Wɛ̀lɛ̀vèlésɔ̃̀ 11:2 - Wè-dɔ-wè Dɛɛ

² Kɛɛ yékɛ̀ í pɛ́lɛ̀ zèí lɛ́ lɛ káa sɔ́nɔ́ píéa gɔ̃́. Ì kã́ à lɛ̀ɛ. Ƃii waà o nɔ sɛ́lɛ́ gbɛɛ yí-mìà lɛ̀ɛ. Míá o kília, óò lo táà Wálà là Sɛ́lɛ́ɛ là mɛnɛ vũ̀ yììsɛ wɛ́lɛ́ pèèlɛ mɔ̀.

Wɛ̀lɛ̀vèlésɔ̃̀ 11:2 Iomraidhean Croise

Máfìù 27:53

O gó ɓɔ́à píé píé. Ɛ́ɛ̃́ lɛ̀ lɛ́ Zízɛ̀ wɛ̀lɛɛ̀ e kɛá ga kɛ̀lɛ̀ɛ, o ló Wálà là Sɛ́lɛ́ɛ yí. Mia búnùzɛ̀ o o gɛ̃̀ à lɛ̀ mɔ̀.

Máfìù 4:5

Lɛ̀ e kɛ kília, Dɛ́ɓò e Zízɛ̀ sí, e ló à ká Wálà là Sɛ́lɛ́ yí. E ló, a yà sálà‐ɓò‐Wálà‐lɛ̀ɛ‐kà gbãã̀ lɛ̀í gbèkèni,

Máfìù 5:13

“Ka lɛ́ ka kpóṹ là zèe wèĩ káa. Kɛɛ yé wèĩ aà e zì kɛ̀ nɛ́ĩ́‐nɛ̀ĩ̀‐kɔ̀ gínia, zi sùu kpɛɛ̀ lɛ́ è bɛ̀i à mɔ̀ é kɛá nɛ́ĩ́‐nɛ̀ĩ̀ zeĩ́? Ye wá pɛ‐kɛ̀á‐pɛ̀ gbɛɛ ká. Óò mɔ́ɔ̀ à dùò ɓo luú, tó mia wáà tàà à là gbaa.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 21:24

Óò lo o dò zɛɛ̀ gèlè‐gɔ̃‐làà ká. Ɛ́ɛ̃́ óò lo o dò kṹũ̀, o ló o ká sɛ́lɛ́ séĩ́ yí. Ɛ́ɛ̃́ zeĩ́, sɛ́lɛ́ gbɛɛ yí‐mìà óò lo táà Zùlúsàlɛ̀ là, é tóá kíli o zì lúó e nyɛ.

Hííbúlù 10:29

Kó ma mɔṹ mí ké à nyìɛ fɔ̃́ɔ̃̀ lɛ Wálà Gbe yía píé? Ye lɛ́ e kélɛ̀, mi lɛ́ lɛ̀ɛ́ ɓɛ̀lɛyà nɔ léà lɛ́ e Wálà là wè-dɔ-wèa wɛ́lɛ́ ká, lɛ́ e à kɛ púlú, lɛ́ kɛ-wɔ̃̀ yɔɔ gbɛɛ wá à mɔ̀ɔ káa ká, ɛ̃́ɛ̃́ ye lɛ́ e mi lɛ́ è lé-kã́ kɛ̀ Gɛ̀ɛ̀ Púlú lɛ́ è zò-kɛ̀-sɛ̀ nɔ mia lɛ̀ɛ mɔ̀ɔ káa. Zi sùu kpɛɛ̀ lɛ́ wɔ̃́ nyɔ́ɔ̀ɔ lɛ́ lɛ à mɔ̀ á gɛ̃̀ɛ, lɛ à ká yɔɔ ké.

Wɛ̀lɛ̀vèlésɔ̃̀ 11:11

Lɛ̀ lúó yààka wà e lé-gbú e diea, pɛ wúú yé è nu kɛ̀ɓe káa, e gó Wálà kɛ̀lɛ̀ e nu o yí. O wɛ̀lɛ̀ o dɔ. Mia séĩ́ lɛ́ o o gɛ̃̀ɛ, o túó kpànazɛ̀.

Wɛ̀lɛ̀vèlésɔ̃̀ 11:3

Ḿm̀ lo m̀ kélá vɔ̀ pèèlɛ vɔɔ̀. Sɔ gɔ́á-gɔ̀à sùu dò lɛ́ɛ̀ lo kɛɛ̀ o mɔ̀ɔ. Ɛ́ɛ̃́ óò lo wɔ̃́ lɛ́ Wálà à kàà o léa gèeè lúó wáá doó, là wũ pèèlɛ là vũ̀ sáláádo e kília píé.”

Wɛ̀lɛ̀vèlésɔ̃̀ 12:6

Lééa e wàà gbaa e ló yɛ̀í là. E ló gbaa lɛ̀ lɛ́ Wálà aà pɛ̀ kɛ à lɛ̀ɛ mɔ̀. À lɛ̀ mɔ̀ lɛ́ ò lo o yɛ́lɛ́ kɛɛ̀ à mɔ̀ yi lúó wáá doó là wũ pèèlɛ là vũ̀ sáláádo píéa.

Wɛ̀lɛ̀vèlésɔ̃̀ 21:10

Gɛ̀ɛ̀ Púlú e kɛ m là, ɛ̃́ɛ̃́ Wálà là vɔ-mì e ló m ká tɔ̃̀ũ̀ gbèkèni kpó-kpó wĩĩ́. E Wálà là Sɛ́lɛ́ lɛ́ e Zùlúsàlɛ̀ káa zɔ̃̀ɔ̃̀ m lɛ̀ɛ áà gò Wálà píé lɛ̀í.

Wɛ̀lɛ̀vèlésɔ̃̀ 21:2

Ɛ́ɛ̃́ m Wálà là Sɛ́lɛ́ lɛ́ e Zùlúsàlɛ̀ dɛɛ káa gɛ̃̀, áà gò lɛ̀í Wálà píé. À pɛ̀ kɛɛ̀ e kɛá lɛ̀ zí léé è nu gɔ̃ síì, lɛ́ waà mɛ́ sí kɛ é nu e dɛ̃ píéa lɛ́ ɓe.

Wɛ̀lɛ̀vèlésɔ̃̀ 22:19

Ɛ́ɛ̃́ yé mi gbɛɛ aà wéé lɛ́ Wálà a káá mi lé lɛ́ lɛ kíí e kéa yía, aà dò ɓo à píéa, Wálà bɛ̃̀ɛ̃ lɛ́ɛ̀ lo à zì kɛ̀ɓe-yìlì ɓɛɛ lɛ́ lɛ à mɔ̀ á gɛ̃̀ɛ kṹũ̀ à kɛ̀lɛ̀, ɛ̃́ɛ̃́ lɛ́ɛ̀ lo zeĩ́ à zì kɛ̀ Wálà là pɛ́lɛ e kília yí, lɛ́ à wɔ̃̀ kèle-kélè lɛ kíí e kéa yía yí sìè à kɛ̀lɛ̀.