2 Témɔ́tè 2:24 - Wè-dɔ-wè Dɛɛ

²⁴ Ye wá ko Dàa-mì là yɛɓo-kɛ-mì mɔ̀ kɛ é wéé dɔ. Lɛ à mɔ̀ à sɔ̃̀ɔ̃ é kɛ sɛ̀ mia séĩ́ ká. Lɛ à mɔ̀ é kɛ pɛ-zɔ̃̀ɔ̃̀-mì yiè lɛ́ zò-kũ̀-tã́ã̀ lɛ à kɛ̀lɛ̀ɛ ká.

2 Témɔ́tè 2:24 Iomraidhean Croise

Máfìù 12:19

Kɛɛ lɛ̀ɛ́ ló tèé dàà, ɛ̃́ɛ̃́ kɛ bɛ̃̀ɛ̃ é gbɛ́ɛ́. Mia òó ló à wéè maà zi ɓɛ̀lɛ̀ĩ̀‐fĩ̀ã̀ píé.

Zɔ̃̀ɔ̃́ 6:52

Wɔ̃́ e kéa a kɛ, Zúù-mìà wáà o kíe kũ̀ kpó-kpó ɓo, wáà gèè kélɛ̀, “Zi sùu kpɛɛ̀ lɛ́ gɔ̃́ e kéa è bɛ̀i e nɔ̀ɛ nɔɔ̀ à ká ko lɛ̀ɛ kó ɓèlè?”

Àpɔ́sɔ̀lɔ̀ 15:2

Pɔ́ɔ̀ wà Bánábà o kɛ à mɔ́ɔ̀ tèé kpó-kpó dàpìà o ká, ɛ̃́ɛ̃́ wà míáa o wúú sã́ã̀ e kɛá e kíe ká. Yé e kɛ kília, míáa wa yà o gé kɛɛ Pɔ́ɔ̀ wà Bánábà, ɛ̃́ɛ̃́ mia lɛ́ o kɛ Ã́téɔ̀ɔ dò ó ló Zùlúsàlɛ̀, kɛ ó ló àpɔ́sɔ̀lɔ̀ vɔ̀, ɛ̃́ɛ̃́ mia dìè-dìè vɔ̀ gɛ̃̀ɛ̃̀ wɔ̃́ e kília mɔ́ɔ̀ wɔ̃̀ mɔ̀.

Àpɔ́sɔ̀lɔ̀ 23:9

Mia gbɛ́ɛ́-wèa e gbɛ̃̀ gbaa áà kɛ̀ gágà. Wálà kii dɔ-mìà yé o kɛ Fálásíì-mìà káa, o dò o dɔ o gã̀ mɔ̀ wáà gèè mɛ́ gágà zɛ̀ kélɛ̀, “Wɔ̃́ yɔɔ lɛ́ gɔ̃́ e kéa a kɛɛ, ko wá à gɛ̃̀pìà. Lúó dò káa, Wálà là vɔ-mì, e bɛ̀i là pɛ dò e mɛ́ĩ́ dò ɓo lèĩ à lɛ̀ɛ.”

Àpɔ́sɔ̀lɔ̀ 7:26

Lɛ̀ à lɛ̀ e kpɛ̀ia, e bɛ̀i e Éézɛ̀lɛ̀-mìà pèèlɛ gɛ̃̀, wáà gèlè gɔ̃̀. E à kɛ-zì naa kɛ é zò-yà-tã́ã̀ nɔ o lɛ̀ɛ. A gèe o lɛ̀ɛ, ‘Gɔ̃à ka ké ɓɛ, ka lèe-gé vɔ̀ ká. Mɛ́ e kɛ lɛ́ kà wɔ̃́ niàa kɛ̀ ka kíe nì ká ké?’

2 Kɔ̀léĩ́tĩ̀ã̀ 10:1

Ma Pɔ́ɔ̀ lɛ́ ò gèe maà kɛ mɛ́ĩ́ ɓopìà ka wɛlɛ mɔ̀ɔ, m kpɔ́lɔ́ṹ-kpɔ̀lɔ̀ũ̀, tó yé ma wá ka wɛlɛ mɔ̀ɔ tó máà mɛ́ĩ́ ɓò gágàa, m dìè ḿm̀ kpé kã ka lɛ̀ɛ. Ḿm̀ kpé kã ka lɛ̀ɛ Kɛ́lɛ̀ì zì kpóló-kpɔ̀à-mɔ̀, e bɛ̀i à zì sɔ̃̀ɔ̃-kɛ̀-sɛ̀ kolo là zàá.

2 Kɔ̀léĩ́tĩ̀ã̀ 10:4

Gèlè-gɔ̃-pɔ̀ɔ̀ lɛ́ kò gèlè gɔ̃áa, ye wá kpóṹ là zèe zì gèlè-gɔ̃-pɔ̀ɔ̀ ká. Kɛɛ lɛ gèlè-gɔ̃-pɔ̀ɔ̀ lɛ́ Wálà zì yíkɛ̀ gáàa lɛ à yía ká. Kóò dɔ-pɛ̀ mɛ́ gágà zɛ̀ doò do yí sìè à ká.

2 Kɔ̀léĩ́tĩ̀ã̀ 6:4

Kɛɛ wɔ̃́ nɔ́ɔ fé lɛ́ kò kɛ̀ɛ, kóò à zɔ̃̀ɔ̃̀ kélɛ̀ ko Wálà là yɛɓo-kɛ-mìà ká. Kóò wɔ̃́ nyɔ́ɔ̀ɔ gɛ̃̀, tó ko sã̀ áà dɔ̀, e bɛ̀i wɔ̃́ kɛɛ̀ gágà zɛ̀ áà ɓɔ̀ ko là, tó ko fã̀ã́-wàà lɛ kpó-kpó ɓo yé kɔaà o gɛ̃̀ɛ ká.

Gɛ̀lésìà 5:22

Kɛɛ pɛ lɛ́ Gɛ̀ɛ̀ Púlú è ɓa à káa, lɛ́ e kélɛ̀, lɔ̀-kɛ̀à-mɔ̀, géli, e bɛ̀i, zò-yà-gé, ɛ̃́ɛ̃́ zò-kũ̀-tã́ã̀, e bɛ̀i, wɔ̃́ kɛ̀ mi lɛ̀ɛ zì yiè, sɔ̃̀ɔ̃-kɛ̀-sɛ̀, e bɛ̀i, mia zò-dɔ̀-i-mɔ̀,

Ìfísɔ̃̀ 4:2

Kà ka dìè sí péĩ́, káà ka kpóló kpɔ̀ ka mɔ̀, ɛ̃́ɛ̃́ kà kɛ zò-kũ̀-gé zɛ̀ teele. Ka kíe nì lɔ̀ è kpɔ́ ka mɔ̀ ka kíe nì kɛ-wɔ̃̀ kàà ka píé ká.

Fèlépĩ̀ã̀ 2:14

Kà wɔ̃́ séĩ́ kɛ ka lɛ̀à-ga-wè yí yékɛ̀ ká ka wè kpɔ́, ɛ̃́ɛ̃́ yékɛ̀ ká tèé dà.

Fèlépĩ̀ã̀ 2:3

Yékɛ̀ ká wɔ̃́ nɔ́ɔ fé kɛ nàà-ka-dìè ká, e bɛ̀i, lé-gbùò-là kɛ̀ ka dìè mɔ́ɔ̀ wɔ̃̀ mɔ̀ kolo là. Kɛɛ kà ka dìè sí péĩ́, ɛ̃́ɛ̃́ yékɛ̀ ɓá gɛ̃̀ ɓɔ̀ɔ i kpeĩ í diá mia yé o tóa là.

Kɔ̀lɔ́sĩã̀ 3:13

Kà ka kíe nì kɛ-wɔ̃̀ káá ka píé. Ɛ́ɛ̃́ yé wɔ̃́ dò aà kɛ mi dò gé e ɓɛ́ɛ-mì dò gbĩ mɔ̀ɔ, kà kã́ à mɔ̀ ká káá tã́ã̀. Lɛ ka mɔ̀ ká kã́ ka kíe nì kɛ-wɔ̃̀ mɔ̀, káà kàà ka píé yí, lɛ̀ zí ko Dàa-mì è kãá ka zì mɔ̀ɔ lɛ́ ɓe.

1 Tɛsàlónìà 2:7

yé bɛ̃̀ɛ̃ e kɛ ko mɔ̀ kɛ kó kɛ ka kɔ̀ là ko zì kɛ̀ àpɔ́sɔ̀lɔ̀ káa mɔ́ɔ̀ wɔ̃̀ mɔ̀ɔ ká. Kɛɛ ko kɛ kpóló-kpɔ̀-mɔ̀ zɛ̀ lɛ̀ lɛ́ ko kɛ ka píéa ká, lɛ̀ zí lee lɛ́ è e yɛ́lɛ́ yiè kɛ̀ là nɔ́ɔ̀ mɔ̀ɔ lɛ à ká kpóló-kpɔ̀-mɔ̀ zɛ̀ɛ lɛ́ ɓe.

1 Témɔ́tè 6:11

Kɛɛ ɓí i ké, lɛ́ i Wálà là mi káa, ì wɔ̃́ sùua kɛɛ̀ mɛ́ kpɔ́. Ì i fã̀ã́ wàà kɛ̀-kpeĩ-kɔ̀, kɛ̀ ɓe Wálà lɛ̀ɛ, wà zò-dɔ̀à-mɔ̀, e bɛ̀i, mi lɔ̀-kpɔ̀ mi mɔ̀, ɛ̃́ɛ̃́ zò-kũ̀-tã́ã̀, e bɛ̀i i kpóló kpɔ̀-i-mɔ̀ wɔ̃́ kɛɛ̀ yí mɔ̀.

Tátɔ̀ 1:1

Óò m si Pɔ́ɔ̀. M Wálà là yɛɓo-kɛ-mì, wà Zízɛ̀ Kɛ́lɛ̀ì là àpɔ́sɔ̀lɔ̀ ká. À kɛɛ̀ lɛ kíli kɛɛ ḿ gbũ mia lɛ́ Wálà aà o sía zì zò-dɔ̀à-mɔ̀ mɔ̀, ɛ̃́ɛ̃́ zeĩ́ kɛ ḿ zi wánà zɛ̀ lɛ́ mia wáá gbiniìá Wálà lɛ̀ɛ,

Tátɔ̀ 1:7

Yé Wálà-yɛ̀ɓo e kéa kpɔ́ɔ̀ lɛ Wálà-mìà líé-sí-mìà kɔ̀ làa, yékɛ̀ kɛɛ gbɛɛ é kɛ míá o kília mɔ̀. Yékɛ̀ ó kɛ dìè-nàà-ká-wɔ̃̀ kɛ-mìà ká. Yékɛ̀ ó kɛ míá o zò lɛ o kɛ̀lɛɛ̀ɛò, e bɛ̀i mia lɛ́ yɔ-yíí-mi wɔ̃̀ diè lɛ o zò káa ká. Yékɛ̀ ó kɛ mia gana zɛ̀ ká. Ɛ́ɛ̃́ yékɛ̀ pɛlèe sɔ̀lɔ̀ ɓò yɛ̀ì-yɛ́í ká mɔ́ɔ̀ fã̀ã́-wàà é kɛ o yí.

Tátɔ̀ 1:9

Lɛ à mɔ̀ ó kùnù wéé lɛ́ ò bɛ̀i à mɔ̀ ó o zò dɔ à mɔ̀, lɛ́ è wèè pɛ-zɔ̃̀ɔ̃̀-kɔ̀ɔ wéè mɔ̀ɔ mɔ̀. Zí e kéa káa, bɛ̀i lɛ́ɛ̀ lo kɛɛ̀ o mɔ̀ kɛ ó mia fã̀ã́ wàà pɛ-zɔ̃̀ɔ̃̀-kɔ̀ wánà zɛ̀ɛ ká, ɛ̃́ɛ̃́ tó wáà mia lɛ́ ò gèlè gɔ̃ o káa zì wɔ̃́ niàa zɔ̃̀ɔ̃̀á o lɛ̀ɛ.

Tátɔ̀ 3:2

À gèe o lɛ̀ɛ yékɛ̀ ó wɔ̃́ yɔɔ gèe mi nɔ́ɔ fé gbĩ mɔ̀. Kɛɛ ò kɛ zò-kũ̀-gé mìà ká, ɛ̃́ɛ̃́ ó kɛ mia kpóló kpɔ̀ɔ mɔ̀ zɛ̀ ká. Ò à zɔ̃̀ɔ̃̀ mia séĩ́ lɛ̀ɛ kélɛ̀ óò o kpóló kpɔ o mɔ̀ wɔ̃́ kɛɛ̀ yí teele.

Zĩ́ĩ̀ 1:1

Óò m si Zĩ́ĩ̀. M yɛɓo-kɛ-mì ká Wálà ɛ̃́ɛ̃́ ko Dàa-mì Zízɛ̀ Kɛ́lɛ̀ì lɛ̀ɛ. Ḿm̀ wèè mia lɛ́ ka Éézɛ̀lɛ̀-mìà sùu kpolà vũ̀ doó wɛ́lɛ́ pèèlɛ, lɛ́ ka wɛ̃̀ĩĩ̀ lɛ sɛ́lɛ́ séĩ́ làa bà.

Zĩ́ĩ̀ 3:17

Kɛɛ gíkã́ lɛ́ è go lɛ̀ía, lɛ púlú kpá zii. Ɛ́ɛ̃́ lɛ zeĩ́ zò-yà-gé zɛ̀, ɛ̃́ɛ̃́ kpóló-kpɔ̀-mɔ̀ zɛ̀, e bɛ̀i, à yɛɛ̀ lɛ mia lɛ̀ɛ kɛ é e tóó dɔ mi mɔ̀. À paà lɛ mia yéĩ̀ kṹũ̀ ká, ɛ̃́ɛ̃́ lɛ́ɛ̀ ɓa e ɓɛɛ yiè ɓó máàa zɛ̀ ká. À zì yɛ́lɛ́-táá kpolà wá pèèlɛ. Ɛ́ɛ̃́ ye wá e dìè wɛlɛ-li-pɛ̀ ká.

Zĩ́ĩ̀ 4:2

Káà nàà pɔɔ̀ ká, kɛɛ kàá à sɔ̀lɔ̀ ɓo. À mɔ́ɔ̀ wɔ̃̀ mɔ̀ɔ, káà à mɔ́ɔ̀ mi zɛ ɓo. Pɛ séĩ́ lɔ̀ kpɔ́ɔ̀ lɛ ka mɔ̀ kɛɛ zi wá ɓe kɛ ká sɔ̀lɔ̀ ɓo. À mɔ́ɔ̀ wɔ̃̀ mɔ̀ɔ, káà mɔ́ɔ̀ wéé dɔ ɓo, tó káà gèlè gɔ̃̀. Pɛ lɛ́ kà nàà à káa, kàá à sɔ̀lɔ̀ ɓo, ɓii kàá à pɛ̃́ Wálà mɔ̀ɔ mɔ́ɔ̀ wɔ̃̀ mɔ̀.

1 Pílɛ̀ 3:8

M̀ wéé líé-nyɛ-mɔ̀ lɛ́ e kélɛ̀, ka séĩ́ ka zì yɛ́lɛ́-táá è kɛ doó. Ka kíe nì yéĩ́ è ka kɛ. Ka kíe nì lɔ̀ è kpɔ́ ka mɔ̀, lɛ̀ zí lèe-gé vɔ̀ lɔ̀ è kpɔá o kíe nì mɔ̀ɔ lɛ́ ɓe. Ka sɔ̃̀ɔ̃ è kɛ sɛ̀, káà ka dìè sì péĩ́.

Zúdè 1:3

M̀ lɔ̀-kɛ̀á-mìà, m kɛ m yí dɔpìà gágà kɛ ḿ la-ɓo lɛ́ kɔ̀à ɓi nì kɔ̀à dɔ à yía wɔ̃̀ bɛ̃̀ɛ̃ ka píé, kɛɛ ma gɛ̃̀ gbaa sɛ̀ kɛɛ ḿ kii bɛ̃̀ɛ̃ ka píé dɛɛ ká, kɛɛ ka fã̀ã́ é wàà. Ḿm̀ nàà ka fã̀ã́ é wàà kɛɛ ká ló ka líé gèlè ká zò-dɔ̀à-mɔ̀ wɔ̃̀ lɛ́ Wálà aà nɔ nɔ́ doó là mia nì lɛ̀ɛ mɔ́ɔ̀ wɔ̃̀ mɔ̀.