2 Témɔ́tè 2:19 - Wè-dɔ-wè Dɛɛ

¹⁹ Kɛɛ ká-gã̀ mɛ́ gágà zɛ̀ lɛ́ Wálà aà dɔɔ wí-pɛ̀ wá. Ɛ́ɛ̃́ wéé nì e kéa bɛ̃̀ɛ̃ɛ̃̀ laa mɔ̀. O lɛ́ o kélɛ̀, “Ko Dàa-mì lɛ́ɛ̀ mia lɛ́ o là mia káa dɔ.” Ɛ́ɛ̃́ zeĩ́, “Mi nɔ́ɔ fé lɛ́ à gèe lɛ ko Dàa-mì là mi káa, lɛ à mɔ̀ é gó kɛ-pɛ̀ yɔɔ kɛɛ̀ lɛ̀ɛ.”

2 Témɔ́tè 2:19 Iomraidhean Croise

Máfìù 24:24

Ƃii mia lɛ́ ò o dìè si Kɛ́lɛ̀ì, ɛ̃́ɛ̃́ o yé ò o dìè si Wálà là dɔ̀‐lé‐là‐mìà, lɛ́ o wá mɔṹ à káa, óò lo kɛɛ̀ ɓe. Óò lo lé‐pa‐wɔ̃̀ kpó‐kpó, ɛ̃́ɛ̃́ à kpàlézɛ̀ nì kɛɛ̀, kɛ ó mia lɛ́ Wálà aà o sía, bèkɛ̀ ɓo, yé bɛ̀i lɛ o mɔ̀ɔ ká.

Máfìù 28:19

À mɔ́ɔ̀ wɔ̃̀ mɔ̀ɔ, kà lo mia lɛ́ o sɛ́lɛ́ séĩ́ yía, ká o kɛ tò‐m‐píé mìà ká. Kà o bàtáì kɛ m Dàa tɔ́ yí, à Gbe tɔ́ yí, ɛ̃́ɛ̃́ là Gɛ̀ɛ̀ Púlúa tɔ́ yí.

Máfìù 7:23

Yé aà kɛ kília, ḿm̀ lo à gèeè o lɛ̀ɛ, ‘M̀ḿ gbaa ka dɔ gbɛɛ ɓo. Kɛ‐pɛ̀ yɔɔ kɛ‐mìà ka ké ɓɛ. Kà gó dɔ̀á m là.’

Máfìù 7:25

“Lɛ̀ɛ e bã, yíí e pa. Fã̀ã̀ e die áà zɔ̃̀ ká e kília mɔ̀. Kɛɛ lɛ̀ɛ́ gbaa wí, ɓii à dɔɔ̀ lɛ gɛ̀lɛ̀ làa mɔ́ɔ̀ wɔ̃̀ mɔ̀.

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 12:16

O nu à doó ká à píé, áà gèè o lɛ̀ɛ, “Deĩ̀ wũ-kèlè bĩ́ lɛ́ e pɛlèea là ɓɛ? Pɛ́ à bɛ̃̀ɛ̃ɛ̃̀ lɛ à làa, gbɛ̃̀ɛ̃̀ lɛ deĩ̀ mɔ̀?” Wa gèe à lɛ̀ɛ kélɛ̀, “Sízà lɛ́ là pɛ lɛɛ.”

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 13:22

Mia lɛ́ ò o dìè si Kɛ́lɛ̀ì, ɛ̃́ɛ̃́ o yé ò o dìè si Wálà là dɔ̀-lé-là-mìà, lɛ́ o wá mɔṹ à káa, óò lo kɛɛ̀ ɓe. Óò lo lé-pa-wɔ̃̀ ɛ̃́ɛ̃́ à kpàlézɛ̀ nì kɛɛ̀, kɛ ó mia lɛ́ Wálà aà o sía bèkɛ̀ ɓo, yé bɛ̀i lɛ o mɔ̀ɔ ká.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 13:27

Lɛ́ɛ̀ lo zeĩ́ à gèeè ka lɛ̀ɛ, ‘Lɛ̀ lɛ́ kà go yía, m̀ḿ à dɔ. Míá ka kɛ‐pɛ̀ yɔɔ kɛ‐mìà káa, kà gó dɔ̀á m là.’

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 6:48

Lɛ kélɛ̀ gɔ̃ lɛ́ e ká dɔɔ lɛ́ ɓe. Gɔ̃́ e kília e gìè fòo gbèkèni, e là ká‐gã̀ gbɛ̃̀ à yí gɛ̀lɛ̀ là. Yíí paàa e zɔ̃ ká e kília mɔ̀. Kɛɛ lɛ̀ɛ́ gbaa vĩ́ fèle ɓo, ɓii à dɔ kpó‐kpó ɓoò e kɛá.

Zɔ̃̀ɔ̃́ 10:14

Ma lɛ́ m nyìɛ-kɛ̀-ɓáá-mɔ̀-mì kpeĩ káa. Zí mia Dàa è m dɔ à ká, lɛ́ ma bɛ̃̀ɛ̃ m̀ dɔ à káa, zi nɔ́ doóa lɛ́ m̀ m̀ ɓáá vɔ̀ɔ dɔ à ká, tó o bɛ̃̀ɛ̃ wáà m dɔ̀ à káa. Ɛ́ɛ̃́ ḿm̀ m zì kɛ̀ɓe nɔ o mɔ́ɔ̀ wɔ̃̀ mɔ̀.

Zɔ̃̀ɔ̃́ 13:18

“Ma wá mɛ́ĩ́ e kéa ɓopìà ka séĩ́ ka gbĩ mɔ̀. Mia lɛ́ maà o sía, ḿm̀ o dɔ. Kɛɛ wɔ̃́ yé e ké lɛ́ è go Wálà là kíía yía, laa mɔ̀ é kɛ wánà zɛ̀. Ye lɛ́ e kélɛ̀, ‘Mi lɛ́ e m̀ léɓèlè ɓèlèa, e e gã̀-kɛlɛ̀ zóló zɔ̃̀ɔ̃̀ m lɛ̀ɛ.’

Zɔ̃̀ɔ̃́ 3:33

Mi lɛ́ è lo e kɔ̀ yàà wɔ̃́ lɛ́ à gèea wìa, láà zɔ̃̀ɔ̃̀ à kɛ̀ kíli kolo là kélɛ̀ Wálà lɛ wánà zɛ̀.

Àpɔ́sɔ̀lɔ̀ 11:26

Lɛ̀ a gɛ̃̀ɛ, e nu à ká Ã́téɔ̀. Yé e kɛ kília, wà Wálà-mìà lɛ́ o kɛ yía o pá o kíe mɔ̀ kɛ̀ɛ̀ doó púlú píé, wáà pɛ zɔ̃̀ɔ̃̀ mia búnù-búnùzɛ̀ lɛ̀ɛ. Lɛ̀ bèĩzɛ̀ lɛ́ o Kɛ́lɛ̀ì là tòà-píé-mìàa tɔ́ kpɔ́ yi, wáà o sì Kɛ́lɛ̀ì là mia nìa, lɛ́ e kɛ Ã́téɔ̀ káa.

Àpɔ́sɔ̀lɔ̀ 15:17

Ɛ́ɛ̃́ mia yé o tóa, óò lo ko Dàa-mì naà. Míá o kília o lɛ́ o sɛ́lɛ́ gbɛɛ yí-mìà séĩ́ lɛ́ maà o súo kɛ, kɛ ó kɛ m dìè-tĩ́ m̀ mia nì káa káa.

Àpɔ́sɔ̀lɔ̀ 9:14

Ɛ́ɛ̃́ aà nu Dùmásà zèe yíkɛ̀ gáàa lɛ́ è go sálà-ɓò-Wálà-mɔ̀-mìà kpànazɛ̀ɛ kɛ̀lɛ̀ɛ ká, kɛ é mia séĩ́ lɛ́ ò i tɔ́ súo kɛ̀ɛ kṹ.”

Wólómà 11:2

Wálà lɛ̀ɛ́ e wũ ɓo nɛ́ mia lɛ́ aà o sí kpá líéa wì nɛ́. Kàá Wálà là kíía lɛ̀ yé Ìláyà e mɛ́ĩ́ ɓo yí Wálà lɛ̀ɛ Éézɛ̀lɛ̀-mìà gbĩ mɔ̀ɔ dɔ?

Wólómà 12:9

Ka zì mi-lɔ̀-kpɔ̀ ka mɔ̀ɔ, è kɛ dóo wánà zɛ̀. Wɔ̃́ yɔɔ lɔ̀ è nyɛ ka mɔ̀. Kà ka kɔ̀ kùnù wɔ̃́ lɛ́ e sɛ̀ɛ mɔ̀.

Wólómà 15:20

Wɔ̃́ nɔ́ e m zò mɔ̀ɔ lɛ́ e kélɛ̀, kɛ ḿ wɔ̃́ làṹ yièa gèe lɛ̀ lɛ́ òó wɔ̃́ ma nɛ́ kɛ é gbɛ̃̀ Kɛ́lɛ̀ì mɔ̀ yia, lɛ̀ mɔ̀ɔ káa. Ḿm̀ à kɛ̀ kíli, ɓii yékɛ̀ ḿ ká dɔ ká gã̀ lɛ́ mi gbɛɛ aà dɔɔ là.

Wólómà 15:9

Ɛ́ɛ̃́ zeĩ́, a kɛ kíli kɛɛ sɛ́lɛ́ gbɛɛ yí-mìà ó Wálà tɔ́ kɛ gbùò à zì mia yéĩ̀ kṹũ̀a wɛ̃́ĩ̀. Zi lɛ́ à bɛ̃̀ɛ̃ɛ̃̀ lɛ à ká Wálà là kíía yía, gɛ̃̀ e ké. “À mɔ́ɔ̀ wɔ̃̀ mɔ̀ɔ, ḿm̀ lo i tɔ́ ɓɔɔ̀ sɛ́lɛ́ gbɛɛ yí-mìà fĩ̀ã̀. Ḿm̀ lo tã́ ɓoò i tɔ́ ká.”

Wólómà 8:28

Kóò à yí dɔ kélɛ̀ wɔ̃́ séĩ́ yí zàáa, Wálà lɛ́ɛ̀ yɛɓo kɛ̀ kɛɛ wɔ̃́ yiè é nu là mia nì píé. Yɛɓo e kília, wà mia lɛ́ ò lɔ̀ kɛ̀ à ká, lɛ́ aà o súo kɛ wɔ̃́ lɛ́ aà yà e gé á kɛɛ, mɔ́ɔ̀ wɔ̃̀ mɔ̀ɔ, lɛ́ ò kɛ̀ e kíe bàa.

Wólómà 9:11

Kɛ ó tĩã́ nɔ́ɔ̀ɓé o kília o yeè, ɛ̃́ɛ̃́ kɛ ó tĩã́ wɔ̃́ yɔɔ ɛ̃́ɛ̃́ à yiè kɛɛ̀ɛ, Wálà a gèe Wìlìbɛ́kà lɛ̀ɛ weeá kélɛ̀, “Ƃà nɛ́ líéa lɛ́ɛ̀ lo kɛɛ̀ nɛ́ zízàá là yɛɓo-kɛ-mì ká.” Wálà e à gèe kíli kɛɛ mi sí à ɓoa, é kɛ wɔ̃́ lɛ́ a yà e gé á kɛɛ à yí ká. Sí ɓo lɛ́ à kɛ̀ɛ, ye wá wɔ̃́ nɔ́ɔ fé lɛ́ mi ɓà kɛ̀ɛ mɔ́ɔ̀ wɔ̃̀ wɛ̃́ĩ̀. Mí Wálà à súo kɛ̀ɛ, ye lɛ́ à sia.

1 Kɔ̀léĩ́tĩ̀ã̀ 1:2

kóò wèè Wálà-mìà lɛ́ ka Kɔ́lèĩ̀a bà. Ka Wálà là pɛ ká kà Kɛ́lɛ̀ì Zízɛ̀ nì ka kɛ̀ doó yí zàá. Wálà aà ka súo kɛ ká kɛ là mia nì ká. Mia séĩ́ lɛ́ o lɛ̀ séĩ́ mɔ̀, lɛ́ ò ko Dàa-mì Zízɛ̀ Kɛ́lɛ̀ì tɔ́ súo kɛ̀ɛ, aà kà ye nì ka súo kɛ e kíe là. Kɛ́lɛ̀ì lɛ o Dàa-mì ká, lɛ̀ zí lɛ à ká ko Dàa-mì káa, lɛ́ ɓe.

1 Kɔ̀léĩ́tĩ̀ã̀ 8:3

Kɛɛ yé Wálà lɔ̀ aà kpɔ́ mi dò mɔ̀ɔ, Wálà lɛ́ɛ̀ à mɔ́ɔ̀ mì dɔ.

2 Kɔ̀léĩ́tĩ̀ã̀ 7:1

M̀ lɔ̀-kɛ̀á-mìà, wè-dɔ-wè doò do e kéa, à dɔɔ̀ lɛ ko lɛ̀ɛ. À mɔ́ɔ̀ wɔ̃̀ mɔ̀ɔ, kɔ̀à kɔa dìè kɛ kpeĩ, yékɛ̀ pɛ nɔ́ɔ fé lɛ́ è mia gbĩ-kpàla wà mia gɛ̀ɛ̀ lilì kũa é kɛ à mɔ̀. Kɔ̀à kɔa dìè kɛ kpó-kpó ɓo là mia nì ká tùò Wálà lɛ̀ɛ ká.

Gɛ̀lésìà 4:9

Kɛɛ lɛ̀ kaà Wálà dɔ gbaa — ḿ pe, lɛ̀ Wálà aà ka dɔ gbaa — mɛ́ e kɛ mɔṹ lɛ́ kà nàà ká nìɛ̀ ka mɛ̀ĩ́ pɛ fĩ́ĩ́-nyɛ zɛ̀ ɛ̃́ɛ̃́ yéĩ̀zɛ̀ lɛ́ o kɛ ka líé sípìàa píé ɓɛ? Mɛ́ e kɛ lɛ́ kà nàà ká kɛ wà lùò ká zeĩ́ dɛɛ ɓo ɓɛ?

Ìfísɔ̃̀ 2:20

Ka bɛ̃̀ɛ̃ ka dɔɔ̀ lɛ gbaa ká gã̀-gbɛ̃̀à-là gɛ̀lɛ̀ lɛ́ àpɔ́sɔ̀lɔ̀ vɔ̀ wà dɔ̀-Wálà-lé-là-mìà nì wa dɔɔ là. Ká e kília mɔ́ɔ̀ gɛ̀lɛ̀ kpànazɛ̀ kpó-kpó lɛ́ e Kɛ́lɛ̀ì Zízɛ̀ dìè káa.

Ìfísɔ̃̀ 3:15

lɛ́ mia kɔ̀-píé-mìà séĩ́-séĩ́ lɛ́ o lɛ̀í, ɛ̃́ɛ̃́ lɛ́ o tã́ã̀ zèea, ò o tɔ́ sɔ̀lɔ̀ ɓo à kolo làa wɛlɛ mɔ̀.

Ìfísɔ̃̀ 4:30

Yékɛ̀ ká Wálà là Gɛ̀ɛ̀ Púlúa kɛ é yà yéĩ̀zɛ̀. Ƃii Gɛ̀ɛ̀ Púlúa lɛ́ e Wálà dɔ̀á ká ka mɔ̀ é tóá kíli lúó lɛ́ è lo nuù kɛ Wálà é ka ɓo wɔ̃́ yía, é ɓɔɔ káa.

1 Témɔ́tè 3:15

Kɛɛ yé maà tó zízàá gbèĩ nuù mɔ̀ɔ, kíí e kéa lɛ́ɛ̀ lo zi lɛ́ kɔ́áá wɔ̃́ kɛɛ̀ à ká Wálà là mia nì bàa zɔ̃̀ɔ̃̀ i lɛ̀ɛ. Wálà là mia nì o kília, lɛ́ o Wálà ɓéèe ɓɛ là ká lɛ́ e wɔ̃́ wánà zɛ̀ɛ gɛ̀nɛ̀-yìlì wà à kũ̀-lɛ̀í-pɛ̀ káa.

1 Témɔ́tè 6:19

Zí e kéa káa, óò lo pɛ kpɔ́lɔ̀ bɛ̀ipìà lɛ́ è lo kɛɛ̀ ká-gã̀ gágà zɛ̀ ká líé zàá wɛ̃́ĩ̀a bɛ̀iì à ká. Yé aà kɛ kília, bɛ̀i lɛ́ɛ̀ lo kɛɛ̀ o mɔ̀ kɛ ó kùnù kɛ̀ɓe lɛ́ lɛ kɛ̀ɓe kpó-kpó káa mɔ̀.

Hííbúlù 11:10

Ƃii Éɓɔ́lɔ́hã́ã̀ e kɛ yàá pɛ́lɛ lɛ́ Wálà aà à gɔ̃́, ɛ̃́ɛ̃́ lɛ́ aà à dɔ, lɛ́ à gã̀-gbɛ̃̀à-là gɛ̀lɛ̀ lɛ ɓe tòá kíli káa gɛ̀nɛ̀.

2 Pílɛ̀ 3:14

À mɔ́ɔ̀ wɔ̃̀ mɔ̀ɔ, m̀ lɔ̀-kɛ̀á-mìà, lɛ̀ lɛ́ ka tĩã́ yàá Lúó e kília gɛ̀nɛ̀ɛ, kà à kɛ-zì kpó-kpó naa yékɛ̀ pɛ píé ɛ̃́ɛ̃́ kɛɛ nɔ́ɔ fé dò é kɛ ka mɔ̀ Wálà wɛlɛ mɔ̀, ɛ̃́ɛ̃́ kɛɛ zò-yà-gé é kɛ kà ye nì ka fĩ̀ã̀.

1 Zɔ̃̀ɔ̃́ 2:19

Míá o kéa òó gbaa kɛ ko dò ká. Ye lɛ́ a kɛ lɛ́ o gó ko bàa. È kɛ̀á o kɛ ko dò káa, wáá tóò ko bà. Kɛɛ o gó ko bà, kɛɛ á zɔ̃̀ɔ̃̀ kpó-kpó ɓo kélɛ̀ o dò nɔ́ɔ fé òó gbaa kɛ ko dò ká.

Wɛ̀lɛ̀vèlésɔ̃̀ 17:8

Luú-wìì lɛ́ ɓa gɛ̃̀ɛ e kɛ ɓéèe. Kɛɛ ye wá ɓe gbaa. Lɛ gbaa kɛpìà kɛ é gó gùlù lɛ́ à tèá-pìà wá ɓea yí, kɛ é ló e yí-sìèpìà. Mia lɛ́ o yàlà kṹũ̀ lɛ kpóṹ là, lɛ́ o tɔ́ bɛ̃̀ɛ̃ɛ̃̀ wá nɛ́ kɛ̀ɓe-kiia yí kɛ bɛ̃̀ɛ̃ kpóṹ là é tĩã́ kɛɛ̀ ɓea káa, o lé paà lɛ́ɛ̀ lo kɛɛ̀ à ká yé waà kɛ luú-wìì e kília gɛ̃̀pìàa ká. E kɛ ɓéèe. Kɛɛ ye wá ɓe gbaa. Kɛɛ lɛ́ɛ̀ lo kɛɛ̀ zeĩ́ ɓe.

Wɛ̀lɛ̀vèlésɔ̃̀ 2:13

Ḿm̀ i kɛpìà lɛ́ Sétɔ̃̀ zì dɔ-táŋáná gbɛ̃̀ɛ̃̀ lɛ yía dɔ. Íì m wɔ̃̀ kũ gágà. I zì zò-dɔ̀à-mɔ̀ lɛ́ lɛ i yí m mɔ́ɔ̀ wɔ̃̀ mɔ̀ɔ, ìí gbaa kã́ à mɔ̀, lúó lɛ́ bɛ̃̀ɛ̃ o Ã́típà zɛ à káa ká. O Ã́típà lɛ́ e kɛ m zì kélá zò-dɔ̀à-mɔ̀ zɛ̀ káa zɛ ka fĩ̀ã̀ yi, lɛ̀ lɛ́ Sétɔ̃̀ lɛ yía mɔ̀.

Wɛ̀lɛ̀vèlésɔ̃̀ 21:14

Gàlà lɛ́ à ɓoò lɛ sɛ́lɛ́ e kília mɔ̀ɔ, à gã̀ gbɛ̃̀à-là-pɛ̀ e kɛ vũ̀ doó wɛ́lɛ́ pèèlɛ. Ƃáá nyɔ̀nɔ́ɔ là àpɔ́sɔ̀lɔ̀ vɔ̀ vũ̀ doó wɛ́lɛ́ pèèlɛɛ tɔ́ bɛ̃̀ɛ̃ɛ̃̀ e kɛ à ká gàlà gã̀ gbɛ̃̀à-là-pɛ̀ e kília mɔ̀ doó doó.

Wɛ̀lɛ̀vèlésɔ̃̀ 22:4

Óò lo à wɛlɛ gɛ̃̀ɛ̃̀, ɛ̃́ɛ̃́ à tɔ́ lɛ́ɛ̀ lo kɛɛ̀ o pelà.

Wɛ̀lɛ̀vèlésɔ̃̀ 3:8

Ḿm̀ i kɛ-wɔ̃̀ dɔ. Ì i tóó dɔ. Maà ká lé ɓo i wɛlɛ mɔ̀. Ɛ́ɛ̃́ mi gbɛɛ lɛ̀ɛ́ bɛ̀i ká e kília lé taà. Ḿm̀ à yí dɔ kélɛ̀ yíkɛ̀ gáàa ɓéĩ́ lɛ i kɛ̀lɛ̀. Ƃaà m wéè kɛ, ɛ̃́ɛ̃́ ìí m tɔ́ tèé ɓo do.