2 Témɔ́tè 3:8 - Wè-dɔ-wè Dɛɛ

⁸ Zi lɛ́ Zánì wà Zã́ɓèlè o gèlè gbiniá Móózè mɔ̀ɔ, zi nɔ́ doóa lɛ́ gɔ̃à o kéa waà gèlè gbiniá wɔ̃́ wánà zɛ̀ɛ mɔ̀ɔ. Gɔ̃à o kília, o wũ-kèlè yí wá kpeĩ. O kɔ̃́ɔ̃̀ lɛ gbaa zò-dɔ̀à-mɔ̀ wɔ̃̀ mɔ̀.

2 Témɔ́tè 3:8 Iomraidhean Croise

Àpɔ́sɔ̀lɔ̀ 15:24

Kɔaà à ma kélɛ̀ ko dò o gó ko bà o nu ka píé, o ka zò ɓò ka gé wɔ̃̀, e bɛ̀i, o ka lè píé lò gbèĩ wɔ̃̀ gèe. Ó kɛ bɛ̃̀ɛ̃ kília, ko wáá ká kɛ kó gèe o lɛ̀ɛ ó kɛ.

Wólómà 1:28

Ƃii yé mia òó gbaa naa Wálà-wɔ̃̀ é kɛ o wũ-kèlè yía, Wálà aà mɔ́ɔ̀ o nɔ ɓo yɛ́lɛ́-táá yɔɔ lɛ̀ɛ, kɛɛ ó wɔ̃́ lɛ́ ye wá o mɔ̀ kɛ ó kɛɛ kɛ.

Wólómà 16:18

Ƃii mia lɛ́ ò wɔ̃́ sùua nì kɛ̀ɛ, o wá yɛɓo kɛpìà Kɛ́lɛ̀ì ko Dàa-mì lɛ̀ɛ. Kɛɛ óò yɛɓo kɛ̀ pɛ lɛ́ à lɔ̀ lɛ o kɛpìàa lɛ̀ɛ. Óò mia lɛ́ òó wɔ̃́ yí dɔɔ bèkɛ̀ ɓo wè nɛ́ĩ́-nɛ̀ĩ̀ wà dɔ́ŋɔ́ yà mia lɛ̀ɛ wè gèeè ká.

Ìfísɔ̃̀ 4:14

Yé aà kɛ gbaa kília, kòó ló kɛɛ̀ nɔ́ɔ̀ɓé ká gbaa. Mɛ̀ĩ́ lɛ̀ɛ́ ló ko bìnì, ɛ̃́ɛ̃́ fã̀ã̀ lɛ́ è go zi gbɛɛ̀ gbɛɛ ká, lɛ́ e kélɛ̀ pɛ lɛ́ mia bèkɛ̀-ɓo-mìà ò zɔ̃̀ɔ̃̀ɔ, lɛ̀ɛ́ ló ko pìè kɛ é ko ɓo ko dɔ̀lɔ̀ mɔ̀. Míá o kília lɛ́ o mia lɛ́ ò mia líé si wáà lò o ká nɛ̀-wɔ̃̀ píé yɛ̀ì-yɛ́í lɛ́ wa nyáá pá e kíe mɔ̀ o dìè lɛ̀ɛ káa.

1 Témɔ́tè 1:19

I zò dɔɔ̀ è kɛá Wálà mɔ̀ teele. Ɛ́ɛ̃́ yékɛ̀ í i zò-mɛ̀-i-mɔ̀ wɔ̃̀ kɛ. Mia dò waà o wũ ɓo wɔ̃́ lɛ́ o zò gíkã́ à gèe ó kɛɛ wì, ɛ̃́ɛ̃́ o zì zò-dɔ̀à-mɔ̀ aà kã́ gbaa e kíe lé.

1 Témɔ́tè 4:2

Pɛ-zɔ̃̀ɔ̃̀-kɔ̀ e kília, lɛ́ɛ̀ go mia lɛ́ ò nɛ̀ kɛ̀ɛ o zì mia bèkɛ̀-ɓo-kɔ̀ yí zàá. O zì zò gíkã́ lɛ dífá-dìfà, lɛ̀ pɛ lɛ́ pɛ kúlú tíèe vɔ̀ɔ a gélé.

1 Témɔ́tè 6:5

ɛ̃́ɛ̃́ zeĩ́, tèé lɛ́ gɔ̃à dò ò à dà teelea ká tã́ã̀. Gɔ̃à o kília o wũ-kèlè yí wá kpeĩ, ɛ̃́ɛ̃́ òó wɔ̃́ wánà zɛ̀ɛ dɔ gbaa. Óò à gɛ̃̀ ɓɔ̀ɔ kélɛ̀ gbìnì Wálà lɛ̀ɛ lɛ zi lɛ́ mi ì to à píé ɓáà kɛ̀ pɛ-mì káa ká.

2 Témɔ́tè 4:15

Ì i yɛ́lɛ́ kɛ i dìè píé à mɔ́ɔ̀ wɔ̃̀ mɔ̀, ɓii e kɛ gèlè gɔ̃pìà wɔ̃́ làṹ lɛ́ ko kɛ à gèepìàa ká mɛ́ gágà zɛ̀.

Tátɔ̀ 1:10

Ƃii mia búnùzɛ̀ o ɓe, mia òó bɛ̀i o wũ kṹũ̀ tã́ã̀. Míá o kília, óò mia bèkɛ̀ ɓo wà wéé yí gíniìa zɛ̀ lɛ́ ò gèea ká. Mia kpó-kpó lɛ́ ò wɔ̃́ e kéa kɛ̀ɛ, o lɛ́ o Zúù-mìà káa.

Tátɔ̀ 1:16

Óò à gèe kélɛ̀ óò Wálà dɔ. Kɛɛ o zì kɛ-wɔ̃̀ láà zɔ̃̀ɔ̃̀ kélɛ̀ wɔ̃́ ò gèea wá wánà ká. Wɔ̃́ lɛ́ ò à kɛ̀ɛ lɛ yɔɔ mia lɛ̀ɛ. Òó Wálà wéè kɛ. Ƃɛ̀i wá o mɔ̀ kɛ ó wɔ̃́ yiè nɔ́ɔ fé dò kɛ.

2 Pílɛ̀ 2:14

Kɛ-wɔ̃̀ yɔɔ kɛ-lòà lɛ́ nɔ́ ò nàà ó o gɛ̃̀ɛ. O zò lɛ̀ɛ́ dà do kɛ-wɔ̃̀ yɔɔ kɛɛ̀ mɔ̀. Óò líé si mia lɛ́ o mɛ́ wá gáàa ká pɛ́lɛ́ gbéĩ́. Waà o zò kpɔ́ à nàà pɛ séĩ́ ká ká. Wálà là náá lɛ o mɔ̀.

1 Zɔ̃̀ɔ̃́ 2:18

Nɔ́ɔ̀ɓé, lúó líé-nyɛ-lùò aà ɓɔ gbaa. O Kɛ́lɛ̀ì Dàa-gbe nu-wɔ̃̀ gèe ka lɛ̀ɛ. Ɛ́ɛ̃́ dɛɛ káa, Kɛ́lɛ̀ì dàa-gbe vɔ̀ kù aà kɛ gbùò. À mɔ́ɔ̀ wɔ̃̀ mɔ̀ɔ, kóò à yí dɔ kélɛ̀ lúó líé-nyɛ-lùò aà ɓɔ kɔ̀ɛ́.

1 Zɔ̃̀ɔ̃́ 4:1

M̀ lɔ̀-kɛ̀á-mìà, yékɛ̀ ká mia séĩ́ lɛ́ ò gèe Gɛ̀ɛ̀ Púlú lɛ o píéa wéè gɛ̃̀ wánà ká. Kɛɛ kà o yí dã́ kɛɛ é kɛ̀á gɛ̀ɛ̀ lɛ́ e o yía lɛ́ɛ̀ go Wálà píéa ká yí dɔ. Ƃii mia lɛ́ ò gèe o dɔ̀-Wálà-lé-là-mìà ká, lɛ́ o wá mɔṹ à káa, o búnùzɛ̀ o lóò lɛ lɛ̀ séĩ́ mɔ̀.

Wɛ̀lɛ̀vèlésɔ̃̀ 2:20

Kɛɛ wɔ̃́ lɛ́ m̀ḿ naa à ká i mɔ̀ɔ gɛ̃̀ e ké. Íì wèè à mɔ̀ tó lee lɛ́ ò si Zɛ́zébɛ̀, lɛ́ è e dìè si dɔ̀-Wálà-lé-là-mìa, tó áà kɛ̀ ka bà. Lɛ́ɛ̀ pɛ zɔ̃̀ɔ̃̀ tó áà zi yɔɔ zɔ̃̀ɔ̃̀ m̀ yɛɓo-kɛ-mìà lɛ̀ɛ. Láà kɛ̀ tó wáà sɔ̃̀ɔ̃ yɔɔ kɛ̀, ɛ̃́ɛ̃́ tó wáà léɓèlè lɛ́ à kóná ɓoò lɛ kɛ̀ɛ̀-wɛ́lɛ́ mɔ̀ɔ ɓèlè.

Wɛ̀lɛ̀vèlésɔ̃̀ 2:6

Kɛɛ i zì kɛ-wɔ̃̀ lɛ́ lɛ i mɔ̀, lɛ́ m̀ nàà à káa, ye gɛ̃̀ e ké. Wɔ̃́ lɛ́ Nikòlétà-mìà ò kɛ̀ɛ, wɔ̃́ ò kɛ̀ kília, à lɔ̀ wá i mɔ̀, lɛ̀ zí nɔ́ à lɔ̀ wá à ká m mɔ̀ɔ lɛ́ ɓe.