Wɛ̀lɛ̀vèlésɔ̃̀ 11:8 - Wè-dɔ-wè Dɛɛ

⁸ O bílí lɛ́ɛ̀ lo kɛɛ̀ kàá sɛ́lɛ́ gbùò lɛ́ o o Dàa-mì pá nélè ká kɔ́lɔ́sì mɔ̀ à yía, mɔ́ɔ̀ pɛ́lɛ̀ zèí píé. Pɛ́lɛ e kília pĩ̀ã̀-tɔ̀ lɛ́ Sɔ́dɔ̃̀ wà Ízè.

Wɛ̀lɛ̀vèlésɔ̃̀ 11:8 Iomraidhean Croise

Máfìù 10:15

Wánà‐wɔ̃̀ lɛ́ m̀ gèe ka lɛ̀ɛ ɓɛ. Lúó lɛ́ ò lo mɛ̀ĩ́‐sà dɔɔ̀á mia mɔ̀ɔ, Sɔ́dɔ̃̀ wà Gòmálà sɛ̀lɛ̀ zì wɔ̃́ lɛ́ è lo ɓɔɔ̀ o làa, lɛ́ɛ̀ lo kɛɛ̀ fìa, é dieá sɛ́lɛ́ e kília zì là.

Àpɔ́sɔ̀lɔ̀ 9:4

E dà tã́ã̀, e wéé dò ma, áà gèè à lɛ̀ɛ, “Sɔ́ɔ̀, Sɔ́ɔ̀, mɛ́ e kɛ lɛ́ ì m sã̀ dɔ ɓe?”

Hííbúlù 13:12

Wɔ̃́ e kéa mɔ́ɔ̀ wɔ̃̀ mɔ̀ɔ, Zízɛ̀ e kpɔ́ gàlà lɛ́ e kɛ pɛ́lɛɛ mɔ̀ɔ lé ká kɛɛ ó tĩã́ zɛɛ̀. E ga kɛɛ é mia kɛ púlú e léà ká.

Hííbúlù 6:6

Lɛ̀ e kɛ kília, o gó Wálà mɔ̀. Òó bɛ̀i gbaa à mɔ̀ kɛ ó nu o ká e mɛ̀ĩ́, kɛ ó o sɔ̃̀ɔ̃ yɔɔ mɛ́ vɔ̀ɔ zeĩ́, ɓii o Wálà Gbe pápìà nélè ká kɔ́lɔ́sì mɔ̀ zeĩ́, ɛ̃́ɛ̃́ o à dàpìà wáà-là, kɛɛ mia ó o lé sí à yí.

2 Pílɛ̀ 2:6

Ɛ́ɛ̃́ zeĩ́, Wálà e mɛ̀ĩ́-sà káá pɛ́lɛ lɛ́ ò si Sɔ́dɔ̃̀ wà Gòmálàa o wĩĩ́. E o yí sìè tíé ká. E o kɛ wɔ̃́ lɛ́ è lo kɛɛ̀ mia lɛ́ òó Wálà sɔ̃̀ɔ̃ kɛɛ káa gɔ̃̀á ká.

Zúdè 1:7

Ka zò è vùò Sɔ́dɔ̃̀ wà Gòmálà, e bɛ̀i sɛ́lɛ́ kélé-kélé lɛ́ e kɛ o kɔ̀ gbáà píéa mɔ́ɔ̀ wɔ̃̀ ká. Míá o sɛ́lɛ́ e píé kília yía, o wɔ̃́ lɛ́ Wálà là vɔ-mìà o kília wa kɛɛ dò kɛ. O sɔ̃̀ɔ̃ yɔɔ kɛ, tó wáà à yé lɛ́ lɛ̀ɛ́ mia ɓɔ̀ɔ zò dàa kɛ. Wɔ̃́ nyɔ́ɔ̀ɔ lɛ́ o à gɛ̃̀pìà wɔ̃́ sùu e kília wɛ̃́ĩ̀a, lɛ́ e tòá-kíli tíéa káa. Ɛ́ɛ̃́ lɛ wɔ̃́ gɔ̃̀á ká mia séĩ́ lɛ̀ɛ.

Wɛ̀lɛ̀vèlésɔ̃̀ 11:13

Yé e kɛ kília, à lɛ̀ lɛ̀ɛ́ gbaa túó bɛ̃̀ɛ̃ sɛ́lɛ́ lé áà kã̀, áà lò gìè yí gbùò zɛ̀. Sɛ́lɛ́ e kília yí gìniì e kɛá e kíe yí vũ̀ doó. À mɛ́ɛ́ doó yí e sìè. Sɛ́lɛ́ lɛ́ e kã́ lɛ́ e ló gìèa, e mia wáá sálápèèlɛ zɛ. Mia yé o tóa, mɛ́-tàle-dìè e kɛ o mɔ̀. A kɛ tó wáà Wálà lɛ́ e lɛ̀ía tɔ́ ɓɔ̀.

Wɛ̀lɛ̀vèlésɔ̃̀ 11:9

Mia lɛ́ ò go sɛ́lɛ́ gbɛɛ̀ gbɛɛ yía, e bɛ̀i, síí-sɛ̀lɛ̀ gbɛɛ̀ gbɛɛ là mìà, ɛ̃́ɛ̃́ wè gbɛɛ̀ gbɛɛ gèe-mìà, ɛ̃́ɛ̃́ zeĩ́ mia kpóló kɛ-kɔ̀ gbɛɛ̀ gbɛɛ zɛ̀, óò lo o bílí gɛ̃̀ɛ̃̀ lɛ̀-kpɛ̀iì yààka wà e lé-gbú píé. Òó ló wéè à mɔ̀ kɛ ó o bĩ̀ĩ̀.

Wɛ̀lɛ̀vèlésɔ̃̀ 14:20

O kɛ ɓɛ̀lɛ̀-wɛ́lɛ́ ɓɛɛ e kília ɓolopìà ɓɛ̀lɛ̀-wɛ́lɛ́ ɓɛɛ yíí-ɓòà-yí-pɛ̀ɛ yí pɛ́lɛɛ sɔ́nɔ́. Lɛ̀ e kɛ kília, léà e gó ɓɛ̀lɛ̀-wɛ́lɛ́ yíí-ɓo-pɛ̀ɛ yí, áà dìè zùù le. À tɔ̀lɔ lɛ́ e kɛ diepìàa, e ló gbèkèni vɔ̀ máà wũ pèèlɛ píé. Ɛ́ɛ̃́ e ló lèĩ gã̀-fùlùà yí sɔ́ɔ́li ká gìè.

Wɛ̀lɛ̀vèlésɔ̃̀ 14:8

Wálà là vɔ-mì doó e bɛ̀i e tó à yé e kɛ líéa píé, áà gèè weeá kélɛ̀, “Aà pèlè. Bábɛ́lɔ́ũ̀ sɛ̀lɛ̀ gbùò ɓɛ aà pèlè. Aà à kɛ sɛ́lɛ́ gbɛɛ̀ gbɛɛ yí-mìà séĩ́ waà là wã́ã́ĩ̀ gágàa mi. Wã́ã́ĩ̀a lɛ́ e sɔ̃̀ɔ̃ yɔɔ à kɛ̀ɛ káa.”

Wɛ̀lɛ̀vèlésɔ̃̀ 16:19

Pɛ́lɛ gbùòa yí gìniì e kɛá yààka. Ɛ́ɛ̃́ sɛ́lɛ́ gbɛɛ̀ gbɛɛ mɔ́ɔ̀ pɛ́lɛ gbùò gbùòa yí sìeè e kɛ à ká. Wálà zò vùoò e kɛ à ká Bábɛ́lɔ́ũ̀-pɛ̀lɛ̀ gbùòa mɔ́ɔ̀ wɔ̃̀ ká. E à kɛ Bábɛ́lɔ́ũ̀ e wã́ã́ĩ̀ mi là kɔ́pòa yí. Wã́ã́ĩ̀ e kília lɛ́ e kélɛ̀, Wálà là wɔ̃́à-wàa-kɔ̀ mɛ́ gágà zɛ̀ɛ.

Wɛ̀lɛ̀vèlésɔ̃̀ 17:1

Lɛ̀ e kɛ kília, Wálà là vɔ-mìà sálápèèlɛ lɛ́ kɔ́ɓà sálápèèlɛ e kɛ o kɛ̀lɛ̀ɛ, o doó-mì e nu áà gèè m lɛ̀ɛ, “Nu zèe kɛɛ ḿ zi lɛ́ ò lo wɔ̃́ nyɔ́ɔ̀ɔ kɛɛ̀á lee lɛ́ è e dìè lɔ̀ɔ̀ dɔ nɔ́ teelea káa, kɛ ḿ zɔ̃̀ɔ̃̀ i lɛ̀ɛ. Léé e kília yàà lɛ yíí kù gbùò zɛ̀ gbɛ̃̀-kíe-mɔ̀ pìà.

Wɛ̀lɛ̀vèlésɔ̃̀ 17:18

“Lee lɛ́ ɓa gɛ̃̀ɛ, ye lɛ́ e pɛ́lɛ yí gbùò zɛ̀ lɛ́ e sɛ́lɛ́ líé-sí-mìà là kpóṹ là zèea káa.”

Wɛ̀lɛ̀vèlésɔ̃̀ 17:5

Tɔ́ lɛ́ à yí bĩ̀ĩĩ̀ e kɛáa bɛ̃̀ɛ̃ɛ̃̀ e kɛá à pelà. Tɔ́ e kília lɛ́ e kélɛ̀, “Bábɛ́lɔ́ũ̀ gbùò ɓɛ. Loà séĩ́ lɛ́ ò o dìè lɔ̀ɔ̀ dɔ, ɛ̃́ɛ̃́ mia lɛ́ ò wɔ̃́ yɔɔ̀ yɔɔ̀ lilì kṹã̀a zɛ̀ kɛ̀ kpóṹ là zèea, o lèe lɛ́ ɓɛ.”

Wɛ̀lɛ̀vèlésɔ̃̀ 18:10

Óò lo dɔɔ̀ à ká gbèĩ, ɓii óò tùò à sã̀ lɛ́ è dɔɔ lɛ̀ɛ. Óò lo à gèeè kélɛ̀, “É ké nìé. É ké nìé. Sɛ́lɛ́ gbùò ɛ̃́ɛ̃́ yí gágà zɛ̀, lɛ́ e Bábɛ́lɔ́ũ̀ ká ɓɛ. I zì wɔ̃́ nyɔ́ɔ̀ɔ e ɓɔ i là áwà doó yí.”

Wɛ̀lɛ̀vèlésɔ̃̀ 18:18

o gbóó ɓo lɛ̀ lɛ́ o à gélé-tìè gbɛ̃́ĩ́ gɛ̃̀ɛ ká weeá kélɛ̀, “Pɛ́lɛ kpɛɛ̀ lɛ́ wà pɛ́lɛ gbùò e kéa o bɛ̀iì lɛ?”

Wɛ̀lɛ̀vèlésɔ̃̀ 18:2

E gbɛ́ɛ́ gbóó gágà ká áà gèè, “Aà pèlè. Bábɛ́lɔ́ũ̀-sɛ̀lɛ̀ gbùò ɓɛ aà pèlè. Aà kɛ gbaa pɛ yɔɔ vɔ̀ doò do zì pà ká gbaa. Mɔ̀ɔ̀ sùu gbɛɛ̀ gbɛɛ lilì kṹã̀a zɛ̀ ɛ̃́ɛ̃́ à sùu yé mia òó naa à káa nì, o yàlà kṹũ̀ lɛ gbaa à lɛ̀ mɔ̀.

Wɛ̀lɛ̀vèlésɔ̃̀ 18:21

Lɛ̀ e kɛ kília, Wálà là vɔ-mì yí gágà zɛ̀ɛ e gɛ̀lɛ̀-kpo lɛ́ à kɛɛ̀ e kɛá kélɛ̀ wéĩ́ lɛ́ ɓea sí áà dùò mɛ̀ĩ́ bà weeá kélɛ̀, “Zi lɛ́ Bábɛ́lɔ́ũ̀-sɛ̀lɛ̀ gbùòa è lo dàá tã́ã̀ mɛ́ gágà zɛ̀ɛ ye lɛ́ ɓɛ. Òó ló à gɛ̃̀ɛ̃̀ gbɛɛ ɓoò gbaa.

Wɛ̀lɛ̀vèlésɔ̃̀ 18:24

O Wálà là mia nì, ɛ̃́ɛ̃́ là dɔ̀-à-lé-là-mìà léà gɛ̃̀ sɛ́lɛ́ɛ yí. Ɛ́ɛ̃́ o mia séĩ́ lɛ́ o zɛɛ̀ e kɛá kpóṹ là zèea léà gɛ̃̀ à yí.