2 Témɔ́tè 3:15 - Wè-dɔ-wè Dɛɛ

¹⁵ Ɛ́ɛ̃́ é kã́ lúó lɛ́ i kɛá nɛ́fú káa mɔ̀, é ɓɔá pɛ́nɛɛ mɔ̀ɔ, íì à yí dɔ kélɛ̀ ɓaà Wálà là kiia dɔ. Ƃɛ̀i lɛ Wálà là kii e kília mɔ̀ kɛ é gíkã́ lɛ́ è lo i ká la-zì píéa nɔ i lɛ̀ɛ. La-ɓo e kília ɓáà sɔ̀lɔ̀ ɓo zò-dɔ̀ Kɛ́lɛ̀ì Zízɛ̀ mɔ̀ kolo là zàá.

2 Témɔ́tè 3:15 Iomraidhean Croise

Máfìù 22:29

Zízɛ̀ e o wéè yí zṹ weeá kélɛ̀, “Kaà wɔ̃́ ni, ɓii kàá Wálà kii dɔ, ɛ̃́ɛ̃́ kàá Wálà là yíkɛ̀ gáàa wɔ̃̀ yí dɔɔ mɔ́ɔ̀ wɔ̃̀ mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 1:15

Lɛ́ɛ̀ lo kɛɛ̀ gɔ̃ kpànazɛ̀ ká ko Dàa‐mì wɛlɛ mɔ̀. Yékɛ̀ é wã́ã́ĩ̀ ɛ̃́ɛ̃́ yɔ mɛ́ gágà zɛ̀ mi. À zì ye‐lùò téé‐tèè káa, à paà lɛ́ɛ̀ lo kɛɛ̀ à ká Gɛ̀ɛ̀ Púlú ká.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 2:40

Nɛ́fúa e fàa, ɛ̃́ɛ̃́ à mɛ́ e kɛ gágà. À paà e kɛá gíkã́ ká. Wálà là lúà e kɛ à là.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:27

Lɛ̀ e kɛ kília, Zízɛ̀ e wɔ̃́ lɛ́ à gbɛ̃̀ɛ̃̀ lɛ à mɔ̀, lɛ́ à bɛ̃̀ɛ̃ɛ̃̀ lɛ Wálà là kíía séĩ́ yía a yí ɓo o lɛ̀ɛ. E gbɛ̃̀ Móózè wà dɔ̀‐Wálà‐lé‐là‐mìà séĩ́ wà kíía là.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:32

Wa gèe o kíe nì lɛ̀ɛ, “Lɛ̀ ko kɛ zi là, tó áà wɔ̃́ gèè, ɛ̃́ɛ̃́ áà Wálà kiia yí ɓò ko lɛ̀ɛ, ḿ gɔ̃̀, e kɛ lɛ̀ pɛ lɛ́ tíé lɛ kṹpìà ko zò píé?”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:45

Lɛ̀ e kɛ kília, e o wũ‐kèlè yí kɛ sɛ̀, kɛ ó Wálà kiia yí ma.

Zɔ̃̀ɔ̃́ 5:47

Kɛɛ yé mɔṹ kàá wɔ̃́ lɛ́ a bɛ̃̀ɛ̃ gɛ̃̀ wánà káa, zi kpɛɛ̀ lɛ́ kà bɛ̀i wɔ̃́ lɛ́ ma gèea gɛ̃̀á wánà ká?”

Àpɔ́sɔ̀lɔ̀ 10:43

Dɔ̀-Wálà-lé-là-mìà séĩ́ o kélá-wè ɓo áà gbɛ̃̀á à mɔ̀, wáà gèè kélɛ̀ mia séĩ́ lɛ́ ò lo o zò dɔɔ̀ à mɔ̀ɔ, o kɛ-wɔ̃̀ yɔɔ lɛ́ɛ̀ lo ɓoò o wũ mɔ̀ à tɔ́ yí zàá.”

Àpɔ́sɔ̀lɔ̀ 13:29

Lɛ̀ lɛ́ o wɔ̃́ séĩ́ lɛ́ Wálà kiia a gèe é gbɛ̃̀á à mɔ̀ɔ, o nyɛ à kɛɛ̀ mɔ̀ɔ, o à ɓeí gbaa kɔ́lɔ́sì mɔ̀, o ló wa bĩ̀ĩ̀.

Àpɔ́sɔ̀lɔ̀ 16:1

Pɔ́ɔ̀ nì o ló zeĩ́ Dábè wà Lísà. Tò-Zízɛ̀-píé-mì yé ò si Témɔ́tèa, e kɛ à lɛ̀ mɔ̀. À lòóò e kɛ Zúù mi lɛ́ à zò dɔɔ̀ e kɛá Zízɛ̀ mɔ̀ɔ ká. Kɛɛ à dàa e kɛ Gílíì mi ká.

Àpɔ́sɔ̀lɔ̀ 17:2

Pɔ́ɔ̀ e ló Zúù-mìà zì Wálà-kà e kília wì, ɓii e kɛ à zì wɔ̃́ kɛ-kɔ̀ ká e zì kɛ̀ɓe là. E kɛ yí fĩ́ĩ́-dɔ-lùò yààka píé, áà pɛ zɔ̃̀ɔ̃̀ míá o kɛ yía o lɛ̀ɛ, áà gbɛ̃̀á wɔ̃́ lɛ́ lɛ Wálà là kiia yía mɔ̀.

Àpɔ́sɔ̀lɔ̀ 26:24

Lɛ̀ Pɔ́ɔ̀ e kɛ dɔpìà e dìè mɔ́ɔ̀ wɔ̃̀ yí gágà zi sùu e kéa káa, Fɛ́sɔ̀ e gbɛ́ɛ́ à là weeá kélɛ̀, “Pɔ́ɔ̀. I wũ-kèlè yí aà nìɛ̀. I kii dɔɔ̀ lɛ nyɔ́ɔ̀ɔ. Ye lɛ́ è i wũ-kèlè yí nìɛ̀ ɓɛ.”

Wólómà 1:2

Wɔ̃́ làṹ yiè e kília, Wálà aà e wè dɔ à ká mɔ́ pɛ́lɛ̀, áà kàà là dɔ̀à-lé-là-mìà lé, wáà gèè là kíía yí.

Wólómà 16:26

Kɛɛ wɔ̃́ e kília aà dà gbaa wáà-là kii lɛ́ dɔ̀-Wálà-lé-là-mìà wa bɛ̃̀ɛ̃ kolo là zàá. Ɛ́ɛ̃́ tòá-kíli Wálà zì wɔ̃́ gèè mia lɛ̀ɛ wáà kɛ̀ kolo là zàáa, sɛ́lɛ́ séĩ́-séĩ́ yí-mìà óò à wɔ̃̀ yí dɔ, kɛɛ zò-dɔ̀à-mɔ̀ é kɛ mia séĩ́-séĩ́ yí wáà Wálà wéè kɛ̀.

Wólómà 2:27

Mia lɛ́ òó gbaa bɔ̃́ɔ̃́ kpó-kpó sí lɛ́ ò Lɔ́ɔ̀ɔ kũ tã́ã̀a, óò lo mɛ̀ĩ́-sà káà i wĩĩ́. Ƃii Lɔ́ɔ̀ɔ bɛ̃̀ɛ̃ɛ̃̀ɛ zɛ̀ lɛ i kɛ̀lɛ̀, ɛ̃́ɛ̃́ i bɔ̃́ɔ̃́ síì lɛ, kɛɛ íì Lɔ́ɔ̀ɔ sìè.

1 Kɔ̀léĩ́tĩ̀ã̀ 1:21

Ƃii Wálà zì gíkã́ a kɛ, bɛ̀i wá kpóṹ là zèe mìà mɔ̀ ó à dɔ o zì gíkã́ kolo là zàá. Kɛɛ Wálà yee gé lɛ́ɛ̀ li é mia lɛ́ zò-dɔ̀à-mɔ̀ lɛ o yía la, wɔ̃́ yí gíniìa zɛ̀ lɛ́ kò gèe o lɛ̀ɛ lòũ̀ káa kolo là.

Ìfísɔ̃̀ 6:4

Míá ka nɛ́-ye-gɔ̃̀ã̀ ká ɓɛ, yékɛ̀ ká wɔ̃́ kɛ kà nɔ́ɔ̀ nì ká, zi lɛ́ wɔ̃́ è bɛ̀i à mɔ̀ é o wàa à káa píé. Kɛɛ kà o tòlò o kũ̀ gágà wà wɔ̃́ kɛ-zì zɔ̃̀ɔ̃̀ o lɛ̀ɛ ká ko Dàa-mì yí zàá.

1 Témɔ́tè 4:13

Ì i yɛ́lɛ́ kɛ Wálà là kíía gèeè mia nyìɛ mɔ̀, e bɛ̀i, wɔ̃́ gèè ɛ̃́ɛ̃́ pɛ zɔ̃̀ɔ̃ɔ̃̀ ká é tóá kíli ḿ nu.

2 Témɔ́tè 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Lɛ kíli kɛ ḿ kɛ̀ɓe lɛ́ aà e wè dɔá mia lɛ́ wà Kɛ́lɛ̀ì Zízɛ̀ nì o doóa lɛ̀ɛ wɔ̃̀ gèe.

2 Témɔ́tè 1:5

M zò vùò lɛ i zì zò-dɔ̀à-mɔ̀ wánà zɛ̀ ɓɛ ká. Zò-dɔ̀à-mɔ̀ doó e kília lɛ́ e kɛ i lòóò lɛ́ ò si Yúnè, e bɛ̀i à zì lòóò lɛ́ ò si Lóɛ̀ɛ yía. Ḿm̀ à yí dɔ kélɛ̀ lɛ ɓi bɛ̃̀ɛ̃ i yí nɔ́ kíli.

2 Pílɛ̀ 3:16

Wɔ̃́ lɛ́ a gèe là kii lɛ́ a bɛ̃̀ɛ̃ séĩ́ yí lɛ̀ e kii bɛ̃̀ɛ̃ wɔ̃́ e kéa mɔ̀ɔ lɛ́ ɓɛ. Wɔ̃́ yí-maà-gágà zɛ̀ dò lɛ là kíía yí, ɛ̃́ɛ̃́ mia yé òó wɔ̃́ nɔ́ɔ fé yí dɔɔ, wà o yé o dɔɔ̀ wá o dɔ̀lɔ̀ doó mɔ̀ɔ, óò o yí ɓo nɛ̀ ká lɛ̀ zí ò kɛ̀á Wálà kiia yé e tóa káa lɛ́ ɓe. Zí e kéa káa, óò nu o dìè yí-sìè-wɔ̃̀ ká o dìè mɔ̀.

Wɛ̀lɛ̀vèlésɔ̃̀ 19:10

M pèlè gbaa à gã̀ dṹɔ̃̀ kɛ ḿ gbini à lɛ̀ɛ. Kɛɛ a gèe m lɛ̀ɛ, “Yékɛ̀ ɓá kɛ kíli. Zí nɔ́ kà i lèe-gé vɔ̀ lɛ́ ò Zízɛ̀ là kélá-wè ɓoa ka à ká yɛɓo-kɛ-mìà káa, zí nɔ́ doóa lɛ́ m à káa. Ì gbini Wálà lɛ̀ɛ.” Ƃii zí nɔ́ Wálà è wɔ̃́ kàà à ká là dɔ̀-lé-là-mìà léa, zí nɔ́ doóa lɛ́ è wɔ̃́ kàà à ká Zízɛ̀ là kélá vɔ̀ léa.