Wɛ̀lɛ̀vèlésɔ̃̀ 12:7 - Wè-dɔ-wè Dɛɛ

⁷ Yé e kɛ kília, gèlè e kã́ gbaa lɛ̀í-sɛ̀lɛ̀ yí. Máíkɔ̀ wà là vɔ-mìà o gèlè gɔ̃ dálágɔ̃̀ɔ ká. Dálágɔ̃̀ɔ wà là vɔ-mìà o gèlè gɔ̃ o bɛ̃̀ɛ̃ o ká nɔ́ kíli.

Wɛ̀lɛ̀vèlésɔ̃̀ 12:7 Iomraidhean Croise

Máfìù 13:41

Mi Gbe lɛ́ɛ̀ lo là vɔ‐mìà vɔɔ̀. Ɛ́ɛ̃́ óò lo mia séĩ́ lɛ́ ò kɛ̀, tó mia wáà kɛ‐wɔ̃̀ yɔɔ kɛ̀, e bɛ̀i, wɔ̃́ yɔɔ kɛ‐mìà séĩ́ lɛ́ o lɛ̀ lɛ́ m tóò lɛ mia là yia mɔ̀ɔ, óò lo o páà o kíe mɔ̀,

Máfìù 16:27

Ƃii Mi Gbe laa kɛpìà é nu e Dàa zì lɛ̀‐fɔ̀nɔɔ̀ɔ yí wà là vɔ‐mìà ká. Yé aà kɛ gbaa kília, lɛ́ɛ̀ lo mia séĩ́ fɔ́nɔ́ nɔɔ̀ wɔ̃́ lɛ́ waà kɛɛ kolo là.

Máfìù 24:31

Túlú gbùò wéè lɛ́ɛ̀ lo dɔɔ̀, ɛ̃́ɛ̃́ lɛ́ɛ̀ lo Wálà là vɔ‐mìà vɔɔ̀ kpóũ là kɔ̀ pɔ̃́ũ̀ yììsɛ là, kɛɛ ó Wálà là míá aà o sía pá o kíe mɔ̀. É kã́ nyɛ́nɛ́ wɛ̀lɛ̀‐pìè wà à dà‐pìè mɔ̀ɔ, míáa óò lo góò o fĩ̀ã̀ lɛ̀ séĩ́ mɔ̀.

Máfìù 25:41

“Yé aà kɛ kília, lɛ́ɛ̀ lo à gèeè mia lɛ́ o à kɔ̀ gbiè yía lɛ̀ɛ, ‘Mia lɛ́ Wálà là náá lɛ ka mɔ̀ɔ, kà gó dɔ̀á m là. Kà lo tíé lɛ́ e ɓe tòá kíli ká, lɛ́ waà à pɛ̀ kɛ Dɛ́ɓò wà là vɔ‐mìà lɛ̀ɛ yí.

Máfìù 26:53

Ìí à yí dɔ kélɛ̀ ḿm̀ bɛ̀i à mɔ̀ ḿ mɛ́ĩ́ ɓo m Dàa píé, kɛ é gbũ m mɔ̀, ɛ̃́ɛ̃́ tó e là vɔ‐mìà vɔ m lɛ̀ɛ nɔ́ zá le? Ɛ́ɛ̃́ vɔ‐mìà è lo o vɔɔ̀ɔ diè lɛ́ɛ̀ lo kɛɛ̀á vɔ‐mìà kù vũ̀ doó wɛ́lɛ́ pèèlɛ là.

2 Kɔ̀léĩ́tĩ̀ã̀ 12:7

Pɛ dò nɔɔ̀ e kɛá m lɛ̀ɛ, tó pɛ́ e kília áà m gbĩ-kpàla sã̀ dɔ̀, lɛ̀ zí gɛ́nɛ́ aà mi kṹa è mi kɛ̀áa lɛ́ ɓe. Wɔ̃́ e kéa kɛɛ̀ e kɛá m ká kíli, yékɛ̀ dìè-sì-gbùò é m yí pa wɔ̃́ kpàlézɛ̀ nì lɛ́ ma gɛ̃̀ɛ mɔ́ɔ̀ wɔ̃̀ mɔ̀. Ɛ́ɛ̃́ pɛ́ e kília lɛ lɛ̀ Sétɔ̃̀ là vɔ-mì lɛ́ ɓe. À vɔɔ̀ lɛ à ká áà m mɛ̀, tó áà m tèà m dìè sì gbùò mɔ̀.

Ìfísɔ̃̀ 6:12

Ƃii ko wá gèlè gɔ̃pìà mia gbunu ká. Kɛɛ kóò gèlè gɔ̃ pɛ yɔɔ vɔ̀ kù lɛ́ o lɛ̀ séĩ́ mɔ̀ lɛ̀ía ká. O lɛ́ o kélɛ̀, pɛ yí gáàa zɛ̀ wà yíkɛ̀ gáàa nì, ɛ̃́ɛ̃́ zeĩ́, mia lɛ́ o kpóṹ là zèe líé-sí-mìà ká lúó lɛ́ bĩ́ míì lɛ à ká e kéa káa.

2 Tɛsàlónìà 1:7

Ɛ́ɛ̃́ lɛ́ɛ̀ lo mia lɛ́ kà wàa ɓèlè, é dàá ko bàa, ko ɓoò ɓɛ̀lɛ̀ yí. Lɛ́ɛ̀ lo wɔ̃́ e kéa kɛɛ̀ yé ko Dàa-mì Zízɛ̀ aà ɓíé lɛ̀í-kii yí wà là vɔ-mìà mɛ́ gágà zɛ̀ɛ wáà nùa ká.

Hííbúlù 2:10

E kɛ nɔ́ wánà zɛ̀ lɛ́ Wálà lɛ́ e pɛ séĩ́ kɛ, ɛ̃́ɛ̃́ lɛ́ è e nyìɛ kɛ̀ pɛ séĩ́ mɔ̀ɔ, lɛ́ e Zízɛ̀ kɛ mɛ́ kpálàa zɛ̀ wɔ̃́ nyɔ́ɔ̀ɔ lɛ́ a gɛ̃̀ɛ kolo là, kɛ é à kɛ mia búnùzɛ̀ ó kɛ à gbe nì ká, kɛ é nu o ká kɛɛ wà ye nì ó dɔ à zì lɛ̀-fɔ̀nɔ-kɔ̀ɔ yía. Ƃii Zízɛ̀ lɛ́ è líé si o ká la-ɓo sɔ̀lɔ̀-ɓo-zì píéa.

2 Pílɛ̀ 2:4

Wálà lɛ̀ɛ́ gbaa là vɔ-mìà yé o wɔ̃́ yɔɔ kɛɛ yéĩ̀ kṹ. Kɛɛ e o dùò tíé-pà. Ƃɛ̀lɛ̀ dàà lɛ o dĩ́ bĩ́ bà yi. O yàá gbaa mɛ̀ĩ́-sà dɔ̀-mia-mɔ̀ lùò gɛ̀nɛ̀.

Zúdè 1:9

É kɛ bɛ̃̀ɛ̃ Wálà là vɔ-mì kpànazɛ̀ lɛ́ ò si Máíkɔ̀ɔ káa, làá kɛ do kíli. Lɛ̀ Máíkɔ̀ e kɛ wéépìà Dɛ́ɓò lɛ̀ɛ lɛ̀ lɛ́ o kɛ Móózè bílí wɔ̃̀ tèé dàpìàa káa, Máíkɔ̀ zò lɛ̀ɛ́ gbaa kɛ gágà kɛ é mɛ̀ĩ́-sà káá Dɛ́ɓò wĩĩ́ lé-kã́ kɛ̀ à mɔ̀ ká. Kɛɛ a gèe à lɛ̀ɛ, “Ko Dàa-mì è mɛ́ĩ́ ɓo i lɛ̀ɛ.”

Wɛ̀lɛ̀vèlésɔ̃̀ 12:8

Kɛɛ o kɔ̀ e die dálágɔ̃̀ɔ là. Ɛ́ɛ̃́ lɛ̀ gbɛɛ lɛ̀ɛ́ gbaa kɛ ɓe dálágɔ̃̀ɔ nì lɛ̀ɛ lɛ̀í.

Wɛ̀lɛ̀vèlésɔ̃̀ 12:9

O dálágɔ̃̀ gbùò e kília yí lúó gbaa. À ye lɛ́ e mɛ̀nɛ zii lɛ́ ò si Dɛ́ɓò ɛ̃́ɛ̃́ Sétɔ̃̀ lɛ́ e kpóṹ là zèe mìà séĩ́ bèkɛ̀-ɓo-mì káa káa. O wà là vɔ-mìà séĩ́ kpɔ́ à mɔ̀ o o dùò tã́ã̀ zèe.

Wɛ̀lɛ̀vèlésɔ̃̀ 13:7

O yíkɛ̀ gáàa nɔ à lɛ̀ɛ kɛ é gèlè gɔ̃ Wálà là mia nì ká, kɛ à kɔ̀ é die o là. O yíkɛ̀ gáàa nɔ zeĩ́ à lɛ̀ɛ kɛ é kɛá síí-sɛ̀lɛ̀ séĩ́ là mìà, ɛ̃́ɛ̃́ sɛ́lɛ́ gbɛɛ̀ gbɛɛ yí-mìà, e bɛ̀i zeĩ́ wè gbɛɛ̀ gbɛɛ gèe-mìà, ɛ̃́ɛ̃́ zeĩ́ mia kpóló kɛ-kɔ̀ gbɛɛ̀ gbɛɛ zɛ̀ là.

Wɛ̀lɛ̀vèlésɔ̃̀ 20:2

E dálágɔ̃̀ lɛ́ lɛ mɛ̀nɛ zii ɛ̃́ɛ̃́ Dɛ́ɓò, e bɛ̀i Sétɔ̃̀ káa kṹ, a yèlè kɛ é kɛ ɓɛ̀lɛ̀ yí kɛ̀ɛ̀ wáá doó píé.