2 Témɔ́tè 4:10 - Wè-dɔ-wè Dɛɛ

¹⁰ Dímà a lɔ̀ kɛ pɔɔ̀ lɛ́ e kpóṹ là zèea ká, ɛ̃́ɛ̃́ aà m kɛ maà wí tã́ã̀. Aà là ló ɓo Tɛsàlònákà. Kɛ́lɛ́sɛ̃̀ e ló Gɛ̀lésìà. Tátɔ̀ bɛ̃̀ɛ̃ e ló Dàmésà.

2 Témɔ́tè 4:10 Iomraidhean Croise

Máfìù 12:32

Mi nɔ́ɔ fé lɛ́ è mɛ́ĩ́ yɔɔ ɓo Mi Gbe gbĩ mɔ̀ɔ, à wɔ̃̀ lɛ́ɛ̀ lo ɓoò à wũ mɔ̀. Kɛɛ mi nɔ́ɔ fé lɛ́ è wɔ̃́ yɔɔ gèe Gɛ̀ɛ̀ Púlú gbĩ mɔ̀ɔ, à wɔ̃̀ wá ɓòà‐wũ‐mɔ̀ wɔ̃̀ ká dɛɛ ká, ɛ̃́ɛ̃́ tòá kíli ká.

Máfìù 26:56

Kɛɛ wɔ̃́ nì e kéa séĩ́ lɛ́ɛ̀ kɛ̀, kɛ wɔ̃́ lɛ́ dɔ̀‐Wálà‐lé‐là‐mìàa wa bɛ̃̀ɛ̃ Wálà‐kiia yía, é kɛ wánà zɛ̀.” Lɛ̀ e kɛ kília, là tòà‐píé‐mìàa séĩ́ o kã́ à mɔ̀, wáà wà ló ɓò.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 14:33

À mɔ́ɔ̀ wɔ̃̀ mɔ̀ɔ, míá ka kéa, ka dò nɔ́ɔ fé lɛ̀ɛ́ bɛ̀i kɛɛ̀ tò‐m‐píé‐mì ká, yé lɛ̀ɛ́ e wè dà pɛ séĩ́ lɛ́ lɛ à kɛ̀lɛ̀ɛ lɛ̀ɛ ká.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 16:13

“Yɛɓo‐kɛ‐mì nɔ́ɔ fé lɛ̀ɛ́ bɛ̀i kɛɛ̀ lùò ká mia wũ‐là‐mìà pèèlɛ lɛ̀ɛ e kíe ká. É kɛ̀á kília, mi doó‐mì lɔ̀ lɛ́ɛ̀ lo nyɛɛ̀ à mɔ̀, tó mi doó‐mì lɔ̀ áà kpɔ̀ à mɔ̀. Lɛ́ɛ̀ lo kɛɛ̀ wánà zɛ̀ mi doó lɛ̀ɛ, tó à nyìɛ e fɔ̃́ mi yé e tóa yí. Ìí bɛ̀i kɛɛ̀ Wálà là lùò ká, tó ɓáà kɛ̀ zeĩ́ pɛlèe là lùò ká.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 17:32

Ka zò è vùò Lɔ́ɔ̀ na mɔ́ɔ̀ wɔ̃̀ ká.

Àpɔ́sɔ̀lɔ̀ 13:13

Pɔ́ɔ̀ nì o yà gɔɔ yí, o gó gbaa Péfɔ̀, wáà lò pɛ́lɛ lɛ́ ò si Pɔ́gà, lɛ́ lɛ sɛ́lɛ́ lɛ́ ò si Pã̀fílíyàa yía yí. Kɛɛ Zɔ̃̀ɔ̃́ e o tó gbaa yí, e ló e mɛ̀ĩ́ Zùlúsàlɛ̀.

Àpɔ́sɔ̀lɔ̀ 15:38

Kɛɛ Pɔ́ɔ̀ lɛ̀ɛ́ gbaa à gɛ̃̀ wánà ká kɛ ó ló à ká, ɓii aà o tó do Pã̀fílíyà. Lɛ̀ɛ́ gbaa à naa kɛ é tó o píé yɛɓoa líé-nyɛ-lùò é ɓɔ.

Àpɔ́sɔ̀lɔ̀ 16:6

O bɛ̀i, o die lɛ̀ lɛ́ ò si Fílízìà wà Gɛ̀lésìàa là, ɓii Gɛ̀ɛ̀ Púlú lɛ̀ɛ́ gbaa wéé à mɔ̀ kɛ ó wɔ̃́ làṹ yièa gèe Ésìà.

Àpɔ́sɔ̀lɔ̀ 17:1

O ló o die Ãfípólè ɛ̃́ɛ̃́ Apàlónìà. O ló gbaa o ɓɔ Tɛsàlònákà. Zúù-mìà zì Wálà-kà e kɛ lɛ̀ e kília mɔ̀.

Àpɔ́sɔ̀lɔ̀ 17:11

Míá o kɛ yía, o zò píé lé ɓoò e kɛá, é dieá mia yé o kɛ Tɛsàlònákàa là. O o tóó dɔ wɔ̃́ làṹa mɔ̀ pɛ dã́ zì píé. Lúó séĩ́-séĩ́ káa, o kɛ Wálà kiia yí naapìà kɛɛ é kɛ̀á wɔ̃́ lɛ́ Pɔ́ɔ̀ e kɛ à gèepìàa lɛ wánà káa, kɛ ó à yí dɔ.

Àpɔ́sɔ̀lɔ̀ 17:13

Kɛɛ lɛ̀ Zúù-mìà lɛ́ o kɛ Tɛsàlònákàa, wa ma kélɛ̀ Pɔ́ɔ̀ aà Wálà lé-wè gèe Bòlíà bɛ̃̀ɛ̃ mɔ̀ɔ, o nu yí, o gbɛ̃̀ gbaa wáà míáa wũ-kèlè yí-sìè-wɔ̃̀ gèè o lɛ̀ɛ, kɛɛ ó gèlè gbini Pɔ́ɔ̀ nì mɔ̀.

Àpɔ́sɔ̀lɔ̀ 18:23

Lɛ̀ e kɛ yí lúó dò píéa, e gó gbaa yí. E die gbaa sɛ́lɛ́ lɛ́ ò si Gɛ̀lésìà wà Fílízìàa o lɛ̀ séĩ́ mɔ̀, áà lò tò-Zízɛ̀-píé-mìàa mɛ́ kɛ̀á sí gágà.

2 Kɔ̀léĩ́tĩ̀ã̀ 2:13

Kɛɛ m zò yàà lɛ̀ɛ́ gbaa kɛá m gé. Ƃii m̀ḿ gbaa m lèe-gé Tátɔ̀ gɛ̃̀ yi. À mɔ́ɔ̀ wɔ̃̀ mɔ̀ɔ, ma mɔ́ɔ̀ m wè dà ɓo míá o kɛ yía lɛ̀ɛ, máà lò gbaa Masèdónà.

2 Kɔ̀léĩ́tĩ̀ã̀ 7:6

Kɛɛ Wálà lɛ́ è mia yé o zò dàà lɛ zízàáa kɛ̀ o zò áà yàa, e ko zò kɛ e yà ko gé Tátɔ̀ zì nú a ɓoa yí.

2 Kɔ̀léĩ́tĩ̀ã̀ 8:16

Kóò Wálà zúo gèe zi lɛ́ a kɛá lɛ́ Tátɔ̀ zò è kã gbũ̀-ka-mɔ̀ pìà, lɛ̀ zí ko zò è kãá gbũ̀-ka-mɔ̀ pìàa lɛ́ ɓea mɔ́ɔ̀ wɔ̃̀ mɔ̀.

2 Kɔ̀léĩ́tĩ̀ã̀ 8:23

Tátɔ̀ ye ɓaa, lɛ m ɓɛ́ɛ lɛ́ kò ye kò yɛɓo kɛ̀ e kíe là kɛ kó gbũ à ká ka mɔ̀ɔ ká. Ko lèe-gé vɔ̀ yé wà ye nì ò loa yee, o mia lɛ́ Wálà-mìà lɛ́ o lɛ̀ doò do mɔ̀ɔ ò o vɔɔ ká. Óò à kɛ̀ Kɛ́lɛ̀ì tɔ́ áà ɓɔ̀.

2 Kɔ̀léĩ́tĩ̀ã̀ 8:6

À mɔ́ɔ̀ wɔ̃̀ mɔ̀ɔ, ko kpé kã́ Tátɔ̀ lɛ́ e yɛɓo e kéa zi gbɛ̃̀ɛ lɛ̀ɛ kɛ é ló yɛɓo e kília kɛɛ̀ ká líé zàá, ɛ̃́ɛ̃́ kɛ é gbũ ka mɔ̀ kɛɛ ká pɛ yiè e kéa líé nyɛ.

Gɛ̀lésìà 1:2

Kò ka lèe-gé vɔ̀ séĩ́ lɛ́ o m píé zèea, kóò wèè Wálà-mìà lɛ́ ka Gɛ̀lésìàa ka séĩ́ ka bà.

Fèlépĩ̀ã̀ 2:21

Mia yé o tóa séĩ́ o kɔ̀ wàà lɛ o dìè mɔ́ɔ̀ wɔ̃̀ yí, tó o kɔ̀ ɓoò lɛ wɔ̃́ ké yee à gbɛ̃̀ɛ̃̀ lɛ Zízɛ̀ Kɛ́lɛ̀ì mɔ̀ɔ wɔ̃̀ yí.

1 Témɔ́tè 6:10

Wɔ̃́ yɔɔ̀ yɔɔ̀ kɛɛ̀ séĩ́ gã̀ gbɛ̃̀ɛ̃̀ lɛ pɛlèe zì lɔ̀-kɛ̀à-mɔ̀ lɛ́ e mia yía là. Nàà pɛlèe ká aà die mia gbṹũ̀ zò ká, ɛ̃́ɛ̃́ aà kɛ waà dà o gã̀ là, waà gó zò-dɔ̀à-mɔ̀ wɔ̃̀ɔ píé, ɛ̃́ɛ̃́ lɛ gbaa kélɛ̀ o zò píé aà wí zò-dà-zízàá búnùzɛ̀ ká.

1 Témɔ́tè 6:17

Mia lɛ́ o kɛɛ̀ lɛ kpànazɛ̀ pɔɔ̀ lɛ́ e kpóṹ là zèea káa, à gèe o lɛ̀ɛ yékɛ̀ ó o dìè sí gbùò. À gèe o lɛ̀ɛ pɛ́ o zò è bɛ̀i kɛɛ̀ à mɔ̀ɔ ye wá dɔ-pɔ̀ɔ̀ lɛ́ ìí à gò-i-kɛ̀lɛ̀ lùò dɔɔ ká. Kɛɛ Wálà lɛ́ è pɛ séĩ́ nɔ ko lɛ̀ɛ e yí gbùò zɛ̀ ká, tó à nyɔ́nɔ́ áà lò ko zò káa, lɛ́ lɛ o mɔ̀ o zò é kɛ à mɔ̀ɔ.

2 Témɔ́tè 1:15

Íì à yí dɔ kélɛ̀ mia séĩ́ lɛ́ o Ésìàa, o o ko gbɛ̃̀ m mɔ̀. Míá o kília, Fàzílà wà Hàmɔ́zénì o kɛ o bà.

2 Témɔ́tè 4:16

Mi gbɛɛ lɛ̀ɛ́ gbaa dɔ m sɔ́nɔ́ lúó bèĩzɛ̀ lɛ́ m dɔá kɛ ḿ wɔ̃́ ɓò-m-wũ-mɔ̀ wɔ̃̀ gèea ká. O séĩ́ o m wí tã́ã̀. Wálà là sɛ̀nɛ ɓɔ̀ɔ yékɛ̀ é à kpɔ́ o wĩĩ́.

Tátɔ̀ 1:4

Ḿm̀ kíí e kéa bɛ̃̀ɛ̃ ɓi Tátɔ̀ lɛ́ i m̀ nɛ́ wánà zɛ̀ ká zò-dɔ̀à-mɔ̀ lɛ́ kɔ̀à ɓi nì kɔ̀à dɔ à yía kolo là zàáa píé. Wálà lɛ́ e mia Dàa káa, é dàá Kɛ́lɛ̀ì Zízɛ̀ lɛ́ e ko La-mì káa bàa, o zì zò-kɛ̀-sɛ̀ɛ é kɛ i píé, wáà zò-yà-gé nɔ̀ i lɛ̀ɛ.

Fàlímà 1:24

Zi nɔ́ doóa káa, Máà wà Alèsákà, e bɛ̀i Dímà, ɛ̃́ɛ̃́ Lúù, lɛ́ kò ye nì kò yɛɓo kɛ̀ e kíe làa, o wééá i bà.

2 Pílɛ̀ 2:15

Waà gó zi kpeĩa píé, waà o dìè tó luú gbaa. Waà zi lɛ́ Bélàũ̀ lɛ́ e kɛ Béɔ̀ gbe káa, e tó à píéa sí. Bélàũ̀ e kília, pɛlèe lɛ́ e kɛ lópìà sɔ̀lɔ̀ ɓoò wɔ̃́ yɔɔ kɛɛ̀ wɛ̃́ĩ̀a, wɔ̃̀ diè e kɛá à zò ká.