2 Témɔ́tè 3:2 - Wè-dɔ-wè Dɛɛ

² Mia óò lo à naà o dìè ká. Pɛlèe mɔ́ɔ̀ wɔ̃̀ lɛ́ɛ̀ lo diè o zò ká. Óò lo lé-gbùò-là kɛɛ̀, tó wáà o dìè sì gbùò. Óò lo kɛɛ̀ lé-kã́ zɛ̀. Òó wɔ̃́ ma o ye-mìà wè là. Òó mia zúo ɓo. Òó ló gbiniì Wálà lɛ̀ɛ.

2 Témɔ́tè 3:2 Iomraidhean Croise

Máfìù 15:6

À mɔ́ɔ̀ wɔ̃̀ mɔ̀ɔ, wɔ̃́ kɛ̀ ka mìà nì zì wɔ̃́ kɛ‐kɔ̀ kpáá yía, kaà à kɛ wɔ̃́ lɛ́ Wálà a gèea, aà kɛ fɛ́í‐fɛ̀ì gbaa.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 12:15

A gèe o séĩ́ o lɛ̀ɛ kélɛ̀, “Kà ka yɛ́lɛ́ kɛ ka dìè píé, ɛ̃́ɛ̃́ kà lɛ̀ gɛ̃̀ ka dìè là pɛ séĩ́ lɔ̀‐kpɔ̀ mi mɔ̀ mɔ́ɔ̀ wɔ̃̀ mɔ̀. Ƃii mi zì kɛ̀ɓe kpó‐kpó kɛɛ̀ wá pɔɔ̀ lɛ́ e i kɛ̀lɛ̀ɛ ká, yé bɛ̃̀ɛ̃ o kù lɛ gbùòa ká.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 16:14

Fálásíì‐mìà o wɔ̃́ e kéa séĩ́ ma. O gbɛ̃̀, wáà yéí sì Zízɛ̀ mɔ̀, ɓii pɛlèe lɔ̀ kpɔ́ɔ̀ e kɛá o mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 6:35

Kɛɛ ka dàa‐gbe lɔ̀ è kpɔ́ ka mɔ̀, káà wɔ̃́ yiè kɛ̀ o ká. Kà pɛ kèlè dɔ, yékɛ̀ ka zò é kɛ à sɔ̀lɔ̀ ɓoò mɔ̀ zeĩ́. Káà lo ka fɔ́nɔ́ kpànazɛ̀ síì à mɔ́ɔ̀ wɔ̃̀ mɔ̀. Ɛ́ɛ̃́ káà lo kɛɛ̀ Wálà lɛ́ lɛ pɛ séĩ́ làa, gbe nì ká. Ƃii lɛ́ɛ̀ zò yiè là kɛ̀ mia lɛ́ òó à zúo ɓoaò, e bɛ̀i, o yé o kɛ‐pɛ̀ wá sɛ̀ɛ o ká.

Àpɔ́sɔ̀lɔ̀ 5:36

Lúó dò káa, Túdà e ɓɔ, áà e dìè kɛ̀ mi kpànazɛ̀ dò ká. Lɛ̀ e kɛ kília, gɔ̃à lɛ́ o kɛ vɔ̀ kélɛ̀ mia wũ yììsɛ lɛ́ ɓea, o kɛ tò-à-píé-mìà ká. Kɛɛ wa zɛ, là tòà-píé-mìàa o wɛ̃̀ĩ gbaa, ɛ̃́ɛ̃́ à zì kɛ-wɔ̃̀ nì e kɛ gbaa wɔ̃́ fɛ́í-fɛ̀ì ká.

Wólómà 11:18

À mɔ́ɔ̀ wɔ̃̀ mɔ̀ɔ, yékɛ̀ í lé-gbùò-là kɛ à kɔ̀ yé à yɛ́ɛ̀ lɛɛ mɔ̀. Í lé-gbùò-là kɛ̀áa, ì à yí dɔ kélɛ̀ ɓi wáá ká kɛ í kɛ dɔpìà ɔ́lè-yìlìa gáná là, kɛɛ à ye lɛ́ yee è dɔ i làa.

2 Kɔ̀léĩ́tĩ̀ã̀ 5:15

E ga mia séĩ́ wɛ̃́ĩ̀ kɛɛ mia lɛ́ o ɓea, yékɛ̀ ó kɛ gbɛɛ ɓo ɓe o dìè lɛ̀ɛ, kɛɛ ó kɛ ɓe mi lɛ́ e ga, lɛ́ e wɛ̀lɛ̀ ga kɛ̀lɛ̀ o wɛ̃́ĩ̀a lɛ̀ɛ.

Fèlépĩ̀ã̀ 2:21

Mia yé o tóa séĩ́ o kɔ̀ wàà lɛ o dìè mɔ́ɔ̀ wɔ̃̀ yí, tó o kɔ̀ ɓoò lɛ wɔ̃́ ké yee à gbɛ̃̀ɛ̃̀ lɛ Zízɛ̀ Kɛ́lɛ̀ì mɔ̀ɔ wɔ̃̀ yí.

Kɔ̀lɔ́sĩã̀ 3:5

À mɔ́ɔ̀ wɔ̃̀ mɔ̀ɔ, lɛ ka mɔ̀ ká kpóṹ là zèe pɛ̀ lɛ́ e ka yía zɛ. O lɛ́ o kélɛ̀, sɔ̃̀ɔ̃ yɔɔ wà wɔ̃́ lilì kṹàa zɛ̀ kɛɛ̀, ɛ̃́ɛ̃́ wɔ̃́ kɛ-lɔ̀ lɛ́ è ka kɛ̀ɛ, e bɛ̀i, wɔ̃́ yɔɔ lɔ̀ lɛ́ à kpɔ́ɔ̀ lɛ ka mɔ̀ɔ, ɛ̃́ɛ̃́ zeĩ́, pɛ séĩ́ lɔ̀-kpɔ̀ ka mɔ̀. Ƃii pɛ séĩ́ lɔ̀-kpɔ̀ mi mɔ̀ lɛ nɔ́ kélɛ̀ gbìnì kɛ̀ɛ̀-wɛ́lɛ́ lɛ̀ɛ lɛ́ ɓe.

2 Tɛsàlónìà 2:4

Mí e kília lɛ́ɛ̀ lo gèlè gɔ̃ɔ̀ pɛ séĩ́ lɛ́ mia ò gbìnì à lɛ̀ɛ, ɛ̃́ɛ̃́ pɛ séĩ́ lɛ́ mia ò si Wálàa o ká. Lɛ́ɛ̀ lo e dìè kɛɛ̀ o séĩ́ o là, ɛ̃́ɛ̃́ tó e ló bɛ̃̀ɛ̃ sálà-ɓò-Wálà-lɛ̀ɛ-kà wì, tó e yà yi áà e dìè sì Wálà.

1 Témɔ́tè 1:20

Hàmìníà wà Ɛ́lèzánà o míá o kília o dò ká. Maà o nɔ gbaa Sétɔ̃̀ lɛ̀ɛ, kɛ ó wɔ̃́ dã́ à mɔ̀ kélɛ̀ ye wá kpeĩ kɛ ó wɔ̃́ yɔɔ gèe Wálà gbĩ mɔ̀.

1 Témɔ́tè 1:9

Kóò à yí dɔ kélɛ̀ òó gbaa lɔ́ɔ̀ɔ kɛ wɔ̃́ kpeĩ kɛ-mìà lɛ̀ɛ. Kɛɛ à kɛɛ̀ lɛ míá o kéa o lɛ̀ɛ. O lɛ́ o kélɛ̀, lɔ́ɔ̀-sìè-mìà, e bɛ̀i mia lɛ́ òó mia wéè kɛɛ, ɛ̃́ɛ̃́ zeĩ́ mia lɛ́ ò wɔ̃́ yɔɔ kɛ̀ Wálà gbĩ mɔ̀ɔ, e bɛ̀i kɛ-wɔ̃̀ yɔɔ kɛ-mìà, ɛ̃́ɛ̃́ mia lɛ́ o wá Wálà là mia nì ká, lɛ́ òó gbini à lɛ̀ɛ káa. O dò lɛ́ zeĩ́ e mia lɛ́ ò o dàa nì, ɛ̃́ɛ̃́ lèe nì zɛɛò, ɛ̃́ɛ̃́ mia zɛ-mìà,

1 Témɔ́tè 3:3

Yékɛ̀ é kɛ mi lɛ́ yɔ-yíí-mi wɔ̃̀ diè lɛ à zò káa ká. Yékɛ̀ é kɛ mi gana zɛ̀ ká. Kɛɛ è kɛ mi kpóló kpɔ̀ mɔ̀ zɛ̀, ɛ̃́ɛ̃́ zò-kũ̀-gé mì ká. Yékɛ̀ é kɛ mi lɛ́ pɛlèe wɔ̃̀ diè lɛ à zò káa ká.

1 Témɔ́tè 6:10

Wɔ̃́ yɔɔ̀ yɔɔ̀ kɛɛ̀ séĩ́ gã̀ gbɛ̃̀ɛ̃̀ lɛ pɛlèe zì lɔ̀-kɛ̀à-mɔ̀ lɛ́ e mia yía là. Nàà pɛlèe ká aà die mia gbṹũ̀ zò ká, ɛ̃́ɛ̃́ aà kɛ waà dà o gã̀ là, waà gó zò-dɔ̀à-mɔ̀ wɔ̃̀ɔ píé, ɛ̃́ɛ̃́ lɛ gbaa kélɛ̀ o zò píé aà wí zò-dà-zízàá búnùzɛ̀ ká.

1 Témɔ́tè 6:4

à fɔ̀ɔɔ̀ lɛ dìè-sì-gbùò ká. Ɛ́ɛ̃́ lɛ̀ɛ́ pɛ gbɛɛ dɔ. Wɔ̃́ kɛ-lɔ̀ yɔɔ yé à kɛ̀ tó ɓáà tèé dà, ɛ̃́ɛ̃́ ɓáà wéé-dɔ-wè gèè wéé doò do mɔ́ɔ̀ wɔ̃̀ mɔ̀ɔ, lɛ́ɛ̀ à kɛ̀. Tó wɔ̃́ e kéa kɛɛ̀ áà nù dàa-gbe-là, e bɛ̀i wéé dɔɔ̀, ɛ̃́ɛ̃́ lé-kã́ kɛɛ̀, e bɛ̀i, yɛ́lɛ́-táá yɔɔ̀ yɔɔ̀,

2 Témɔ́tè 3:4

Ɛ́ɛ̃́ zéniía, óò lo kɛɛ̀ mia lɔ̀ɔ̀-dɔ-mìà ɛ̃́ɛ̃́ mia yé òó o kpóló kpɔ́ o mɔ̀ wɔ̃́ kɛɛ̀ káa ká. O fɔ̀ɔɔ̀ lɛ́ɛ̀ lo kɛɛ̀ à ká dìè-sì-gbùò ká. O dìè-tĩ́ zì zò-kṹ-wɔ̃̀ kɛ-lɔ̀ lɛ́ɛ̀ lo kpɔ́ɔ̀ o mɔ̀, wáà kã̀ Wálà zì lɔ̀ lɛ́ áá kpɔ́ɔ̀ o mɔ̀ɔ yee lɛ̀ɛ.

Zĩ́ĩ̀ 2:8

Wálà kiia láà gèe kélɛ̀, “I yà-sɔ́nɔ́-mìà zì lɔ̀-kpɔ̀ i mɔ̀ɔ, lɛ à mɔ̀ é kɛ lɛ̀ zí i dìè lɔ̀ kpɔ́ɔ̀ lɛ à ká i mɔ̀ɔ lɛ́ ɓe.” Yé kaà ka Líé-sí-mì là lɔ́ɔ̀ e kéa kṹ tã́ã̀a, kɛ káà kɛ̀ sɛ̀.

Zĩ́ĩ̀ 4:16

Kɛɛ dɛɛ káa, dìè-sì-gbùò lɛ ka là, tó káà lé-gbùò-là kɛ̀. Lé-gbùò-là sùu e kília séĩ́ lɛ wɔ̃́ yɔɔ ká.

Zĩ́ĩ̀ 4:6

Kɛɛ zò-kɛ̀-sɛ̀ lɛ́ e Wálà kɛ̀lɛ̀ ko wɛ̃́ĩ̀a, lɛ dóo gágà é diá à là. À mɔ́ɔ̀ wɔ̃̀ mɔ̀ɔ, Wálà là kíía láà gèe kélɛ̀, “Wálà lɛ́ɛ̀ gèlè gɔ̃ mia lɛ́ ò o dìè si gbùòa ká. Kɛɛ zò-kɛ̀-sɛ̀ lɛ ɓe à kɛ̀lɛ̀ mia lɛ́ ò o dìè si péĩ́a wɛ̃́ĩ̀.”

1 Pílɛ̀ 5:5

Zi nɔ́ doóa káa, mia lɛ́ ka dɛɛ, lɛ à mɔ̀ ká ka dìè kɛ mia dìè-dìè vɔ̀ɔ wì. Lɛ ka séĩ́ ka mɔ̀ ká dìè-sì-péĩ́ sɔ̀ dà ka mɔ̀ ka kíe nì mɔ́ɔ̀ wɔ̃̀ mɔ̀. Ƃii, “Wálà lɛ́ɛ̀ gèlè gɔ̃ mia lɛ́ ò o dìè si gbùòa ká, kɛɛ zò-kɛ̀-sɛ̀ lɛ ɓe à kɛ̀lɛ̀ mia lɛ́ ò o dìè si péĩ́a wɛ̃́ĩ̀.”

2 Pílɛ̀ 2:10

Kɛɛ mia kpó-kpó lɛ́ è o to wáà wàa ɓèlèa, o lɛ́ o mia lɛ́ wɔ̃́ lilì kṹã̀a zɛ̀ kɛ-lɔ̀ è o gbĩ-kpàla kɛ̀, tó wáà kɛ̀ɛ káa. Ɛ́ɛ̃́ o nyìɛ fɔ̃́ɔ̃̀ lɛ Wálà là yíkɛ̀ gáàa yí. Pɛ-zɔ̃̀ɔ̃̀-mìà nɛ̀ zɛ̀ o kéa òó túó, ɛ̃́ɛ̃́ óò o dìè si gbùò. Òó ɓɛ̀lɛyà nɔ mia lɛ́ o lɛ̀ fɔ̀nɔɔ̀ɔ yí lɛ̀ía lɛ̀ɛ. Kɛɛ óò lé-kã́ kɛ̀ o mɔ̀.

2 Pílɛ̀ 2:12

Míá o kília, óò wɔ̃́ kɛ̀ lɛ̀ wìì vɔ̀ lɛ́ òó o yɛ́lɛ́ tááa lɛ́ ɓe. Ɛ́ɛ̃́ o zeĩ́ kélɛ̀ wìì vɔ̀ lɛ́ o yeè lɛ kɛ ó o kṹ wáà o zɛ̀ɛ lɛ́ ɓe. Óò wɔ̃́ yɔɔ gèe wɔ̃́ lɛ́ òó à yí maa gbĩ mɔ̀. Óò lo o yí sìè lɛ̀ zí ò wìì yí sìèáa lɛ́ ɓe.

2 Pílɛ̀ 2:18

Óò lé-gbùò-là kɛ̀, tó wáà wéé wũ-nyɛ̀à-mɔ̀ zɛ̀ gèè. Óò wɔ̃́ yɔɔ kɛ-lɔ̀ lɛ́ è mia gbĩ-kpàla kɛ̀ɛ si, tó wáà zi nàà à ká mia mɔ̀. Míá ò kɛ̀ o ká kília, o lɛ́ o mia lɛ́ o gópìà gbaa mia lɛ́ o ɓe wɔ̃́ nì lɛ́ ye wá kpeĩa bàa káa.

2 Pílɛ̀ 2:3

Pɛ séĩ́ lɔ̀-kpɔ̀-o-mɔ̀ɔ lɛ́ɛ̀ lo à kɛɛ̀, tó wáà pɛ sɔ̀lɔ̀ ɓò wéé lɛ́ ye wá wánà zɛ̀ɛ, gèè ka lɛ̀ɛ kolo là. Waà mɛ̀ĩ́-sà lɛ́ ò lo à dɔɔ̀ o mɔ̀ɔ pɛ̀ kɛ mɔ́ pɛ́lɛ̀, ɛ̃́ɛ̃́ pɛ lɛ́ è lo o yí sìèa yàà lɛ e nyìɛ́.

Zúdè 1:16

Gɔ̃à o kília óò o wè kpɔ tó wáà mia gbɛɛ gã̀ nàà. Óò to wɔ̃́ kɛ-lɔ̀ yɔɔ lɛ́ è o kɛ̀ɛ píé. Óò lé-gbùò-là kɛ̀ o dìè mɔ́ɔ̀ wɔ̃̀ mɔ̀. Ɛ́ɛ̃́ óò lé nɛ́ĩ́-nɛ̀ĩ̀ là kɛ̀ kɛ ó pɛ lɛ́ ò nàáa sɔ̀lɔ̀ ɓo.

Wɛ̀lɛ̀vèlésɔ̃̀ 13:1

M luú-wìì dò gɛ̃̀ áà gò mɛ̀ĩ́ bà. À ɓé e kɛ à wĩĩ́ vũ̀ doó. À wũ-kèlè e kɛ sálápèèlɛ. Zòlò e kɛ à ɓé mɔ̀ doó doó. Tɔ́ yɔɔ̀ yɔɔ̀ bɛ̃̀ɛ̃ɛ̃̀ e kɛá à wũ-kèlè mɔ̀ déĩ́ le.

Wɛ̀lɛ̀vèlésɔ̃̀ 16:11

O Wálà lɛ́ e lɛ̀ía tɔ́ sí ɓa wà wàa lɛ́ e kɛ o mɔ̀ɔ mɔ́ɔ̀ wɔ̃̀ mɔ̀. Kɛɛ òó gbaa o kɛ-wɔ̃̀ yɔɔ lɛ́ o kɛ à kɛpìàa mɛ́ vɔ̀ɔ.

Wɛ̀lɛ̀vèlésɔ̃̀ 16:21

Laa-wɛ́lɛ́ gɛ̀lɛ̀ kpùlù lɛ́ à doó pã́ã́ũ̀ è bɛ̀i à mɔ̀ é kɛ wũ doóa, e gó lɛ̀í áà dà mia là. Mia o Wálà tɔ́ sí mia sã̀-dɔ-pɛ̀ lɛ́ e laa-wɛ́lɛ́ kpùlù e kília káa mɔ́ɔ̀ wɔ̃̀ mɔ̀, ɓii mia sã̀-dɔ-pɛ̀ e kília e kɛ dóo yɔɔ.

Wɛ̀lɛ̀vèlésɔ̃̀ 16:9

Mia o gélé lɛ̀-tíèe sùu e kília ká. Yé e kɛ kília, o Wálà lɛ́ yíkɛ̀ gáàa lɛ à kɛ̀lɛ̀ mia sã̀-dɔ-pɛ̀ séĩ́ lɛ́ e kília làa wa tɔ́ sí. Kɛɛ òó gbaa o sɔ̃̀ɔ̃ yɔɔ mɛ́ vɔ̀ɔ kɛ ó à tɔ́ ɓɔ.