2 Témɔ́tè 4:5 - Wè-dɔ-wè Dɛɛ

⁵ Kɛɛ ì i yɛ́lɛ́ kɛ i dìè píé wɔ̃́ séĩ́ lɛ́ è lo kɛɛ̀ɛ kɛɛ̀ yí. Ì i zò kṹ tã́ã̀ wɔ̃́ nyɔ́ɔ̀ɔ gɛ̃̀ɛ̃ɛ̃̀ yí. Ì yɛɓo lɛ́ wɔ̃́ làṹ yièa gèe-mì à kɛ̀ɛ kɛ. Ì yɛɓo lɛ́ lɛ i mɔ̀ ɓá kɛɛ séĩ́ kɛ.

2 Témɔ́tè 4:5 Iomraidhean Croise

Máfìù 25:16

Yɛɓo‐kɛ‐mì yé e dálà wáá sɔ́ɔ́li sɔ̀lɔ̀ ɓoa, e ló e yɛɓo kɛá, à là e kpɔ́ dálà wáá sɔ́ɔ́li ká zeĩ́.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 13:34

Lɛ kélɛ̀ gɔ̃ lɛ́ è lo táápìàa, lɛ́ ɓe. Yé aà kɛ lópìàa, lɛ́ɛ̀ là pɛ séĩ́ si, a dɔ̀ kɛ là yɛɓo-kɛ-mìà kɛ̀lɛ̀. E yɛɓoa nɔ o lɛ̀ɛ o tɔ̀ là doò do. Tó a gèe nyìɛ-kɛ̀-ká-lé-mɔ̀-mì lɛ̀ɛ, ‘I yɛ́lɛ́ kɛ lɛ̀ɛ mɔ̀.’

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 13:37

Wɔ̃́ lɛ́ m̀ gèe ka lɛ̀ɛ, ḿm̀ gèe nɔ́ mia séĩ́ lɛ̀ɛ kíli. Kà ka yɛ́lɛ́ kɛ ka dìè píé.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:37

Yɛɓo‐kɛ‐mìà o kíli, lɛ́ o dàa‐mì e o gɛ̃̀ o nyìɛ́ lɛ̀ e nua káa, zò géli lɛ o kɛ̀lɛ̀. Ḿm̀ à gèe ka lɛ̀ɛ, lɛ́ɛ̀ lo là sɔ‐là‐ɓɛ̀lɛ̀ kpo dɔɔ̀, tó a gèe o lɛ̀ɛ ó yà tã́ã̀, tó áà wà léɓèlè wɔ̃̀ wũ kɛ̀ à mɔ̀.

Àpɔ́sɔ̀lɔ̀ 21:8

À lɛ̀-kpɛ̀iìa, ko gó gbaa yí, ko ɓɔ Sízàlíà. Ko ló gbaa wɔ̃́ làṹ yièa gèe-mì lɛ́ ò si Félèa píé kɛ́ì. Ko kɛ gbaa yí. Félè e kília e kɛ mia sálápèèlɛ lɛ́ o o sía doó-mì ká.

Wólómà 15:19

Ɛ́ɛ̃́ a kɛ yíkɛ̀ gáàa lɛ́ è go lé-pa-wɔ̃̀ wà wɔ̃́ kpàlézɛ̀ kɛɛ̀ kolo là zàáa ká. Ɛ́ɛ̃́ zeĩ́, a kɛ Gɛ̀ɛ̀ Púlú zì yíkɛ̀ gáàa nì ká. Wɔ̃́ e kéa lɛ́ a kɛ lɛ́ maà mɔ́ɔ̀ wɔ̃́ làṹ yièa gèe ɓo lòũ̀ ká kpó-kpó ɓo, máà gòá Zùlúsàlɛ̀ máà lòá Ilèlíkàa.

Ìfísɔ̃̀ 4:11

Mí e nɔ̀-lɛ̀ɛ-pɛ̀ nɔ mia lɛ̀ɛ kília, lɛ́ e à káa. E mia gbṹũ̀ sí kɛ ó kɛ àpɔ́sɔ̀lɔ̀ vɔ̀ ká, ɛ̃́ɛ̃́ kɛ mia dò bɛ̃̀ɛ̃ ó kɛ dɔ̀-Wálà-lé-là-mìà ká. Ɛ́ɛ̃́ zeĩ́, e mia dò bɛ̃̀ɛ̃ sí kɛ ó kɛ wɔ̃́ làṹ yièa gèe-mìà ká. Zéniía, e mia dò bɛ̃̀ɛ̃ sí kɛ ó kɛ nyìɛ-kɛ̀-ɓáá-mɔ̀-mìà wà pɛ-zɔ̃̀ɔ̃̀-mìà ká.

Ìfísɔ̃̀ 4:12

E wɔ̃́ e kília kɛ kɛɛ é Wálà-mìà pɛ̀ kɛ Wálà yɛ̀ɓo kɛɛ̀ mɔ́ɔ̀ wɔ̃̀ mɔ̀, kɛ Kɛ́lɛ̀ì gbĩ-kpàla mɛ́ é kɛ gágà.

Kɔ̀lɔ́sĩã̀ 1:25

Wálà aà m kɛ yɛɓo kɛ̀ là mia nì lɛ̀ɛ mì ká. E yɛɓo e kéa kpɔ́ m kɔ̀ là kɛ ḿ kɛ ka yee ka kɔ̀ ɓò à yí mɔ́ɔ̀ wɔ̃̀ mɔ̀. Yɛɓo e kília lɛ́ e Wálà là wééa séĩ́ gèe-wɔ̃̀ káa.

Kɔ̀lɔ́sĩã̀ 4:17

Ɛ́ɛ̃́ kà gèe Àkípà lɛ̀ɛ kélɛ̀ é e yɛ́lɛ́ kɛ e líé, é yɛɓo lɛ́ aà à sɔ̀lɔ̀ ɓo ko Dàa-mì yía, á kɛɛ̀ líé nyɛ.

1 Tɛsàlónìà 5:6

À mɔ́ɔ̀ wɔ̃̀ mɔ̀ɔ, yékɛ̀ kó kɛ yi bà, lɛ̀ mia yé o tóa lɛ́ ɓe. Lɛ à mɔ̀ kó kɛ ko nyìɛ́, ɛ̃́ɛ̃́ kó kɛ dìè-kũ̀-tã́ã̀ zɛ̀.

1 Témɔ́tè 4:12

Yékɛ̀ ɓá tó mi nɔ́ɔ fé nyìɛ é fɔ̃́ i yí ɓii i nɛ́fú káa mɔ́ɔ̀ wɔ̃̀ mɔ̀. Kɛɛ ì à tó i zì wɔ̃́ lɛ́ ɓà gèe, e bɛ̀i, i zì wɔ̃́ kɛ-kɔ̀, ɛ̃́ɛ̃́ zeĩ́, i zì lɔ̀-kɛ̀ mia ká, ɛ̃́ɛ̃́ i zì zò-dɔ̀à-mɔ̀, e bɛ̀i i zì kɛ̀ pulú é kɛ wɔ̃́ gɔ̃̀á ká mia lɛ́ waà o zò dɔ Wálà mɔ̀ɔ lɛ̀ɛ.

1 Témɔ́tè 4:15

Ì wɔ̃́ nì e kéa mɛ́ dã́ i dìè nɔ̀ o lɛ̀ɛ ká, kɛɛ mia séĩ́ ó i zì yɛɓo-kɛ-kɔ̀ lɛ́ i lópìà à ká líéa gɛ̃̀.

2 Témɔ́tè 1:8

À mɔ́ɔ̀ wɔ̃̀ mɔ̀ɔ, yékɛ̀ yɛ́lɛ̀ é i kɛ ko Dàa-mì là kélá-wè ɓoò mɔ́ɔ̀ wɔ̃̀ mɔ̀. Ɛ́ɛ̃́ yékɛ̀ yɛ́lɛ̀ é i kɛ má m là bĩ́-kɛ̀ì-mì káa lɛ̀ɛ. Kɛɛ ì wàa lɛ́ mia kò ɓèlè wɔ̃́ làṹ yièa mɔ́ɔ̀ wɔ̃̀ mɔ̀ɔ, ì i zì ɓèlè yíkɛ̀ gáàa lɛ́ Wálà à nɔ i lɛ̀ɛ ká.

2 Témɔ́tè 2:10

Wɔ̃́ e kéa mɔ́ɔ̀ wɔ̃̀ mɔ̀ɔ, ḿm̀ m zò kũ tã́ã̀ wɔ̃́ séĩ́ kɛ̀ m ká yí, Wálà là míá aà o sía mɔ́ɔ̀ wɔ̃̀ mɔ̀, kɛ o bɛ̃̀ɛ̃ ó la-ɓo lɛ́ lɛ Kɛ́lɛ̀ì Zízɛ̀ yí, ɛ̃́ɛ̃́ tòá kíli lɛ̀-fɔ̀nɔ-kɔ̀ɔ sɔ̀lɔ̀ ɓo.

2 Témɔ́tè 2:3

Wàa lɛ́ mi lɛ́ lɛ Kɛ́lɛ̀ì Zízɛ̀ là sóyà yiè káa è à ɓèlèa, ì i zì ɓèlè.

2 Témɔ́tè 4:17

Kɛɛ ko Dàa-mì e dɔ m sɔ́nɔ́, e yíkɛ̀ gáàa nɔ m lɛ̀ɛ. A kɛ bɛ̀i e kɛá m mɔ̀ kɛ ḿ wɔ̃́ làṹ yièa gèe kpó-kpó ɓo, kɛɛ sɛ́lɛ́ gbɛɛ yí-mìà séĩ́ ó à ma. Ɛ́ɛ̃́ m ɓoò e kɛá wɔ̀ɔ́ù lé.

Hííbúlù 13:17

Kà ka líé-sí-mìà wè kɛ, káà kɛ̀ o wì. O nyìɛ lɛ ka gɛ̀ɛ̀ mɔ̀. Ƃii lɛ o mɔ̀ ó o dìè wɔ̃̀ gèe yɛɓo lɛ́ ò kɛ̀ɛ mɔ́ɔ̀ wɔ̃̀ mɔ̀. Yé kaà o wéè kɛɛ, óò lo o kɛ-yɛ̀ɓo kɛɛ̀ géli ká. Yé kàá kɛ kília, óò lo à kɛɛ̀ zò yéĩ̀zɛ̀ ká, ɛ̃́ɛ̃́ lɛ̀ɛ́ ló gbũũ̀ ka mɔ̀ gbɛɛ ɓo.

1 Pílɛ̀ 1:13

À mɔ́ɔ̀ wɔ̃̀ mɔ̀ɔ, ka zì yɛ́lɛ́-táá pɛ̀ kɛɛ̀ è kɛá wɔ̃́ kɛɛ̀ wɛ̃́ĩ̀. Kà yà ka nyìɛ́, ɛ̃́ɛ̃́ ka zò kɛɛ̀ è kɛá kpó-kpó ɓo lúà lɛ́ à nɔɔ̀ è lo kɛɛ̀á ka lɛ̀ɛ yé Zízɛ̀ Kɛ́lɛ̀ì zɔ̃̀ɔ̃ɔ̃̀ aà kɛá mia lɛ̀ɛ káa mɔ̀.

Wɛ̀lɛ̀vèlésɔ̃̀ 3:2

À mɔ́ɔ̀ wɔ̃̀ mɔ̀ɔ, vùò í pɛ lɛ́ lɛ tĩã́ i kɛ̀lɛ̀ɛ wɛ́lɛ́ dà à yí, yékɛ̀ é ga kpó-kpó ɓo. Ƃii wɔ̃́ lɛ́ ɓaà à kɛɛ, maà à gɛ̃̀ kélɛ̀ ye wá nɛ́ kpeĩ m̀ Wálà wɛlɛ mɔ̀.