2 Témɔ́tè 2:21 - Wè-dɔ-wè Dɛɛ

²¹ Yé mi dò aà gó wɔ̃́ yɔɔ séĩ́ e kília kɛɛ̀ lɛ̀ɛ, tó áà e dìè mɛ́ pɛ̀lɛ̀ɛ, óò lo à síì wɔ̃́ kpànazɛ̀ kɛɛ̀ wɛ̃́ĩ̀. Ƃii mí e kília lɛ Wálà doó là mi ká, ɛ̃́ɛ̃́ bɛ̀i lɛ à Dàa-mì bɛ̃̀ɛ̃ mɔ̀ kɛ é yɛɓo kɛ à ká. À pɛ̀ kɛɛ̀ lɛ kɛ à Dàa-mì é yɛɓo kɛ à ká wɔ̃́ yiè nɔ́ɔ fé mɔ́ɔ̀ wɔ̃̀ mɔ̀.

2 Témɔ́tè 2:21 Iomraidhean Croise

Àpɔ́sɔ̀lɔ̀ 9:15

Ko Dàa-mì a gèe à lɛ̀ɛ, “Ì lo. Ƃii maà sí, kɛ é yɛɓo kɛ m lɛ̀ɛ, kɛ é sɛ́lɛ́ gbɛɛ yí-mìà wà sɛ́lɛ́ líé-sí-mìà, ɛ̃́ɛ̃́ Éézɛ̀lɛ̀-mìà o kɛ, kɛ ó m tɔ́ dɔ.

1 Kɔ̀léĩ́tĩ̀ã̀ 5:7

Kà belè-fɔ̀ɔ-pɛ̀ zii lɛ́ e ka bàa ɓo ka bà, kɛɛ ká kɛ belè-kpo dɛɛ ká. Ƃii ka belè-kpo lɛ́ à fɔ̀ɔ-pɛ̀ gbɛɛ wá à yía ká kpó-kpó ɓo. Ƃii waà Kɛ́lɛ̀ì lɛ́ e ko zì ɓáá nyɔ̀nɔ́ ká Dìè-mia-là Kpílìa mɔ́ɔ̀ wɔ̃̀ mɔ̀ɔ, waà sálà ɓo à ká gbaa.

2 Kɔ̀léĩ́tĩ̀ã̀ 7:1

M̀ lɔ̀-kɛ̀á-mìà, wè-dɔ-wè doò do e kéa, à dɔɔ̀ lɛ ko lɛ̀ɛ. À mɔ́ɔ̀ wɔ̃̀ mɔ̀ɔ, kɔ̀à kɔa dìè kɛ kpeĩ, yékɛ̀ pɛ nɔ́ɔ fé lɛ́ è mia gbĩ-kpàla wà mia gɛ̀ɛ̀ lilì kũa é kɛ à mɔ̀. Kɔ̀à kɔa dìè kɛ kpó-kpó ɓo là mia nì ká tùò Wálà lɛ̀ɛ ká.

2 Kɔ̀léĩ́tĩ̀ã̀ 9:8

Wálà lɛ́ɛ̀ bɛ̀i à mɔ̀ é pɛ séĩ́ nɔ ka lɛ̀ɛ gbùò, kɛɛ pɛ séĩ́ lɛ́ lɛ ka mɔ̀ ká sɔ̀lɔ̀ ɓo zi nɔ́ɔ fé káa, é kɛ ka kɛ̀lɛ̀ teele. Ɛ́ɛ̃́ kɛ pɛ é kɛ ka kɛ̀lɛ̀ gbùò, káà wɔ̃́ yiè kɛ̀á mia lɛ̀ɛ déĩ́ le.

Ìfísɔ̃̀ 2:10

Wálà lɛ́ e ko kɛ-mì káa. Ko kɛ̀ doó Kɛ́lɛ̀ì Zízɛ̀ yí zàáa, aà ko kɛ kɛɛ kó wɔ̃́ yiè kɛ. Wálà aà wɔ̃́ yiè nì e kília pɛ̀ kɛ mɔ́, kɛ kó o kɛ teele.

1 Témɔ́tè 6:11

Kɛɛ ɓí i ké, lɛ́ i Wálà là mi káa, ì wɔ̃́ sùua kɛɛ̀ mɛ́ kpɔ́. Ì i fã̀ã́ wàà kɛ̀-kpeĩ-kɔ̀, kɛ̀ ɓe Wálà lɛ̀ɛ, wà zò-dɔ̀à-mɔ̀, e bɛ̀i, mi lɔ̀-kpɔ̀ mi mɔ̀, ɛ̃́ɛ̃́ zò-kũ̀-tã́ã̀, e bɛ̀i i kpóló kpɔ̀-i-mɔ̀ wɔ̃́ kɛɛ̀ yí mɔ̀.

2 Témɔ́tè 2:16

Ì i dìè ɓo wéé lɛ́ Wálà tɔ́ lɛ̀ɛ́ ɓɔ à ɓoò yía bà. Wéé nì e kília, lɛ́ɛ̀ mia yí ɓo Wálà mɔ̀ bá le.

2 Témɔ́tè 2:20

Mia kɔ̀ gĩ́-ɓo-pɛ̀ doò do lɛ ká gbùò wì. À gbṹũ̀ lɛ sévà wà góò ká. À dò bɛ̃̀ɛ̃ lɛ yílí wà sɛ́lɛ́ ká. À gbṹũ̀ bɛ̃̀ɛ̃ lɛ yí lúó kpànazɛ̀ dò wɛ̃́ĩ̀. À dò bɛ̃̀ɛ̃ lɛ nɔ́ ɓɔ̀ɔ mia kɔ̀-lé ká.

2 Témɔ́tè 3:17

Lɛ kíli kɛɛ mi lɛ́ è yɛɓo kɛ̀ Wálà lɛ̀ɛ, kɛɛ é e kɛ-yɛ̀ɓo dɔ kpó-kpó ɓo, ɛ̃́ɛ̃́ kɛ pɛ séĩ́ lɛ́ à nàà é yɛɓo yiè nɔ́ɔ fé kɛ à káa é kɛ à kɛ̀lɛ̀.

2 Témɔ́tè 4:11

Lúù doó lɛ́ nɔ́ lɛ m píé zèea. Ì Máà naa í nu à ká. Ƃii lɛ gbũ̀-mɔ̀ zɛ̀ yɛɓoa kɛɛ̀ yí.

Tátɔ̀ 3:1

Ì ɓà mia nì zò vùò ó kɛ mia líé-sí-mìà ɛ̃́ɛ̃́ yíkɛ̀ gáàa séĩ́ wì, wáà o wéè kɛ̀. À gèe o lɛ̀ɛ o pɛ̀ kɛɛ̀ é kɛá wɔ̃́ yiè séĩ́ kɛɛ̀ wɛ̃́ĩ̀.

Tátɔ̀ 3:14

Tó ko mìà nì ó wà lúó séĩ́ nɔ̀ wɔ̃́ yiè kɛɛ̀ lɛ̀ɛ mɛ́ dã́, kɛ ó pɛ nɔ mia lɛ́ lɛ o mɔ̀ ó gbũ̀-mɔ̀ sɔ̀lɔ̀ ɓoa lɛ̀ɛ. Ò kɛ mia lɛ́ o zì kɛ̀ɓe yí lɛ à mɔ̀ɔ ká.

Tátɔ̀ 3:8

Wɔ̃́ nì e kília lɛ wɔ̃́ wánà zɛ̀ lɛ́ à gèeè lɛɛ ká. Ḿm̀ nàà í wɔ̃́ nì o kília gèe kpó-kpó ɓo, kɛɛ é à kɛ mia lɛ́ o zò dɔɔ̀ lɛ Wálà mɔ̀ɔ zò é kɛ yɛɓo yiè kɛɛ̀ mɔ̀. Wɔ̃́ e kília lɛ sɛ̀, ɛ̃́ɛ̃́ lɛ́ɛ̀ gbũ mia mɔ̀.

1 Pílɛ̀ 1:22

Kaà wɔ̃́ wánà zɛ̀ɛ wéè kɛ. Wɔ̃́ e kéa kɛɛ̀ kolo làa, kaà ka dìè kɛ púlú, ɛ̃́ɛ̃́ ka lèe-gé vɔ̀ lɔ̀ kpó-kpó kpɔ́ɔ̀ lɛ ka mɔ̀. Lɛ̀ lɛ́ wɔ̃́ nì e kéa lɛ kília, ka kíe nì lɔ̀ è kpɔ́ ka mɔ̀ kpó-kpó ɓo, áà gò ka zò píé.

1 Pílɛ̀ 1:7

Lɛ́ɛ̀ kɛ̀ ka ká kíli, kɛɛ á zɔ̃̀ɔ̃̀ kélɛ̀ ka zì zò-dɔ̀à-mɔ̀ lɛ wánà zɛ̀ kpó-kpó ɓo. É kɛ bɛ̃̀ɛ̃ góò lɛ́ à yí è bɛ̀i sìèa káa, óò à yí dã tíé ká. À mɔ́ɔ̀ wɔ̃̀ mɔ̀ɔ, laa mɔ̀ ka zì zò-dɔ̀à-mɔ̀, lɛ́ lɛ bɛ̃̀ɛ̃ kpànazɛ̀ kpó-kpó ɓo é diá góò làa, à dã́ã̀ é kɛá nɔ́ kíli, kɛɛ é kɛ ɓe teele. Yé aà kɛ kília, káà lo kɛɛ̀ lɛ̀-fɔ̀nɔ-kɔ̀ yí, tó káà tɔ́-ɓɔ ɛ̃́ɛ̃́ ɓɛ̀lɛyà sɔ̀lɔ̀ ɓò Lúó lɛ́ Zízɛ̀ Kɛ́lɛ̀ì zɔ̃̀ɔ̃ɔ̃̀ è lo kɛɛ̀á mia lɛ̀ɛ ká.

1 Zɔ̃̀ɔ̃́ 3:3

Mia séĩ́ lɛ́ o zò lɛ Kɛ́lɛ̀ì mɔ̀ zi sùu e kéa káa, lɛ́ɛ̀ e dìè kɛ̀ púlú lɛ̀ zí Kɛ́lɛ̀ì lɛ à ká púlúa lɛ́ ɓe.