2 Témɔ́tè 3:6 - Wè-dɔ-wè Dɛɛ

⁶ O dò óò lo kɛ́ì píé tó wáà kɛ̀ loà lɛ́ o yí è gaa là. Loà o kília o loà lɛ́ o kɛ-wɔ̃̀ yɔɔ lɛ o wĩĩ́ vũ gbííni ká, lɛ́ wɔ̃́ yɔɔ̀ yɔɔ̀ kɛ-lɔ̀ è o kɛ̀ɛ káa.

2 Témɔ́tè 3:6 Iomraidhean Croise

Máfìù 11:28

“Mia séĩ́ lɛ́ kà yɛɓo kɛ̀ gágà, ɛ̃́ɛ̃́ lɛ́ pɔɔ̀ gbííni lɛ ka wĩĩ́a, kà nu m píé. Ḿm̀ lo à kɛɛ̀ ká ka fĩ́ĩ́ dɔ.

Máfìù 23:13

“Zi sùu kpɛɛ̀ lɛ́ wɔ̃́ yéĩ̀zɛ̀ kɛɛ̀ lɛ à ká Wálà kii‐dɔ‐mìà, ɛ̃́ɛ̃́ Fálásíì‐mìà ka ká ké. Ka ka dìè wɛlɛ‐li‐mìà ká. Káà zi lɛ́ è lo lɛ̀ lɛ́ Wálà lɛ́ e lɛ̀ía, tóò lɛ mia là yia mɔ̀ɔ, tàà mia gɛ̀nɛ̀. Kɛɛ ka dìè‐tĩ́ kàá naa ká ló yi, ɛ̃́ɛ̃́ mia lɛ́ ò nàà ó ló yia, kàá wéé à mɔ̀ ó ló yi. [

Máfìù 23:14

“Zi sùu kpɛɛ̀ lɛ́ wɔ̃́ yéĩ̀zɛ̀ kɛɛ̀ lɛ à ká Wálà kii‐dɔ‐mìà ɛ̃́ɛ̃́ Fálásíì‐mìà ka ká ké. Ka ka dìè wɛlɛ‐li‐mìà ká. Káà lee lɛ́ lɛ gã̀ã káa, là pɛ ɓèlè à kɛ̀lɛ̀ gbã́ã̀ ká. Yé kaà à kɛ kília, káà ka dìè wɛlɛ li sɛ̀nɛ‐ɓò gbèĩ ká. À mɔ́ɔ̀ wɔ̃̀ mɔ̀ɔ, mɛ̀ĩ́‐sà lɛ́ è lo káà ka wĩĩ́a, lɛ́ɛ̀ lo kɛɛ̀ yɔɔ kpó‐kpó ɓo.]

Máfìù 4:24

Zízɛ̀ làṹ e wɛ̃̀ĩ gbaa Sílìà‐sɛ̀lɛ̀ lɛ̀ séĩ́ mɔ̀. À mɔ́ɔ̀ wɔ̃̀ mɔ̀ɔ, mia o kɛ nupìà mia lɛ́ yáá doò do e kɛ o kɛpìà, ɛ̃́ɛ̃́ mia yé o kùnuù e kɛá mɛ́‐kpɔ̀nɔ doò do káa ká Zízɛ̀ píé. Míá o kília, o kɛ mia lɛ́ pɛ yɔɔ e kɛ o píé, ɛ̃́ɛ̃́ mia lɛ́ sãsã e kɛ o ɓopìàa nì, e bɛ̀i, mia lɛ́ o dɔ‐pɛ gaà e kɛá o mɔ̀ɔ káa. Kɛɛ Zízɛ̀ e o séĩ́ o la.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 4:19

Kɛɛ óò o zò tàà kpóṹ là pɔ̀ɔ̀ wɛ̃́ĩ̀, ɛ̃́ɛ̃́ pɛ sɔ̀lɔ̀ ɓoò lɛ́ è o zò dàa. E bɛ̀i, wɔ̃́ gbɛɛ̀ gbɛɛ zì lɔ̀-kɛ̀á lɛ o yí. Wɔ̃́ sùu e kéa, lɛ́ɛ̀ dà o zò píé, tó Wálà lé-wè lɛ̀ɛ́ fàa, ɛ̃́ɛ̃́ áà kɔ̃̀ ɓaà mɔ̀.

1 Kɔ̀léĩ́tĩ̀ã̀ 12:2

Káà yí dɔ kélɛ̀ lɛ̀ kàá gbaa kɛ Wálà dɔpìàa, kɛ̀ɛ̀-wɛ́lɛ́ lɛ́ à lé lɛ̀ɛ́ wééa e kɛ ka zì kɛ̀ɓe là, ɛ̃́ɛ̃́ o kɛ ka lé tópìà luú.

1 Témɔ́tè 5:6

Kɛɛ gã̀ã lee yé è e dìè nɔ e dìè zò-kṹ-wɔ̃̀ kɛɛ̀ lɛ̀ɛ, à gaà lɛ, yé bɛ̃̀ɛ̃ lɛ tĩã́ kpóṹ làa ká.

1 Témɔ́tè 6:9

Kɛɛ mia lɛ́ o kɛ̀ kpànazɛ̀ lɔ̀ lɛ o kɛpìàa, mia yí-dã́-wɔ̃̀ lɛ́ɛ̀ ɓɔ o là. Pɛ́lɛ́ lɛ́ɛ̀ o kũ. Pɛ́lɛ́ e kília lɛ́ e wɔ̃́ yí gíniìa zɛ̀ wà wɔ̃́ yé è mia gĩ̀ĩa lɔ̀ káa. Pɔɔ̀ nì o kília óò mia gã̀ã̀ tã́ã̀ o sìè-zì píé, tó e o yí sìè.

Tátɔ̀ 1:11

Lɛ sɛ̀ kɛ mi dò á kɛ ó o lɛ̀à ga. Ƃii o ye-mìà kù gbɔ́ù zɛ̀ bùlé gbinipìà wɔ̃́ lɛ́ ye wá o mɔ̀ ó zɔ̃̀ɔ̃̀, lɛ́ ò zɔ̃̀ɔ̃̀ɔ ká. Wɔ̃́ yɛ́lɛ̀ zɛ̀ lɛ́ ò mɔ́ɔ̀ à kɛ ɓoa, lɛ́ e kélɛ̀, óò nàà ó pɛlèe sɔ̀lɔ̀ ɓo.

Tátɔ̀ 3:3

Ƃii ko vɔ̀ɔ, kɔaà kɛ do mia yí gíniìa zɛ̀ ká. Ko kɛ mia lɛ́ òó wɔ̃́ ma mia wè làa ká. Ɛ́ɛ̃́ kɔaà zi ni. Ko kɛ lùò ká pɛ doò do lɛ́ à lɔ̀ è mia kɛ̀ɛò, e bɛ̀i ko dìè-tĩ́ nàà-ká-pɛ̀ séĩ́ wì. Ko zì kɛ̀ɓe làa, ko zò e kɛ yɔɔ mia ká, ɛ̃́ɛ̃́ kɔ́áà ko yɛ́lɛ́ tàà mia ká yɔɔ. Mia dò bɛ̃̀ɛ̃ lɔ̀ nyɛɛ̀ e kɛá ko mɔ̀. Ko bɛ̃̀ɛ̃, ko lɔ̀ nyɛɛ̀ e kɛá o mɔ̀.

2 Pílɛ̀ 2:18

Óò lé-gbùò-là kɛ̀, tó wáà wéé wũ-nyɛ̀à-mɔ̀ zɛ̀ gèè. Óò wɔ̃́ yɔɔ kɛ-lɔ̀ lɛ́ è mia gbĩ-kpàla kɛ̀ɛ si, tó wáà zi nàà à ká mia mɔ̀. Míá ò kɛ̀ o ká kília, o lɛ́ o mia lɛ́ o gópìà gbaa mia lɛ́ o ɓe wɔ̃́ nì lɛ́ ye wá kpeĩa bàa káa.

2 Pílɛ̀ 3:17

Kɛɛ míá ka m̀ lɔ̀-kɛ̀á-mìà káa, káà wɔ̃́ e kéa yí dɔ gbaa. À mɔ́ɔ̀ wɔ̃̀ mɔ̀ɔ, kà ka yɛ́lɛ́ kɛ ka dìè píé, yékɛ̀ lɔ́ɔ̀ sìè-mìà zì wɔ̃́ niìa á kɛ ká gó zi lèe mɔ̀, áà kɛ̀ káà gò ka dɔ̀lɔ̀ yièa mɔ̀.

Zúdè 1:16

Gɔ̃à o kília óò o wè kpɔ tó wáà mia gbɛɛ gã̀ nàà. Óò to wɔ̃́ kɛ-lɔ̀ yɔɔ lɛ́ è o kɛ̀ɛ píé. Óò lé-gbùò-là kɛ̀ o dìè mɔ́ɔ̀ wɔ̃̀ mɔ̀. Ɛ́ɛ̃́ óò lé nɛ́ĩ́-nɛ̀ĩ̀ là kɛ̀ kɛ ó pɛ lɛ́ ò nàáa sɔ̀lɔ̀ ɓo.

Zúdè 1:18

Wa gèe kélɛ̀, “Lúó léĩ́-tó-lùò káa, mia lɛ́ ò lo yéí síì ka mɔ̀ɔ, óò lo nuù. O zì wɔ̃́ kɛ-lɔ̀ lɛ́ lɛ̀ɛ́ Wálà zò dàa, lɛ́ɛ̀ lo líé síì o zì kɛ̀ɓe ká.”

Zúdè 1:4

Ƃii mia lɛ́ òó Wálà sɔ̃̀ɔ̃ kɛɛ dò waà dà ko bà kpɔ̀lɔ̀ũ̀ le ko tií. Míá o kília óò wéé lɛ́ à gbɛ̃̀ɛ̃̀ lɛ Wálà zì zò-kɛ̀-sɛ̀ɛ mɔ̀ɔ là nìɛ̀, kɛɛ o wè-ɓò-yí-bà zì é kɛ ɓe o zì sɔ̃̀ɔ̃ yɔɔ mɔ́ɔ̀ wɔ̃̀ mɔ̀. Óò o wũ ɓo Zízɛ̀ Kɛ́lɛ̀ì lɛ́ e ko Wũ-là-mì wà ko Dàa-mì doóa káa mɔ́ɔ̀ wɔ̃̀ wì. Wálà kiia e mɛ̀ĩ́-sà lɛ́ à káà lɛ o wĩĩ́ gbaa wɔ̃̀ gèe mɔ́.