2 Témɔ́tè 2:3 - Wè-dɔ-wè Dɛɛ

³ Wàa lɛ́ mi lɛ́ lɛ Kɛ́lɛ̀ì Zízɛ̀ là sóyà yiè káa è à ɓèlèa, ì i zì ɓèlè.

2 Témɔ́tè 2:3 Iomraidhean Croise

Àpɔ́sɔ̀lɔ̀ 23:31

Sóyà vɔ̀ɔ o wɔ̃́ lɛ́ o wũ-là-mì a gèe o lɛ̀ɛ kɛ. Bĩ́míà e kília káa, o Pɔ́ɔ̀ sí o ló o ɓɔ à ká Ãtèpátè.

1 Kɔ̀léĩ́tĩ̀ã̀ 13:7

Ye wá kɔ̃̀-wɔ̃́-mɔ̀ mì ká. Ɛ́ɛ̃́ lɛ mi lɛ́ à zì zò-dɔ̀à-mɔ̀ líé-nyɛ-pìà wá ɓea ká. À zò lɛ pɛ séĩ́ mɔ̀. À fã̀ã́-wàà lɛ wɔ̃́ séĩ́ kɛɛ̀ yí.

1 Kɔ̀léĩ́tĩ̀ã̀ 9:7

Sóyà kpɛɛ̀ lɛ́ aà e dìè là pɔɔ̀ ɛ̃́ɛ̃́ léɓèlè lɔ́ do e dìè lɛ̀ɛ sóyà-yɛ̀ɓo kɛɛ̀ yí? Deĩ̀ lɛ́ aà ɓɛ̀lɛ̀-wɛ́lɛ́ lɛ́ ò à ɓɛɛ yíí mia nyɛ́nɛ̀ĩ̀ kpɔ́ do, tó làá dò ɓèlè? Dé è e nyìɛ kɛ̀ là ɓáá mɔ̀, tó lɛ̀ɛ́ o nyɔ́-yíí ɓo e dìè lɛ̀ɛ?

2 Kɔ̀léĩ́tĩ̀ã̀ 1:6

Yé kɔaà wàa ɓèlèa, kóò ɓèlè kɛɛ ká zò-yà-gé ɛ̃́ɛ̃́ la-ɓo sɔ̀lɔ̀ ɓo. Yé kɔaà zò-yà-gé sɔ̀lɔ̀ ɓoa, kóò à sɔ̀lɔ̀ ɓo kɛɛ ka bɛ̃̀ɛ̃ ka zò é yà ka gé. Láà kɛ̀ tó ka yí áà kɛ̀ gágà, kɛɛ zò-kũ̀-tã́ã̀ é kɛ ka kɛ̀lɛ̀, yé wàa nɔ́ doó kò ɓèlèa aà ɓɔ ka làa ká.

1 Témɔ́tè 1:18

M̀ nɛ́ Témɔ́tè, wɔ̃́ kɛ-wɔ̃̀ e kéa, maà à kpɔ́ gbaa i kɔ̀ là. Wɔ̃́ lɛ́ Wálà aà káá mɔ́ mia lé é gbɛ̃̀á i mɔ̀, lɛ́ waà à gèea, wà wɔ̃́ e kéa o doó. Wɔ̃́ lɛ́ wa gèe kília, è kɛ ɓà gèlè-gɔ̃-pɔ̀ɔ̀ ká lɛ̀ lɛ́ i gèlè yiè gɔ̃pìàa ká.

2 Témɔ́tè 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Lɛ kíli kɛ ḿ kɛ̀ɓe lɛ́ aà e wè dɔá mia lɛ́ wà Kɛ́lɛ̀ì Zízɛ̀ nì o doóa lɛ̀ɛ wɔ̃̀ gèe.

2 Témɔ́tè 1:8

À mɔ́ɔ̀ wɔ̃̀ mɔ̀ɔ, yékɛ̀ yɛ́lɛ̀ é i kɛ ko Dàa-mì là kélá-wè ɓoò mɔ́ɔ̀ wɔ̃̀ mɔ̀. Ɛ́ɛ̃́ yékɛ̀ yɛ́lɛ̀ é i kɛ má m là bĩ́-kɛ̀ì-mì káa lɛ̀ɛ. Kɛɛ ì wàa lɛ́ mia kò ɓèlè wɔ̃́ làṹ yièa mɔ́ɔ̀ wɔ̃̀ mɔ̀ɔ, ì i zì ɓèlè yíkɛ̀ gáàa lɛ́ Wálà à nɔ i lɛ̀ɛ ká.

2 Témɔ́tè 2:10

Wɔ̃́ e kéa mɔ́ɔ̀ wɔ̃̀ mɔ̀ɔ, ḿm̀ m zò kũ tã́ã̀ wɔ̃́ séĩ́ kɛ̀ m ká yí, Wálà là míá aà o sía mɔ́ɔ̀ wɔ̃̀ mɔ̀, kɛ o bɛ̃̀ɛ̃ ó la-ɓo lɛ́ lɛ Kɛ́lɛ̀ì Zízɛ̀ yí, ɛ̃́ɛ̃́ tòá kíli lɛ̀-fɔ̀nɔ-kɔ̀ɔ sɔ̀lɔ̀ ɓo.

2 Témɔ́tè 2:9

Ḿm̀ wɔ̃́ nyɔ́ɔ̀ɔ gɛ̃̀ wɔ̃́ làṹ yiè e kília mɔ́ɔ̀ wɔ̃̀ mɔ̀. Ɛ́ɛ̃́ óò ɓɛ̀lɛ̀ dà m gã̀ mɔ̀ lɛ̀ pɛ lɛ́ m wɔ̃́ sìè. Kɛɛ Wálà là wééa wá ɓɛ̀lɛ̀ yí.

2 Témɔ́tè 3:11

ɛ̃́ɛ̃́ m zì sã̀-dɔ wà m zì wɔ̃́ nyɔ́ɔ̀ɔ gɛ̃̀ɛ̃ɛ̃̀ mɛ́ nyɛ. Íì wɔ̃́ séĩ́ lɛ́ e kɛ m ká Ã́téɔ̀, Àkónìà, e bɛ̀i Lísàa dɔ. Íì zi sùu lɛ́ m sã̀ e kɛ dɔpìà ká tó máà lò líé nɔ́ tĩã́ wɔ̃́ kɛɛ̀ káa dɔ. Kɛɛ ko Dàa-mì e m la o séĩ́ o kɛ̀lɛ̀.

2 Témɔ́tè 4:5

Kɛɛ ì i yɛ́lɛ́ kɛ i dìè píé wɔ̃́ séĩ́ lɛ́ è lo kɛɛ̀ɛ kɛɛ̀ yí. Ì i zò kṹ tã́ã̀ wɔ̃́ nyɔ́ɔ̀ɔ gɛ̃̀ɛ̃ɛ̃̀ yí. Ì yɛɓo lɛ́ wɔ̃́ làṹ yièa gèe-mì à kɛ̀ɛ kɛ. Ì yɛɓo lɛ́ lɛ i mɔ̀ ɓá kɛɛ séĩ́ kɛ.

Fàlímà 1:2

Ɛ́ɛ̃́ kóò wèè Wálà-mìà yé ò pa o kíe mɔ̀ i píé kɛ́ì, ɛ̃́ɛ̃́ ko ɓɛ́ɛ ye-mì lee zɛ̀ lɛ́ ò si Áfèàaò, ɛ̃́ɛ̃́ Àkípà lɛ́ kò ye nì ko sóyà káa bà.

Hííbúlù 10:32

Zi lɛ́ ka wɔ̃̀ e kɛá lúó lɛ́ aà diea píéa, ka zò è vùòá. Lúó e kília ká kɛɛ Wálà là lɛ̀-fɔ̀nɔ-kɔ̀ aà lɛ̀ fɔ̀nɔ ka bàa, ka wàa búnùzɛ̀ ɓèlè. Kɛɛ é kɛ bɛ̃̀ɛ̃ kília, kàá gbaa tó à gbɛ̀ɛ́ɛ̀ wì.

Hííbúlù 11:27

Zò-dɔ̀à-mɔ̀ lɛ́ a kɛ lɛ́ Móózè e gó Ízè, ɛ̃́ɛ̃́ lɛ́ lɛ̀ɛ́ gbaa túó sɛ́lɛ́ líé-sí-mìa zì wɔ̃́à-wàa-kɔ̀ lɛ̀ɛ. E kɛ lópìà e líé kpeĩ le, lɛ̀ pɛ lɛ́ e Wálà lɛ́ mia òó gɛ̃̀ɛ gɛ̃̀.

Hííbúlù 6:15

Éɓɔ́lɔ́hã́ã̀ e kɛ zò-kũ̀-tã́ã̀ zɛ̀. Pɛ́ a kɛ lɛ́ e pɛ lɛ́ Wálà e e wè dɔ à káa sɔ̀lɔ̀ ɓoa, lɛ́ ɓɛ.

Zĩ́ĩ̀ 1:12

Mi lɛ́ è to dɔ̀á e dɔ̀lɔ̀ mɔ̀ yé yí-dã́-wɔ̃̀ aà ɓɔ à làa káa, zò géli lɛ à kɛ̀lɛ̀. Ƃii yé aà die yí-dã́-wɔ̃̀ e kília yía, lɛ́ɛ̀ lo e fɔ́nɔ́ lɛ́ e kɛ̀ɓe-zòlò ká, lɛ́ Wálà aà e wè dɔ à ká mia lɛ́ à lɔ̀ kpɔ́ɔ̀ lɛ o mɔ̀ɔ lɛ̀ɛ sɔ̀lɔ̀ ɓoò.