Wɛ̀lɛ̀vèlésɔ̃̀ 11:3 - Wè-dɔ-wè Dɛɛ

³ Ḿm̀ lo m̀ kélá vɔ̀ pèèlɛ vɔɔ̀. Sɔ gɔ́á-gɔ̀à sùu dò lɛ́ɛ̀ lo kɛɛ̀ o mɔ̀ɔ. Ɛ́ɛ̃́ óò lo wɔ̃́ lɛ́ Wálà à kàà o léa gèeè lúó wáá doó, là wũ pèèlɛ là vũ̀ sáláádo e kília píé.”

Wɛ̀lɛ̀vèlésɔ̃̀ 11:3 Iomraidhean Croise

Máfìù 11:21

“Kɔ̀lézĩ̀‐sɛ̀lɛ̀, zi sùu kpɛɛ̀ lɛ́ wɔ̃́ yéĩ̀zɛ̀ è lo kɛɛ̀á i ká ké. Bɛ̀sádà‐sɛ̀lɛ̀, zi sùu kpɛɛ̀ lɛ́ wɔ̃́ yéĩ̀zɛ̀ è lo ɓɔɔ̀á i là ké. É kɛ̀á wɔ̃́ kpàlézɛ̀ lɛ́ wa kɛ i yía, o wɔ̃́ nɔ́ doóa kɛ Táyà wà Sádã̀a, míá o yía wáá kɛɛ̀ o sɔ̃̀ɔ̃ yɔɔ mɛ́ vɔ̀ɔɔ̀ɔ zɛ̀ ká mɔ́ pɛ́lɛ̀, wáà dà‐yéĩ̀‐yí sɔ̀ dà o mɔ̀, wáà yàá tã́ã̀ yúé bà.

Máfìù 18:16

Kɛɛ é gɔ̃̀á e tóó dɔɔ̀ i mɔ̀ɔ, ì mi doó ɛ̃́ɛ̃́ pèèlɛ kpɔ́ i mɔ̀, ká ló à píé. Ì à kɛ kíli kɛɛ wɔ̃́ séĩ́ lɛ́ kà lo à gèeèa, à kélá é kɛ ɓe pèèlɛ ɛ̃́ɛ̃́ yààka vɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 10:13

“Kɔ̀lézĩ̀‐sɛ̀lɛ̀, zi sùu kpɛɛ̀ lɛ́ wɔ̃́ yéĩ̀zɛ̀ è lo kɛɛ̀á i ká ké. Bɛ̀sádà‐sɛ̀lɛ̀, zi sùu kpɛɛ̀ lɛ́ wɔ̃́ yéĩ̀zɛ̀ è lo ɓɔɔ̀á i là ké. É kɛ̀á wɔ̃́ kpàlézɛ̀ lɛ́ wa kɛ i yía, o wɔ̃́ nɔ́ doóa kɛ Táyà wà Sádã̀a, míá o yía wáá kɛɛ̀ o sɔ̃̀ɔ̃ yɔɔ mɛ́ vɔ̀ɔɔ̀ɔ zɛ̀ ká mɔ́ pɛ́lɛ̀, wáà dà‐yéĩ̀‐yí sɔ̀ dà o mɔ̀, wáà yàá tã́ã̀ yúé bà.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:48

Ka lɛ́ ka kélá vɔ̀ ká wɔ̃́ e kília mɔ́ɔ̀ wɔ̃̀ mɔ̀ɔ.

Zɔ̃̀ɔ̃́ 15:27

Ɛ́ɛ̃́ ka bɛ̃̀ɛ̃ káà lo m wɔ̃̀ gèeè, ɓii ka kɛ m píé wɔ̃́ séĩ́ gã̀-gbɛ̃̀pìà.

Zɔ̃̀ɔ̃́ 3:27

Zɔ̃̀ɔ̃́ a gèe o lɛ̀ɛ, “Pɛ lɛ̀ɛ́ bɛ̀i kɛɛ̀ mi nɔ́ɔ fé kɛ̀lɛ̀ yé Wálà lɛ̀ɛ́ à nɔ à lɛ̀ɛ ká.

Àpɔ́sɔ̀lɔ̀ 1:8

Yíkɛ̀ gáàa nɔɔ̀ lɛ́ɛ̀ lo kɛɛ̀ à ká ka lɛ̀ɛ yé Gɛ̀ɛ̀ Púlú aà nu ka làa ká. Káà lo kɛɛ̀ m̀ kélá ká Zùlúsàlɛ̀, ɛ̃́ɛ̃́ Zùdíà wà Sɛ̀mɛ́lìà-sɛ̀lɛ̀ lɛ̀ séĩ́ mɔ̀, ɛ̃́ɛ̃́ sɛ́lɛ́ léĩ́ tèá-pìà.”

Àpɔ́sɔ̀lɔ̀ 13:31

Lúó búnù-búnùzɛ̀ píéa, e ɓíé mia lɛ́ wà ye nì o gó Gálàlíì, lɛ́ o nu Zùlúsàlɛ̀ɛ là. Míá o kília, o gbaa à kélá ká Éézɛ̀lɛ̀-mìà bà.

Àpɔ́sɔ̀lɔ̀ 2:32

Wálà aà Zízɛ̀ nɔ́ doóa wɛ̀lɛ̀ ga kɛ̀lɛ̀. Ɛ́ɛ̃́ ko séĩ́ ko à kélá ká.

Àpɔ́sɔ̀lɔ̀ 3:15

Ka mi lɛ́ è kɛ̀ɓe-zì zɔ̃̀ɔ̃̀ mia lɛ̀ɛ zɛ. Kɛɛ Wálà e à wɛ̀lɛ̀ ga kɛ̀lɛ̀. Ɛ́ɛ̃́ ko kélá ká wɔ̃́ e kília mɔ́ɔ̀ wɔ̃̀ mɔ̀.

1 Kɔ̀léĩ́tĩ̀ã̀ 12:28

Wálà aà mia gbɛ̃̀ o kɛ-yɛ̀ɓo lé doò do o ɓɛ́ĩ̀ Wálà-mìà bà. À bèĩzɛ̀ lɛ́ e kélɛ̀ àpɔ́sɔ̀lɔ̀ vɔ̀. À tò-ko-mɔ̀ lɛ́ e dɔ̀-Wálà-lé-là-mìà káa. À tò-ko-mɔ̀ zɛ̀ lɛ́ zeĩ́ kélɛ̀ pɛ-zɔ̃̀ɔ̃̀-mìà. E bɛ̀i zeĩ́, mia lɛ́ o wɔ̃́ kpàlézɛ̀ kɛ-mìà káa. Ɛ́ɛ̃́ zeĩ́ mia lɛ́ ò yíkɛ̀ gáàa nɔ o lɛ̀ɛ, wáà mia là yáá bà, ɛ̃́ɛ̃́ zeĩ́ o dò wáà gbũ̀ mia mɔ̀ɔ. Ɛ́ɛ̃́ o yé ò líé si mia ká, ɛ̃́ɛ̃́ o dò yé ò wè gbɛɛ̀ gbɛɛ gèea.

2 Kɔ̀léĩ́tĩ̀ã̀ 13:1

M zì ɓɔ̀-ka-píé kpolà yààka zɛ̀ lɛ́ e kéa. Wɔ̃́ nɔ́ɔ fé lɛ́ ò kpɔ mia wĩĩ́a lɛ à mɔ̀ à kélá é kɛ pèèlɛ, é gɔ̃̀á kɛɛ̀ pèèlɛɛ è kɛ yààka.

Ìfísɔ̃̀ 4:11

Mí e nɔ̀-lɛ̀ɛ-pɛ̀ nɔ mia lɛ̀ɛ kília, lɛ́ e à káa. E mia gbṹũ̀ sí kɛ ó kɛ àpɔ́sɔ̀lɔ̀ vɔ̀ ká, ɛ̃́ɛ̃́ kɛ mia dò bɛ̃̀ɛ̃ ó kɛ dɔ̀-Wálà-lé-là-mìà ká. Ɛ́ɛ̃́ zeĩ́, e mia dò bɛ̃̀ɛ̃ sí kɛ ó kɛ wɔ̃́ làṹ yièa gèe-mìà ká. Zéniía, e mia dò bɛ̃̀ɛ̃ sí kɛ ó kɛ nyìɛ-kɛ̀-ɓáá-mɔ̀-mìà wà pɛ-zɔ̃̀ɔ̃̀-mìà ká.

Wɛ̀lɛ̀vèlésɔ̃̀ 1:5

Zò-kɛ̀-sɛ̀ wà zò-yà-gé è go Zízɛ̀ Kɛ́lɛ̀ì, lɛ́ e kélá zò-dɔ̀à-mɔ̀ zɛ̀ káa kɛ̀lɛ̀ɛ, ó kɛ ka kɛ̀lɛ̀. À ye lɛ́ lɛ Nɛ́ líé lɛ́ e wɛ̀lɛ̀ ga kɛ̀lɛ̀ɛ káa. À ye lɛ́ lɛ mia wũ-là-mìà lɛ́ o kpóṹ là zèea bɛ̃̀ɛ̃ zì dɔ-mì káa. Ko lɔ̀ kpɔ́ɔ̀ lɛ à mɔ̀, ɛ̃́ɛ̃́ ko ɓoò lɛ ɓɛ̀lɛ̀ yí ko zì kɛ-wɔ̃̀ yɔɔ kɛ̀lɛ̀ à zì léà lɛ́ e kááa kolo là zàá.

Wɛ̀lɛ̀vèlésɔ̃̀ 11:2

Kɛɛ yékɛ̀ í pɛ́lɛ̀ zèí lɛ́ lɛ káa sɔ́nɔ́ píéa gɔ̃́. Ì kã́ à lɛ̀ɛ. Ƃii waà o nɔ sɛ́lɛ́ gbɛɛ yí-mìà lɛ̀ɛ. Míá o kília, óò lo táà Wálà là Sɛ́lɛ́ɛ là mɛnɛ vũ̀ yììsɛ wɛ́lɛ́ pèèlɛ mɔ̀.

Wɛ̀lɛ̀vèlésɔ̃̀ 11:6

Yíkɛ̀ gáàa lɛ o kɛ̀lɛ̀ kɛ ó lɛ̀í lé kṹ, tó lɛ̀ɛ lɛ̀ɛ́ bã lúó lɛ́ ò lo wɔ̃́ lɛ́ Wálà a káá o lé ó gèea gèeè à káa ká. Yíkɛ̀ gáàa lɛ o kɛ̀lɛ̀ zeĩ́ kɛ ó yíí kɛ é kɛ léà dòló ká. E bɛ̀i, yíkɛ̀ gáàa lɛ o kɛ̀lɛ̀ kɛ ó kpóṹ là zèe mìà mɛ̀ mi sã̀-dɔ-pɛ̀ nɔ́ɔ fé ká zí nɔ́ ò nàà ó kɛ à káa ká.

Wɛ̀lɛ̀vèlésɔ̃̀ 12:6

Lééa e wàà gbaa e ló yɛ̀í là. E ló gbaa lɛ̀ lɛ́ Wálà aà pɛ̀ kɛ à lɛ̀ɛ mɔ̀. À lɛ̀ mɔ̀ lɛ́ ò lo o yɛ́lɛ́ kɛɛ̀ à mɔ̀ yi lúó wáá doó là wũ pèèlɛ là vũ̀ sáláádo píéa.

Wɛ̀lɛ̀vèlésɔ̃̀ 13:5

À lé lɛ́ è lé-gbùò-là kɛ̀á, ɛ̃́ɛ̃́ lɛ́ è wɔ̃́ yɔɔ̀ yɔɔ̀ gèe à káa, à nɔɔ̀ e kɛá à lɛ̀ɛ. O yíkɛ̀ gáàa nɔ à lɛ̀ɛ é kɛá mia là mɛnɛ vũ̀ yììsɛ wɛ́lɛ́ pèèlɛ píé.

Wɛ̀lɛ̀vèlésɔ̃̀ 19:10

M pèlè gbaa à gã̀ dṹɔ̃̀ kɛ ḿ gbini à lɛ̀ɛ. Kɛɛ a gèe m lɛ̀ɛ, “Yékɛ̀ ɓá kɛ kíli. Zí nɔ́ kà i lèe-gé vɔ̀ lɛ́ ò Zízɛ̀ là kélá-wè ɓoa ka à ká yɛɓo-kɛ-mìà káa, zí nɔ́ doóa lɛ́ m à káa. Ì gbini Wálà lɛ̀ɛ.” Ƃii zí nɔ́ Wálà è wɔ̃́ kàà à ká là dɔ̀-lé-là-mìà léa, zí nɔ́ doóa lɛ́ è wɔ̃́ kàà à ká Zízɛ̀ là kélá vɔ̀ léa.

Wɛ̀lɛ̀vèlésɔ̃̀ 20:4

Yé e kɛ kília, m dɔ-táŋáná wà mia lɛ́ o kɛ yàá o làa gɛ̃̀. O yíkɛ̀ gáàa nɔ o lɛ̀ɛ kɛ ó mɛ̀ĩ́-sà ɓo à ká. Zéniía, m mia lɛ́ waà o wũ-kèlè kã́ o là o zì kélá-wè ɓoò Zízɛ̀ lɛ̀ɛ, ɛ̃́ɛ̃́ Wálà lé-wè mɔ́ɔ̀ wɔ̃̀ mɔ̀ɔ o gɛ̀ɛ̀ gɛ̃̀. Òó gbini do luú-wììa wà e bĩ́ o lɛ̀ɛ. Ɛ́ɛ̃́ òó luú-wììa là pɛ píéa sɔ̀lɔ̀ ɓo do o pelà, ɛ̃́ɛ̃́ o kɛ̀lɛ̀ɛ. O kɛ ɓe zeĩ́, wà Kɛ́lɛ̀ì nì wáà líé sì mia ká kɛ̀ɛ̀ wáá doó píé.