Wɛ̀lɛ̀vèlésɔ̃̀ 12:3 - Wè-dɔ-wè Dɛɛ

³ Lé-pa-wɔ̃̀ e bɛ̀i e kɛ zeĩ́ lɛ̀í. Wìì zóló gbùò dò lɛ́ ò si dálágɔ̃̀ɔ e ɓɔ. À wũ-kèlè e kɛ sálápèèlɛ. À ɓé e kɛ vũ̀ doó. Zòlò e kɛ à wũ-kèlèa mɔ̀ doó doó.

Wɛ̀lɛ̀vèlésɔ̃̀ 12:3 Iomraidhean Croise

Wɛ̀lɛ̀vèlésɔ̃̀ 12:1

Lé-pa-wɔ̃̀ kpàlézɛ̀ dò e kɛ lɛ̀í kii yí. E kɛ lee doó ká. À mɔ̀-sɔ̀ e kɛ nyɛ́nɛ́ ká. Mɛnɛ e kɛ à gã̀ wì. Zòlò lɛ́ sĩ̀ã́ã̀ŋèlè vũ̀ doó wɛ́lɛ́ pèèlɛ kɛɛ̀ e kɛá à mɔ̀ɔ, e kɛ à wĩĩ́.

Wɛ̀lɛ̀vèlésɔ̃̀ 12:13

Yé dálágɔ̃̀ɔ a gɛ̃̀ kélɛ̀ waà dùò gbaa tã́ã̀ zèea, e gbɛ̃̀ gbaa áà tò lee lɛ́ e la gɔ̃-nɛ̀ káa píé.

Wɛ̀lɛ̀vèlésɔ̃̀ 12:17

Wɔ̃́ e dálágɔ̃̀ɔ wàa gbaa kpó-kpó ɓo lééa píé. E ló gbaa áà gèlè gbìnì lééa sùu-là-mìà yé o tóa mɔ̀. Lééa sùu-là-mìà o kília o lɛ́ o mia séĩ́ lɛ́ ò wɔ̃́ lɛ́ Wálà à gèe ó kɛɛ kɛ̀, ɛ̃́ɛ̃́ lɛ́ ò kélá-wè ɓo Zízɛ̀ lɛ̀ɛ káa.

Wɛ̀lɛ̀vèlésɔ̃̀ 12:4

Sĩ̀ã́ã̀ŋèlè vɔ̀ o kɛ lɛ̀ía o yí gìniì e kɛá kpolà yààka zɛ̀. Dálágɔ̃̀ɔ e à kpolà doó-mì gã́ã́ e woũ ká a káá tã́ã̀. E die e dɔ lee lɛ́ à wɛlɛ e kɛ nyɔ́ɔ̀ɔ wɛlɛ mɔ̀ kɛ é lééa là nɛ́ɛ ɓèlè, yé aà ye nɔ́ kéa ká.

Wɛ̀lɛ̀vèlésɔ̃̀ 12:7

Yé e kɛ kília, gèlè e kã́ gbaa lɛ̀í-sɛ̀lɛ̀ yí. Máíkɔ̀ wà là vɔ-mìà o gèlè gɔ̃ dálágɔ̃̀ɔ ká. Dálágɔ̃̀ɔ wà là vɔ-mìà o gèlè gɔ̃ o bɛ̃̀ɛ̃ o ká nɔ́ kíli.

Wɛ̀lɛ̀vèlésɔ̃̀ 12:9

O dálágɔ̃̀ gbùò e kília yí lúó gbaa. À ye lɛ́ e mɛ̀nɛ zii lɛ́ ò si Dɛ́ɓò ɛ̃́ɛ̃́ Sétɔ̃̀ lɛ́ e kpóṹ là zèe mìà séĩ́ bèkɛ̀-ɓo-mì káa káa. O wà là vɔ-mìà séĩ́ kpɔ́ à mɔ̀ o o dùò tã́ã̀ zèe.

Wɛ̀lɛ̀vèlésɔ̃̀ 13:1

M luú-wìì dò gɛ̃̀ áà gò mɛ̀ĩ́ bà. À ɓé e kɛ à wĩĩ́ vũ̀ doó. À wũ-kèlè e kɛ sálápèèlɛ. Zòlò e kɛ à ɓé mɔ̀ doó doó. Tɔ́ yɔɔ̀ yɔɔ̀ bɛ̃̀ɛ̃ɛ̃̀ e kɛá à wũ-kèlè mɔ̀ déĩ́ le.

Wɛ̀lɛ̀vèlésɔ̃̀ 13:2

Luú-wìì yé ma gɛ̃̀ɛ e kɛ lɛ̀ gɔ́ lɛ́ ɓe. À gã̀ e kɛ lɛ̀ tù-kɔ́ɛ́ì gã̀ lɛ́ ɓe. À lé e kɛ lɛ̀ wɔ̀ɔ́ù lé lɛ́ ɓe. Dálágɔ̃̀ɔ e là yíkɛ̀ gáàa ɛ̃́ɛ̃́ à zì dɔ-táŋáná, e bɛ̀i à zì kɛ̀-mia-là mɔ́ɔ̀ yíkɛ̀ gáàa nɔ luú-wìì e kília lɛ̀ɛ.

Wɛ̀lɛ̀vèlésɔ̃̀ 13:4

Mia séĩ́ o gbini gbaa dálágɔ̃̀ɔ lɛ̀ɛ, ɓii aà e zì yíkɛ̀ gáàa nɔ gbaa luú-wììa lɛ̀ɛ. Ɛ́ɛ̃́ zeĩ́a, o gbini luú-wììa lɛ̀ɛ nɔ́ kíli wáà gèè, “Dé e kélɛ̀ luú-wììa? Dé è bɛ̀i à mɔ̀ é gèlè gɔ̃ à ká?”

Wɛ̀lɛ̀vèlésɔ̃̀ 15:1

M bɛ̀i m lé-pa-wɔ̃̀ kpàlé-kpàlézɛ̀ dò gɛ̃̀ zeĩ́ lɛ̀í. Wálà là vɔ-mìà sálápèèlɛ o kɛ yí. Mia sã̀-dɔ-pɛ̀ sálápèèlɛ e kɛ o kɛ̀lɛ̀. Mia sã̀-dɔ-pɛ̀ o kília o lɛ́ o à líé-nyɛ-mɔ̀ káa. Ƃii yé waà kɛ waà nyɛ tã́ã̀a, kɛɛ Wálà zì wɔ̃́à wàaà aà nyɛ tã́ã̀.

Wɛ̀lɛ̀vèlésɔ̃̀ 16:13

Yé e kɛ kília, m pɛ yɔɔ vɔ̀ yààka gɛ̃̀. O ɓɔɔ̀ e kɛá fo bà. O kɛ gópìà dálágɔ̃̀ɔò, e bɛ̀i luú-wììaò, ɛ̃́ɛ̃́ zeĩ́ mi lɛ́ è e dìè si dɔ̀-Wálà-lé-là-mì lɛ́ ye wá mɔṹ à káa o lé.

Wɛ̀lɛ̀vèlésɔ̃̀ 17:12

“Ƃé vũ̀ doó lɛ́ ɓa gɛ̃̀ɛ, o lɛ́ o sɛ́lɛ́ líé-sí-mìà vũ̀ doó lɛ́ òó gbɛ̃̀ nɛ́ sɛ́lɛ́ líé síì mɔ̀ɔ káa. Kɛɛ yíkɛ̀ gáàa nɔɔ̀ lɛ́ɛ̀ lo kɛɛ̀á o lɛ̀ɛ áwà doó píé, kɛ wà luú-wììa nì ó dɔ à píé kɛ ó sɛ́lɛ́ líé sí à ká.

Wɛ̀lɛ̀vèlésɔ̃̀ 17:16

Ƃé vũ̀ doó lɛ́ ɓa gɛ̃̀ɛ, é dàá luú-wììa bàa, lee lɛ́ è e dìè lɔ̀ɔ̀ dɔɔ, à lɔ̀ lɛ́ɛ̀ lo nyɛɛ̀ o mɔ̀. Óò lo pɛ séĩ́ lɛ́ lɛ à kɛ̀lɛ̀ɛ kṹũ̀ à kɛ̀lɛ̀, tó wa tó dàá e kpã́ã́ ká. Óò lo à nɔ̀ɛ ɓèlè à mɔ̀, tó wa yí sìè tíé ká.

Wɛ̀lɛ̀vèlésɔ̃̀ 17:7

Kɛɛ Wálà là vɔ-mìa a gèe m lɛ̀ɛ, “Mɛ́ e kɛ lɛ́ lé-pa sùua lɛ i mɔ̀? Ḿm̀ lo wɔ̃́ lɛ́ à gbɛ̃̀ɛ̃̀ lɛ lééa wà luú-wìì lɛ́ à wũ-kèlè lɛ sálápèèlɛ, ɛ̃́ɛ̃́ zeĩ́ lɛ́ à ɓé lɛ vũ̀ doóa lɛ́ è lo lééa káa mɔ̀, lɛ́ à bĩ̀ĩĩ̀ e kɛáa, ḿm̀ lo à gèeè i lɛ̀ɛ.

Wɛ̀lɛ̀vèlésɔ̃̀ 19:12

À nyìɛ-wɛ̀lɛ̀ e kɛ kélɛ̀ tíé kṹã̀a lɛ́ ɓe. Zòlò búnù-búnùzɛ̀ yàaà e kɛá à wĩĩ́. Tɔ́ dò bɛ̃̀ɛ̃ɛ̃̀ e kɛá à mɔ̀, kɛɛ mi gbɛɛ lɛ̀ɛ́ tɔ́ e kília dɔ. À dìè-tĩ́ lɛ́ nɔ́ è à dɔɔ.

Wɛ̀lɛ̀vèlésɔ̃̀ 20:2

E dálágɔ̃̀ lɛ́ lɛ mɛ̀nɛ zii ɛ̃́ɛ̃́ Dɛ́ɓò, e bɛ̀i Sétɔ̃̀ káa kṹ, a yèlè kɛ é kɛ ɓɛ̀lɛ̀ yí kɛ̀ɛ̀ wáá doó píé.