2 Témɔ́tè 2:16 - Wè-dɔ-wè Dɛɛ

¹⁶ Ì i dìè ɓo wéé lɛ́ Wálà tɔ́ lɛ̀ɛ́ ɓɔ à ɓoò yía bà. Wéé nì e kília, lɛ́ɛ̀ mia yí ɓo Wálà mɔ̀ bá le.

2 Témɔ́tè 2:16 Iomraidhean Croise

1 Kɔ̀léĩ́tĩ̀ã̀ 15:33

Yékɛ̀ ká kɛ mí ò bèkɛ̀ ɓoa ká. “Yé kà i ɓɛ́ɛ kɛ-pɛ̀ yɔɔ zɛ̀ kaà kɛ ka kíe píéa, lɛ́ɛ̀ lo i zì kɛ-kɔ̀ kɛɛ̀ yɔɔ.”

1 Kɔ̀léĩ́tĩ̀ã̀ 5:6

Ye wá sɛ̀ kɛɛ ká lé-gbùò-là kɛ. Kàá yí dɔ kélɛ̀ belè-kpo gbùòa pɛ́ a fɔ̀ɔ lɛ nɔ́ e ɓéĩ́ ká?

1 Témɔ́tè 1:9

Kóò à yí dɔ kélɛ̀ òó gbaa lɔ́ɔ̀ɔ kɛ wɔ̃́ kpeĩ kɛ-mìà lɛ̀ɛ. Kɛɛ à kɛɛ̀ lɛ míá o kéa o lɛ̀ɛ. O lɛ́ o kélɛ̀, lɔ́ɔ̀-sìè-mìà, e bɛ̀i mia lɛ́ òó mia wéè kɛɛ, ɛ̃́ɛ̃́ zeĩ́ mia lɛ́ ò wɔ̃́ yɔɔ kɛ̀ Wálà gbĩ mɔ̀ɔ, e bɛ̀i kɛ-wɔ̃̀ yɔɔ kɛ-mìà, ɛ̃́ɛ̃́ mia lɛ́ o wá Wálà là mia nì ká, lɛ́ òó gbini à lɛ̀ɛ káa. O dò lɛ́ zeĩ́ e mia lɛ́ ò o dàa nì, ɛ̃́ɛ̃́ lèe nì zɛɛò, ɛ̃́ɛ̃́ mia zɛ-mìà,

1 Témɔ́tè 4:7

Kɛɛ ì i kɔ̀ ɓo pĩ̀ã̀ lɛ́ Wálà tɔ́ lɛ̀ɛ́ ɓɔ à ɓoò yí, ɛ̃́ɛ̃́ lɛ́ à yí wáá mɔ̀ɔ bà. Ì i dìè mɛ́ dã́ kɛ í kɛ ɓe lɛ̀ zí Wálà à nàà à káa lɛ́ ɓe.

1 Témɔ́tè 6:20

Témɔ́tè, pɛ lɛ́ waà kpɔ́ i kɔ̀ làa, ì i yɛ́lɛ́ yiè kɛ à píé. Wéé lɛ́ Wálà tɔ́ lɛ̀ɛ́ ɓɔ à ɓoò yíaò, e bɛ̀i, tèé yí gíniìa zɛ̀ dàaà, lɛ́ mia gbṹũ̀ ò à si gíkã́a, lɛ́ ye wá mɔṹ gíkã́ káa, ì o mɛ́ kpɔ́.

2 Témɔ́tè 2:14

Ì mia zò vùò wɔ̃́ e kéa ká. Ɛ́ɛ̃́ ì lìè-wè dɔ o lɛ̀ɛ Wálà wɛlɛ mɔ̀ kélɛ̀ yékɛ̀ ó wéé dɔ wéé doò do mɔ́ɔ̀ wɔ̃̀ mɔ̀. Wéé dɔɔ̀ lɛ̀ɛ́ wɔ̃́ yiè gbɛɛ kɛ. Kɛɛ lɛ́ɛ̀ mia lɛ́ ò o tóó dɔɔ wi tã́ã̀.

2 Témɔ́tè 2:21

Yé mi dò aà gó wɔ̃́ yɔɔ séĩ́ e kília kɛɛ̀ lɛ̀ɛ, tó áà e dìè mɛ́ pɛ̀lɛ̀ɛ, óò lo à síì wɔ̃́ kpànazɛ̀ kɛɛ̀ wɛ̃́ĩ̀. Ƃii mí e kília lɛ Wálà doó là mi ká, ɛ̃́ɛ̃́ bɛ̀i lɛ à Dàa-mì bɛ̃̀ɛ̃ mɔ̀ kɛ é yɛɓo kɛ à ká. À pɛ̀ kɛɛ̀ lɛ kɛ à Dàa-mì é yɛɓo kɛ à ká wɔ̃́ yiè nɔ́ɔ fé mɔ́ɔ̀ wɔ̃̀ mɔ̀.

2 Témɔ́tè 3:13

Kɛɛ mia kɛ-pɛ̀ yɔɔ zɛ̀, ɛ̃́ɛ̃́ mia lɛ́ ò mia bèkɛ̀ ɓoa, wɔ̃́ yɔɔ lɛ́ ò kɛ̀ɛ là lɛ́ɛ̀ lo kɛɛ̀ kpɔ́pìà teele. Óò lo lóò o líé mia bèkɛ̀ ɓoò ká, tó mia gbɛɛ bɛ̃̀ɛ̃ wáà o bèkɛ̀ ɓò.

Tátɔ̀ 1:11

Lɛ sɛ̀ kɛ mi dò á kɛ ó o lɛ̀à ga. Ƃii o ye-mìà kù gbɔ́ù zɛ̀ bùlé gbinipìà wɔ̃́ lɛ́ ye wá o mɔ̀ ó zɔ̃̀ɔ̃̀, lɛ́ ò zɔ̃̀ɔ̃̀ɔ ká. Wɔ̃́ yɛ́lɛ̀ zɛ̀ lɛ́ ò mɔ́ɔ̀ à kɛ ɓoa, lɛ́ e kélɛ̀, óò nàà ó pɛlèe sɔ̀lɔ̀ ɓo.

Tátɔ̀ 1:14

ɛ̃́ɛ̃́ yékɛ̀ ó kùnù gbaa Zúù-mìà zì pĩ̀ã̀, e bɛ̀i, wɔ̃́ lɛ́ mia waà à gèe ó kɛɛ mɔ̀. Wɔ̃́ nì o kília, óò go mia lɛ́ waà o ko gbɛ̃̀ wɔ̃́ wánà zɛ̀ɛ mɔ̀ɔ kɛ̀lɛ̀.

Tátɔ̀ 3:9

Kɛɛ ì wɔ̃́ nì e kéa mɛ́ kpɔ́. O lɛ́ o kélɛ̀, tèé yí gíniìa zɛ̀ dàaà, e bɛ̀i, mia sùu gã̀ pɛ́ɛ̀, ɛ̃́ɛ̃́ zeĩ́ wéé dɔɔ̀, ɛ̃́ɛ̃́ gèlè lɛ́ ò gɔ̃ Lɔ́ɔ̀ɔ káa káa. O wɔ̃́ fèle wà wɔ̃́ ɓɔ̀ɔ ká.

Hííbúlù 12:15

Kà ka yɛ́lɛ́ kɛ ka dìè píé, yékɛ̀ mi nɔ́ɔ fé é e ko gbɛ̃̀ Wálà zì zò-kɛ̀-sɛ̀ɛ mɔ̀. Kà ka yɛ́lɛ́ kɛ ka dìè píé yékɛ̀ mi nɔ́ɔ fé é kɛ ka bà, é kɛ lɛ̀ pɛ píní nyɔ́ɔ̀ɔ lɛ́ è ɓɔ tó áà e zì kɛ̀-nyɔ́ɔ̀ɔ-làa wɛ̃̀ĩ̀ e ɓɛ́ĩ̀ yí, tó áà wéé kã̀a lɛ́ ɓe.

2 Pílɛ̀ 2:18

Óò lé-gbùò-là kɛ̀, tó wáà wéé wũ-nyɛ̀à-mɔ̀ zɛ̀ gèè. Óò wɔ̃́ yɔɔ kɛ-lɔ̀ lɛ́ è mia gbĩ-kpàla kɛ̀ɛ si, tó wáà zi nàà à ká mia mɔ̀. Míá ò kɛ̀ o ká kília, o lɛ́ o mia lɛ́ o gópìà gbaa mia lɛ́ o ɓe wɔ̃́ nì lɛ́ ye wá kpeĩa bàa káa.

2 Pílɛ̀ 2:2

Kɛɛ mia búnùzɛ̀ óò lo tóò o zì sɔ̃̀ɔ̃ yɔɔ kɛ-zìa píé. Ɛ́ɛ̃́ mia óò lo wɔ̃́ yɔɔ gèeè zi lɛ́ à gbɛ̃̀ɛ̃̀ lɛ wánà-wɔ̃̀ɔ mɔ̀ɔ gbĩ mɔ̀ wɔ̃́ lɛ́ pɛ-zɔ̃̀ɔ̃̀-mìàa ò kɛ̀ɛ kolo là.

Wɛ̀lɛ̀vèlésɔ̃̀ 13:14

Wɔ̃́ kpàlézɛ̀ lɛ́ o wéé à mɔ̀ é à kɛ luú-wìì bèĩzɛ̀ɛ nyìɛ mɔ̀ɔ, e kɛ mia séĩ́ lɛ́ o pà e kɛá tã́ã̀ zèea bèkɛ̀ ɓopìà à ká. A gèe mia séĩ́ lɛ̀ɛ ó luú-wìì bèĩzɛ̀ɛ bĩ́ sí kɛ é kɛ ɓɛ̀lɛyà ká, wáà nɔ̀á luú-wìì lɛ́ à gĩ̀ĩĩ̀ e kɛá gèlè-gɔ̃-làà ká, ɛ̃́ɛ̃́ lɛ́ lɛ ɓe tĩã́a à lɛ̀ɛ.

Wɛ̀lɛ̀vèlésɔ̃̀ 13:3

Luú-wìì e kília wũ-kèlè doó-mì e kɛ lɛ̀ pɛ lɛ́ waà zɛ do. Kɛɛ ɓa lɛ́ e à zɛɛ aà ga. Kpóṹ là zèe mìà séĩ́ o lé paà e kɛá, wáà tò à ká luú-wììa píé.