2 Témɔ́tè 4:1 - Wè-dɔ-wè Dɛɛ

¹ Wɔ̃́ e kéa ma kpɔ́ i kɔ̀ là Wálà wà Kɛ́lɛ̀ì Zízɛ̀ lɛ́ è lo mia lɛ́ waà gaa, wà o yé o tĩã́ ɓea, è lo mɛ̀ĩ́-sà dɔɔ̀ o mɔ̀ɔ, o wɛlɛ mɔ̀. À zì nú è lo à ɓoò, ɛ̃́ɛ̃́ à zì tò-mia-là mɔ́ɔ̀ wɔ̃̀ mɔ̀ɔ, ḿm̀ gèe i lɛ̀ɛ,

2 Témɔ́tè 4:1 Iomraidhean Croise

Máfìù 16:27

Ƃii Mi Gbe laa kɛpìà é nu e Dàa zì lɛ̀‐fɔ̀nɔɔ̀ɔ yí wà là vɔ‐mìà ká. Yé aà kɛ gbaa kília, lɛ́ɛ̀ lo mia séĩ́ fɔ́nɔ́ nɔɔ̀ wɔ̃́ lɛ́ waà kɛɛ kolo là.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 19:12

À mɔ́ɔ̀ wɔ̃̀ mɔ̀ɔ, Zízɛ̀ a gèe kélɛ̀, “E kɛ gɔ̃ kpànazɛ̀ dò lɛ́ e wɛ̀lɛ̀ áà lò sɛ́lɛ́ gbɛɛ yí gbèkènia ká. E ló yi, kɛ ó yíkɛ̀ gáàa nɔ à lɛ̀ɛ, kɛ é kɛ sɛ́lɛ́ líé‐sí‐mì ká, kɛ é nuá e pà zeĩ́.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 19:15

“Gɔ̃ kpànazɛ̀ɛ e kɛ̀ mia líé‐sí‐mì ká mɔ́ɔ̀ yíkɛ̀ gáàa sɔ̀lɔ̀ ɓo. Yé e nuá e mɛ̀ĩ́a, a gèe ó là yɛɓo‐kɛ‐mìà lɛ́ aà pɛlèe nɔ o lɛ̀ɛ súo kɛ, kɛ ó nu à wɛlɛ mɔ̀, kɛ é pɛ lɛ́ waà à gɛ̃̀ pɛlèe e kília mɔ̀ɔ, á dɔ.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 23:42

Lɛ̀ e kɛ kília, a gèe Zízɛ̀ lɛ̀ɛ, “Zízɛ̀, yé ɓaà yíkɛ̀ gáàa lɛ́ è lo i kɛɛ̀ mia líé‐sí‐mì káa sɔ̀lɔ̀ ɓo, tó ɓáà nùa, i zò è vùò m mɔ́ɔ̀ wɔ̃̀ ká.”

Àpɔ́sɔ̀lɔ̀ 10:42

Ɛ́ɛ̃́ a gèe ko lɛ̀ɛ kó wɔ̃́ làṹ yièa gèe mia lɛ̀ɛ lòũ̀ ká, ɛ̃́ɛ̃́ zeĩ́ kó kélá-wè ɓo kélɛ̀ à ye lɛ́ Wálà aà à sí, kɛ é kɛ mɛ̀ĩ́-sà ɓo-mì ká mia lɛ́ waà gaa, wà o yé o ɓea o lɛ̀ɛ.

Àpɔ́sɔ̀lɔ̀ 17:31

Ƃii aà lúó lɛ́ è lo mɛ̀ĩ́-sà dɔɔ̀ à ká kpeĩ le kpóṹ là zèe mìà séĩ́ mɔ̀ɔ kpɔ́. Lɛ́ɛ̀ lo kpɔ́ɔ̀ mi lɛ́ aà sía yí zàá, tó a kɛ. Aà zɔ̃̀ɔ̃̀ mia séĩ́ lɛ̀ɛ kélɛ̀ wɔ̃́ e kéa lɛ́ɛ̀ lo kɛɛ̀ wánà ká mí e kília wɛ̀lɛ̀-ga-kɛ̀lɛ̀ ká.”

Wólómà 2:16

Zí è lo kɛɛ̀ à ká lúó lɛ́ Wálà è lo à kɛɛ̀ Zízɛ̀ Kɛ́lɛ̀ì é mɛ̀ĩ́-sà dɔ mia zì yɛ́lɛ́-tàà-yí-wɔ̃̀ lɛ́ à bĩ̀ĩĩ̀ lɛɛ mɔ̀ɔ lɛ́ ɓɛ. Zi lɛ́ wɔ̃́ làṹ yiè lɛ́ m̀ gèea à gèe à káa lɛ́ ɓɛ.

Kɔ̀lɔ́sĩã̀ 3:4

Ko zì kɛ̀ɓe lɛ́ e Kɛ́lɛ̀ì káa. Yé aà ɓíé mia làa, ka bɛ̃̀ɛ̃ kà ye nì káà lo ɓíè mia là lɛ̀-fɔ̀nɔ-kɔ̀ yí zàá.

2 Tɛsàlónìà 2:8

Yé aà kɛ kília, Mi Kɛ-pɛ̀ Yɔɔ Zɛ̀ e kília lɛ́ɛ̀ lo e dìè zɔ̃̀ɔ̃̀ mia lɛ̀ɛ gbaa. Yé aà kɛ kília, ko Dàa-mì Zízɛ̀ lɛ́ɛ̀ lo à zɛɛ̀ e wúú lɛ́ è go à léa ká. Ɛ́ɛ̃́ à zì nù-mia-là-kɔ̀ kpànazɛ̀ ɓɛ, lɛ́ɛ̀ lo à yí sìè à ká yé aà nua ká.

1 Témɔ́tè 5:21

Wálà wà Kɛ́lɛ̀ì Zízɛ̀, e bɛ̀i, Wálà là vɔ-mìà lɛ́ aà o sía wɛlɛ mɔ̀ɔ, maà wɔ̃́ e kéa kpɔ́ i wĩĩ́ kɛ í o kɛ, yékɛ̀ í dɔ mi dò fé píé, ɛ̃́ɛ̃́ yékɛ̀ í mia bà ɓo wɔ̃́ nɔ́ɔ fé lɛ́ ì lo à kɛɛ̀ɛ kɛɛ̀ yí.

2 Témɔ́tè 1:10

Kɛɛ à zɔ̃̀ɔ̃ɔ̃̀ lɛ gbaa ko lɛ̀ɛ ko La-mì Kɛ́lɛ̀ì Zízɛ̀ nuù yí zàá. Aà à kɛ gbaa yíkɛ̀ gáàa wá gbaa ga kɛ̀lɛ̀. Ɛ́ɛ̃́ aà nu kɛ̀ɓe ɛ̃́ɛ̃́ kɛ̀ ɓéèe lɛ́ lɛ̀ɛ́ nyɛɛ ká gbaa lɛ̀ púlú mɔ̀ wɔ̃́ làṹ yièa kolo là zàá.

2 Témɔ́tè 2:14

Ì mia zò vùò wɔ̃́ e kéa ká. Ɛ́ɛ̃́ ì lìè-wè dɔ o lɛ̀ɛ Wálà wɛlɛ mɔ̀ kélɛ̀ yékɛ̀ ó wéé dɔ wéé doò do mɔ́ɔ̀ wɔ̃̀ mɔ̀. Wéé dɔɔ̀ lɛ̀ɛ́ wɔ̃́ yiè gbɛɛ kɛ. Kɛɛ lɛ́ɛ̀ mia lɛ́ ò o tóó dɔɔ wi tã́ã̀.

2 Témɔ́tè 4:18

Ɛ́ɛ̃́ ko Dàa-mì lɛ́ɛ̀ lo m laà wɔ̃́ yɔɔ séĩ́ kɛ̀lɛ̀, tó e m sí m kpóló dɔ́lɔ́ yí, tó e ló m ká lɛ̀ lɛ́ à tóò lɛ mia là yi lɛ̀ía mɔ̀. Ò à tɔ́ ɓɔ tòá kíli wɔ́lɔ́-wɔ́lɔ́ ká. É kɛ kíli.

2 Témɔ́tè 4:8

Dɛɛ ká gbaa, pɛ́ m kɛ à mɔ́ɔ̀ bàlà sípìàa, lɛ yàá m gɛ̀nɛ̀. Ye lɛ́ e zòlò lɛ́ lɛ wɔ̃́ kpeĩ kɛɛ̀ mɔ́ɔ̀ zòlò ká, lɛ́ ko Dàa-mì lɛ́ e Mɛ̀ĩ́-sà ɓo-mì kpeĩ káa, è lo à nɔɔ̀ m lɛ̀ɛ Lúó e kília káa káa. Lɛ̀ɛ́ ló à nɔɔ̀ m doó m lɛ̀ɛ. Kɛɛ lɛ́ɛ̀ lo à nɔɔ̀ mia séĩ́ lɛ́ ko Dàa-mì zì ɓɔ̀-mia-là è o zò kũa lɛ̀ɛ.

Tátɔ̀ 2:13

lɛ̀ lɛ́ ko tĩã́ yàá lúó géli zɛ̀ lɛ́ ko zò lɛ à mɔ̀ é nua gɛ̀nɛ̀ɛ káa ká. Lúó e kília lɛ́ Zízɛ̀ Kɛ́lɛ̀ì, lɛ́ e kò Wálà kpànazɛ̀ e bɛ̀i ko La-mì káa, à zì lɛ̀-fɔ̀nɔ-kɔ̀ è lo ɓíèá mia làa.

1 Pílɛ̀ 1:7

Lɛ́ɛ̀ kɛ̀ ka ká kíli, kɛɛ á zɔ̃̀ɔ̃̀ kélɛ̀ ka zì zò-dɔ̀à-mɔ̀ lɛ wánà zɛ̀ kpó-kpó ɓo. É kɛ bɛ̃̀ɛ̃ góò lɛ́ à yí è bɛ̀i sìèa káa, óò à yí dã tíé ká. À mɔ́ɔ̀ wɔ̃̀ mɔ̀ɔ, laa mɔ̀ ka zì zò-dɔ̀à-mɔ̀, lɛ́ lɛ bɛ̃̀ɛ̃ kpànazɛ̀ kpó-kpó ɓo é diá góò làa, à dã́ã̀ é kɛá nɔ́ kíli, kɛɛ é kɛ ɓe teele. Yé aà kɛ kília, káà lo kɛɛ̀ lɛ̀-fɔ̀nɔ-kɔ̀ yí, tó káà tɔ́-ɓɔ ɛ̃́ɛ̃́ ɓɛ̀lɛyà sɔ̀lɔ̀ ɓò Lúó lɛ́ Zízɛ̀ Kɛ́lɛ̀ì zɔ̃̀ɔ̃ɔ̃̀ è lo kɛɛ̀á mia lɛ̀ɛ ká.

1 Pílɛ̀ 4:5

Kɛɛ óò lo mɛ́ĩ́ ɓoò o dìè wũ mɔ̀ wɔ̃̀ gèeè o dìè lɛ̀ɛ Wálà lɛ́ à pɛ̀ kɛɛ̀ lɛ kɛ é mɛ̀ĩ́-sà dɔ mia lɛ́ o ɓéèea, wà o yé o gaà lɛɛ mɔ̀ɔ wɛlɛ mɔ̀.

1 Pílɛ̀ 5:4

Ká kɛ̀á kília, yé Nyìɛ-kɛ̀-ɓáá-mɔ̀-mì Kpó-kpóa aà nua, káà lo zòlò tɔ́ ɓɔɔ̀ɔ zɛ̀, lɛ́ à zì lɛ̀-fɔ̀nɔ-kɔ̀ lɛ̀ɛ́ ló kɛɛ̀ fúɛ́-fùɛ̀ɛ sɔ̀lɔ̀ ɓoò.

2 Pílɛ̀ 1:11

Zí e kéa káa, yíkɛ̀ gáàa kpó-kpó nɔɔ̀ lɛ́ɛ̀ lo kɛɛ̀á ka lɛ̀ɛ kɛɛ ká ɓɔ lɛ̀ lɛ́ ko Dàa-mì lɛ́ e ko La-mì Zízɛ̀ Kɛ́lɛ̀ì káa, tóò lɛ mia là yi tòá-kíli káa mɔ̀.

2 Pílɛ̀ 1:17

Ko kɛ yí lɛ̀ lɛ́ Wálà lɛ́ e mia Dàa káa, e ɓɛ̀lɛyà wà tɔ́-ɓɔ nɔ à lɛ̀ɛ ká. Lúó e kília káa, lɛ́ wéè dò e gó lɛ̀-fɔ̀nɔɔ̀ɔ kpànazɛ̀ɛ yí weeá kélɛ̀, “M zì lɔ̀-kɛ̀á-nɛ̀ lɛ́ e yía. M zò dàà lɛ à píé.”

1 Zɔ̃̀ɔ̃́ 2:28

Kɛɛ m̀ nɔ́ɔ̀ɓé, kà ka yàlà kṹ à yí kɛɛ kɔa gé é kɛ geleĩ yé aà ɓíé mia làa ká, yékɛ̀ yɛ́lɛ̀ é ko kɛ kɔ́áà ko bĩ̀ĩ̀ à mɔ̀ Lúó è lo nuù à káa ká.

Wɛ̀lɛ̀vèlésɔ̃̀ 1:7

Kà lɛ̀ gɛ̃̀. Lɛ nupìà lɛ̀í-kii yí. Nyìɛ séĩ́-séĩ́ lɛ́ɛ̀ lo à gɛ̃̀ɛ̃̀, é ló é dàá mia lɛ́ wa pá dí káa bà. Mia sùu gbɛɛ̀ gbɛɛ zɛ̀ séĩ́ lɛ́ o tã́ã̀ zèea, óò lo dàà yéĩ̀ yí à mɔ́ɔ̀ wɔ̃̀ mɔ̀. Zía lɛ́ lɛ à káa. É kɛ kíli.