2 Témɔ́tè 4:2 - Wè-dɔ-wè Dɛɛ

² ì Wálà là wééa gèe lòũ̀ ká. Ì à gèe téé-tèè, yé bɛ̃̀ɛ̃ lúó e kília lɛ sɛ̀ ɛ̃́ɛ̃́ ye wá sɛ̀ɛ ká. Ì à kɛ mia ó wéé i wéè mɔ̀. Ì mia gbɛ̃̀ zuú. Ì à kɛ mia fã̀ã́ é wàà. Ì pɛ zɔ̃̀ɔ̃̀ ɓáà i zò kũ̀ i gé à kɛɛ̀ yí teele.

2 Témɔ́tè 4:2 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 7:23

Mi lɛ́ lɛ̀ɛ́ ló tèáà lò líé m mɔ́ɔ̀ wɔ̃̀ yí mɔ̀ɔ, zò géli lɛ à kɛ̀lɛ̀.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 7:4

O nu Zízɛ̀ píé, o kpé kã́ à lɛ̀ɛ kpó‐kpó ɓo, wáà gèè, “Gɔ̃́ e kéa à i zì gbũ̀‐mɔ̀ sɔ̀lɔ̀ ɓoò lɛ́ɛ̀ à mɛ́ kũ.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 9:60

Zízɛ̀ a là nìɛ̀ weeá kélɛ̀, “Ì à tó mia lɛ́ o gaà lɛɛ, ó o zì mi gaàa bĩ̀ĩ̀. Kɛɛ ɓi yee, ì lo í Wálà zì tò‐mia‐là wɔ̃̀ gèe mia lɛ̀ɛ.”

Àpɔ́sɔ̀lɔ̀ 13:5

Lɛ̀ lɛ́ o ɓɔ Sàlámìa, o Wálà lé-wè gèe lòũ̀ ká Zúù-mìà zì Wálà-kà lɛ́ e kɛ yía wì píé píé. Zɔ̃̀ɔ̃́ e kɛ o píé, kɛ é gbũ o mɔ̀ yɛɓo e kília kɛɛ̀ yí.

Àpɔ́sɔ̀lɔ̀ 16:13

Lɛ̀ fĩ́ĩ́-dɔ-lùò e ɓɔɔ, ko gó pɛ́lɛ e kília yí, ko ló yíí sɔ́nɔ́. Kɔa gɛ̃̀ ɓɔ̀ɔ kélɛ̀ Zúù-mìà wà sɛ̀nɛ ɓopìà lɛ́ɛ̀ lo kɛɛ̀ yi. Ko yà tã́ã̀ à lɛ̀ mɔ̀, kɔ́áà wɔ̃́ gèè loà o kɛ yía lɛ̀ɛ.

Àpɔ́sɔ̀lɔ̀ 20:7

Lɛ̀ lúó bèĩzɛ̀ lɛ́ e lɔ́ɔ́ yía e ɓɔɔ, ko pá ko kíe mɔ̀ kɛ kó Wálà là léɓèlèa ɓèlè. Pɔ́ɔ̀ e mɛ́ĩ́ ɓo bĩ́míà e kília ká. Lɛ̀ e kɛ à mɔ̀ kɛ é ló à lɛ̀-kpɛ̀iì káa, e tó mɛ́ĩ́ ɓopìà e tóá kíli bĩ́míà zèí e ɓɔ.

Àpɔ́sɔ̀lɔ̀ 28:16

Lɛ̀ ko ɓɔ Wólóũ̀a, wa gèe Pɔ́ɔ̀ lɛ̀ɛ é kɛ e dìè kɔ̀ mɔ̀. Sóyà doó e kɛ yí é e nyìɛ kɛ Pɔ́ɔ̀ mɔ̀.

Wólómà 10:15

E bɛ̀i, óò lo à gèeè lòũ̀ ká kpɛ yé òó o vɔ nɛ́ɛ ká? Zi lɛ́ à bɛ̃̀ɛ̃ɛ̃̀ lɛ à ká Wálà kii yía, gɛ̃̀ e ké. “Mia lɛ́ ò wɔ̃́ làṹ yièa gèea, o táá gã̀ lɛ sɛ̀ nyɔ́ɔ̀ɔ.”

Wólómà 12:12

Pɛ lɛ́ ka zò laa mɔ̀ɔ, è ka kɛ géli zɛ̀. Kà ka zò kṹ tã́ã̀ ka zì wɔ̃́ nyɔ́ɔ̀ɔ gɛ̃̀ɛ̃ɛ̃̀ yí. Kà sɛ̀nɛ ɓo lúó séĩ́ ká.

Gɛ̀lésìà 6:6

Mi lɛ́ ò Wálà lé-wè zɔ̃̀ɔ̃̀ à lɛ̀ɛ, lɛ à mɔ̀ wà mi lɛ́ e là pɛ-zɔ̃̀ɔ̃̀-mì káa ó dɔ pɛ yiè séĩ́ lɛ́ lɛ mi lɛ́ ò pɛ zɔ̃̀ɔ̃̀ à lɛ̀ɛ kɛ̀lɛ̀ɛ yí.

Kɔ̀lɔ́sĩã̀ 1:25

Wálà aà m kɛ yɛɓo kɛ̀ là mia nì lɛ̀ɛ mì ká. E yɛɓo e kéa kpɔ́ m kɔ̀ là kɛ ḿ kɛ ka yee ka kɔ̀ ɓò à yí mɔ́ɔ̀ wɔ̃̀ mɔ̀. Yɛɓo e kília lɛ́ e Wálà là wééa séĩ́ gèe-wɔ̃̀ káa.

Kɔ̀lɔ́sĩã̀ 4:3

Yé kaà kɛ à kɛpìà kília, kà sɛ̀nɛ ɓo ko bɛ̃̀ɛ̃ ko mɔ́ɔ̀ wɔ̃̀ mɔ̀, kɛɛ Wálà é zi kɛ ɓe kɛ kó là wééa gèe, kɛ kó wɔ̃́ lɛ́ à bĩ̀ĩĩ̀ e kɛá, lɛ́ à gbɛ̃̀ɛ̃̀ lɛ Kɛ́lɛ̀ì mɔ̀ɔ, kó wɔ̃̀ gèe. Ƃii wɔ̃́ lɛ́ m à mɔ́ɔ̀ bĩ́-kɛ̀ìa, ye lɛ́ ɓɛ.

1 Tɛsàlónìà 1:6

Ka ko píé gɔ̃́, tó káà ko Dàa-mì bɛ̃̀ɛ̃ píé gɔ̃̀ nɔ́ kíli. Yé bɛ̃̀ɛ̃ ka wàa ɓèlè nyɔ́ɔ̀ɔ, ka wéé lɛ́ ko kɛ à gèepìàa kṹ ka zɔ̃̀ɔ̃̀ ká géli lɛ́ è go Gɛ̀ɛ̀ Púlú kɛ̀lɛ̀ɛ ká.

1 Tɛsàlónìà 5:14

Ko lèe-gé vɔ̀, wɔ̃́ lɛ́ kò nàà ká kɛɛ, gɛ̃̀ e ké. Kà lìè-wè dɔ mia fíàa zɛ̀ lɛ̀ɛ. Kà mia lɛ́ yɛ́lɛ̀ è o kɛ̀ wɔ̃́ kɛɛ̀ yía, o kɛ o fã̀ã́ é wàà. Kà gbũ mia lɛ́ o mɛ́ wá gágàa mɔ̀. Kà ka zò kṹ ka gé mia séĩ́ kɛ-wɔ̃̀ ká.

1 Tɛsàlónìà 5:20

Yékɛ̀ ka nyìɛ é fɔ̃́ wɔ̃́ lɛ́ Wálà à kàà mia lé ó gèea yí.

1 Témɔ́tè 4:13

Ì i yɛ́lɛ́ kɛ Wálà là kíía gèeè mia nyìɛ mɔ̀, e bɛ̀i, wɔ̃́ gèè ɛ̃́ɛ̃́ pɛ zɔ̃̀ɔ̃ɔ̃̀ ká é tóá kíli ḿ nu.

1 Témɔ́tè 5:20

Kɛɛ o yé ò lo kɛ-wɔ̃̀ yɔɔ kɛɛ̀ɛ, ì i wɛlɛ káá o mɔ̀, ɓáà wɔ̃́ gèè o lɛ̀ɛ mia séĩ́ nyìɛ mɔ̀, kɛɛ mia yé o tóa ó túó.

2 Témɔ́tè 2:21

Yé mi dò aà gó wɔ̃́ yɔɔ séĩ́ e kília kɛɛ̀ lɛ̀ɛ, tó áà e dìè mɛ́ pɛ̀lɛ̀ɛ, óò lo à síì wɔ̃́ kpànazɛ̀ kɛɛ̀ wɛ̃́ĩ̀. Ƃii mí e kília lɛ Wálà doó là mi ká, ɛ̃́ɛ̃́ bɛ̀i lɛ à Dàa-mì bɛ̃̀ɛ̃ mɔ̀ kɛ é yɛɓo kɛ à ká. À pɛ̀ kɛɛ̀ lɛ kɛ à Dàa-mì é yɛɓo kɛ à ká wɔ̃́ yiè nɔ́ɔ fé mɔ́ɔ̀ wɔ̃̀ mɔ̀.

2 Témɔ́tè 2:25

Yé à nàà é mia lɛ́ ò gèlè gɔ̃ à káa gbɛ̃̀ zuúa, lɛ à mɔ̀ é e kpóló kpɔ́ e mɔ̀ à kɛɛ̀ yí. À gbú lɛ yía, Wálà lɛ́ɛ̀ lo zi kɛɛ̀ ɓe o lɛ̀ɛ kɛ ó o sɔ̃̀ɔ̃ yɔɔ mɛ́ vɔ̀ɔ, kɛ ó kɛ gbaa wánà-wɔ̃̀ dɔ-mìà ká.

2 Témɔ́tè 3:10

Kɛɛ ɓi yee, ɓaà tó m zì pɛ-zɔ̃̀ɔ̃̀-kɔ̀, ɛ̃́ɛ̃́ m zì kɛ-kɔ̀, e bɛ̀i wɔ̃́ lɛ́ m̀ nàà ḿ kɛ m zì kɛ̀ɓe làa píé. Ƃaà m zì zò-dɔ̀à-mɔ̀, e bɛ̀i m zì zò-kũ̀-tã́ã̀, ɛ̃́ɛ̃́ mia lɔ̀-kpɔ̀ m mɔ̀, e bɛ̀i, m zì lò m líé wɔ̃́ kɛɛ̀ ká,

Tátɔ̀ 1:13

Wɔ̃́ lɛ́ a gèe kília lɛ wánà ká. Wɔ̃́ e kéa mɔ́ɔ̀ wɔ̃̀ mɔ̀ɔ, lɛ à mɔ̀ í o gbɛ̃̀ zuú wɛlɛ káá kpó-kpó ká, kɛɛ o zì zò-dɔ̀à-mɔ̀ mɛ́ é kɛ gágà,

Tátɔ̀ 2:15

Wɔ̃́ nì e kéa zɔ̃̀ɔ̃̀ mia lɛ̀ɛ. Ì o kɛ o fã̀ã́ é wàà. Ì o gbɛ̃̀ zi píé yíkɛ̀ gáàa lé paàa zɛ̀ lɛ́ e i kɛ̀lɛ̀ɛ ká. Yékɛ̀ ɓá tó o dò nyìɛ é fɔ̃́ i yí.

Hííbúlù 13:22

M lèe-gé vɔ̀, ka kpé lɛ sɛ̀, kà ka tóó dɔ m mɔ̀ zò-kũ̀-tã́ã̀ ká fã̀ã́-wàà wè nì e kéa mɔ̀. Ƃii kii lɛ́ ma bɛ̃̀ɛ̃ ka píé e kéa, ye wá bɛ̃̀ɛ̃ gbèĩ.

Wɛ̀lɛ̀vèlésɔ̃̀ 3:19

Mia lɛ́ o lɔ̀ kpɔ́ɔ̀ lɛ m mɔ̀ɔ, ḿm̀ wèè o lɛ̀ɛ máà o kũ̀ gágà. À mɔ́ɔ̀ wɔ̃̀ mɔ̀ɔ, fã̀ã́-wàà è kɛ i yí ɓáà i sɔ̃̀ɔ̃ mɛ́ vɔ̀ɔ̀.