2 Témɔ́tè 3:4 - Wè-dɔ-wè Dɛɛ

⁴ Ɛ́ɛ̃́ zéniía, óò lo kɛɛ̀ mia lɔ̀ɔ̀-dɔ-mìà ɛ̃́ɛ̃́ mia yé òó o kpóló kpɔ́ o mɔ̀ wɔ̃́ kɛɛ̀ káa ká. O fɔ̀ɔɔ̀ lɛ́ɛ̀ lo kɛɛ̀ à ká dìè-sì-gbùò ká. O dìè-tĩ́ zì zò-kṹ-wɔ̃̀ kɛ-lɔ̀ lɛ́ɛ̀ lo kpɔ́ɔ̀ o mɔ̀, wáà kã̀ Wálà zì lɔ̀ lɛ́ áá kpɔ́ɔ̀ o mɔ̀ɔ yee lɛ̀ɛ.

2 Témɔ́tè 3:4 Iomraidhean Croise

Àpɔ́sɔ̀lɔ̀ 19:36

Mi gbɛɛ lɛ̀ɛ́ bɛ̀i wɔ̃́ e kéa tèé ɓoò. À mɔ́ɔ̀ wɔ̃̀ mɔ̀ɔ, lɛ ka mɔ̀ ká ka lɛ̀à ga, yékɛ̀ ká wɔ̃́ kɛ kɔ̀ yí tíè-tíèe là ká.

Àpɔ́sɔ̀lɔ̀ 7:52

Dɔ̀-Wálà-lé-là-mìàa ye kpɛɛ̀ kpó-kpó lɛ́ ka dàa ye dàà nì òó gbaa sã̀ dɔ? Ɛ́ɛ̃́ o mia lɛ́ o Mi Kpeĩ nu-wɔ̃̀ gèe mɔ́ɔ, o o zɛ. Ka bɛ̃̀ɛ̃, mi lɛ́ e nu kília, kaà kɛ gbaa à lé-gó-mìà wà à zɛ-mìà ká.

Wólómà 11:20

Lɛ kíli. O o yɛ́ à mɔ̀, ɓii zò-dɔ̀à-mɔ̀ lɛ̀ɛ́ gbaa kɛ o yí. Kɛɛ ɓie i dɔɔ̀ lɛ i dɔ̀lɔ̀ mɔ̀, ɓii zò-dɔ̀à-mɔ̀ kɛ̀ i yía mɔ́ɔ̀ wɔ̃̀ mɔ̀. Kɛɛ yékɛ̀ í i dìè sí gbùò à mɔ́ɔ̀ wɔ̃̀ mɔ̀, kɛɛ ì túó.

Wólómà 16:18

Ƃii mia lɛ́ ò wɔ̃́ sùua nì kɛ̀ɛ, o wá yɛɓo kɛpìà Kɛ́lɛ̀ì ko Dàa-mì lɛ̀ɛ. Kɛɛ óò yɛɓo kɛ̀ pɛ lɛ́ à lɔ̀ lɛ o kɛpìàa lɛ̀ɛ. Óò mia lɛ́ òó wɔ̃́ yí dɔɔ bèkɛ̀ ɓo wè nɛ́ĩ́-nɛ̀ĩ̀ wà dɔ́ŋɔ́ yà mia lɛ̀ɛ wè gèeè ká.

1 Témɔ́tè 3:6

Yékɛ̀ é kɛ mi lɛ́ e e zò nìɛ̀ dɛɛ ká. Ƃii mí e kília fɔ̀ɔɔ̀ lɛ́ɛ̀ lo lèĩ kɛɛ̀á dìè-sì-gbùò ká, ɛ̃́ɛ̃́ mɛ̀ĩ́-sà lɛ́ɛ̀ lo káà à wĩĩ́, lɛ̀ zí e káá à ká Dɛ́ɓò wĩĩ́a lɛ́ ɓe.

1 Témɔ́tè 5:6

Kɛɛ gã̀ã lee yé è e dìè nɔ e dìè zò-kṹ-wɔ̃̀ kɛɛ̀ lɛ̀ɛ, à gaà lɛ, yé bɛ̃̀ɛ̃ lɛ tĩã́ kpóṹ làa ká.

1 Témɔ́tè 6:17

Mia lɛ́ o kɛɛ̀ lɛ kpànazɛ̀ pɔɔ̀ lɛ́ e kpóṹ là zèea káa, à gèe o lɛ̀ɛ yékɛ̀ ó o dìè sí gbùò. À gèe o lɛ̀ɛ pɛ́ o zò è bɛ̀i kɛɛ̀ à mɔ̀ɔ ye wá dɔ-pɔ̀ɔ̀ lɛ́ ìí à gò-i-kɛ̀lɛ̀ lùò dɔɔ ká. Kɛɛ Wálà lɛ́ è pɛ séĩ́ nɔ ko lɛ̀ɛ e yí gbùò zɛ̀ ká, tó à nyɔ́nɔ́ áà lò ko zò káa, lɛ́ lɛ o mɔ̀ o zò é kɛ à mɔ̀ɔ.

Zúdè 1:19

Gɔ̃à o kília lɛ́ ò mia fĩ̀ã̀ ɓoa. O mia ɓéèe ɓɔ̀ɔ ká. Gɛ̀ɛ̀ Púlúa wá o kɛ̀lɛ̀.

Zúdè 1:4

Ƃii mia lɛ́ òó Wálà sɔ̃̀ɔ̃ kɛɛ dò waà dà ko bà kpɔ̀lɔ̀ũ̀ le ko tií. Míá o kília óò wéé lɛ́ à gbɛ̃̀ɛ̃̀ lɛ Wálà zì zò-kɛ̀-sɛ̀ɛ mɔ̀ɔ là nìɛ̀, kɛɛ o wè-ɓò-yí-bà zì é kɛ ɓe o zì sɔ̃̀ɔ̃ yɔɔ mɔ́ɔ̀ wɔ̃̀ mɔ̀. Óò o wũ ɓo Zízɛ̀ Kɛ́lɛ̀ì lɛ́ e ko Wũ-là-mì wà ko Dàa-mì doóa káa mɔ́ɔ̀ wɔ̃̀ wì. Wálà kiia e mɛ̀ĩ́-sà lɛ́ à káà lɛ o wĩĩ́ gbaa wɔ̃̀ gèe mɔ́.