2 Témɔ́tè 3:16 - Wè-dɔ-wè Dɛɛ

¹⁶ Pɛ séĩ́ lɛ́ à bɛ̃̀ɛ̃ɛ̃̀ lɛ Wálà kii yía, Wálà lɛ́ e à dà mia zò píé kɛ ó bɛ̃̀ɛ̃. Kíí e kília lɛ sɛ̀ wɔ̃́ nì e kéa wɛ̃́ĩ̀. Óò wánà-wɔ̃̀ zɔ̃̀ɔ̃̀ mia lɛ̀ɛ à ká, e bɛ̀i óò wɔ̃́ niàa lɛ́ mia waà kɛɛ, zɔ̃̀ɔ̃̀ o lɛ̀ɛ à ká. Ɛ́ɛ̃́ zeĩ́, óò mia gbɛ̃̀ zuú à ká, e bɛ̀i, zi lɛ́ mia wáá kɛɛ̀á ɓe kpeĩ lea, óò zɔ̃̀ɔ̃̀ à ká mia lɛ̀ɛ.

2 Témɔ́tè 3:16 Iomraidhean Croise

Máfìù 13:52

Zízɛ̀ a gèe o lɛ̀ɛ, “À mɔ́ɔ̀ wɔ̃̀ mɔ̀ɔ, Wálà kii‐dɔ‐mì nɔ́ɔ fé lɛ́ aà kɛ gbaa tòà‐píé‐mì ká, lɛ́ Wálà lɛ́ e lɛ̀ía tóò lɛ gbaa à làa, lɛ kélɛ̀ ká dàa‐mì lɛ́ è pɛ dɛɛ wà pɛ zii o ɓo là pɔɔ̀ káápìàa lɛ́ ɓe.”

Máfìù 21:42

Zízɛ̀ a gèe o lɛ̀ɛ, “Wɔ̃́ lɛ́ Wálà là kíía à gèea, kàá wɔ̃̀ gèe do? Ye lɛ́ e kélɛ̀, ‘Gɛ̀lɛ̀ lɛ́ ká dɔ‐mìà wa dà o kɔ̀ mɛ̀ĩ́a, aà kɛ gbaa gɛ̀lɛ̀ kpànazɛ̀ ká, é dieá gɛ̀lɛ̀ séĩ́ là. Wɔ̃́ e kéa, ko Dàa‐mì lɛ́ e à kɛɛ. Lɛ wɔ̃́ kpàlézɛ̀ ká ko lɛ̀ɛ.’

Máfìù 22:43

Zízɛ̀ a gèe o lɛ̀ɛ, “Mɛ́ e kɛ mɔṹ lɛ́ Wálà là Gɛ̀ɛ̀ Púlú e kɛ Dèɓé píé, tó Dèɓé áà sì m Dàa‐mì? Ƃii Dèɓé a gèe kélɛ̀,

Máfìù 26:54

Kɛɛ yé aà kɛ kília, zi sùu kpɛɛ̀ lɛ́ mɔṹ Wálà kii lɛ̀ yé e à gèe lɛ à mɔ̀ wɔ̃́ e kéa é kɛ m káa, è lo kɛɛ̀á wánà zɛ̀?”

Máfìù 26:56

Kɛɛ wɔ̃́ nì e kéa séĩ́ lɛ́ɛ̀ kɛ̀, kɛ wɔ̃́ lɛ́ dɔ̀‐Wálà‐lé‐là‐mìàa wa bɛ̃̀ɛ̃ Wálà‐kiia yía, é kɛ wánà zɛ̀.” Lɛ̀ e kɛ kília, là tòà‐píé‐mìàa séĩ́ o kã́ à mɔ̀, wáà wà ló ɓò.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 12:24

Zízɛ̀ a gèe o lɛ̀ɛ, “Pɛ́ e kɛ lɛ́ ka wɔ̃́ niì lɛɛ, ḿ gɔ̃̀, ye lɛ́ e kéa? Ye lɛ́ɛ kélɛ̀ kàá Wálà kii dɔ, ɛ̃́ɛ̃́ kàá Wálà là yíkɛ̀ gáàa wɔ̃̀ yí dɔ.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 12:36

Wálà là Gɛ̀ɛ̀ Púlú e kɛ Dèɓé píé, lɛ̀ lɛ́ Dèɓé e wɔ̃́ nì e kéa gèea ká. Wɔ̃́ɔ lɛ́ e kélɛ̀, ‘Kɔa Dàa-mì a gèe m Dàa-mì lɛ̀ɛ weeá kélɛ̀, Ì yà m kɔ̀ yiè yí, é tó à ká kíli ḿ mia lɛ́ ò gèlè gɔ̃ i káa, wàà i gã̀ wì.’

Zɔ̃̀ɔ̃́ 10:35

Kóò à yí dɔ kélɛ̀ wɔ̃́ lɛ́ Wálà kiia à gèea lɛ wánà zɛ̀ tòá kíli ká. Ɛ́ɛ̃́ Wálà e mia lɛ́ e e lé-wè nɔ o lɛ̀ɛ sí wálà vɔ̀.

Zɔ̃̀ɔ̃́ 3:20

Mi nɔ́ɔ fé lɛ́ è kɛ-wɔ̃̀ yɔɔ kɛ̀ɛ, lɛ̀ fɔ̀nɔɔ̀ɔ lɔ̀ nyɛɛ̀ lɛ à mɔ̀. Ɛ́ɛ̃́ lɛ̀ɛ́ nu lɛ̀ fɔ̀nɔɔ̀ɔ mɔ̀, ɓii làá naa à zì kɛ-wɔ̃̀ yɔɔ é dà wáà-là.

Àpɔ́sɔ̀lɔ̀ 1:16

“M lèe-gé vɔ̀, wɔ̃́ lɛ́ à bɛ̃̀ɛ̃ɛ̃̀ lɛ Wálà là kíía yí kélɛ̀ lɛ́ɛ̀ lo kɛɛ̀ɛ, e kɛ à mɔ̀ é kɛ. Wɔ̃́ e kília lɛ́ e wɔ̃́ lɛ́ Gɛ̀ɛ̀ Púlú e dɔ Dèɓé yí mɔ́, lɛ́ a gèe, lɛ́ à gbɛ̃̀ɛ̃ɛ̃̀ lɛ Zúdà mɔ̀ɔ káa. Zúdà e kília lɛ́ e kɛ mia lɛ́ o Zízɛ̀ kṹa, o líé-sí-mì káa.

Àpɔ́sɔ̀lɔ̀ 18:25

Aà wɔ̃́ lɛ́ à gbɛ̃̀ɛ̃̀ lɛ ko Dàa-mì là Zía mɔ̀ɔ, dã́ do e yiè ká. E wé gèe fã̀ã́-wàà kpó-kpó ká, áà wɔ̃́ lɛ́ à gbɛ̃̀ɛ̃̀ lɛ Zízɛ̀ mɔ̀ɔ, zɔ̃̀ɔ̃̀ mia lɛ̀ɛ kpeĩ le. É kɛ bɛ̃̀ɛ̃ kília, mia bàtáì-kɛ-wɔ̃̀ yé a yí dɔɔ, lɛ́ nɔ́ e kɛ Zɔ̃̀ɔ̃́ zìa káa.

Àpɔ́sɔ̀lɔ̀ 20:20

Káà yí dɔ kélɛ̀ m̀ḿ gbaa gbũ̀-ka-mɔ̀ pɛ̀ nɔ́ɔ fé bĩ̀ĩ̀ ka mɔ̀ lɛ̀ m kɛ wɔ̃́ gèepìà, tó máà pɛ zɔ̃̀ɔ̃̀ ka lɛ̀ɛ mia nyìɛ mɔ̀, ɛ̃́ɛ̃́ ka dìè-tĩ́ ka píé kɛ́ì píéa ká.

Àpɔ́sɔ̀lɔ̀ 20:27

Ƃii m̀ḿ gbaa m dìè tèá wɔ̃́ séĩ́ lɛ́ Wálà aà yà e gé á kɛɛ, gèeè mɔ̀ ka lɛ̀ɛ.

Àpɔ́sɔ̀lɔ̀ 28:25

Lɛ̀ e kɛ kília, o gó yi wáà lò wéé kũ̀á sí o kíe lé. O gó yi lɛ̀ lɛ́ Pɔ́ɔ̀ e wɔ̃́ doó e kéa gèea ká. Ye lɛ́ e kélɛ̀, “Lɛ̀ lɛ́ Gɛ̀ɛ̀ Púlú e kpɔ́ dɔ̀-Wálà-lé-là-mì Ààzáyà yí, lɛ́ e kɛ mɛ́ĩ́ ɓopìà ka dàa ye dàà nì lɛ̀ɛ, e kɛ à mɔ̀ á gèe o lɛ̀ɛ kíli.

Wólómà 15:4

Pɛ séĩ́ lɛ́ à bɛ̃̀ɛ̃ɛ̃̀ e kɛá mɔ́ Wálà là kíía yía, à bɛ̃̀ɛ̃ɛ̃̀ e kɛá kɛ é wɔ̃́ zɔ̃̀ɔ̃̀ ko lɛ̀ɛ, kɛɛ pɛ é kɛ ɓe kó ko zò kɛ à mɔ̀, zò-kũ̀-tã́ã̀ wà fã̀ã́-wàà lɛ́ Wálà zì kíía à nɔ ko lɛ̀ɛ kolo là zàá.

Wólómà 2:20

I wɔ̃́ kɛ-zì zɔ̃̀ɔ̃̀-mì ká mia bè zɛ̀ lɛ̀ɛ. I pɛ-zɔ̃̀ɔ̃̀-mì ká nɔ́ɔ̀ɓé lɛ̀ɛ. Ƃáà yí dɔ Lɔ́ɔ̀ e kília yía, wɔ̃́ yí-dɔ-kɔ̀ wà wánà-wɔ̃̀ o lɛ̀ kpànazɛ̀ pìà lɛ yí i lɛ̀ɛ.

Wólómà 3:2

M̀m̀, wɔ̃́ e kília, o yí lɛ o mɔ̀ kpànazɛ̀ zi nɔ́ɔ fé ká. Bèĩzɛ̀ɛ, Wálà e e lé-wè kpɔ́ Zúù-mìà kɔ̀ là.

Wólómà 4:23

À sí lɛ́ Wálà a ɓo é kɛ mi kpeĩ káa, à bɛ̃̀ɛ̃ɛ̃̀ lɛ̀ɛ́ gbaa kɛ à ká à doó lɛ̀ɛ.

1 Kɔ̀léĩ́tĩ̀ã̀ 12:7

Gɛ̀ɛ̀ Púlú zɔ̃̀ɔ̃̀ lɛ mia yí o tɔ̀ là doò do mia séĩ́ zì wɔ̃́ yiè wɛ̃́ĩ̀.

Gɛ̀lésìà 3:8

Wálà kiia a zɔ̃̀ɔ̃̀ bèĩzɛ̀ mɔ́ kélɛ̀ Wálà lɛ́ɛ̀ lo sɛ́lɛ́ gbɛɛ yí-mìà kɛɛ̀ kpeĩ e dìè lɛ̀ɛ o zì zò-dɔ̀à-mɔ̀ kolo là zàá. Lɛ̀ e kɛ kília, Wálà kiia e wɔ̃́ làṹ yièa gèe mɔ́ bèĩzɛ̀ Éɓɔ́lɔ́hã́ã̀ lɛ̀ɛ weeá kélɛ̀, “Mia séĩ́ lɛ́ o kpóṹ làa, Wálà lɛ́ɛ̀ lo lúà kpɔ́ɔ̀ o mɔ̀ i tɔ́ yí zàá.”

2 Témɔ́tè 2:25

Yé à nàà é mia lɛ́ ò gèlè gɔ̃ à káa gbɛ̃̀ zuúa, lɛ à mɔ̀ é e kpóló kpɔ́ e mɔ̀ à kɛɛ̀ yí. À gbú lɛ yía, Wálà lɛ́ɛ̀ lo zi kɛɛ̀ ɓe o lɛ̀ɛ kɛ ó o sɔ̃̀ɔ̃ yɔɔ mɛ́ vɔ̀ɔ, kɛ ó kɛ gbaa wánà-wɔ̃̀ dɔ-mìà ká.

2 Témɔ́tè 4:2

ì Wálà là wééa gèe lòũ̀ ká. Ì à gèe téé-tèè, yé bɛ̃̀ɛ̃ lúó e kília lɛ sɛ̀ ɛ̃́ɛ̃́ ye wá sɛ̀ɛ ká. Ì à kɛ mia ó wéé i wéè mɔ̀. Ì mia gbɛ̃̀ zuú. Ì à kɛ mia fã̀ã́ é wàà. Ì pɛ zɔ̃̀ɔ̃̀ ɓáà i zò kũ̀ i gé à kɛɛ̀ yí teele.

Hííbúlù 11:1

Zò-dɔ̀à-mɔ̀ kɛ̀ mi yí lɛ́ e kélɛ̀, kóò à yí dɔ kélɛ̀ pɛ lɛ́ ko zò lɛ à mɔ̀ɔ lɛ ɓe, ɛ̃́ɛ̃́ ko zò lɛ pɛ lɛ́ kòó gɛ̃̀ɛ̃ mɔ̀ kpó-kpó ɓo.

Hííbúlù 3:7

Lɛ̀ wɔ̃́ nì e kéa lɛ kília, Gɛ̀ɛ̀ Púlú a mɔ́ɔ̀ à gèe ɓo kélɛ̀, “Yé kaà Wálà wéè ma pɛ́nɛɛ,

Hííbúlù 4:12

Wálà lé-wè lɛ ɓéèe, ɛ̃́ɛ̃́ wésá-wèsà. Lɛ líé-líé zɛ̀ é diá gèlè-gɔ̃-làà lé pèèlɛ zɛ̀ nɔ́ɔ fé là. Lɛ́ɛ̀ mia kã, áà lò mi yí, tó áà mi zò wà mi gɛ̀ɛ̀ o ɓò e kíe mɔ̀, ɛ̃́ɛ̃́ zeĩ́, lɛ́ɛ̀ lɛ̀ lɛ́ mi wɛ́lɛ́ è gbɛ̃̀ e kíe mɔ̀ yi, ɛ̃́ɛ̃́ lɛ̀ lɛ́ mi wɛ́lɛ́ yí-nyɔ́nɔ́ lɛ yía, lɛ́ɛ̀ o ɓo o kíe mɔ̀. E bɛ̀i, lɛ́ɛ̀ i zò-píé-wɔ̃̀, ɛ̃́ɛ̃́ i zò nàà-ká-wɔ̃̀ yí gɛ̃̀.