Wɛ̀lɛ̀vèlésɔ̃̀ 1:3 - Wè-dɔ-wè Dɛɛ

³ Mí è kíí e kéa gèea, zò géli lɛ à kɛ̀lɛ̀. Ɛ́ɛ̃́ mia lɛ́ ò o tóó dɔ wéé lɛ́ Wálà a káá mi lé lɛ́ e kéa mɔ̀, lɛ́ ò wɔ̃́ lɛ́ à bɛ̃̀ɛ̃ɛ̃̀ lɛ kíí e kéa yía kũ tã́ã̀a, zò géli lɛ o kɛ̀lɛ̀. Ƃii lúó lɛ́ wɔ̃́ nì o kéa ò lo kɛɛ̀ à káa, aà ɓɔ kɔ̀ɛ́.

Wɛ̀lɛ̀vèlésɔ̃̀ 1:3 Iomraidhean Croise

Máfìù 24:15

“Káà lo ka tɔ̃́ɛ̃́ yé lɛ yɔɔ kpó‐kpó ɓo, lɛ́ dɔ̀‐Wálà‐lé‐là‐mì Dànyá e wɔ̃́ gèe é gbɛ̃̀á mɔ̀ɔ, gɛ̃̀ɛ̃̀ dɔ̀á Wálà là lɛ̀ púlúa mɔ̀.” (Mi lɛ́ è wɔ̃́ e kéa lónia, è à yí ma.)

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 11:28

Kɛɛ Zízɛ̀ a gèe kélɛ̀, “Wɔ̃́ ɓáá gèeèa, ye lɛ́ e kélɛ̀, mia lɛ́ ò Wálà lé‐wè ma, wáà à kɛ̀ɛ, zò géli lɛ o kɛ̀lɛ̀.”

Wólómà 13:11

Lɛ sɛ̀ ká wɔ̃́ e kéa kɛ, ɓii lúó lɛ́ lɛ à káa, káà dɔ. Lúó aà ɓɔ à mɔ̀, kɛ ká vùò yi bà. Ƃii lúó lɛ́ kò lo la-ɓo sɔ̀lɔ̀ ɓoò à káa, aà ɓɔ kɔ̀ɛ́ gbaa, é diá lúó lɛ́ ko ko zò dɔ à ká Wálà mɔ̀ɔ là.

Wólómà 13:12

Bĩ́míà ɓɛ̀lɛ̀-píé aà ló gbèĩ, ɛ̃́ɛ̃́ lɛ̀-kpɛ̀iì aà ko kṹ nɔ́ kɔ̃̀ɛ̃̀ɛ̃̀ le. Kɔ̀à tèá gbaa wɔ̃́ lɛ́ lɛ bĩ́míà là pɛ káa kɛɛ̀ ká, kɔ́á gèlè-gɔ̃-pɔ̀ɔ̀ lɛ́ mia ò gèlè gɔ̃ à ká lɛ̀-fɔ̀nɔɔ̀ɔ káa sí.

1 Pílɛ̀ 4:7

Pɛ séĩ́ líé-nyɛ-lùò aà tó kɔ̀ɛ́. Laa mɔ̀ ká kɛ dìè-kũ̀-tã́ã̀ zɛ̀, ɛ̃́ɛ̃́ ká yà ka nyìɛ́, kɛ bɛ̀i é kɛ ka mɔ̀ káà sɛ̀nɛ ɓò.

2 Pílɛ̀ 3:8

Kɛɛ m̀ lɔ̀-kɛ̀á-mìà, yékɛ̀ ka zò é ni wɔ̃́ doó e kéa mɔ̀. Ye lɛ́ e kélɛ̀, lúó doó lɛ ko Dàa-mì lɛ̀ɛ kɛ̀ɛ̀ wáá doó ká. Ɛ́ɛ̃́ kɛ̀ɛ̀ wáá doó bɛ̃̀ɛ̃ lɛ nɔ́ ɓɔ̀ɔ lúó doó ká à lɛ̀ɛ.

Wɛ̀lɛ̀vèlésɔ̃̀ 22:10

A gèe zeĩ́ m lɛ̀ɛ, “Yékɛ̀ í wéé lɛ́ Wálà a káá mi lé, lɛ́ lɛ kíí e kéa yía là bĩ̀ĩ̀. Ƃii lúó lɛ́ wɔ̃́ e kéa nì ò lo kɛɛ̀ à káa, aà ɓɔ kɔ̀ɛ́.

Wɛ̀lɛ̀vèlésɔ̃̀ 22:12

“Kà ka tóó dɔ. Ḿm̀ lo kɛɛ̀ nupìà dɛɛ ká. Ḿm̀ lo nuù mia fɔ́nɔ́ ká yé maà kɛ nupìàa ká, kɛ ḿ mia fɔ́nɔ́ nɔ wɔ̃́ lɛ́ waà kɛɛ kolo là zàá o tɔ̀ là doó doó.

Wɛ̀lɛ̀vèlésɔ̃̀ 22:20

Mi lɛ́ e wɔ̃́ e kéa mɔ́ɔ̀ kélá-wè ɓoa láà gèe kélɛ̀, “Wánà dìè ká. Ḿm̀ lo kɛɛ̀ nupìà dɛɛ ká.” É kɛ kíli. Ko Dàa-mì Zízɛ̀, ì nu.

Wɛ̀lɛ̀vèlésɔ̃̀ 3:11

Ḿm̀ lo kɛɛ̀ nupìà dɛɛ ká. Ì i kɔ̀ kùnù pɛ lɛ́ lɛ i kɛ̀lɛ̀ɛ mɔ̀, yékɛ̀ mi gbɛɛ é i fɔ́nɔ́ lɛ́ ì lo à gɛ̃̀ɛ̃̀, lɛ́ e zòlò káa, yékɛ̀ é à kṹ i kɛ̀lɛ̀.