2 Témɔ́tè 4:17 - Wè-dɔ-wè Dɛɛ

¹⁷ Kɛɛ ko Dàa-mì e dɔ m sɔ́nɔ́, e yíkɛ̀ gáàa nɔ m lɛ̀ɛ. A kɛ bɛ̀i e kɛá m mɔ̀ kɛ ḿ wɔ̃́ làṹ yièa gèe kpó-kpó ɓo, kɛɛ sɛ́lɛ́ gbɛɛ yí-mìà séĩ́ ó à ma. Ɛ́ɛ̃́ m ɓoò e kɛá wɔ̀ɔ́ù lé.

2 Témɔ́tè 4:17 Iomraidhean Croise

Máfìù 10:19

Yé waà ló ka ká mɛ̀ĩ́‐sà ɓo‐kà wìa, yékɛ̀ ka lè é dũ wɔ̃́ lɛ́ kà lo à gèeèa, wà zi lɛ́ kà lo à gèeè à káa mɔ́ɔ̀ wɔ̃̀ ká. Yé à lúó aà ɓɔɔ, wɔ̃́ lɛ́ kà lo à gèeèa, à nɔɔ̀ lɛ́ɛ̀ lo kɛɛ̀á ka lɛ̀ɛ.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 1:1

Tìɔ́fɔ́lɔ̀, mia búnùzɛ̀ waà o yí dɔ gágà kɛ ó wɔ̃́ lɛ́ aà kɛ ko fĩ̀ã̀a wɔ̃̀ bɛ̃̀ɛ̃.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 21:15

Ƃii ḿm̀ lo wéé wà gíkã́ lɛ́ è lo à kɛɛ̀, tó gèlè‐gɔ̃̀‐ka‐ká mìà dò nɔ́ɔ fé òó bɛ̀i ka lé yɛ́ɛ̀, ɛ̃́ɛ̃́ lɛ́ òó bɛ̀i tèé dàà ka káa, nɔɔ̀ ka lɛ̀ɛ.

Àpɔ́sɔ̀lɔ̀ 23:11

À bĩ́míà tò-ko-mɔ̀ zɛ̀ɛ káa, ko Dàa-mì e dɔ Pɔ́ɔ̀ sɔ́nɔ́ áà gèè, “I zò è kɛ gágà. Ƃaà m̀ kélá-wè ɓo Zùlúsàlɛ̀ zèe. Lɛ i mɔ̀ í wɔ̃́ nɔ́ doóa kɛ Wólóũ̀ bɛ̃̀ɛ̃ mɔ̀ nɔ́ kíli.”

Àpɔ́sɔ̀lɔ̀ 9:15

Ko Dàa-mì a gèe à lɛ̀ɛ, “Ì lo. Ƃii maà sí, kɛ é yɛɓo kɛ m lɛ̀ɛ, kɛ é sɛ́lɛ́ gbɛɛ yí-mìà wà sɛ́lɛ́ líé-sí-mìà, ɛ̃́ɛ̃́ Éézɛ̀lɛ̀-mìà o kɛ, kɛ ó m tɔ́ dɔ.

Wólómà 15:31

Kà sɛ̀nɛ ɓo kélɛ̀ Wálà é m la mia lɛ́ òó Wálà wéè kɛ lɛ́ o Zùdíàa o kɛ̀lɛ̀. Ɛ́ɛ̃́ kɛɛ gbũ̀-mɔ̀ wɔ̃̀ lɛ́ ma mɔ́ɔ̀ ló ɓo Zùlúsàlɛ̀ɛ, kɛɛ Wálà-mìà lɛ́ o yía ó wɔ̃̀ kṹ o zɔ̃̀ɔ̃̀ ká.

2 Kɔ̀léĩ́tĩ̀ã̀ 12:9

Kɛɛ a gèe m lɛ̀ɛ, “M zì zò-kɛ̀-sɛ̀ lɛ́ nɔ́ ì bɛ̀i à mɔ̀ é kɛ i kɛ̀lɛ̀ɛ. Ƃii yé ɓaà kɛ yɔ̃́ṹ-yɔ̃̀ũ̀a, m zì yíkɛ̀ gáàa mɛ́ lɛ́ɛ̀ kɛ̀ dóo gágà.” À mɔ́ɔ̀ wɔ̃̀ mɔ̀ɔ, m gé lɛ́ɛ̀ li nyɔ́ɔ̀ɔ kɛ ḿ lé-gbùò-là kɛ m zì kɛ̀-yɔ̃́ṹ-yɔ̃̀ũ̀ là, kɛɛ Kɛ́lɛ̀ì zì yíkɛ̀ gáàa é kɛ m là gbùlù ká.

Ìfísɔ̃̀ 3:8

Wálà mi yé Wálà-mìà yé o tóa o à mɔ̀ fìaa, à bɛ̃̀ɛ̃ lɛ m mɔ̀ fìa. É kɛ bɛ̃̀ɛ̃ kília, ye gɛ̃̀, Wálà e wɔ̃́ yiè e kéa nɔ m lɛ̀ɛ ɓɛ. Ye lɛ́ e kélɛ̀, ḿ wɔ̃́ làṹ yiè lɛ́ à gbɛ̃̀ɛ̃̀ lɛ Kɛ́lɛ̀ì là dɔ-pɔ̀ɔ̀ lɛ́ lóní wá à mɔ̀ɔ wɔ̃̀ gèe sɛ́lɛ́ gbɛɛ yí-mìà lɛ̀ɛ.

1 Témɔ́tè 1:12

Ḿm̀ ko Dàa-mì Kɛ́lɛ̀ì Zízɛ̀ lɛ́ aà yíkɛ̀ gáàa nɔ m lɛ̀ɛ m̀ yɛɓoa kɛɛ̀ mɔ́ɔ̀ wɔ̃̀ mɔ̀ɔ zúo ɓo. Ḿm̀ à zúo ɓo m gɛ̃̀ a ɓo mi zò-dɔ̀à-mɔ̀ zɛ̀ ká, lɛ́ e m sí kɛ ḿ là yɛɓo kɛɛ mɔ́ɔ̀ wɔ̃̀ mɔ̀.

2 Témɔ́tè 2:1

M̀ nɛ́ kɛɛ ɓi yee, i mɛ́ è kɛ gágà zò-kɛ̀-sɛ̀ lɛ́ e mia lɛ́ kò Kɛ́lɛ̀ì Zízɛ̀ nì ko doóa kɛ̀lɛ̀ɛ yí zàá.

2 Témɔ́tè 2:9

Ḿm̀ wɔ̃́ nyɔ́ɔ̀ɔ gɛ̃̀ wɔ̃́ làṹ yiè e kília mɔ́ɔ̀ wɔ̃̀ mɔ̀. Ɛ́ɛ̃́ óò ɓɛ̀lɛ̀ dà m gã̀ mɔ̀ lɛ̀ pɛ lɛ́ m wɔ̃́ sìè. Kɛɛ Wálà là wééa wá ɓɛ̀lɛ̀ yí.

2 Témɔ́tè 3:11

ɛ̃́ɛ̃́ m zì sã̀-dɔ wà m zì wɔ̃́ nyɔ́ɔ̀ɔ gɛ̃̀ɛ̃ɛ̃̀ mɛ́ nyɛ. Íì wɔ̃́ séĩ́ lɛ́ e kɛ m ká Ã́téɔ̀, Àkónìà, e bɛ̀i Lísàa dɔ. Íì zi sùu lɛ́ m sã̀ e kɛ dɔpìà ká tó máà lò líé nɔ́ tĩã́ wɔ̃́ kɛɛ̀ káa dɔ. Kɛɛ ko Dàa-mì e m la o séĩ́ o kɛ̀lɛ̀.

2 Témɔ́tè 4:5

Kɛɛ ì i yɛ́lɛ́ kɛ i dìè píé wɔ̃́ séĩ́ lɛ́ è lo kɛɛ̀ɛ kɛɛ̀ yí. Ì i zò kṹ tã́ã̀ wɔ̃́ nyɔ́ɔ̀ɔ gɛ̃̀ɛ̃ɛ̃̀ yí. Ì yɛɓo lɛ́ wɔ̃́ làṹ yièa gèe-mì à kɛ̀ɛ kɛ. Ì yɛɓo lɛ́ lɛ i mɔ̀ ɓá kɛɛ séĩ́ kɛ.

Tátɔ̀ 1:3

Ɛ́ɛ̃́ a zɔ̃̀ɔ̃̀ mia lɛ̀ɛ à zɔ̃̀ɔ̃̀-lùò ká à zì lé-wèa yí. Wálà e e lé-wè e kéa kpɔ́ m kɔ̀ là. Ɛ́ɛ̃́ ma bɛ̃̀ɛ̃, ḿm̀ à gèe lòũ̀ ká, ɓii zi lɛ́ ko La-mì Wálà a gèe ḿ kɛáa lɛ.

Hííbúlù 11:33

Zò-dɔ̀à-mɔ̀ kolo làa, o gèlè gbini sɛ́lɛ́ lé paàa zɛ̀ mɔ̀, tó o kɔ̀ áà dìè à là. O wɔ̃́ lɛ́ e kɛ kpeĩa kɛ, ɛ̃́ɛ̃́ o pɛ lɛ́ Wálà e e wè dɔ à káa sɔ̀lɔ̀ ɓo. O wɔ̀ɔ́ù kɛ à lé áà gbɛ̃̀,

1 Pílɛ̀ 5:8

Kà yà ka nyìɛ́, káà ka yɛ́lɛ́ kɛ̀ zuú. Mi lɛ́ è gèlè gɔ̃ ka ká, lɛ́ e kélɛ̀ Dɛ́ɓòa, lɛ lópìà tàá sí lɛ̀ wɔ̀ɔ́ù lɛ́ è lo gũ̀mɛá sí, áà mi nàà á ɓèlèa lɛ́ ɓe.

2 Pílɛ̀ 2:9

À mɔ́ɔ̀ wɔ̃̀ mɔ̀ɔ, ko Dàa-mì lɛ́ɛ̀ mia lɛ́ ò à sɔ̃̀ɔ̃ kɛ̀ɛ là yí-dã́-wɔ̃̀ kɛ̀lɛ̀ zì dɔ. Ɛ́ɛ̃́ lɛ́ɛ̀ zi lɛ́ ò mia lɛ́ o wá kpeĩa gbɛ̃̀á lɛ̀ lɛ́ ò wàa ɓèlè yia mɔ̀ zì dɔ é tóá kíli Mɛ̀ĩ́-sà Dɔ̀-mia-mɔ̀ lùò é ɓɔ.