2 Témɔ́tè 3:12 - Wè-dɔ-wè Dɛɛ

¹² Mia séĩ́ lɛ́ wà Kɛ́lɛ̀ì Zízɛ̀ nì o doó, lɛ́ ò nàà ó kɛ ɓe Wálà lɛ̀ɛ, mia óò lo o sã̀ dɔɔ̀ nɔ́ téé-tèè.

2 Témɔ́tè 3:12 Iomraidhean Croise

Máfìù 16:24

Lɛ̀ e kɛ kília, Zízɛ̀ a gèe là tòà‐píé‐mìà lɛ̀ɛ, “Yé mi nɔ́ɔ fé à nàà kò ye kó tàà‐kíe‐píé kɛɛ, lɛ à mɔ̀ é kã́ e nàà‐ká‐pɛ̀ séĩ́ lɛ̀ɛ, é là kɔ́lɔ́sì lɛ́ è lo gaà mɔ̀ɔ sí, é tó à ká m píé.

Máfìù 23:34

À mɔ́ɔ̀ wɔ̃̀ mɔ̀ɔ, ḿm̀ gèe ka lɛ̀ɛ kéèé, ḿm̀ lo dɔ̀‐Wálà‐lé‐là‐mìà, wà mia gíkã́ã̀a zɛ̀, ɛ̃́ɛ̃́ Wálà kii‐dɔ‐mìà o vɔɔ̀ ka píé. Káà lo vɔ‐mìà o kília dò zɛɛ̀, ɛ̃́ɛ̃́ káà lo o dò bɛ̃̀ɛ̃ páà nélè ká kɔ́lɔ́sì mɔ̀. E bɛ̀i, káà lo o dò mɛ̀ɛ̀ gbàtò ká ka zì Wálà‐kà wì píé, tó káà o yí lùò pɛ́lɛ nì yí píé.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 10:30

lɛ́ɛ̀ lo ká vɔ̀, ɛ̃́ɛ̃́ à lèe-gé vɔ̀, à lòóò nì, là nɔ́ɔ̀ vɔ̀, ɛ̃́ɛ̃́ à píé lùú, o sɔ̀lɔ̀ ɓoò e kíe yí wũ doó lúó e kéa ká. Kɛɛ mia óò lo à sã̀ dɔɔ̀ nɔ́ kíli. Kɛɛ lúó lɛ́ lɛ nupìàa, lɛ́ɛ̀ lo kɛ̀ɓe wɔ́lɔ́-wɔ́lɔ́ sɔ̀lɔ̀ ɓoò à ká.

Zɔ̃̀ɔ̃́ 16:2

Óò lo ka lúò o zì Wálà-kà wì. Lúó lɛ́ mí è ka zɛɛ, è lo à gɛ̃̀ɛ̃̀á kélɛ̀ ka zɛ́ à ɓoa, lɛ Wálà là yɛɓo ká áà kɛ̀ɛ, lɛ́ɛ̀ lo ɓɔɔ̀.

Zɔ̃̀ɔ̃́ 16:33

Maà wɔ̃́ e kéa gèe ka lɛ̀ɛ, kɛɛ ká zò-yà-gé sɔ̀lɔ̀ ɓo kɔ̀à ɓi nì kɔa kɛ̀ doó kolo là. Kpóṹ là lɛ́ɛ̀ lo ka yéĩ̀-kɛ̀ ɓoò. Kɛɛ kà kɛ zò-kũ̀-gé zɛ̀. M kɔ̀ aà die kpóṹ là zèe là.”

Zɔ̃̀ɔ̃́ 17:14

M ɓà wééa nɔ o lɛ̀ɛ. Ɛ́ɛ̃́ o lɔ̀ e nyɛ kpóṹ là mɔ̀, ɓii o wá kpóṹ là là mia nì ká, lɛ̀ zí ma wá kpóṹ là là mi káa lɛ́ ɓea, mɔ́ɔ̀ wɔ̃̀ mɔ̀.

Àpɔ́sɔ̀lɔ̀ 14:22

O tò-Zízɛ̀-píé-mìà lɛ́ o kɛ sɛ́lɛ́ e píé kília yía mɛ́ kɛ e kɛ gágà. O o fã̀ã́-wàà-wè gèe, kɛ ó kùnù zò-dɔ̀à-mɔ̀ ɓɛ mɔ̀ wáà lòá líé. O wɔ̃́ lɛ́ e kéa zɔ̃̀ɔ̃̀ o lɛ̀ɛ. Ye lɛ́ e kélɛ̀, lɛ à mɔ̀ wɔ̃́ nyɔ́ɔ̀ɔ nyɔ́ɔ̀ɔ é kɛ ko ká, kɛ kó tĩã́ ɓɔɔ̀ lɛ̀ lɛ́ Wálà tóò lɛ mia là yia mɔ̀.

1 Kɔ̀léĩ́tĩ̀ã̀ 15:19

È kɛ̀á ko zì zò-kɛ̀-Kɛ́lɛ̀ì-mɔ̀ lɛ nɔ́ kɛ̀ɓe yé e kpóṹ là zèea wɛ̃́ĩ̀a, kɛɛ ko yéĩ́ áá mia kɛɛ̀ é diá mi nɔ́ɔ fé lɛ́ e kpóṹ là zèea là.

2 Kɔ̀léĩ́tĩ̀ã̀ 1:12

Wɔ̃́ lɛ́ kɔ̀à lé-gbùò-là kɛ̀ à làa, gɛ̃̀ e ké. Ye lɛ́ e kélɛ̀, ko zì gíkã́ láà zɔ̃̀ɔ̃̀ ko lɛ̀ɛ kélɛ̀ ko zì wɔ̃́ kɛ-kɔ̀ lɛ́ kò wɔ̃́ kɛ̀ à ká kpóṹ là zèe, ɛ̃́ɛ̃́ à yé kò wɔ̃́ kɛ̀ à ká ka lɛ̀ɛ, Wálà láà kɛ̀ tó áà kɛ̀ kpeĩ le, ɛ̃́ɛ̃́ tó áà gò ko zò píé. Wálà zì zò-kɛ̀-sɛ̀ɛ lɛ́ a kɛ lɛ́ e kɛ kília. Kpóṹ là zèe mìà zì gíkã́ wá kɛ á kɛ kíli.

2 Kɔ̀léĩ́tĩ̀ã̀ 4:9

Óò ko sã̀ dɔ, kɛɛ Wálà lɛ̀ɛ́ kã́ do ko mɔ̀. Óò ko mɛ̀ tã́ã̀, kɛɛ ko yí lɛ̀ɛ́ sìè.

1 Témɔ́tè 2:2

Ò sɛ̀nɛ e kília ɓo sɛ́lɛ́ líé-sí-mìà, ɛ̃́ɛ̃́ mia séĩ́ lɛ́ yíkɛ̀ gáàa lɛ o kɛ̀lɛ̀ɛ mɔ́ɔ̀ wɔ̃̀ mɔ̀, kɛ kó kɛ ɓe lɛ̀à ga wà zò-yà-gé yí, kɛ ko zì kɛ-kɔ̀ é kɛ kpeĩ zi nɔ́ lɛ́ Wálà à nàà é kɛá kpó-kpó ɓoa ká.

1 Témɔ́tè 3:16

Wɔ̃́ lɛ́ à gbɛ̃̀ɛ̃̀ lɛ ko zì gbìnì Wálà lɛ̀ɛ mɔ̀, lɛ́ à bĩ̀ĩĩ̀ e kɛáa, lɛ dóo wɔ̃́ kpànazɛ̀ ká. Ɛ́ɛ̃́ mi gbɛɛ lɛ̀ɛ́ bɛ̀i à tèé ɓoò. Wɔ̃́ e kília gɛ̃̀ e ké. E kɛ mi ká lɛ̀ lɛ́ e ɓɔ mia làa ká. Gɛ̀ɛ̀ Púlú a zɔ̃̀ɔ̃̀ mia lɛ̀ɛ kélɛ̀ lɛ wánà zɛ̀. Wálà là vɔ-mìà wa gɛ̃̀. O à wɔ̃̀ gèe sɛ́lɛ́ gbɛɛ̀ gbɛɛ yí píé. O à wɔ̃̀ gɛ̃̀ wánà ká kpóṹ là zèe. Ɛ́ɛ̃́ o ló à ká lɛ̀ fɔ̀nɔ-pìà lɛ́ e lɛ̀ía mɔ̀.

1 Témɔ́tè 6:3

Mi lɛ́ è pɛ gbɛɛ zɔ̃̀ɔ̃̀ lɛ́ lɛ̀ɛ́ wéé ko Dàa-mì Zízɛ̀ Kɛ́lɛ̀ì zì wéé wánà zɛ̀ɛò, ɛ̃́ɛ̃́ lɛ́ lɛ̀ɛ́ wéé pɛ-zɔ̃̀ɔ̃̀-kɔ̀ lɛ́ à gbɛ̃̀ɛ̃̀ lɛ gbìnì-Wálà-lɛ̀ɛ kɔ̀ mɔ̀ɔ mɔ̀ɔ,

Tátɔ̀ 1:1

Óò m si Pɔ́ɔ̀. M Wálà là yɛɓo-kɛ-mì, wà Zízɛ̀ Kɛ́lɛ̀ì là àpɔ́sɔ̀lɔ̀ ká. À kɛɛ̀ lɛ kíli kɛɛ ḿ gbũ mia lɛ́ Wálà aà o sía zì zò-dɔ̀à-mɔ̀ mɔ̀, ɛ̃́ɛ̃́ zeĩ́ kɛ ḿ zi wánà zɛ̀ lɛ́ mia wáá gbiniìá Wálà lɛ̀ɛ,

Tátɔ̀ 2:12

À zì zò-kɛ̀-sɛ̀ e kília lɛ́ɛ̀ wɔ̃́ kɛ-zì zɔ̃̀ɔ̃̀á ko lɛ̀ɛ kɛ kó kã́ kɛ̀ɓe lɛ́ lɛ̀ɛ́ Wálà zò dàa lɛ̀ɛ, ɛ̃́ɛ̃́ kɛ kó kã́ pɔɔ̀ lɛ́ à lɔ̀ lɛ kpóṹ là zèe mìà kɛpìàa lɛ̀ɛ. Lɛ́ɛ̀ zi lɛ́ lɛ ko mɔ̀ kó ko dìè kṹ à ká tã́ã̀, ɛ̃́ɛ̃́ zi lɛ́ kò bɛ̀i kɛɛ̀á ɓe kpeĩ lea, ɛ̃́ɛ̃́ zeĩ́ zi lɛ́ kò bɛ̀i kɛɛ̀á ɓe Wálà lɛ̀ɛ kpóṹ là zèea, zɔ̃̀ɔ̃̀ ko lɛ̀ɛ,

1 Pílɛ̀ 3:14

Ɛ́ɛ̃́ ká wàa ɓèlèá bɛ̃̀ɛ̃ wɔ̃́ kpeĩ lɛ́ ka kɛɛ wɛ̃́ĩ̀a, zò géli lɛ ka kɛ̀lɛ̀. Yékɛ̀ ká túó mia lɛ̀ɛ, ɛ̃́ɛ̃́ yékɛ̀ ká ka zò gɔ̃́.

2 Pílɛ̀ 3:11

Yé mɔṹ pɔɔ̀ e kéa séĩ́ yí è lo sìè zi sùua káa, ka kpàáà yí lɛ́ɛ̀ bɛ̀i à mɔ̀ é kɛ kpɛ? Lɛ à mɔ̀ ka zì kɛ̀ɓe é kɛ púlú, ɛ̃́ɛ̃́ à nɔɔ̀ é kɛá Wálà lɛ̀ɛ,

Wɛ̀lɛ̀vèlésɔ̃̀ 12:4

Sĩ̀ã́ã̀ŋèlè vɔ̀ o kɛ lɛ̀ía o yí gìniì e kɛá kpolà yààka zɛ̀. Dálágɔ̃̀ɔ e à kpolà doó-mì gã́ã́ e woũ ká a káá tã́ã̀. E die e dɔ lee lɛ́ à wɛlɛ e kɛ nyɔ́ɔ̀ɔ wɛlɛ mɔ̀ kɛ é lééa là nɛ́ɛ ɓèlè, yé aà ye nɔ́ kéa ká.

Wɛ̀lɛ̀vèlésɔ̃̀ 7:14

Ma gèe à lɛ̀ɛ kélɛ̀, “M dàa, ɓi lɛ́ ɓà dɔɔ.” A gèe m lɛ̀ɛ kélɛ̀, “Míá o kéa, o lɛ́ waà la sã̀-dɔ yí gbùò zɛ̀ɛ kɛ̀lɛ̀ɛ. O wà sɔ́ɔ pɛ́lɛ́ Ƃáá nyɔ̀nɔ́ɔ léà ká, áà o kɛ̀ púlú.