2 Témɔ́tè 3:14 - Wè-dɔ-wè Dɛɛ

¹⁴ Kɛɛ ɓi yee, ì kùnù wánà-wɔ̃̀ lɛ́ wa zɔ̃̀ɔ̃̀ i lɛ̀ɛ, lɛ́ ɓa gɛ̃̀ wánà ká kpó-kpó ɓoa mɔ̀, ɓáà lòá i líé. Mia lɛ́ ɓa dã́ o wìa, íì o dɔ.

2 Témɔ́tè 3:14 Iomraidhean Croise

Àpɔ́sɔ̀lɔ̀ 17:31

Ƃii aà lúó lɛ́ è lo mɛ̀ĩ́-sà dɔɔ̀ à ká kpeĩ le kpóṹ là zèe mìà séĩ́ mɔ̀ɔ kpɔ́. Lɛ́ɛ̀ lo kpɔ́ɔ̀ mi lɛ́ aà sía yí zàá, tó a kɛ. Aà zɔ̃̀ɔ̃̀ mia séĩ́ lɛ̀ɛ kélɛ̀ wɔ̃́ e kéa lɛ́ɛ̀ lo kɛɛ̀ wánà ká mí e kília wɛ̀lɛ̀-ga-kɛ̀lɛ̀ ká.”

Wólómà 14:5

Mi dò lɛ́ɛ̀ e yɛ́lɛ́ tàà kélɛ̀ lúó dò lɛ kpànazɛ̀ à lɛ̀ɛ, é diá à yé e tóa là. Tó mi dò bɛ̃̀ɛ̃ zì yɛ́lɛ́-táá yía, lɛ́ɛ̀ à zɔ̃̀ɔ̃̀ à lɛ̀ɛ kélɛ̀ lúó séĩ́ lɛ nɔ́ doó. Lɛ sɛ̀ mia séĩ́ ó wɔ̃́ lɛ́ ò lo o yɛ́lɛ́ táà yía yà o gé dóo gágà.

Kɔ̀lɔ́sĩã̀ 2:2

Ḿm̀ kɛ̀ kíli kɛɛ ḿ fã̀ã́-wàà nɔ o zò lɛ̀ɛ, ɛ̃́ɛ̃́ kɛ ó nɔ̀ɔ̀ o kíe nì mɔ̀ lɔ̀-kɛ̀à-mɔ̀ yí, ɛ̃́ɛ̃́ kɛ o zì wɔ̃́-yí-dɔ̀ wánà ká lɛ́ wɔ̃́ yí-ma-kɔ̀ wánà zɛ̀ è nu à káa, kɛ é kɛ o yí gbùò. Yé aà kɛ kília, óò lo Wálà là wɔ̃́ lɛ́ à bĩ̀ĩĩ̀ e kɛáa dɔɔ̀. Wɔ̃́ e kília lɛ́ e Kɛ́lɛ̀ì dìè-tĩ́ káa.

1 Tɛsàlónìà 1:5

Ƃii ko nu wɔ̃́ làṹ yièa ká ka píé. Kòó gbaa nu nɔ́ ɓɔ̀ɔ à ká ko lé wɛ́lɛ́ ká. Kɛɛ ko nu à ká yíkɛ̀ gáàa, ɛ̃́ɛ̃́ Gɛ̀ɛ̀ Púlú yí. Ɛ́ɛ̃́ ko à wɔ̃̀ kɛ̀ wánà ká gɛ̃̀ wánà ká fɛ́fɛ́ le. Zi lɛ́ ko kɛ yììpìà à ká lɛ̀ lɛ́ ko kɛ ka píéa káa, káà dɔ. Ko kɛ yìì e kília ɓopìà ka mɔ́ɔ̀ wɔ̃̀ mɔ̀.

1 Tɛsàlónìà 2:13

Wɔ̃́ yé e kéa lɛ́ kò mɔ́ɔ̀ Wálà zúo ɓo teelea. Ye lɛ́ e kélɛ̀, lɛ̀ lɛ́ ko nu Wálà lé-wè ká ka píéa, ka ma ɛ̃́ɛ̃́ ka kṹ ka zɔ̃̀ɔ̃̀ ká. Ka kɛ kíli Wálà lé-wè mɔ́ɔ̀ wɔ̃̀ mɔ̀, kɛɛ à kɛɛ̀ wá kíli mi gbunu lé-wè mɔ́ɔ̀ wɔ̃̀ mɔ̀. Ɛ́ɛ̃́ lɛ Wálà lé-wè mɔ́ɔ̀ wɔ̃̀ ká wánà ká. Ƃii Wálà lɛ yɛɓo kɛpìà mia lɛ́ ka zò dɔɔ̀ lɛ à mɔ̀ɔ yí.

1 Témɔ́tè 4:16

Ì i yɛ́lɛ́ kɛ i dìè wà i zì pɛ-zɔ̃̀ɔ̃̀-kɔ̀ píé. Ì lo i líé wɔ̃́ nì o kéa kɛɛ̀ ká. Ƃii yé ɓaà kɛ kília, íì lo i dìè wà mia lɛ́ ò o tóó dɔ i mɔ̀ɔ laà.

2 Témɔ́tè 1:13

Ì i kɔ̀ kùnù wéé wánà zɛ̀ lɛ́ ma zɔ̃̀ɔ̃̀ i lɛ̀ɛ kɛ é kɛ wɔ̃́ gɔ̃̀á lɛ́ ì lo tóò à píéa káa mɔ̀. Ì kɛ ɓe zò-dɔ̀à-mɔ̀ wà lɔ̀-kpɔ̀à-mɔ̀ lɛ́ lɛ mia lɛ́ kò Kɛ́lɛ̀ì Zízɛ̀ nì ko doóa ko kɛ̀lɛ̀ɛ yí.

2 Témɔ́tè 2:2

Wɔ̃́ lɛ́ i m gɛ̃̀ máà gèè kélá vɔ̀ búnùzɛ̀ nyìɛ mɔ̀ɔ, ì o sí í o nɔ gɔ̃à lɛ́ ì bɛ̀i à mɔ̀ í i zò dɔ o mɔ̀, lɛ́ bɛ̀i è lo kɛɛ̀ o mɔ̀ kɛ ó pɛ zɔ̃̀ɔ̃̀ mia gbɛɛ bɛ̃̀ɛ̃ lɛ̀ɛ lɛ̀ɛ.

2 Témɔ́tè 3:15

Ɛ́ɛ̃́ é kã́ lúó lɛ́ i kɛá nɛ́fú káa mɔ̀, é ɓɔá pɛ́nɛɛ mɔ̀ɔ, íì à yí dɔ kélɛ̀ ɓaà Wálà là kiia dɔ. Ƃɛ̀i lɛ Wálà là kii e kília mɔ̀ kɛ é gíkã́ lɛ́ è lo i ká la-zì píéa nɔ i lɛ̀ɛ. La-ɓo e kília ɓáà sɔ̀lɔ̀ ɓo zò-dɔ̀ Kɛ́lɛ̀ì Zízɛ̀ mɔ̀ kolo là zàá.

Tátɔ̀ 1:9

Lɛ à mɔ̀ ó kùnù wéé lɛ́ ò bɛ̀i à mɔ̀ ó o zò dɔ à mɔ̀, lɛ́ è wèè pɛ-zɔ̃̀ɔ̃̀-kɔ̀ɔ wéè mɔ̀ɔ mɔ̀. Zí e kéa káa, bɛ̀i lɛ́ɛ̀ lo kɛɛ̀ o mɔ̀ kɛ ó mia fã̀ã́ wàà pɛ-zɔ̃̀ɔ̃̀-kɔ̀ wánà zɛ̀ɛ ká, ɛ̃́ɛ̃́ tó wáà mia lɛ́ ò gèlè gɔ̃ o káa zì wɔ̃́ niàa zɔ̃̀ɔ̃̀á o lɛ̀ɛ.

Hííbúlù 10:22

À mɔ́ɔ̀ wɔ̃̀ mɔ̀ɔ, kɔ̀à nu Wálà ká kɔ̀ɛ́ zò yiè wà zò-dɔ̀à-mɔ̀ wánà zɛ̀ ká. Kɔ̀à nu à ká kɔ̀ɛ́ zò lɛ́ waà léà wɛ̃̀ĩ à là, lɛ́ lɛ̀ɛ́ mɛ̀ mi mɔ̀ gbaa, ɛ̃́ɛ̃́ gbĩ-kpàla lɛ́ à mɛ́ pɛ́lɛ̀ lɛ yíí zéŋé-zèŋè káa ká.

Hííbúlù 6:11

Pɛ́ à kɛ-lɔ̀ è ko kɛ̀ɛ lɛ́ e kélɛ̀, ká à kɛ ka fã̀ã́ é tó wààpìà, é tóá kíli é ɓɔá à líé nyɛpìà ka tɔ̀ là doó doó, kɛɛ pɛ lɛ́ ka zò lɛ à mɔ̀ɔ, à yí é kɛ à mɔ̀.