2 Témɔ́tè 4:18 - Wè-dɔ-wè Dɛɛ

¹⁸ Ɛ́ɛ̃́ ko Dàa-mì lɛ́ɛ̀ lo m laà wɔ̃́ yɔɔ séĩ́ kɛ̀lɛ̀, tó e m sí m kpóló dɔ́lɔ́ yí, tó e ló m ká lɛ̀ lɛ́ à tóò lɛ mia là yi lɛ̀ía mɔ̀. Ò à tɔ́ ɓɔ tòá kíli wɔ́lɔ́-wɔ́lɔ́ ká. É kɛ kíli.

2 Témɔ́tè 4:18 Iomraidhean Croise

Máfìù 13:43

Yé aà kɛ kília, Wálà là mia nì óò lo ɓíì lɛ̀ nyɛ́nɛ́ lɛ́ ɓe, lɛ̀ lɛ́ o Dàa tóò lɛ mia là yia mɔ̀. Mi lɛ́ à tóó è wɔ̃́ maa, è e tóó dɔ.

Máfìù 25:34

Tó mia Líé‐sí‐mìa a gèe o yé o à kɔ̀ yiè yía lɛ̀ɛ kélɛ̀, ‘Míá ka ké, lɛ́ m Dàa aà lúà kpɔ́ ka mɔ̀ɔ, kà nu. Kà nu kɛɛ lɛ̀ lɛ́ Wálà tóò lɛ mia là yia é kɛ kà pɛ ká. À pɛ̀ kɛɛ̀ aà kɛá ka lɛ̀ɛ mɔ́ pɛ́lɛ̀ kpóṹ là gã̀ gbɛ̃̀pìà.

Máfìù 6:13

Yékɛ̀ í nu ko ká lɛ̀ lɛ́ mia yí‐dã́‐wɔ̃̀ lɛ yía mɔ̀. Kɛɛ ì ko la Kɛ‐pɛ̀ Yɔɔ kɛ‐mìa kɛ̀lɛ̀.’

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 11:4

Ì kã́ ko kɛ‐wɔ̃̀ yɔɔ mɔ̀ ɓá káá tã́ã̀. Ƃii kóò kã mia séĩ́ lɛ́ ò wɔ̃́ yɔɔ kɛ̀ ko káa, kɛ‐wɔ̃̀ mɔ̀, kɔ́áà kàà tã́ã̀. Yékɛ̀ í nu ko ká lɛ̀ lɛ́ mia yí‐dã́‐wɔ̃̀ lɛ yía mɔ̀.’ ”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:32

“Míá ka m̀ ɓáá kù nyɔ̀nɔ́ káa, yékɛ̀ ká túó. Ƃii lɛ́ɛ̀ ka Dàa zò dà kɛ é lɛ̀ dò nɔ ka lɛ̀ɛ mia lɛ́ à tóò lɛ o làa bà.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 22:29

Zi lɛ́ m Dàa aà yíkɛ̀ gáàa nɔá m lɛ̀ɛ kɛ ḿ kɛá mia làa, zi nɔ́ doóa ḿm̀ lo à kɛɛ̀á ka ká.

Zɔ̃̀ɔ̃́ 17:15

Ma wá sɛ̀nɛ ɓopìà i lɛ̀ɛ kɛ í o sí kpóṹ là, kɛɛ ḿm̀ ɓo kɛ í i yɛ́lɛ́ kɛ o mɔ̀ Kɛ-pɛ̀ Yɔɔ Kɛ-mì ɓɛ mɔ́ɔ̀ wɔ̃̀ mɔ̀.

Wólómà 11:36

Ƃii pɛ séĩ́ kpɔ́ɔ̀ e kɛá Wálà kɔ̀ yí. Ɛ́ɛ̃́ pɛ séĩ́ lɛ ɓe à tɔ́ yí zàá, ɛ̃́ɛ̃́ lɛ zeĩ́ là pɛ ká. Wálà é tɔ́-ɓɔ sɔ̀lɔ̀ ɓo tòá kíli ká. É kɛ kíli.

Wólómà 16:27

Wálà lɛ́ à doó lɛ́ nɔ́ à gí kã́ã̀ lɛ ɓɛ, é tɔ́-ɓɔ sɔ̀lɔ̀ ɓo Zízɛ̀ Kɛ́lɛ̀ì tɔ́ yí zàá tòá-kíli ká. É kɛ kíli.

1 Kɔ̀léĩ́tĩ̀ã̀ 1:21

Ƃii Wálà zì gíkã́ a kɛ, bɛ̀i wá kpóṹ là zèe mìà mɔ̀ ó à dɔ o zì gíkã́ kolo là zàá. Kɛɛ Wálà yee gé lɛ́ɛ̀ li é mia lɛ́ zò-dɔ̀à-mɔ̀ lɛ o yía la, wɔ̃́ yí gíniìa zɛ̀ lɛ́ kò gèe o lɛ̀ɛ lòũ̀ káa kolo là.

1 Kɔ̀léĩ́tĩ̀ã̀ 10:13

Yí-dã́-wɔ̃̀ nɔ́ɔ fé lɛ́ aà ɓɔ ka mɔ̀ɔ, lɛ́ nɔ́ è ɓɔ kpá mia séĩ́ làa. Kɛɛ Wálà lɛ zò-dɔ̀à-mɔ̀ zɛ̀. Ɛ́ɛ̃́ lɛ̀ɛ́ ló à tóò kɛɛ yí-dã́-wɔ̃̀ lɛ́ à diè lɛ ka zì yíkɛ̀ gáàa làa, kɛ é ɓɔ ka là. Lúó lɛ́ yí-dã́-wɔ̃̀ è nuá ka píéa, Wálà lɛ́ɛ̀ lo zi kɛɛ̀ ka lɛ̀ɛ ɓe kɛɛ ká gó à gɛ̀nɛ̀, kɛɛ bɛ̀i é kɛ ka mɔ̀ yékɛ̀ ká gó ka dɔ̀lɔ̀ mɔ̀.

1 Kɔ̀léĩ́tĩ̀ã̀ 15:50

M lèe-gé vɔ̀, wɔ̃́ lɛ́ m̀ gèea ye lɛ́ e kélɛ̀, nɔ̀ɛ wà léà òó bɛ̀i o yàlà gɛ̃̀ɛ̃̀ Wálà zì tò-mia-là yí. Ɛ́ɛ̃́ pɛ lɛ́ lɛ̀ɛ́ vúúa, lɛ̀ɛ́ bɛ̀i à mɔ̀ é kɛ pɛ́ è vùùa là pɛ ká.

2 Kɔ̀léĩ́tĩ̀ã̀ 1:10

E ko la ga sùu yɔɔ zɛ̀ e kília kɛ̀lɛ̀, ɛ̃́ɛ̃́ lɛ́ɛ̀ lo ko laà. Ko zò dɔɔ̀ lɛ à mɔ̀ kélɛ̀ lɛ́ɛ̀ lo ko laà zeĩ́

Gɛ̀lésìà 1:5

Wálà é tɔ́-ɓɔ sɔ̀lɔ̀ ɓo tòá kíli wɔ́lɔ́-wɔ́lɔ́ ká. É kɛ kíli.

1 Tɛsàlónìà 5:23

Wálà lɛ́ è zò-yà-gé nɔ kɔa lɛ̀ɛ, è ka kɛ púlú fɛ́fɛ́ le, ɛ̃́ɛ̃́ è e nyìɛ kɛ ka lɛ̀ séĩ́ lɛ́ e ka gɛ̀ɛ̀, wà ka zò, e bɛ̀i ka gbĩ-kpàla káa mɔ̀, kɛ o laà é kɛá kɛɛ séĩ́ kɛ̀lɛ̀ yé ko Dàa-mì Zízɛ̀ Kɛ́lɛ̀ì aà nua ká.

2 Tɛsàlónìà 3:3

Kɛɛ ko Dàa-mì lɛ zò-dɔ̀à-mɔ̀ zɛ̀. Lɛ́ɛ̀ lo ka mɛ́ kɛɛ̀ gágà, ɛ̃́ɛ̃́ lɛ́ɛ̀ lo ka laà Kɛ-pɛ̀ Yɔɔ Kɛ-mìa kɛ̀lɛ̀.

1 Témɔ́tè 1:17

Mia Líé-sí-mì lɛ́ lɛ ɓe tòá kíli ká, lɛ́ ga là wɔ̃́ wá à mɔ̀, ɛ̃́ɛ̃́ lɛ́ òó gɛ̃̀, lɛ́ à ye lɛ́ nɔ́ lɛ Wálà káa, ò à ɓɛ̀lɛ yà, wáà à tɔ́ ɓɔ̀ tòá kíli wɔ́lɔ́-wɔ́lɔ́ ká. É kɛ kíli.

1 Témɔ́tè 6:16

À doó lɛ́ ga là wɔ̃́ wá à mɔ̀ɔ. À yàlà kṹũ̀ lɛ lɛ̀-fɔ̀nɔ-kɔ̀ lɛ́ mi gbɛɛ lɛ̀ɛ́ bɛ̀i nyɔ̀ɔɔ̀ à káa yí. Mi gbɛɛ lɛ̀ɛ́ à gɛ̃̀ do. Ɛ́ɛ̃́ bɛ̀i wá mi gbɛɛ mɔ̀ kɛ á gɛ̃̀. Ò ɓɛ̀lɛyà wà yíkɛ̀ gáàa tòá kíli zɛ̀ nɔ à lɛ̀ɛ. É kɛ kíli.

2 Témɔ́tè 1:12

Wɔ̃́ nì e kéa mɔ́ɔ̀ wɔ̃̀ lɛ́ m sã̀ è dɔ ɓɛ. Kɛɛ m zò mɛ́ lɛ tĩã́ gágà, ɓii mi lɛ́ m zò dɔɔ̀ lɛ à mɔ̀ɔ, ḿm̀ à dɔ. Ɛ́ɛ̃́ ḿm̀ à yí kpó-kpó dɔ kélɛ̀ pɛ lɛ́ aà kpɔ́ m kɔ̀ làa, bɛ̀i lɛ à mɔ̀ é e yɛ́lɛ́ kɛ à mɔ̀ é tóá kíli Lúó e kília é ɓɔ.

2 Témɔ́tè 4:1

Wɔ̃́ e kéa ma kpɔ́ i kɔ̀ là Wálà wà Kɛ́lɛ̀ì Zízɛ̀ lɛ́ è lo mia lɛ́ waà gaa, wà o yé o tĩã́ ɓea, è lo mɛ̀ĩ́-sà dɔɔ̀ o mɔ̀ɔ, o wɛlɛ mɔ̀. À zì nú è lo à ɓoò, ɛ̃́ɛ̃́ à zì tò-mia-là mɔ́ɔ̀ wɔ̃̀ mɔ̀ɔ, ḿm̀ gèe i lɛ̀ɛ,

Hííbúlù 11:16

Kɛɛ sɛ́lɛ́ lɛ́ ò à píé bàlà sia, lɛ́ e kɛ sɛ́lɛ́ kpeĩ ká, é diá à yé ò go à yía làa. Sɛ́lɛ́ kpeĩ e kília lɛ́ e à yé e lɛ̀ía káa. À mɔ́ɔ̀ wɔ̃̀ mɔ̀ɔ, yé míáa waà Wálà sí wà Wálàa, yɛ́lɛ̀ lɛ̀ɛ́ Wálà kɛ à mɔ́ɔ̀ wɔ̃̀ mɔ̀, ɓii aà pɛ́lɛ dò pɛ̀ kɛ o lɛ̀ɛ mɔ́ɔ̀ wɔ̃̀ mɔ̀.

Hííbúlù 12:22

Kɛɛ ka yee, ka nuù lɛ gbaa Záyɔ̃̀ tɔ̃̀ũ̀, wà Wálà ɓéèe ɓɛ pà, lɛ́ e Zùlúsàlɛ̀ yé lɛ lɛ̀ía káa mɔ̀. Wálà là vɔ-mìà lɛ́ òó bɛ̀i o lóníìa o lɛ̀ e kília mɔ̀.

Hííbúlù 13:21

Wálà lɛ́ è zò-yà-gé nɔɔ, è pɛ yiè séĩ́ lɛ́ lɛ ka mɔ̀ ká sɔ̀lɔ̀ ɓo kɛɛ ká wɔ̃́ lɛ́ à nàà à káa kɛɛ nɔ ka lɛ̀ɛ. È wɔ̃́ lɛ́ è à zò dàa kɛ ko yí Zízɛ̀ Kɛ́lɛ̀ì kolo là zàá. Ò Kɛ́lɛ̀ì tɔ́ ɓɔ tòá kíli wɔ́lɔ́-wɔ́lɔ́ ká. É kɛ kíli.

Zĩ́ĩ̀ 2:5

M lèe-gé vɔ̀ lɛ́ ka lɔ̀ kpɔ́ɔ̀ lɛ m mɔ̀ ɓɛ, kà ka tóó dɔ. Ḿ gɔ̃̀, Wálà aà mia lɛ́ pɛ wá o kɛ̀lɛ̀ kpóṹ e kéa làa sí, kɛ ó kɛ kpànazɛ̀ zò-dɔ̀à-mɔ̀ yí, ɛ̃́ɛ̃́ kɛ lɛ̀ lɛ́ e e wè dɔ à ká mia lɛ́ à lɔ̀ kpɔ́ɔ̀ lɛ o mɔ̀, lɛ́ à tóò lɛ mia là yia, kɛ é kɛ wà pɛ ká?

1 Pílɛ̀ 1:5

O mia lɛ́ Wálà là yíkɛ̀ gáàa è e yɛ́lɛ́ yiè kɛ̀ ka píé zò-dɔ̀à-mɔ̀ kolo làa, kà pɛ ká. Wálà lɛ́ɛ̀ e yɛ́lɛ́ e kéa kɛ̀ ka mɔ̀ la-ɓo lɛ́ à pɛ̀ kɛɛ̀ lɛ, kɛɛ lɛ́ɛ́ é ɓo à là lúó léĩ́-tó-lùò káa mɔ́ɔ̀ wɔ̃̀ mɔ̀.

1 Pílɛ̀ 5:11

Yíkɛ̀ gáàa è kɛ là pɛ ká tòá kíli ká. É kɛ kíli.

2 Pílɛ̀ 1:11

Zí e kéa káa, yíkɛ̀ gáàa kpó-kpó nɔɔ̀ lɛ́ɛ̀ lo kɛɛ̀á ka lɛ̀ɛ kɛɛ ká ɓɔ lɛ̀ lɛ́ ko Dàa-mì lɛ́ e ko La-mì Zízɛ̀ Kɛ́lɛ̀ì káa, tóò lɛ mia là yi tòá-kíli káa mɔ̀.

2 Pílɛ̀ 3:18

Kɛɛ kà lo líé, káà fàà ko Dàa-mì lɛ́ e ko La-mì Zízɛ̀ Kɛ́lɛ̀ì káa, zì zò-kɛ̀-sɛ̀, ɛ̃́ɛ̃́ à zì dɔ́ kà ɓoa yí zàá. Tɔ́-ɓɔ è kɛ à kɛ̀lɛ̀ dɛɛ ká, ɛ̃́ɛ̃́ tòá kíli ká. É kɛ kíli.

Zúdè 1:1

Óò m si Zúdè. M Zízɛ̀ Kɛ́lɛ̀ì là yɛɓo-kɛ-mì ká. M Zĩ́ĩ̀ lèe-gé ká. Ḿm̀ wèè mia lɛ́ Wálà aà ka súo kɛ, lɛ́ ka ɓe Wálà lɛ́ e mia Dàa káa zì lɔ̀-kɛ̀à-mɔ̀ yí, ɛ̃́ɛ̃́ lɛ́ ka ɓe tó Zízɛ̀ Kɛ́lɛ̀ì áà e yɛ́lɛ́ yiè kɛ̀ ka mɔ̀ɔ bà.