Wɛ̀lɛ̀vèlésɔ̃̀ 1:2 - Wè-dɔ-wè Dɛɛ

² Pɛ séĩ́ lɛ́ m à gɛ̃̀ɛ, maà à séĩ́ wɔ̃̀ gèe. Wɔ̃́ lɛ́ m̀ à gèe lɛ́ à gbɛ̃̀ɛ̃̀ lɛ wè-vɔ-wè lɛ́ è go Wálà píé, ɛ̃́ɛ̃́ kélá-wè lɛ́ Zízɛ̀ Kɛ́lɛ̀ì a ɓoa mɔ̀ɔ, ye gɛ̃̀ e ké.

Wɛ̀lɛ̀vèlésɔ̃̀ 1:2 Iomraidhean Croise

Zɔ̃̀ɔ̃́ 1:32

Kélá-wè lɛ́ Zɔ̃̀ɔ̃́ a ɓoa, gɛ̃̀ e ké. A gèe kélɛ̀, “M Gɛ̀ɛ̀ Púlúa gɛ̃̀, e gó lɛ̀í, áà nù à là kélɛ̀ tèŋè lɛ́ ɓe. Ɛ́ɛ̃́ e tó à là.

Zɔ̃̀ɔ̃́ 12:17

Mia kù lɛ́ o kɛ Zízɛ̀ píé lɛ̀ lɛ́ e Lázàlɛ̀ súo kɛ é gó ɓɔ́à, ɛ̃́ɛ̃́ lɛ́ e à wɛ̀lɛ̀ ga kɛ̀lɛ̀ɛ káa, o ló o wɔ̃́ lɛ́ à kɛɛ̀ e kɛáa gèe.

Zɔ̃̀ɔ̃́ 19:35

Mi lɛ́ e wɔ̃́ e kéa gɛ̃̀ áà kɛ̀ɛ, aà à mɛ̀ĩ̀ ɓo, kɛɛ ka bɛ̃̀ɛ̃ ká à gɛ̃̀ wánà ká nɔ́ kíli. Wɔ̃́ a gèea lɛ wánà ká. Ɛ́ɛ̃́ lɛ́ɛ̀ à yí dɔ kélɛ̀ lɛ́ɛ̀ wánà-wɔ̃̀ gèe.

Zɔ̃̀ɔ̃́ 21:24

Mí e kília lɛ́ e tòà-píé-mì lɛ́ e wɔ̃́ nì e kéa wɔ̃̀ gèe, ɛ̃́ɛ̃́ lɛ́ e à wɔ̃̀ bɛ̃̀ɛ̃ káa. Ɛ́ɛ̃́ kóò à yí dɔ kélɛ̀ wɔ̃́ a gèea lɛ wánà zɛ̀.

Zɔ̃̀ɔ̃́ 3:11

Wánà-wɔ̃̀ kpó-kpó lɛ́ m̀ gèe i lɛ̀ɛ ɓɛ. Kóò wɔ̃́ lɛ́ kò à dɔɔ gèe. Ɛ́ɛ̃́ kóò pɛ lɛ́ kɔaà gɛ̃̀ɛ, wɔ̃̀ gèe. É kɛ bɛ̃̀ɛ̃ kília, kàá wéé à mɔ̀ kɛ ká ka kɔ̀ yà ko zì kélá-wè lɛ́ kò ɓoa wì.

Àpɔ́sɔ̀lɔ̀ 22:15

Ƃii íì lo kɛɛ̀ là kélá ká, kɛ í wɔ̃́ séĩ́ lɛ́ ɓaà gɛ̃̀, ɛ̃́ɛ̃́ lɛ́ ɓaà maa, gèe mia séĩ́ lɛ̀ɛ.

Àpɔ́sɔ̀lɔ̀ 26:16

Kɛɛ wɛ̀lɛ̀ í dɔ i gã̀ mɔ̀. Maà ɓíé i là kɛ ḿ i sí m̀ yɛɓo-kɛ-mì ká. Lɛ i mɔ̀ í wɔ̃́ lɛ́ maà kɛ lɛ́ ɓaà gɛ̃̀ pɛ́nɛɛ, ɛ̃́ɛ̃́ à yé m̀ lo à zɔ̃̀ɔ̃̀ i lɛ̀ɛ lúó lɛ́ lɛ̀ɛ́ ɓɔ nɛ́ɛ káa gèe mia lɛ̀ɛ.

Àpɔ́sɔ̀lɔ̀ 4:20

Ƃii wɔ̃́ lɛ́ kɔaà gɛ̃̀, ɛ̃́ɛ̃́ lɛ́ kɔaà maa, kòó bɛ̀i tèáà à wɔ̃̀ gèeè mɔ̀.”

1 Kɔ̀léĩ́tĩ̀ã̀ 1:6

Kélá-wè lɛ́ à gbɛ̃̀ɛ̃̀ lɛ Kɛ́lɛ̀ì mɔ̀ɔ, à yàlà kṹũ̀ lɛ dóo ka yí kpó-kpó ɓo.

1 Kɔ̀léĩ́tĩ̀ã̀ 2:1

M lèe-gé vɔ̀, lɛ̀ lɛ́ m nu ka píé máà Wálà zì kélá-wè ɓò lòũ̀ ká ka lɛ̀ɛ, m̀ḿ gbaa à gèe wéé gbùò gbùò, ɛ̃́ɛ̃́ wɔ̃́ ká-ná ká-ná gèeè ká.

1 Zɔ̃̀ɔ̃́ 1:1

Kóò Wéé lɛ́ à gbɛ̃̀ɛ̃̀ lɛ kɛ̀ɓe mɔ̀ɔ wɔ̃̀ bɛ̃̀ɛ̃ ka píé. Aà kɛ ɓe mɔ́ pɛ́lɛ̀ wɔ̃́ séĩ́ gã̀-gbɛ̃̀pìà. Kɔaà à ma, ɛ̃́ɛ̃́ kɔaà à gɛ̃̀ ko nyìɛ ká. Kɔaà ko nyìɛ dɔ à mɔ̀, ɛ̃́ɛ̃́ kɔaà ko kɔ̀ pá à mɔ̀.

1 Zɔ̃̀ɔ̃́ 4:14

Ɛ́ɛ̃́ ko bɛ̃̀ɛ̃ kɔaà gɛ̃̀, tó kɔ́áà kélá-wè ɓò kélɛ̀ mia Dàa e e Gbe vɔ kɛ é kɛ kpóṹ là zèe mìà La-mì ká.

3 Zɔ̃̀ɔ̃́ 1:12

Mia séĩ́ óò Dìmítìà tɔ́ yiè gèe. Wánà-wɔ̃̀ɔ vɔ̀ɔ lɛ́ɛ̀ à tɔ́ yiè gèe. Ɛ́ɛ̃́ ko ko dìè kò kélá ká, ɛ̃́ɛ̃́ káà wɔ̃́ lɛ́ kò gèea kɛ̀ wánà ká míní si.

Wɛ̀lɛ̀vèlésɔ̃̀ 1:11

A gèe kélɛ̀, “Pɛ́ ɓà gɛ̃̀ɛ à bɛ̃̀ɛ̃ kii yí, ɓá vɔ Wálà-mìà kpolà sálápèèlɛ zɛ̀ o kéa píé. Wálà-mìà kpolà sálápèèlɛ zɛ̀ o kília, o lɛ́ o kélɛ̀, Ɛ́fɔ́sɔ̀, Sámánà, Pógómà, ɛ̃́ɛ̃́ Táyàtélà, Sádà, ɛ̃́ɛ̃́ zeĩ́ Felèdáfìà wà Leodòsíà.”

Wɛ̀lɛ̀vèlésɔ̃̀ 1:19

Ì pɛ lɛ́ ì à gɛ̃̀ɛ bɛ̃̀ɛ̃. Wɔ̃́ lɛ́ lɛ ɓe dɛɛ káa, ɛ̃́ɛ̃́ wà à yé è lo kɛɛ̀ líéa o bɛ̃̀ɛ̃.

Wɛ̀lɛ̀vèlésɔ̃̀ 1:9

Ma Zɔ̃̀ɔ̃́ lɛ́ m ka lèe-gé káa. Kò Zízɛ̀ ko kɛ̀ à yí doóa kolo là zàáa, kɔa nɔ́ à yí doó wɔ̃́ nyɔ́ɔ̀ɔ gɛ̃̀ɛ̃ɛ̃̀, e bɛ̀i, à zì tò-mia-là, ɛ̃́ɛ̃́ zeĩ́ zò-kũ̀-tã́ã̀ yí zàá. M kɛ sɛ́lɛ́ lɛ́ yíí nìɛ̀ lɛ à mɔ̀, lɛ́ ò si Pámɔ̀ɔ à lɛ̀ mɔ̀. O m yà yi, ɓii m Wálà lé-wè ɛ̃́ɛ̃́ kélá-wè lɛ́ Zízɛ̀ a ɓoa wɔ̃̀ gèea mɔ́ɔ̀ wɔ̃̀ mɔ̀.

Wɛ̀lɛ̀vèlésɔ̃̀ 12:11

Ko lèe-gé vɔ̀ kɔ̀ e die à là Ƃáá nyɔ̀nɔ́ɔ léà, ɛ̃́ɛ̃́ kélá-wè lɛ́ wa ɓoa kolo là zàá. Òó gbaa kpàa o dìè zì kɛ̀ɓe mɔ́ɔ̀ wɔ̃̀ yí, yé bɛ̃̀ɛ̃ e kɛ o mɔ̀ ó gaa ká.

Wɛ̀lɛ̀vèlésɔ̃̀ 12:17

Wɔ̃́ e dálágɔ̃̀ɔ wàa gbaa kpó-kpó ɓo lééa píé. E ló gbaa áà gèlè gbìnì lééa sùu-là-mìà yé o tóa mɔ̀. Lééa sùu-là-mìà o kília o lɛ́ o mia séĩ́ lɛ́ ò wɔ̃́ lɛ́ Wálà à gèe ó kɛɛ kɛ̀, ɛ̃́ɛ̃́ lɛ́ ò kélá-wè ɓo Zízɛ̀ lɛ̀ɛ káa.

Wɛ̀lɛ̀vèlésɔ̃̀ 20:4

Yé e kɛ kília, m dɔ-táŋáná wà mia lɛ́ o kɛ yàá o làa gɛ̃̀. O yíkɛ̀ gáàa nɔ o lɛ̀ɛ kɛ ó mɛ̀ĩ́-sà ɓo à ká. Zéniía, m mia lɛ́ waà o wũ-kèlè kã́ o là o zì kélá-wè ɓoò Zízɛ̀ lɛ̀ɛ, ɛ̃́ɛ̃́ Wálà lé-wè mɔ́ɔ̀ wɔ̃̀ mɔ̀ɔ o gɛ̀ɛ̀ gɛ̃̀. Òó gbini do luú-wììa wà e bĩ́ o lɛ̀ɛ. Ɛ́ɛ̃́ òó luú-wììa là pɛ píéa sɔ̀lɔ̀ ɓo do o pelà, ɛ̃́ɛ̃́ o kɛ̀lɛ̀ɛ. O kɛ ɓe zeĩ́, wà Kɛ́lɛ̀ì nì wáà líé sì mia ká kɛ̀ɛ̀ wáá doó píé.

Wɛ̀lɛ̀vèlésɔ̃̀ 22:21

Ko Dàa-mì Zízɛ̀ zì zò-kɛ̀-sɛ̀ɛ é kɛá mia séĩ́ píé.

Wɛ̀lɛ̀vèlésɔ̃̀ 6:9

Ƃáá nyɔ̀nɔ́ɔ e bɛ̀i e pɛ lé-taa-pɛ̀ sɔ́ɔ́li-mìa lé ɓo. M mia lɛ́ waà o zɛɛ gɛ̀ɛ̀ gɛ̃̀ sálà-ɓòà-là-pɛ̀ɛ wì. O o zɛ, ɓii o Wálà lé-wè gèe lòũ̀ ká, ɛ̃́ɛ̃́ o kélá-wè ɓoa mɔ́ɔ̀ wɔ̃̀ mɔ̀.