Wɛ̀lɛ̀vèlésɔ̃̀ 12:1 - Wè-dɔ-wè Dɛɛ

¹ Lé-pa-wɔ̃̀ kpàlézɛ̀ dò e kɛ lɛ̀í kii yí. E kɛ lee doó ká. À mɔ̀-sɔ̀ e kɛ nyɛ́nɛ́ ká. Mɛnɛ e kɛ à gã̀ wì. Zòlò lɛ́ sĩ̀ã́ã̀ŋèlè vũ̀ doó wɛ́lɛ́ pèèlɛ kɛɛ̀ e kɛá à mɔ̀ɔ, e kɛ à wĩĩ́.

Wɛ̀lɛ̀vèlésɔ̃̀ 12:1 Iomraidhean Croise

Máfìù 12:38

Lɛ̀ e kɛ kília, Wálà kii‐dɔ‐mìà dò wà Fálásíì‐mìà dò wa gèe Zízɛ̀ lɛ̀ɛ, “Tísɛ̀, kóò nàà kó i gɛ̃̀, ɓáà lé‐pa‐wɔ̃̀ kɛ̀.”

Máfìù 24:30

Yé aà kɛ kília, Mi Gbe gɔ̃̀á lɛ́ɛ̀ lo kɛɛ̀ lɛ̀í‐kii yí. Ɛ́ɛ̃́ wè gbɛɛ̀ gbɛɛ gèe‐mìà lɛ́ o tã́ã̀ zèea, óò lo gbóó ɓoò, ɛ̃́ɛ̃́ óò lo Mi Gbe gɛ̃̀ɛ̃̀, áà nù lɛ̀í‐kii là lɛ̀í yíkɛ̀ gáàa ká, ɛ̃́ɛ̃́ lɛ̀‐fɔ̀nɔ‐kɔ̀ kpànazɛ̀ yí.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 13:25

Sĩ̀ã́ã̀ŋèlè vɔ̀ óò lo kɛɛ̀ gópìà lɛ̀í, wáà kàà tã́ã̀. Ɛ́ɛ̃́ yíkɛ̀ gáàa nì yé o lɛ̀í-kii yí píéa, óò lo wɛ̀lɛ̀ o wɔ̀lɔ̀-mɔ̀ píé.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 21:11

Kpóṹ là lɛ́ɛ̀ lo kɛɛ̀ kã́pìà áà lò gìè wɛlɛ yɔɔ zɛ̀. Lɔ̀ɔ wà yáá yɔɔ̀ yɔɔ̀ óò lo kɛɛ̀ lɛ̀ búnùzɛ̀ mɔ̀. Wɔ̃́ yɔɔ̀ yɔɔ̀ wà wɔ̃́ gɔ̃̀á kpànazɛ̀ lɛ́ è go lɛ̀ía, lɛ́ɛ̀ lo kɛɛ̀ ɓe.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 21:25

“Lé‐pa‐wɔ̃̀ lɛ́ɛ̀ lo kɛɛ̀ nyɛ́nɛ́, e bɛ̀i mɛnɛ, ɛ̃́ɛ̃́ sĩ̀ã́ã̀ŋèlè yí píé. Ɛ́ɛ̃́ kpóṹ là zèea, sɛ́lɛ́ gbɛɛ̀ gbɛɛ òó ló wɔ̃́ lɛ́ lɛ o mɔ̀ ó kɛɛ dɔɔ̀. Óò lo túò mɛ̀ĩ́ tɛ́lɛ́‐vĩ̀ gbùò, ɛ̃́ɛ̃́ à zì súlúú dɔ‐vĩ̀ lɛ̀ɛ.

Zɔ̃̀ɔ̃́ 3:29

Mi lɛ́ léé è lo gɔ̃ síìa lɛ à kɛ̀lɛ̀ɛ, kɛɛ à ye lɛ́ lɛ léé e kília sí-gɔ̃̀ káa. Lee-sí-gɔ̃̀ ɓɛ́ɛ lɛ dɔ̀á yi, tó áà e tóó dɔ̀. Ɛ́ɛ̃́ à gé lɛ́ɛ̀ li yé aà lee-sí-gɔ̃̀ɔ wéè maa ká. Zí e kéa lɛ́ m dìè m̀ géli lé paà lɛ à káa.

Àpɔ́sɔ̀lɔ̀ 2:19

Ḿm̀ lo wɔ̃́ kpàlézɛ̀ kɛɛ̀ ka là lɛ̀í lɛ̀í-kii yí zàá, ɛ̃́ɛ̃́ tó máà à lé-pa-zɛ̀ kɛ̀ tã́ã̀ zèe. Léà wà tíé, ɛ̃́ɛ̃́ zeĩ́ tíé-gbɛ̃́ĩ́ gbítílí-gbìtìlì nì óò lo kɛɛ̀ ɓe.

Wólómà 13:14

Kɛɛ kà ko Dàa-mì Zízɛ̀ Kɛ́lɛ̀ì là gèlè-gɔ̃-pɔ̀ɔ̀ɔ sí, ɛ̃́ɛ̃́ yékɛ̀ ká ka zò kɛ ka gbĩ-kpàla wɔ̃̀ píé, yékɛ̀ ká kɛ wɔ̃́ à nàà à káa kɛ-mìà ká.

Wólómà 3:22

Wálà lɛ́ɛ̀ mia kɛ̀ kpeĩ o zì zò-dɔ̀à-mɔ̀ lɛ́ e Zízɛ̀ Kɛ́lɛ̀ì yía kolo là. Wálà lɛ́ɛ̀ wɔ̃́ e kília kɛ̀ mia séĩ́ lɛ́ o zò dɔɔ̀ lɛ Kɛ́lɛ̀ì mɔ̀ɔ lɛ̀ɛ. Ƃii mia fĩ̀ã̀ ɓoò wá.

2 Kɔ̀léĩ́tĩ̀ã̀ 11:2

Ḿm̀ fɔ̃̀ɔ̃́-là kɛ̀ ka mɔ́ɔ̀ wɔ̃̀ mɔ̀, lɛ̀ zí nɔ́ Wálà è à kɛ̀áa lɛ́ ɓe. Ka kélɛ̀ lee lɛ́ lɛ̀ɛ́ gɔ̃-wɔ̃̀ yí dɔ nɛ́, ɛ̃́ɛ̃́ lɛ́ lɛ̀ɛ́ péléĩ̀-péléĩ̀ kṹ gɔ̃ã̀ mɔ̀ɔ lɛ́ ɓe. Maà m wè dɔ kélɛ̀ káà lo gɔ̃ doó kpã́ã́ síì. Gɔ̃́ e kília lɛ́ e Kɛ́lɛ̀ì káa.

Gɛ̀lésìà 3:27

Míá ka bàtáì kɛɛ̀ lɛ, tó áà kɛ̀ kà Kɛ́lɛ̀ì nì káà kɛ̀ doóa, kaà Kɛ́lɛ̀ì dà ka mɔ̀ sɔ ká.

Gɛ̀lésìà 4:26

Kɛɛ Zùlúsàlɛ̀ yé e lɛ̀ía, ye wá lùò ká. À ye lɛ́ e ko lèe káa.

Gɛ̀lésìà 6:14

Kɛɛ ma yee, wɔ̃́ nɔ́ lɛ́ m̀ lo lé-gbùò-là kɛɛ̀ à mɔ́ɔ̀ wɔ̃̀ mɔ̀ɔ, lɛ́ e ko Dàa-mì Zízɛ̀ Kɛ́lɛ̀ì là kɔ́lɔ́sìa káa. Ƃii à zì kɔ́lɔ́sìa kolo là zàáa, kpóṹ là zèe gaà lɛ ma yee m nyìɛ. Ɛ́ɛ̃́ ma bɛ̃̀ɛ̃, m gaà lɛ kpóṹ là zèe mɔ̀.

Ìfísɔ̃̀ 5:32

Wánà-wɔ̃̀ kpànazɛ̀ lɛ wɔ̃́ nì e kéa yí. M zì yɛ́lɛ́-táá yía, ḿm̀ gèe à wɔ̃̀ gbɛ̃̀ɛ̃̀ lɛ Kɛ́lɛ̀ì wà là mia nì o mɔ̀.

Wɛ̀lɛ̀vèlésɔ̃̀ 1:20

Sĩ̀ã́ã̀ŋèlè sálápèèlɛ lɛ́ ɓà gɛ̃̀ m kɔ̀ yiè kɛ̀lɛ̀ɛ, ɛ̃́ɛ̃́ nábò yàà-là-pɛ̀ sálápèèlɛ lɛ́ o kɛɛ̀ lɛ góò káa, tó ḿ wɔ̃́ lɛ́ à gbɛ̃̀ɛ̃̀ lɛ o mɔ̀, lɛ́ mia òó gbaa kɛ à dɔpìàa, ḿ gèe i lɛ̀ɛ. Sĩ̀ã́ã̀ŋèlè sálápèèlɛɛ o lɛ́ o Wálà-mìà kpolà sálápèèlɛɛ wà vɔ-mìà káa. E bɛ̀i, nábò yàà-là-pɛ̀ sálápèèlɛɛ lɛ́ o Wálà-mìà kpolà sálápèèlɛɛ káa.

Wɛ̀lɛ̀vèlésɔ̃̀ 11:19

Wálà-kà lɛ́ e lɛ̀ía, lé ɓoò e kɛá. Gbɔ̀lɔ̀ lɛ́ Wálà là wè-dɔ-wè e kɛ à yía, wa gɛ̃̀ à zì káa wì. Lɛ̀í-kɛ-gɛ́lɛ́, wà pɛ wéè, e bɛ̀i gbánà wéè nì e dɔ yí. Sɛ́lɛ́ e kã́ áà lò gìè. Laa-wɛ́lɛ́ káà e kɛá yi yí gbùò zɛ̀.

Wɛ̀lɛ̀vèlésɔ̃̀ 12:3

Lé-pa-wɔ̃̀ e bɛ̀i e kɛ zeĩ́ lɛ̀í. Wìì zóló gbùò dò lɛ́ ò si dálágɔ̃̀ɔ e ɓɔ. À wũ-kèlè e kɛ sálápèèlɛ. À ɓé e kɛ vũ̀ doó. Zòlò e kɛ à wũ-kèlèa mɔ̀ doó doó.

Wɛ̀lɛ̀vèlésɔ̃̀ 15:1

M bɛ̀i m lé-pa-wɔ̃̀ kpàlé-kpàlézɛ̀ dò gɛ̃̀ zeĩ́ lɛ̀í. Wálà là vɔ-mìà sálápèèlɛ o kɛ yí. Mia sã̀-dɔ-pɛ̀ sálápèèlɛ e kɛ o kɛ̀lɛ̀. Mia sã̀-dɔ-pɛ̀ o kília o lɛ́ o à líé-nyɛ-mɔ̀ káa. Ƃii yé waà kɛ waà nyɛ tã́ã̀a, kɛɛ Wálà zì wɔ̃́à wàaà aà nyɛ tã́ã̀.

Wɛ̀lɛ̀vèlésɔ̃̀ 21:14

Gàlà lɛ́ à ɓoò lɛ sɛ́lɛ́ e kília mɔ̀ɔ, à gã̀ gbɛ̃̀à-là-pɛ̀ e kɛ vũ̀ doó wɛ́lɛ́ pèèlɛ. Ƃáá nyɔ̀nɔ́ɔ là àpɔ́sɔ̀lɔ̀ vɔ̀ vũ̀ doó wɛ́lɛ́ pèèlɛɛ tɔ́ bɛ̃̀ɛ̃ɛ̃̀ e kɛ à ká gàlà gã̀ gbɛ̃̀à-là-pɛ̀ e kília mɔ̀ doó doó.

Wɛ̀lɛ̀vèlésɔ̃̀ 21:23

Sɛ́lɛ́ e kília làá naa bɛ̃̀ɛ̃ kɛ nyɛ́nɛ́ wà mɛnɛ ó ɓí bɛ̃̀ɛ̃ à mɔ̀, ɓii Wálà zì lɛ̀-fɔ̀nɔ-kɔ̀ɔ lɛ́ɛ̀ fɔ̀nɔ à là. Ɛ́ɛ̃́ Ƃáá nyɔ̀nɔ́ɔ lɛ́ e à zì nábò káa.