2 Témɔ́tè 3:11 - Wè-dɔ-wè Dɛɛ

¹¹ ɛ̃́ɛ̃́ m zì sã̀-dɔ wà m zì wɔ̃́ nyɔ́ɔ̀ɔ gɛ̃̀ɛ̃ɛ̃̀ mɛ́ nyɛ. Íì wɔ̃́ séĩ́ lɛ́ e kɛ m ká Ã́téɔ̀, Àkónìà, e bɛ̀i Lísàa dɔ. Íì zi sùu lɛ́ m sã̀ e kɛ dɔpìà ká tó máà lò líé nɔ́ tĩã́ wɔ̃́ kɛɛ̀ káa dɔ. Kɛɛ ko Dàa-mì e m la o séĩ́ o kɛ̀lɛ̀.

2 Témɔ́tè 3:11 Iomraidhean Croise

Àpɔ́sɔ̀lɔ̀ 13:14

O gó gbaa Pɔ́gà, o ló o líé, o ɓɔ gbaa pɛ́lɛ lɛ́ ò si Ã́téɔ̀, lɛ́ lɛ sɛ́lɛ́ lɛ́ ò si Pìsílìàa yía yí. Lɛ̀ lɛ́ fĩ́ĩ́-dɔ-lùò e ɓɔ à mɔ̀ɔ, o ló Zúù-mìà zì Wálà-kà wì. O yà tã́ã̀.

Àpɔ́sɔ̀lɔ̀ 13:45

Lɛ̀ Zúù-mìà o mia kù sùua gɛ̃̀ɛ, o paà e kɛá dàa-gbe-là ká. O kɛ tèé dàpìà Pɔ́ɔ̀ ká, wáà à tɔ́ sì.

Àpɔ́sɔ̀lɔ̀ 14:8

Gɔ̃ doó e kɛ Lísà. À gã̀ zùaà e kɛá. E bɛ̀i, à kpɔ́lɔ̀ e kɛá lɛ̀ wa yea ká. Ɛ́ɛ̃́ lɛ̀ɛ́ táá do.

Àpɔ́sɔ̀lɔ̀ 20:19

M kɛ yɛɓo kɛpìà ko Dàa-mì lɛ̀ɛ dìè-sì-péĩ́ ká, tó m nyìɛ-yíí áà kàà à kɛɛ̀ yí. M kɛ yɛɓoa kɛpìà zí e kéa ká kíli wàa lɛ́ à kpɔ́ɔ̀ e kɛá m mɔ̀ wàà lɛ́ Zúù-mìà wa ɓo m kílí yía mɔ́ɔ̀ wɔ̃̀ mɔ̀.

Àpɔ́sɔ̀lɔ̀ 23:10

Wééa kã́ã̀ e kɛá yí gbùò zɛ̀, a kɛ sóyà vɔ̀ wũ-là-mìa áà tùò, a gɛ̃̀ ɓɔ̀ɔ kélɛ̀ míáa óò lo Pɔ́ɔ̀ pɛ́ɛ̀ kpĩ́ĩ̀-kpĩ́ĩ̀ le. À mɔ́ɔ̀ wɔ̃̀ mɔ̀ɔ, a gèe sóyà vɔ̀ lɛ̀ɛ ó ló míáa fĩ̀ã̀ ó Pɔ́ɔ̀ kṹ é gó míáa fĩ̀ã̀, ó ló à ká o yà-pìàa mɔ̀.

Àpɔ́sɔ̀lɔ̀ 26:17

Ḿm̀ lo i laà Éézɛ̀lɛ̀-mìà wà sɛ́lɛ́ gbɛɛ yí-mìà lɛ́ m̀ lo i vɔɔ̀ o píéa kɛ̀lɛ̀.

Àpɔ́sɔ̀lɔ̀ 26:22

Kɛɛ Wálà aà tó gbũpìà m mɔ̀ é ɓɔá pɛ́nɛɛ mɔ̀. À mɔ́ɔ̀ wɔ̃̀ mɔ̀ɔ, m dɔɔ̀ lɛ lɛ̀ e kéa mɔ̀, kɛ ḿ kélá-wè ɓo mia séĩ́ lɛ̀ɛ, ó kɛ bɛ̃̀ɛ̃ fĩ́ĩ́-nyɛ zɛ̀ ɛ̃́ɛ̃́ kpànazɛ̀ɛ káa ká. Wɔ̃́ lɛ́ m̀ lo à gèeèa, lɛ wɔ̃́ nɔ́ doó lɛ́ dɔ̀-Wálà-lé-là-mìà wà Móózè nì waà gèe kélɛ̀ lɛ́ɛ̀ lo kɛɛ̀ɛ, lɛ à ká.

Àpɔ́sɔ̀lɔ̀ 9:16

M dìè-tĩ́ ḿm̀ lo wàa séĩ́ lɛ́ lɛ à mɔ̀ á ɓèlè m mɔ́ɔ̀ wɔ̃̀ mɔ̀ɔ, zɔ̃̀ɔ̃̀ à lɛ̀ɛ.”

Wólómà 15:31

Kà sɛ̀nɛ ɓo kélɛ̀ Wálà é m la mia lɛ́ òó Wálà wéè kɛ lɛ́ o Zùdíàa o kɛ̀lɛ̀. Ɛ́ɛ̃́ kɛɛ gbũ̀-mɔ̀ wɔ̃̀ lɛ́ ma mɔ́ɔ̀ ló ɓo Zùlúsàlɛ̀ɛ, kɛɛ Wálà-mìà lɛ́ o yía ó wɔ̃̀ kṹ o zɔ̃̀ɔ̃̀ ká.

2 Kɔ̀léĩ́tĩ̀ã̀ 1:5

Zi nɔ́ kò Kɛ́lɛ̀ì nì kɔaa ká doó wàa kpolà búnùzɛ̀ à ɓèlèa yí zàáa, zi nɔ́ doóa káa Kɛ́lɛ̀ì lɛ́ɛ̀ à kɛ̀ tó kò à ye nì kɔ́áà dɔ̀ à zì zò-yà-gé wɔ̃̀ búnù-búnùzɛ̀ɛ yí nɔ́ kíli.

2 Kɔ̀léĩ́tĩ̀ã̀ 1:7

Ko zò lɛ ka mɔ̀. Ɛ́ɛ̃́ ko zì zò-kɛ̀-ka-mɔ̀ɔ, lɛ̀ɛ́ wɛ̀lɛ̀ e yàlà mɔ̀. Kóò yí dɔ yé kɔ̀à ɓi nì kɔa doó ko zì wàa kò ɓèlèa yía, kɔ̀à ɓi nì kɔa doó ko zì zò-yà-gé wɔ̃̀ lɛ́ kò à sɔ̀lɔ̀ ɓoa yí zàá nɔ́ kíli.

2 Kɔ̀léĩ́tĩ̀ã̀ 12:10

Lɛ̀ lɛ kília, m zò yàà lɛ m gé m zì kɛ̀ yɔ̃́ṹ-yɔ̃̀ũ̀ kɔ̀, e bɛ̀i lé-kã́ lɛ́ ò kɛ̀ m mɔ̀, ɛ̃́ɛ̃́ m sã̀ lɛ́ è dɔ, e bɛ̀i, m sã̀ lɛ́ ò dɔ, ɛ̃́ɛ̃́ wɔ̃́ nyɔ́ɔ̀ɔ lɛ́ m̀ à gɛ̃̀ɛ séĩ́ yí Kɛ́lɛ̀ì mɔ́ɔ̀ wɔ̃̀ mɔ̀. Ƃii yé m mɛ́ aà kɛ yɔ̃́ṹ-yɔ̃̀ũ̀a, kɛɛ m mɛ́ aà kɛ gágà.

2 Témɔ́tè 4:7

Maà m yí dɔ gágà bàlà lɛ́ e kɛ m mɔ̀ ḿ sía yí. Maà nyɛ gbaa bàlà e kília síì mɔ̀. Maà kùnù zò-dɔ̀à-mɔ̀ wɔ̃̀ɔ mɔ̀.

2 Pílɛ̀ 2:9

À mɔ́ɔ̀ wɔ̃̀ mɔ̀ɔ, ko Dàa-mì lɛ́ɛ̀ mia lɛ́ ò à sɔ̃̀ɔ̃ kɛ̀ɛ là yí-dã́-wɔ̃̀ kɛ̀lɛ̀ zì dɔ. Ɛ́ɛ̃́ lɛ́ɛ̀ zi lɛ́ ò mia lɛ́ o wá kpeĩa gbɛ̃̀á lɛ̀ lɛ́ ò wàa ɓèlè yia mɔ̀ zì dɔ é tóá kíli Mɛ̀ĩ́-sà Dɔ̀-mia-mɔ̀ lùò é ɓɔ.