2 Témɔ́tè 2:26 - Wè-dɔ-wè Dɛɛ

²⁶ Yé aà kɛ kília, óò lo nuù o dìè píé, tó o ɓàa gbaa Dɛ́ɓò lɛ́ aà o kṹ, ɛ̃́ɛ̃́ lɛ́ aà o kɛ wáà wɔ̃́ lɛ́ à nàà à káa kɛ̀ɛ là pɛ́lɛ́ kɛ̀lɛ̀.

2 Témɔ́tè 2:26 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 11:21

“Yé gɔ̃ yí gágà zɛ̀ aà là gèlè‐gɔ̃‐pɔ̀ɔ̀ séĩ́ pɛ̀ kɛ, áà e nyìɛ kɛ̀á e dìè là ká mɔ̀ɔ, à píé kɛ́ì pɔ̀ɔ̀ séĩ́ dò nɔ́ɔ fé lɛ̀ɛ́ ló ɓoò à píé.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 15:17

Lɛ̀ e kɛ gbaa kília, e nu gbaa e dìè píé, áà gèè kélɛ̀, ‘M dàa là yɛɓo‐kɛ‐mìà séĩ́, óò léɓèlè sɔ̀lɔ̀ ɓo gbùò, wáà ɓèlè, tó wáà kɔ̃́ nì ɓò à mɔ̀. Ye gɛ̃̀, m lɛ̀ e kéa mɔ̀, tó lɔ̀ɔ áà ɓùò m zɛɛ̀ɛ ké.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 5:10

Zi nɔ́ doóa lɛ́ Sáímɔ̀ ɓɛ́ĩ̀ lɛ́ o kɛ Zĩ́ĩ̀ wà Zɔ̃̀ɔ̃́, lɛ́ o Zɛ́bɛ́dìì gbe nì káa, o kɛ à káa. Zízɛ̀ a gèe Sáímɔ̀ lɛ̀ɛ, “Yékɛ̀ í túó. É kã́ pɛ́nɛɛ mɔ̀, é ló líéa, íì lo kɛɛ̀ mia sɔ̀lɔ̀ ɓopìà lɛ̀ zí ì kpã̀ã́ sɔ̀lɔ̀ ɓoáa lɛ́ ɓe.”

Zɔ̃̀ɔ̃́ 13:2

Zízɛ̀ wà là tòà-píé-mìà o kɛ wà nyɛ́ŋɛ̀ĩpíé léɓèlè ɓèlèpìà. Lɛ̀ e kɛ kília, kɛɛ Dɛ́ɓò aà à dà Zúdà lɛ́ e kɛ Sáímɔ̀ Ɛ̀sɛ̀kélìà gbe káa zò píé, kélɛ̀ é Zízɛ̀ lé gó.

Zɔ̃̀ɔ̃́ 13:27

Yé Zúdà e belèa kṹ nɔ́ɔ, Sétɔ̃̀ e wàà à yí gbaa. Zízɛ̀ a gèe à lɛ̀ɛ, “Wɔ̃́ lɛ́ lɛ i mɔ̀ ɓá kɛɛ, ì i yɛ́lɛ́ kɛ i líé ɓá kɛ.”

Àpɔ́sɔ̀lɔ̀ 26:18

Lɛ i mɔ̀ í o nyìɛ lé ɓo, ɓáà o ɓò bĩ́ tii yí, ɓáà o gbɛ̃̀ lɛ̀ púlú mɔ̀. Lɛ i mɔ̀ í o ɓo Sétɔ̃̀ là yíkɛ̀ gáàa wì, ó nu Wálà píé. Lɛ sɛ̀ ɓá kɛ kíli kɛ o zì zò-dɔ̀-m-mɔ̀ kolo là zàáa, kɛ o kɛ-wɔ̃̀ yɔɔ é ɓo o wũ mɔ̀, ɛ̃́ɛ̃́ kɛ ó o dɔ̀lɔ̀ gɛ̃̀ mia lɛ́ Wálà aà o kɛ e dìè là mia nì káa bà.’

Àpɔ́sɔ̀lɔ̀ 5:3

Pílɛ̀ a gèe à lɛ̀ɛ, “Ánànáyà, mɛ́ e kɛ lɛ́ ɓà to Sétɔ̃̀ áà e yàlà kũ̀ i yí, áà kɛ̀, tó ɓáà nɛ̀ kɛ̀ Gɛ̀ɛ̀ Púlú lɛ̀ɛ, tó ɓáà tã́ã̀ lɛ́ ɓa lɔ̀ɔ̀ dɔɔ pɛ̀lèe dò sì à yí ké ɓe?

1 Kɔ̀léĩ́tĩ̀ã̀ 15:34

Lɛ sɛ̀ ká ka yɛ́lɛ́ kpeĩ táá zeĩ́, ɛ̃́ɛ̃́ ká tèá kɛ-wɔ̃̀ yɔɔ kɛɛ̀ mɔ̀. Ka dò lɛ̀ɛ́ Wálà dɔ. Ma gèe kíli kɛɛ yɛ́lɛ̀ é kpɔ́ ka là.

2 Kɔ̀léĩ́tĩ̀ã̀ 2:11

kɛɛ yékɛ̀ Sétɔ̃̀ kɔ̀ é die ko là. Ƃii kóò à zì kɛ-gbã́ã̀ dɔ.

Ìfísɔ̃̀ 5:14

Ƃii pɛ nɔ́ɔ fé lɛ́ lɛ́ɛ́ ɓoò lɛ à làa, kɛɛ aà kɛ gbaa lɛ̀ púlú ká. Pɛ́ à kɛ̀ lɛ́ ò gèe kélɛ̀, “Yi zɛ-mì, ì vùò. Ì wɛ̀lɛ̀ ga kɛ̀lɛ̀. Kɛ́lɛ̀ì lɛ́ɛ̀ lo lɛ̀ fɔ̀nɔɔ̀ i bàa,” lɛ́ ɓɛ.

Kɔ̀lɔ́sĩã̀ 1:13

Wálà e ko la bĩ́ tii zì yíkɛ̀ gáàa wì. Ɛ́ɛ̃́ e nu ko ká kɛ kó kɛ à zì Gbe lɛ́ à nàà à káa zì tò-mia-là wì.

1 Témɔ́tè 1:20

Hàmìníà wà Ɛ́lèzánà o míá o kília o dò ká. Maà o nɔ gbaa Sétɔ̃̀ lɛ̀ɛ, kɛ ó wɔ̃́ dã́ à mɔ̀ kélɛ̀ ye wá kpeĩ kɛ ó wɔ̃́ yɔɔ gèe Wálà gbĩ mɔ̀.

1 Témɔ́tè 3:7

Ɛ́ɛ̃́ zeĩ́, è kɛ mi lɛ́ mia lɛ́ o wá Wálà-mìà káa ò à ɓɛ̀lɛ yàa ká, yékɛ̀ wɔ̃́ yɔɔ lɛ́ mia ò bɛ̀i à mɔ̀ ó gèe à gbĩ mɔ̀ɔ é kɛ ɓe, ɛ̃́ɛ̃́ yékɛ̀ Dɛ́ɓò zì pɛ́lɛ́ é à kṹ.

Wɛ̀lɛ̀vèlésɔ̃̀ 12:9

O dálágɔ̃̀ gbùò e kília yí lúó gbaa. À ye lɛ́ e mɛ̀nɛ zii lɛ́ ò si Dɛ́ɓò ɛ̃́ɛ̃́ Sétɔ̃̀ lɛ́ e kpóṹ là zèe mìà séĩ́ bèkɛ̀-ɓo-mì káa káa. O wà là vɔ-mìà séĩ́ kpɔ́ à mɔ̀ o o dùò tã́ã̀ zèe.