2 Témɔ́tè 2:8 - Wè-dɔ-wè Dɛɛ

⁸ Zízɛ̀ Kɛ́lɛ̀ì lɛ́ e wɛ̀lɛ̀ ga kɛ̀lɛ̀, lɛ́ e kɛ Dèɓé sùu là mì ká, lɛ́ à wɔ̃̀ gèeè lɛ wɔ̃́ làṹ yiè lɛ́ m̀ à gèea yía, i zò è vùò à mɔ́ɔ̀ wɔ̃̀ ká.

2 Témɔ́tè 2:8 Iomraidhean Croise

Máfìù 1:1

Zízɛ̀ Kɛ́lɛ̀ì, lɛ́ e kɛ Dèɓé sùu‐là‐mì ká, ɛ̃́ɛ̃́ lɛ́ Dèɓé bɛ̃̀ɛ̃ e kɛ Éɓɔ́lɔ́hã́ã̀ sùu‐là‐mì káa, ye‐gã̀ mɔ́ɔ̀ kii lɛ́ e kéa.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 24:46

A gèe o lɛ̀ɛ, “Wɔ̃́ lɛ́ à bɛ̃̀ɛ̃ɛ̃̀ lɛɛ, gɛ̃̀ e ké. Lɛ Kɛ́lɛ̀ì mɔ̀ é wàa ɓèlè, ɛ̃́ɛ̃́ kɛ é wɛ̀lɛ̀ ga kɛ̀lɛ̀ à lɛ̀‐kpɛ̀iì yààka lùò ká.

Àpɔ́sɔ̀lɔ̀ 13:23

E kɛ Dèɓé e kéa sùu-là-mìà doó-mì lɛ́ ò si Zízɛ̀ɛ ká, lɛ́ Wálà a kɛ Éézɛ̀lɛ̀-mìà La-mì ká, lɛ̀ zí aà e wè dɔ à káa lɛ́ ɓea.

Àpɔ́sɔ̀lɔ̀ 2:24

Kɛɛ Wálà e à wɛ̀lɛ̀ ga kɛ̀lɛ̀. E à ɓo ga tíé à mi kṹũ̀ kɛ̀lɛ̀. Ƃii lɛ̀ɛ́ gbaa kɛ kɛ-wɔ̃̀ ká, kɛ ga é à lùò-là kɛ̀ ɓo.

Àpɔ́sɔ̀lɔ̀ 2:30

E kɛ dɔ̀-Wálà-lé-là-mì ká. E wɔ̃́ lɛ́ Wálà e e wè dɔ à ká à lɛ̀ɛ dɔ. Wálà e e náá kpɔ́ Dèɓé lɛ̀ɛ kélɛ̀ lɛ́ɛ̀ lo à sùu-là-mìà doó-mì kɛɛ̀ sɛ́lɛ́ líé-sí-mì ká, lɛ̀ zí Dèɓé dìè e kɛáa, lɛ́ ɓe.

Wólómà 16:25

Kɔ̀à Wálà tɔ́ ɓɔ. Lɛ́ɛ̀ bɛ̀i à mɔ̀ é ka kɛ ká dɔ ka dɔ̀lɔ̀ mɔ̀ gágà lɛ̀ zí nɔ́ wɔ̃́ làṹ yiè lɛ́ m̀ gèea, ɛ̃́ɛ̃́ lòũ̀-ɓo-wè lɛ́ à gbɛ̃̀ɛ̃̀ lɛ Zízɛ̀ Kɛ́lɛ̀ì mɔ̀ɔ, à gèe à káa lɛ́ ɓe. Ɛ́ɛ̃́ lɛ nɔ́ zeĩ́ lɛ̀ wɔ̃́ lɛ́ mia òó gbaa kɛ à yí dɔpìà, ɓii à bĩ̀ĩĩ̀ e kɛá kɛ̀ɛ̀ búnù-búnùzɛ̀ lɛ́ aà diea píé, lɛ́ Wálà aà lɛ́ɛ́ ɓo gbaa làa, lɛ́ ɓe.

Wólómà 2:16

Zí è lo kɛɛ̀ à ká lúó lɛ́ Wálà è lo à kɛɛ̀ Zízɛ̀ Kɛ́lɛ̀ì é mɛ̀ĩ́-sà dɔ mia zì yɛ́lɛ́-tàà-yí-wɔ̃̀ lɛ́ à bĩ̀ĩĩ̀ lɛɛ mɔ̀ɔ lɛ́ ɓɛ. Zi lɛ́ wɔ̃́ làṹ yiè lɛ́ m̀ gèea à gèe à káa lɛ́ ɓɛ.

1 Kɔ̀léĩ́tĩ̀ã̀ 15:1

M lèe-gé vɔ̀, ḿm̀ nàà ḿ ka zò vùò wɔ̃́ làṹ yiè lɛ́ m̀ à gèe ka lɛ̀ɛ mɔ́ɔ̀ wɔ̃̀ ká. Ka à sɔ̀lɔ̀ ɓo, ɛ̃́ɛ̃́ ka ka dɔ̀lɔ̀ kṹ à mɔ̀.

1 Kɔ̀léĩ́tĩ̀ã̀ 15:4

Ɛ́ɛ̃́ lɛ́ zeĩ́ e kélɛ̀ o à bĩ̀ĩ̀, ɛ̃́ɛ̃́ Wálà a wɛ̀lɛ̀ ga kɛ̀lɛ̀ à lɛ̀-kpɛ̀iì yààka lùò ká, zi lɛ́ à bɛ̃̀ɛ̃ɛ̃̀ lɛ à ká Wálà kiia yía lɛ́ ɓɛ.

2 Tɛsàlónìà 2:14

Wálà e ka súo kɛ wɔ̃́ nì e kéa mɔ́ɔ̀ wɔ̃̀ mɔ̀ wɔ̃́ làṹ yiè lɛ́ kɔa gèe ka lɛ̀ɛ kolo là zàá. E ka súo kɛ kɛ ká nu kɛɛ kà ko Dàa-mì Zízɛ̀ Kɛ́lɛ̀ì nì ká dɔ à zì lɛ̀-fɔ̀nɔ-kɔ̀ɔ yí.

1 Témɔ́tè 1:11

Pɛ-zɔ̃̀ɔ̃̀-kɔ̀ wánà zɛ̀ e kília, lɛ wɔ̃́ làṹ yiè lɛ́ Wálà aà dɔ̀ kɛ m kɛ̀lɛ̀ɛ yí. Wɔ̃́ làṹ yiè e kília, lɛ́ɛ̀ go Wálà kpànazɛ̀ lɛ́ kò tɔ́ ɓɔɔ píé.

1 Témɔ́tè 2:7

Wɔ̃́ e kéa lɛ́ Wálà a mɔ́ɔ̀ m vɔ ɓo àpɔ́sɔ̀lɔ̀ ɛ̃́ɛ̃́ pɛ-zɔ̃̀ɔ̃̀-mì ká sɛ́lɛ́ gbɛɛ yí-mìà píé, kɛ ḿ zò-dɔ̀à-mɔ̀ wɔ̃̀ wà wánà-wɔ̃̀ɔ gèe lòũ̀ káa. Ma wá nɛ̀ kɛpìà i lɛ̀ɛ. Lɛ wánà-wɔ̃̀ ká lɛ́ m̀ gèea.

2 Témɔ́tè 1:8

À mɔ́ɔ̀ wɔ̃̀ mɔ̀ɔ, yékɛ̀ yɛ́lɛ̀ é i kɛ ko Dàa-mì là kélá-wè ɓoò mɔ́ɔ̀ wɔ̃̀ mɔ̀. Ɛ́ɛ̃́ yékɛ̀ yɛ́lɛ̀ é i kɛ má m là bĩ́-kɛ̀ì-mì káa lɛ̀ɛ. Kɛɛ ì wàa lɛ́ mia kò ɓèlè wɔ̃́ làṹ yièa mɔ́ɔ̀ wɔ̃̀ mɔ̀ɔ, ì i zì ɓèlè yíkɛ̀ gáàa lɛ́ Wálà à nɔ i lɛ̀ɛ ká.

2 Témɔ́tè 2:7

Ì i yɛ́lɛ́ táá wɔ̃́ m̀ gèea yí, ɓii ko Dàa-mì lɛ́ɛ̀ lo à kɛɛ̀ tó i wɔ̃́ séĩ́ yí ma.

Wɛ̀lɛ̀vèlésɔ̃̀ 5:5

Yé e kɛ kília, mia dìè-dìè vɔ̀ɔ doó-mì a gèe m lɛ̀ɛ, “Yékɛ̀ í gbóó ɓo. Lɛ̀ gɛ̃̀, Wɔ̀ɔ́ù lɛ́ è go Zúdà sùu là, lɛ́ e Dèɓé sùu-là-mì kpànazɛ̀ káa, à kɔ̀ aà die gèlè gɔ̃ɔ̀ yí. Bɛ̀i lɛ à mɔ̀ kɛ é pɛ lé-taa-pɛ̀ sálápèèlɛɛ wí, ɛ̃́ɛ̃́ kɛ é kíía lé ɓo.”