mia lɛ́ o yàlà kṹũ̀ lɛ kpóṹ là, lɛ́ o tɔ́ bɛ̃̀ɛ̃ɛ̃̀ wá nɛ́ kɛ̀ɓe-kiia yí kɛ bɛ̃̀ɛ̃ kpóṹ là é tĩã́ kɛɛ̀ ɓea káa, o lé paà lɛ́ɛ̀ lo kɛɛ̀ à ká yé waà kɛ luú-wìì e kília gɛ̃̀pìàa ká. E kɛ ɓéèe. Kɛɛ ye wá ɓe gbaa. Kɛɛ lɛ́ɛ̀ lo kɛɛ̀ zeĩ́ ɓe.