2 Témɔ́tè 2:22 - Wè-dɔ-wè Dɛɛ

²² Pɛ lɛ́ à lɔ̀ è mia dɛɛ kɛ̀ɛ, ì i yí ɓo à mɔ̀. Ɛ́ɛ̃́ ì i fã̀ã́ wàà kɛ̀-kpeĩ-kɔ̀, zò-dɔ̀à-mɔ̀, ɛ̃́ɛ̃́ lɔ̀-kɛ̀à-mɔ̀, e bɛ̀i, zò-yà-gé wɔ̃̀ kɛɛ̀ mɔ̀. Mia nì lɛ́ o zò píé lɛ púlú, lɛ́ o ko Dàa-mì súo kɛ kɛ é gbũ o mɔ̀ɔ, kà ye nì káà wɔ̃́ e kília kɛ̀.

2 Témɔ́tè 2:22 Iomraidhean Croise

Àpɔ́sɔ̀lɔ̀ 7:59

O kɛ nɔ́ Tíímì pápìà gɛ̀lɛ̀ ká, lɛ̀ lɛ́ bɛ̃̀ɛ̃ e kɛ wéépìà ko Dàa-mì píéa ká. Áà gèè kélɛ̀, “Ko Dàa-mì Zízɛ̀, ì m gɛ̀ɛ̀ sí ɓà pɛ ká.”

Àpɔ́sɔ̀lɔ̀ 9:14

Ɛ́ɛ̃́ aà nu Dùmásà zèe yíkɛ̀ gáàa lɛ́ è go sálà-ɓò-Wálà-mɔ̀-mìà kpànazɛ̀ɛ kɛ̀lɛ̀ɛ ká, kɛ é mia séĩ́ lɛ́ ò i tɔ́ súo kɛ̀ɛ kṹ.”

Wólómà 14:17

Ƃii Wálà zì tò-mia-làa ye wá pɛ́ ò ɓèlèaò, ɛ̃́ɛ̃́ à yé ò mia mɔ̀. Kɛɛ lɛ kɛ̀-kpeĩ-kɔ̀, e bɛ̀i zeĩ́, zò-yà-gé kɔ̀ ɛ̃́ɛ̃́ géli kɛ-kɔ̀ lɛ́ Wálà zì Gɛ̀ɛ̀ Púlúa è o nɔɔ, lɛ́ lɛ à mɔ̀ɔ.

Wólómà 14:19

À mɔ́ɔ̀ wɔ̃̀ mɔ̀ɔ, kɔ̀à kɔa yɛ́lɛ́ kɛ pɛ lɛ́ è nu zò-yà-gé ká, ɛ̃́ɛ̃́ lɛ́ à kɛ̀ lɛ́ kò yíkɛ̀ gáàa nɔ ko kíe nì lɛ̀ɛ mɔ̀.

1 Kɔ̀léĩ́tĩ̀ã̀ 1:10

M lèe-gé vɔ̀, kà kpé lɛ sɛ̀, ko Dàa-mì Zízɛ̀ Kɛ́lɛ̀ì tɔ́ yí. Ka séĩ́ ka wúú è tó doó wɔ̃́ lɛ́ kà gèea yí, yékɛ̀ mia fĩ̀ã̀ ɓoò é dà ka fĩ̀ã̀. Kà kɛ dóo kpó-kpó ɓo mia doó ká, kɛɛ ka zì yɛ́lɛ́-táá wà ka zì yɛ́lɛ́-tàà-yí-wɔ̃̀ é kɛ doó.

1 Kɔ̀léĩ́tĩ̀ã̀ 1:2

kóò wèè Wálà-mìà lɛ́ ka Kɔ́lèĩ̀a bà. Ka Wálà là pɛ ká kà Kɛ́lɛ̀ì Zízɛ̀ nì ka kɛ̀ doó yí zàá. Wálà aà ka súo kɛ ká kɛ là mia nì ká. Mia séĩ́ lɛ́ o lɛ̀ séĩ́ mɔ̀, lɛ́ ò ko Dàa-mì Zízɛ̀ Kɛ́lɛ̀ì tɔ́ súo kɛ̀ɛ, aà kà ye nì ka súo kɛ e kíe là. Kɛ́lɛ̀ì lɛ o Dàa-mì ká, lɛ̀ zí lɛ à ká ko Dàa-mì káa, lɛ́ ɓe.

1 Kɔ̀léĩ́tĩ̀ã̀ 10:14

M̀ lɔ̀-kɛ̀á-mìà, à mɔ́ɔ̀ wɔ̃̀ mɔ̀ɔ, kà ka yí ɓo gbìnì kɛ̀ɛ̀-wɛ́lɛ́ lɛ̀ɛ wɔ̃̀ mɔ̀.

1 Kɔ̀léĩ́tĩ̀ã̀ 14:1

Yé lɛ kília, lɔ̀-kɛ̀à-mɔ̀ lɛ́ fã̀ã́-wàà áá kɛɛ̀ ka yí káà nààa. Nɔ̀-lɛ̀ɛ-pɛ̀ lɛ́ Gɛ̀ɛ̀ Púlú à nɔ mia lɛ̀ɛ, à mɔ́ɔ̀ wɔ̃̀ è die ka zò ká. À ye kpó-kpó lɛ́ à wɔ̃̀ è bɛ̀i à mɔ̀ é die ka zò káa lɛ́ e kélɛ̀, wɔ̃́ lɛ́ Wálà à kàà mia lé káà gèèa.

1 Kɔ̀léĩ́tĩ̀ã̀ 6:18

Kà ka mɛ́ tɛ̃́ sɔ̃̀ɔ̃ yɔɔ kɛɛ̀ mɔ̀. Kɛ-wɔ̃̀ yɔɔ séĩ́ lɛ́ mi à kɛ̀ɛ, à tíé lɛ̀ɛ́ à dìè kṹ. Kɛɛ mi yé è sɔ̃̀ɔ̃ yɔɔ kɛ̀ɛ, lɛ́ɛ̀ wɔ̃́ yɔɔ kɛ̀ e dìè gbĩ-kpàla mɔ̀.

1 Témɔ́tè 1:14

Ko Dàa-mì e e zì zò-kɛ̀-sɛ̀ káá m là yí gbùò zɛ̀, ɛ̃́ɛ̃́ e zò-dɔ̀à-mɔ̀ wà lɔ̀-kɛ̀à-mɔ̀ lɛ́ e kò pɛ ká kò Kɛ́lɛ̀ì Zízɛ̀ nì ko kɛ̀ doó yía kolo là zàáa, a nɔ m lɛ̀ɛ.

1 Témɔ́tè 1:5

Pɛ́ è kɛ̀ lɛ́ m̀ mɔ́ɔ̀ wɔ̃̀ nì e kéa gèe ɓo ɓá kɛɛ, gɛ̃̀ e ké. Ye lɛ́ e kélɛ̀, lɔ̀-kɛ̀à-mɔ̀ lɛ́ è go mi zò píé púlú zɛ̀ lɛ́ à zò lɛ̀ɛ́ mɛ̀ à mɔ̀ɔ gé, lɛ́ zò-dɔ̀à-mɔ̀ wánà zɛ̀ lɛ à yía, é kɛ ɓe.

1 Témɔ́tè 2:8

Ḿm̀ nàà gɔ̃ã̀ lɛ́ o lɛ̀ séĩ́ mɔ̀ɔ ó sɛ̀nɛ ɓo. Gɔ̃ã̀ o kília, o mia lɛ́ waà o dìè nɔ Wálà lɛ̀ɛ, ɛ̃́ɛ̃́ lɛ́ bɛ̀i lɛ o mɔ̀ ó o kɔ̀ sí lɛ̀í sɛ̀nɛ ɓoò ká, tó òó sɛ̀nɛ e kília ɓo là-zɔ̃̀ɔ̃̀ wà wéé dɔɔ̀ káa káa.

1 Témɔ́tè 4:12

Yékɛ̀ ɓá tó mi nɔ́ɔ fé nyìɛ é fɔ̃́ i yí ɓii i nɛ́fú káa mɔ́ɔ̀ wɔ̃̀ mɔ̀. Kɛɛ ì à tó i zì wɔ̃́ lɛ́ ɓà gèe, e bɛ̀i, i zì wɔ̃́ kɛ-kɔ̀, ɛ̃́ɛ̃́ zeĩ́, i zì lɔ̀-kɛ̀ mia ká, ɛ̃́ɛ̃́ i zì zò-dɔ̀à-mɔ̀, e bɛ̀i i zì kɛ̀ pulú é kɛ wɔ̃́ gɔ̃̀á ká mia lɛ́ waà o zò dɔ Wálà mɔ̀ɔ lɛ̀ɛ.

1 Témɔ́tè 6:11

Kɛɛ ɓí i ké, lɛ́ i Wálà là mi káa, ì wɔ̃́ sùua kɛɛ̀ mɛ́ kpɔ́. Ì i fã̀ã́ wàà kɛ̀-kpeĩ-kɔ̀, kɛ̀ ɓe Wálà lɛ̀ɛ, wà zò-dɔ̀à-mɔ̀, e bɛ̀i, mi lɔ̀-kpɔ̀ mi mɔ̀, ɛ̃́ɛ̃́ zò-kũ̀-tã́ã̀, e bɛ̀i i kpóló kpɔ̀-i-mɔ̀ wɔ̃́ kɛɛ̀ yí mɔ̀.

Hííbúlù 12:14

Kà kɛ-zì naa zò-yà-gé é kɛ kà mia nì séĩ́ ka fĩ̀ã̀. Kà à kɛ-zì naa kɛ kɛɛ é nyɛ ka mɔ̀, ɓii mi nɔ́ɔ fé lɛ́ kɛɛ lɛ à mɔ̀ɔ, lɛ̀ɛ́ ló ko Dàa-mì gɛ̃̀ɛ̃̀.

1 Pílɛ̀ 2:11

M̀ lɔ̀-kɛ̀á-mìà lɛ́ ka lɔ̀ɔ̀-mìà ká, lɛ́ ka pà gbɛɛ wá ɓe kpóṹ e kéa làa, ḿm̀ kpé kã ka lɛ̀ɛ, kɛɛ ká ka yí ɓo pɛ lɛ́ à kɛ-lɔ̀ è ka gbĩ-kpàlaa kɛ̀ɛ mɔ̀. Wɔ̃́ kɛ-lɔ̀ e kília óò gèlè gɔ̃ mia gɛ̀ɛ̀ lɛ́ e mia yía ká.

1 Pílɛ̀ 3:11

È e ko gbɛ̃̀ wɔ̃́ yɔɔ kɛɛ̀ mɔ̀, áà wɔ̃́ yiè kɛ̀. È zò-yà-gé naa, é à píé lúó.

3 Zɔ̃̀ɔ̃́ 1:11

M̀ lɔ̀-kɛ̀á-mì, yékɛ̀ í mia lɛ́ ò wɔ̃́ yɔɔ kɛ̀ɛ píé gɔ̃́. Kɛɛ ì mia lɛ́ ò yiè kɛ̀ɛ píé gɔ̃́. Mi lɛ́ lɛ wɔ̃́ yiè kɛ-mì káa, lɛ Wálà là mi ká. Mi lɛ́ è wɔ̃́ lɛ́ lɛ yɔɔ kɛ̀ɛ, kɛɛ lɛ̀ɛ́ Wálà gɛ̃̀ do.