2 Témɔ́tè 4:8 - Wè-dɔ-wè Dɛɛ

⁸ Dɛɛ ká gbaa, pɛ́ m kɛ à mɔ́ɔ̀ bàlà sípìàa, lɛ yàá m gɛ̀nɛ̀. Ye lɛ́ e zòlò lɛ́ lɛ wɔ̃́ kpeĩ kɛɛ̀ mɔ́ɔ̀ zòlò ká, lɛ́ ko Dàa-mì lɛ́ e Mɛ̀ĩ́-sà ɓo-mì kpeĩ káa, è lo à nɔɔ̀ m lɛ̀ɛ Lúó e kília káa káa. Lɛ̀ɛ́ ló à nɔɔ̀ m doó m lɛ̀ɛ. Kɛɛ lɛ́ɛ̀ lo à nɔɔ̀ mia séĩ́ lɛ́ ko Dàa-mì zì ɓɔ̀-mia-là è o zò kũa lɛ̀ɛ.

2 Témɔ́tè 4:8 Iomraidhean Croise

Máfìù 24:36

“Kɛɛ mi nɔ́ɔ fé lɛ̀ɛ́ lúó ɛ̃́ɛ̃́ lɛ̀‐kpɛ̀iì è lo nuù kília dɔ. Wálà là vɔ‐mìà lɛ́ o lɛ̀ía, ɛ̃́ɛ̃́ ma à Gbe, é kɛ bɛ̃̀ɛ̃ ko káa, kòó à dɔ. M Dàa doó lɛ́ nɔ́ è à dɔɔ.

Máfìù 7:22

Yé Lúó e kília aà ɓɔɔ, mia búnùzɛ̀ óò lo à gèeè m lɛ̀ɛ, ‘Ko Dàa‐mì, ko Dàa‐mi, ḿ gɔ̃̀, ko Wálà lé‐wè gèe i tɔ́ yí, kɔ́áà pɛ yɔɔ búnùzɛ̀ ɓò mia píé i tɔ́ yí, ɛ̃́ɛ̃́ kɔ́áà wɔ̃́ kpàlézɛ̀ búnùzɛ̀ kɛ̀ i tɔ́ yí nɔ́ kíli.’

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 10:12

Ḿm̀ gèe ka lɛ̀ɛ kélɛ̀, lúó lɛ́ ò lo mɛ̀ĩ́‐sà dɔɔ̀á mia mɔ̀ɔ, Sɔ́dɔ̃̀ zì wɔ̃́ lɛ́ è lo ɓɔɔ̀ à làa, lɛ́ɛ̀ lo kɛɛ̀ fìa, é dieá sɛ́lɛ́ e kília zì là.

Wólómà 2:5

Kɛɛ i wũ-kèlè yí lɛ gágà, ɛ̃́ɛ̃́ ɓàá naa í i zò nìɛ̀. À mɔ́ɔ̀ wɔ̃̀ mɔ̀ɔ, i à kɛpìà kɛɛ Wálà zì wɔ̃́à-wàa-kɔ̀ lɛ́ è lo ɓɔɔ̀ i mɔ̀ɔ, é kɛ gbùò. Lɛ́ɛ̀ lo kɛɛ̀ gbùò Wálà zì wɔ̃́à-wàa-lùò ká, lúó lɛ́ à zì mɛ̀ĩ́-sà dɔ̀-mia-mɔ̀ kpeĩa lɛ́ɛ́ è lo ɓoò à ká à làa ká.

Wólómà 8:23

Kɛɛ ye wá pɔɔ̀ lɛ́ Wálà a kɛɛ doó ká. Mia lɛ́ Gɛ̀ɛ̀ Púlú lɛ́ lɛ Wálà là nɔ̀-mia-lɛ̀ɛ-pɛ̀ bèĩzɛ̀ káa, lɛ ko yía, kóò gɔ̃̀nɔ̀ nɔ́ ko gbĩ-kpàla yí nɔ́ kíli, lɛ̀ lɛ́ ko tĩã́ yàá Wálà é ko kɛ là nɔ́ɔ̀ ká, áà ko gbĩ-kpàla làa ká.

1 Kɔ̀léĩ́tĩ̀ã̀ 2:9

Kɛɛ zi lɛ́ à bɛ̃̀ɛ̃ɛ̃̀ lɛ à ká Wálà là kíía yía, gɛ̃̀ e ké. “Pɛ lɛ́ nyìɛ-wɛ̀lɛ̀ nɔ́ɔ fé lɛ̀ɛ́ yà do à mɔ̀, ɛ̃́ɛ̃́ wɔ̃́ lɛ́ lɛ̀ɛ́ dà do tóó gbɛɛ yí, e bɛ̀i, wɔ̃́ lɛ́ mi gbɛɛ lɛ̀ɛ́ e yɛ́lɛ́-táá do à ká kélɛ̀ lɛ́ɛ̀ bɛ̀i kɛɛ̀ɛ, ye lɛ́ e kélɛ̀ pɔɔ̀ lɛ́ Wálà aà pɛ̀ kɛ mia lɛ́ Wálà lɔ̀ kpɔ́ɔ̀ lɛ o mɔ̀ɔ lɛ̀ɛ.”

1 Kɔ̀léĩ́tĩ̀ã̀ 3:13

Zi lɛ́ mia kɛ-yɛ̀ɓo lɛ à ká doò doa, à zɔ̃̀ɔ̃̀ lɛ́ɛ̀ lo kɛɛ̀ à ká yé Lúó lɛ́ lɛ nupìàa aà kɛ waà dà wáà-làa ká. Tíé lɛ́ è lo kɛɛ̀ ɓe Lúó e kília káa, lɛ́ɛ̀ lo lɛ́ɛ́ ɓoò mia séĩ́ kɛ-yɛ̀ɓo là. Tíé e kília lɛ́ɛ̀ lo à yí dã́ã̀, áà zi lɛ́ o à káa zɔ̃̀ɔ̃̀.

1 Kɔ̀léĩ́tĩ̀ã̀ 9:25

Bàlà sí-mìà séĩ́ óò o dìè kũ tã́ã̀ wɔ̃́ séĩ́ kɛɛ̀ yí. Míá o kília óò wɔ̃́ e kília kɛ̀ kíli kɛɛ ó zòlò yé à kɛɛ̀ lɛ lɛ́ɛ́ ká, lɛ́ è bɛ̀i à mɔ̀ é sìèa sɔ̀lɔ̀ ɓo. Kɛɛ ko yee kóò kɛ̀ à yé lɛ́ lɛ̀ɛ́ ló sìè tòá kíli káa wɛ̃́ĩ̀.

2 Kɔ̀léĩ́tĩ̀ã̀ 5:2

Yà kɔa ɓoa káa, kóò gɔ̃̀nɔ̀ ko yí, ɓii ko zì ká lɛ́ e lɛ̀ía, à wàà-ko-mɔ̀ lɛ̀ zí ò sɔ wàá o mɔ̀ɔ lɔ̀ lɛ ko kɛpìà nyɔ́ɔ̀ɔ.

Fèlépĩ̀ã̀ 3:11

kɛɛ é kɛ̀á à kɛ-zì lɛ́ɛ̀ lo kɛɛ̀ ɓea, kɛɛ m wɛ̀lɛɛ̀ é kɛá ga kɛ̀lɛ̀ ḿ nu kɛ̀ɓe yí.

Kɔ̀lɔ́sĩã̀ 1:5

Yé wéé wánà zɛ̀ lɛ́ e wɔ̃́ làṹ yièa káa, e ɓɔ ka mɔ̀ bèĩzɛ̀ɛ, ka zò-kɛ̀-pɛ-mɔ̀ wɔ̃̀ ma. À mɔ́ɔ̀ wɔ̃̀ mɔ̀ɔ, ka zì zò-dɔ̀à-mɔ̀ wà ka zì mia lɔ̀-kpɔ̀-ka-mɔ̀ gã̀-gbɛ̃̀ɛ̃̀ lɛ pɛ lɛ́ ka zò lɛ à mɔ̀, lɛ́ à yàlà bɛ̀iì lɛ Wálà-pà ka mɔ́ɔ̀ wɔ̃̀ mɔ̀ɔ là.

1 Tɛsàlónìà 1:10

ɛ̃́ɛ̃́ kɛ ká yà lúó lɛ́ à Gbe è lo góòá lɛ̀í áà nùáa gɛ̀nɛ̀. À Gbe Zízɛ̀ e kília lɛ́ e à wɛ̀lɛ̀ ga kɛ̀lɛ̀, lɛ́ e ko la Wálà là wɔ̃́à-wàa-kɔ̀ lɛ́ lɛ nupìàa kɛ̀lɛ̀ɛ.

1 Tɛsàlónìà 5:4

Kɛɛ m lèe-gé vɔ̀, ka yee ka wá bĩ́ tii bà. Ye wá à mɔ̀ kɛɛ Lúó e kília é à kɛ ka lé é pa, lɛ̀ zí kã̀ã-mì à kɛ̀á tó ka lé áà pàa lɛ́ ɓe.

2 Tɛsàlónìà 2:8

Yé aà kɛ kília, Mi Kɛ-pɛ̀ Yɔɔ Zɛ̀ e kília lɛ́ɛ̀ lo e dìè zɔ̃̀ɔ̃̀ mia lɛ̀ɛ gbaa. Yé aà kɛ kília, ko Dàa-mì Zízɛ̀ lɛ́ɛ̀ lo à zɛɛ̀ e wúú lɛ́ è go à léa ká. Ɛ́ɛ̃́ à zì nù-mia-là-kɔ̀ kpànazɛ̀ ɓɛ, lɛ́ɛ̀ lo à yí sìè à ká yé aà nua ká.

1 Témɔ́tè 6:19

Zí e kéa káa, óò lo pɛ kpɔ́lɔ̀ bɛ̀ipìà lɛ́ è lo kɛɛ̀ ká-gã̀ gágà zɛ̀ ká líé zàá wɛ̃́ĩ̀a bɛ̀iì à ká. Yé aà kɛ kília, bɛ̀i lɛ́ɛ̀ lo kɛɛ̀ o mɔ̀ kɛ ó kùnù kɛ̀ɓe lɛ́ lɛ kɛ̀ɓe kpó-kpó káa mɔ̀.

2 Témɔ́tè 1:10

Kɛɛ à zɔ̃̀ɔ̃ɔ̃̀ lɛ gbaa ko lɛ̀ɛ ko La-mì Kɛ́lɛ̀ì Zízɛ̀ nuù yí zàá. Aà à kɛ gbaa yíkɛ̀ gáàa wá gbaa ga kɛ̀lɛ̀. Ɛ́ɛ̃́ aà nu kɛ̀ɓe ɛ̃́ɛ̃́ kɛ̀ ɓéèe lɛ́ lɛ̀ɛ́ nyɛɛ ká gbaa lɛ̀ púlú mɔ̀ wɔ̃́ làṹ yièa kolo là zàá.

2 Témɔ́tè 1:12

Wɔ̃́ nì e kéa mɔ́ɔ̀ wɔ̃̀ lɛ́ m sã̀ è dɔ ɓɛ. Kɛɛ m zò mɛ́ lɛ tĩã́ gágà, ɓii mi lɛ́ m zò dɔɔ̀ lɛ à mɔ̀ɔ, ḿm̀ à dɔ. Ɛ́ɛ̃́ ḿm̀ à yí kpó-kpó dɔ kélɛ̀ pɛ lɛ́ aà kpɔ́ m kɔ̀ làa, bɛ̀i lɛ à mɔ̀ é e yɛ́lɛ́ kɛ à mɔ̀ é tóá kíli Lúó e kília é ɓɔ.

2 Témɔ́tè 1:18

Ko Dàa-mì è à kɛ kɛ ko Dàa-mì é à yéĩ̀ kṹ Lúó e kília ká. Ɛ́ɛ̃́ zi lɛ́ e wɔ̃́ búnùzɛ̀ kɛá m lɛ̀ɛ Ɛ́fɔ́sɔ̀ɔ, íì à dɔ sɛ̀.

2 Témɔ́tè 2:5

Mi lɛ́ lɛ bàlà sípìà pɛ dò wɛ̃́ĩ̀a, lɛ̀ɛ́ ló pɛ́ e kília sɔ̀lɔ̀ ɓoò yé lɛ̀ɛ́ bàlà e kília sí lɔ́ɔ̀ kṹ tã́ã̀a ká.

2 Témɔ́tè 4:1

Wɔ̃́ e kéa ma kpɔ́ i kɔ̀ là Wálà wà Kɛ́lɛ̀ì Zízɛ̀ lɛ́ è lo mia lɛ́ waà gaa, wà o yé o tĩã́ ɓea, è lo mɛ̀ĩ́-sà dɔɔ̀ o mɔ̀ɔ, o wɛlɛ mɔ̀. À zì nú è lo à ɓoò, ɛ̃́ɛ̃́ à zì tò-mia-là mɔ́ɔ̀ wɔ̃̀ mɔ̀ɔ, ḿm̀ gèe i lɛ̀ɛ,

Tátɔ̀ 2:13

lɛ̀ lɛ́ ko tĩã́ yàá lúó géli zɛ̀ lɛ́ ko zò lɛ à mɔ̀ é nua gɛ̀nɛ̀ɛ káa ká. Lúó e kília lɛ́ Zízɛ̀ Kɛ́lɛ̀ì, lɛ́ e kò Wálà kpànazɛ̀ e bɛ̀i ko La-mì káa, à zì lɛ̀-fɔ̀nɔ-kɔ̀ è lo ɓíèá mia làa.

Hííbúlù 12:11

Yé waà ko kṹ gágàa, lɛ ko lɛ̀ɛ wɔ̃́ zò-dà-zízàá zɛ̀ ká. Kɛɛ ye wá ko géli wɔ̃̀ ká. Kɛɛ lɛ̀ à lɛ̀ e ɓo pèèlɛɛ, mia lɛ́ waà o kpɔ́ zi sùua káa, óò pɛ ɓɛɛ zò-yà-gé zɛ̀ lɛ́ e yìì-kɔ̀ kpeĩ káa ɓo.

Hííbúlù 9:28

Zi nɔ́ doóa káa, Kɛ́lɛ̀ì nɔɔ̀ e kɛá nɔ́ doó sálà-ɓo-pɛ̀ ká, kɛɛ é mia búnùzɛ̀ kɛ-wɔ̃̀ yɔɔ ɓo o mɔ̀. Lɛ́ɛ̀ lo ɓíè mia là zeĩ́. Kɛɛ lɛ̀ɛ́ ló nuù kɛ-wɔ̃̀ yɔɔ wɛ̃́ĩ̀, kɛɛ à nuù lɛ́ɛ̀ lo kɛɛ̀á kɛ é mia lɛ́ o yàá à gɛ̀nɛ̀ɛ la.

Zĩ́ĩ̀ 1:12

Mi lɛ́ è to dɔ̀á e dɔ̀lɔ̀ mɔ̀ yé yí-dã́-wɔ̃̀ aà ɓɔ à làa káa, zò géli lɛ à kɛ̀lɛ̀. Ƃii yé aà die yí-dã́-wɔ̃̀ e kília yía, lɛ́ɛ̀ lo e fɔ́nɔ́ lɛ́ e kɛ̀ɓe-zòlò ká, lɛ́ Wálà aà e wè dɔ à ká mia lɛ́ à lɔ̀ kpɔ́ɔ̀ lɛ o mɔ̀ɔ lɛ̀ɛ sɔ̀lɔ̀ ɓoò.

1 Pílɛ̀ 1:4

Pɛ́ ko zò lɛ à mɔ̀ kília, lɛ́ e pɛ lɛ́ è lo kɛɛ̀ kò pɛ káa káa. Pɔɔ̀ e kília vúú là wɔ̃́ wá à mɔ̀. Pɛ gbɛɛ lɛ̀ɛ́ bɛ̀i à sìè, ɛ̃́ɛ̃́ kɛ bɛ̃̀ɛ̃ à wɔ̃̀ é kɛ fúɛ́-fùɛ̀. Wálà lɛ́ɛ̀ à yàlà bɛ̀i ka lɛ̀ɛ e pà.

1 Pílɛ̀ 5:4

Ká kɛ̀á kília, yé Nyìɛ-kɛ̀-ɓáá-mɔ̀-mì Kpó-kpóa aà nua, káà lo zòlò tɔ́ ɓɔɔ̀ɔ zɛ̀, lɛ́ à zì lɛ̀-fɔ̀nɔ-kɔ̀ lɛ̀ɛ́ ló kɛɛ̀ fúɛ́-fùɛ̀ɛ sɔ̀lɔ̀ ɓoò.

Wɛ̀lɛ̀vèlésɔ̃̀ 1:7

Kà lɛ̀ gɛ̃̀. Lɛ nupìà lɛ̀í-kii yí. Nyìɛ séĩ́-séĩ́ lɛ́ɛ̀ lo à gɛ̃̀ɛ̃̀, é ló é dàá mia lɛ́ wa pá dí káa bà. Mia sùu gbɛɛ̀ gbɛɛ zɛ̀ séĩ́ lɛ́ o tã́ã̀ zèea, óò lo dàà yéĩ̀ yí à mɔ́ɔ̀ wɔ̃̀ mɔ̀. Zía lɛ́ lɛ à káa. É kɛ kíli.

Wɛ̀lɛ̀vèlésɔ̃̀ 19:11

Yé e kɛ kília, m lɛ̀í lé ɓoòa zɛ̀ gɛ̃̀. Sòo púlú doó e kɛ yí. Mi lɛ́ è à tààa óò si Mi Zò-dɔ̀à-mɔ̀ zɛ̀ ɛ̃́ɛ̃́ Mi Wánà zɛ̀. Yé aà mɛ̀ĩ́-sà ɓo, ɛ̃́ɛ̃́ lɛ́ aà gèlè gɔ̃ɔ, láà kɛ̀ kpeĩ wɔ̃́ kɛ-zì ká.

Wɛ̀lɛ̀vèlésɔ̃̀ 2:10

Yékɛ̀ í túó wɔ̃́ nyɔ́ɔ̀ɔ nɔ́ɔ fé lɛ́ ì lo à gɛ̃̀ɛ̃̀ dɛɛ káa lɛ̀ɛ. Ì i tóó dɔ. Dɛ́ɓò lɛ à kɛpìà kɛ é ka dò dùò bĩ́-kɛ̀ì, kɛ ká yí-dã́ sɔ̀lɔ̀ ɓo. Káà lo wɔ̃́ nyɔ́ɔ̀ɔ e kília gɛ̃̀ɛ̃̀ lúó vũ̀ doó píé. Ì kɛ zò-dɔ̀à-mɔ̀ zɛ̀ yé bɛ̃̀ɛ̃ í gaa ká. Ḿm̀ lo kɛ̀ɓe-zòlò yàà i wĩĩ́.

Wɛ̀lɛ̀vèlésɔ̃̀ 22:20

Mi lɛ́ e wɔ̃́ e kéa mɔ́ɔ̀ kélá-wè ɓoa láà gèe kélɛ̀, “Wánà dìè ká. Ḿm̀ lo kɛɛ̀ nupìà dɛɛ ká.” É kɛ kíli. Ko Dàa-mì Zízɛ̀, ì nu.

Wɛ̀lɛ̀vèlésɔ̃̀ 4:10

mia dìè-dìè vũ̀ pèèlɛ wɛ́lɛ́ yììsɛɛ, óò dà mi lɛ́ lɛ yàá táŋánáa yía wɛlɛ mɔ̀, wáà gbìnì à lɛ̀ɛ. À ye lɛ́ lɛ ɓe tòá kíli wɔ́lɔ́-wɔ́lɔ́ káa. Óò wà zòlò e kɛ o wĩĩ́a dùò táŋánáa dĩ́ mɔ̀, wáà gèè,

Wɛ̀lɛ̀vèlésɔ̃̀ 4:4

Dɔ-táŋáná vũ̀ pèèlɛ wɛ́lɛ́ yììsɛ nìɛɛ̀ e kɛá táŋáná doó e kília mɔ̀ déĩ́ le. Ɛ́ɛ̃́ zeĩ́, mia dìè-dìè vũ̀ pèèlɛ wɛ́lɛ́ yììsɛ o kɛ yàá táŋáná vɔ̀ o kília là. O mɔ̀-sɔ̀ɔ e kɛ púlú, ɛ̃́ɛ̃́ zòlò lɛ́ à kɛɛ̀ lɛ góò káa, e kɛ o wĩĩ́.